ഡ്രാ​ഗ​ൺ ഫ്രൂ​ട്ടി​ൽ പൊ​ന്നു​വി​ള​യി​ച്ച് പ്ര​വാ​സി​യു​ടെ കൃ​ഷി​യി​ടം. അ​മ്പ​ല​പ്പാ​റ​യി​ലാ​ണ് ഒ​ന്ന​ര​യേ​ക്ക​റി​ൽ എ​ണ്ണൂ​റി​ലേ​റെ ഡ്രാ​ഗ​ൺ​ഫ്രൂ​ട്ട് ചെ​ടി​ക​ൾ വ​ള​ർ​ത്തി ഉ​ട​മ രാ​മ​ച​ന്ദ്ര​ൻ ലാ​ഭം കൊ​യ്യു​ന്ന​ത്.

സീ​സ​ണാ​യാ​ൽ 700 കി​ലോ​യി​ലേ​റെ ഡ്രാ​ഗ​ൺ​ഫ്രൂ​ട്ട് ല​ഭി​ക്കും. വി​പ​ണി​ക്കും അ​ല​യേ​ണ്ട. നാ​ട്ടി​ൻ​പു​റ​ങ്ങ​ളി​ൽ അ​ത്ര സു​പ​രി​ചി​ത​മ​ല്ലാ​തി​രു​ന്ന കൃ​ഷി​യെ വീ​ട്ടു​പ​റ​മ്പി​ൽ വി​ള​യി​ച്ച ക​ട​മ്പൂ​ർ ല​ക്ഷം​വീ​ട് ജം​ഗ്ഷ​ൻ വ​രി​ക്കോ​ട്ടി​ൽ കി​ഴ​ക്കേ​ക്ക​ര രാ​മ​ച​ന്ദ്ര​ൻ (66) മ​റ്റു​ള്ള​വ​ർ​ക്കും മാ​തൃ​ക​യാ​ണ്.

പ​ത്തു​വ​ർ​ഷം മു​മ്പ്പ്ര​വാ​സ​ജീ​വി​തം മ​തി​യാ​ക്കി നാ​ട്ടി​ലെ​ത്തി​യ​പ്പോ​ൾ തു​ട​ർ ജീ​വി​ത​ത്തി​ന് കൃ​ഷി​യാ​ണ് രാ​മ​ച​ന്ദ്ര​ൻ തെ​ര​ഞ്ഞെ​ടു​ത്ത​ത്. നെ​ല്ല്, റ​ബ്ബ​ർ, വാ​ഴ തു​ട​ങ്ങി​യ കൃ​ഷി​ക​ളു​മാ​യി മു​ന്നോ​ട്ടു​പോ​കു​ന്ന​തി​നി​ടെ യാ​ദൃ​ശ്ചി​ക​മാ​യാ​ണ് രാ​മ​ച​ന്ദ്ര​ൻ ഡ്രാ​ഗ​ൺ ഫ്രൂ​ട്ട് കൃ​ഷി​യി​ലേ​ക്ക്‌ തി​രി​ഞ്ഞ​ത്.

2022ൽ ​അ​മ്പ​ല​പ്പാ​റ കൃ​ഷി​ഭ​വ​നി​ൽ​നി​ന്ന് ല​ഭി​ച്ച 240 തൈ​ക​ളു​മാ​യി അ​ര​യേ​ക്ക​റി​ലു​ണ്ടാ​യി​രു​ന്നു ആ​ദ്യം ഡ്രാ​ഗ​ൺ ഫ്രൂ​ട്ട് കൃ​ഷി. പി​ന്നീ​ട് അ​ട്ട​പ്പാ​ടി​യി​ൽ​നി​ന്ന് അ​മേ​രി​ക്ക​ൻ ബ്യൂ​ട്ടി വി​ഭാ​ഗ​ത്തി​ൽ​പ്പെ​ട്ട കൂ​ടു​ത​ൽ ചെ​ടി​ക​ളെ​ത്തി​ച്ചു.


അ​ക​ക്കാ​ന്പി​ന് റോ​സ് നി​റ​മു​ള്ള പ​ഴ​ങ്ങ​ളാ​ണ് വി​ള​യു​ന്ന​ത്. പൂ​വി​ട്ടാ​ൽ 30 ദി​വ​സം​കൊ​ണ്ട് പ​ഴം​ല​ഭി​ക്കു​മെ​ന്നു രാ​മ​ച​ന്ദ്ര​ൻ പ​റ​യു​ന്നു. ന​ന്നാ​യി പ​രി​പാ​ലി​ച്ചാ​ൽ എ​ട്ടു​മാ​സം​കൊ​ണ്ട് ഡ്രാ​ഗ​ൺ​ഫ്രൂ​ട്ട് വി​ള​യു​മെ​ന്നും രാ​മ​ച​ന്ദ്ര​ന്‍റെ അ​നു​ഭ​വ​സാ​ക്ഷ്യം. ക​ട​മ്പ​ഴി​പ്പു​റ​ത്തും ഒ​റ്റ​പ്പാ​ല​ത്തു​മാ​ണ് വി​ൽ​ക്കാ​റു​ള്ള​ത്.

ആ​വ​ശ്യ​ക്കാ​ർ​ക്ക് തൈ​ക​ളും ന​ൽ​കാ​റു​ണ്ട്. ക​ഴി​ഞ്ഞ​വ​ർ​ഷം മൂ​വാ​യി​ര​ത്തോ​ളം തൈ​ക​ളാ​ണ് ചാ​വ​ക്കാ​ട്, നി​ല​മ്പൂ​ർ തു​ട​ങ്ങി​യ സ്ഥ​ല​ങ്ങ​ളി​ലെ ആ​വ​ശ്യ​ക്കാ​രി​ലേ​ക്ക് എ​ത്തി​ച്ച​ത്. അ​വ​ക്കാ​ഡോ, റം​ബു​ട്ടാ​ൻ, ജെ​ബോ​ട്ടി​ക്ക, അ​ബി​യു എ​ന്നീ പ​ഴ​വ​ർ​ഗ​ക്കൃ​ഷി​യി​ലേ​ക്കു​കൂ​ടി തി​രി​ഞ്ഞി​രി​ക്ക​യാ​ണ് രാ​മ​ച​ന്ദ്ര​ൻ.