കാക്കനാട്: തൃക്കാക്കര നഗരസഭയിലെ എം.ജെ. ഡിക്സൺ കൗൺസിലർ സ്ഥാനം രാജിവച്ചു.
സിപിഐ പ്രതിനിധിയായിരുന്ന ഡിക്സൺ പാർട്ടിയിൽ ഉണ്ടായ അസ്വാരസ്യങ്ങളെ തുടർന്നാണ് രാജിവച്ചത്. ഉപാധികളില്ലാതെ സിപിഎമ്മിൽ ചേർന്നു പ്രവർത്തിക്കുമെന്ന് എം.ജെ. ഡിക്സൺ പറഞ്ഞു.
തൃക്കാക്കര നഗരസഭാ ആരോഗ്യ സ്ഥിരംസമിതി അംഗമായിരുന്നു. നഗരസഭയിൽ സിപി ഐ പാർലിമെന്ററി ലീഡർ സ്ഥാനത്തു നിന്നും ഡിക്സനെ സിപിഐ നേതൃത്വം പിൻവലിച്ചിരുന്നു.
സ്നേഹനിലയം വാർഡിൽ നിന്നുള്ള സിപി ഐ പ്രതിനിധി കെ.എക്സ്. സൈമൺ പകരം ചുമതല വഹിച്ചു വരികയായിരുന്നു.