വീഡിയോയും ശബ്ദരേഖയുമെല്ലാം എഐ; ആരോപണങ്ങൾക്ക് പിന്നാലെ പ്രതികരിച്ച് അജ്മൽ അമീർ
Monday, October 20, 2025 10:20 AM IST
തനിക്കെതിരെ പുറത്തുവന്ന ലൈംഗിക ആരോപണങ്ങളിൽ പ്രതികരിച്ച് നടന് അജ്മല് അമീര്. പുറത്തുവന്ന ശബ്ദ സന്ദേശങ്ങൾ തന്റേതല്ലെന്നും എഐ ഉപയോഗിച്ച് ഉണ്ടാക്കിയതാണെന്നും അജ്മൽ പറഞ്ഞു.
ഇത്തരം ആരോപണങ്ങള് കൊണ്ട് തന്നെ തകര്ക്കാനാകില്ലെന്നും സാമൂഹ്യമാധ്യമങ്ങളില് തന്നെ പിന്തുണച്ചവര്ക്ക് നന്ദിയുണ്ടെന്നും ഇൻസ്റ്റഗ്രാമിൽ പങ്കുവച്ച വീഡിയോയിൽ അജ്മല് പറഞ്ഞു.
അജ്മല് അമീറിന്റെ വാക്കുകള്
വ്യാജമായി ഉണ്ടാക്കിയ ഒരു കഥയ്ക്കും എഐ ഉപയോഗിച്ചുണ്ടാക്കിയ വ്യാജ ശബ്ദ സന്ദേശത്തിനും എന്നെയും എന്റെ കരിയറിനെയും തകര്ക്കാന് കഴിയില്ല. ഇതിലും വലിയ ആരോപണങ്ങളുണ്ടായിട്ടും അത് തെറ്റെന്ന് തെളിയിച്ച് സര്വശക്തന്റെ മാത്രം അനുഗ്രഹം കൊണ്ട് മുന്നോട്ട് പോകുന്ന വ്യക്തിയാണ് ഞാന്.
കൃത്യമായി ഒരു മാനേജറോ ഒരു പിആര് ടീമോ എനിക്കില്ല. പണ്ട് എപ്പോഴോ എന്റെ ഫാന്സുകാര് തുടങ്ങിയ സോഷ്യല്മീഡിയ പ്രൊഫൈലാണ് ഇപ്പോഴും ഉപയോഗിക്കുന്നത്.
പക്ഷേ ഇന്നുമുതല് എല്ലാ കണ്ടന്റുകളും എല്ലാ കാര്യങ്ങളും ഞാന് മാത്രമായിരിക്കും നോക്കുന്നത്. രണ്ട് ദിവസം മുന്പ് വളരെ മോശമായിട്ട് എന്നെക്കുറിച്ച് ഒരു വാര്ത്ത പുറത്തുവന്നു. എന്നെ സോഷ്യല് മീഡിയയില് സപ്പോര്ട്ട് ചെയ്ത എല്ലാവര്ക്കും നന്ദിയും സ്നോഹവും അറിയിക്കുന്നു.
എന്നെ അപമാനിക്കാന് ഒരുപാട് പോസ്റ്റുകളിട്ട സോഷ്യല് മീഡിയ ഉപഭോക്താക്കള്ക്ക് സമൂഹത്തോടുള്ള കരുതലും സ്നേഹവും കണ്ടിട്ട് എനിക്ക് ബഹുമാനം തോന്നുന്നു. ഒരുപാട് തെറിവിളികള്ക്കും മുകളില് എന്നെ സാന്ത്വനിപ്പിച്ചുകൊണ്ട്, ആശ്വസിപ്പിച്ചുകൊണ്ട് വരുന്ന മെസജുകളും കോളുകളും തന്ന ശക്തിയാണ് ഞാന് ഇന്ന് നിങ്ങള്ക്ക് മുന്നില് ഇരിക്കാനുള്ള കാരണം. എനിക്ക് മുന്നോട്ട് പോകാനുള്ള ശക്തി നിങ്ങളാണ്. എന്നെ പിന്തുണച്ച എല്ലാവര്ക്കും ഒരായിരം നന്ദി.’
കഴിഞ്ഞ ദിവസം സമൂഹമാധ്യമങ്ങളിലൂടെയാണ് അജ്മലിന്റെ വീഡിയോ കോൾ ദൃശ്യങ്ങളും ശബ്ദ സന്ദേശങ്ങളും പുറത്തു വന്നത്. വാട്സാപ്പ് കോള് റിക്കോഡ് ചെയ്തതിന്റെ ഒരു ഭാഗമാണ് പുറത്തുവന്നത്.
തന്റെ കല്യാണം കഴിഞ്ഞതല്ലേ എന്ന് പെണ്കുട്ടി ചോദിക്കുമ്പോള് അതൊന്നും താന് അറിയേണ്ടെന്നും താന് താമസ സൗകര്യം ഒരുക്കി തരാമെന്നും അജ്മല് പറയുന്നുണ്ട്.
2007-ല് പുറത്തിറങ്ങിയ പ്രണയകാലം എന്ന ചിത്രത്തിലൂടെയാണ് അജ്മല് അമീർ സിനിമയിൽ അരങ്ങേറ്റം കുറിച്ചത്.