ചെ​റു​പ്പ​ത്തി​ൽ ഈ ​നാടൻ ശീല് കേ​ൾ​ക്കാ​ത്ത​വ​ർ ചു​രു​ക്ക​മാ​യി​രി​ക്കും. ച​ങ്ങ​നാ​ശേ​രി​യു​ടെ ആ​ധു​നി​ക ച​രി​ത്ര​ത്തോ​ടൊ​പ്പം വ​ള​ർ​ന്ന പാ​റേ​ൽ പ​ള്ളിയി​ലെ തി​രു​നാ​ളി​ന് ജ​ന​ങ്ങ​ൾ​ക്കി​ട​യി​ൽ എ​ത്ര​ത്തോ​ളം പ്ര​ചാ​ര​മു​ണ്ടാ​യി​രു​ന്നു എ​ന്നു സൂ​ചി​പ്പി​ക്കു​ന്നതാണ് ഈ ഈരടികൾ.

1904 മു​ത​ലു​ള്ള സ​മ്പ​ന്ന​മാ​യ പാ​ര​മ്പ​ര്യ​മു​ണ്ട് ഈ ​തി​രു​നാ​ൾ ആ​ഘോ​ഷ​ത്തി​ന്. 1906 ഡി​സം​ബ​ർ എ​ട്ടി​നാ​ണ് പ​ള്ളി​ക്കൂദാ​ശ​യ്ക്കു ശേ​ഷ​മു​ള്ള ആ​ദ്യ തി​രു​നാ​ൾ ആ​ഘോ​ഷി​ച്ച​ത്. മാ​ർ മാ​ത്യു മാ​ക്കീ​ൽ പൊ​ന്തി​ഫി​ക്ക​ൽ കു​ർ​ബാ​ന ചൊ​ല്ലി ആ​രം​ഭി​ച്ച ഈ ​തി​രു​നാ​ളി​ന്, മാ​ർ​പാ​പ്പ​യു​ടെ പ്ര​ത്യേ​ക ദ​ണ്ഡ​വി​മോ​ച​ന അ​നു​വാ​ദ​വും ല​ഭി​ച്ചി​രു​ന്നു.

തു​ട​ർ​ന്നു​ള്ള വ​ർ​ഷ​ങ്ങ​ളി​ലും മാ​ർ തോ​മ​സ് കു​ര്യാ​ള​ശേ​രി, മാ​ർ ജെ​യിം​സ് കാ​ളാ​ശേ​രി, മാ​ർ മാ​ത്യു കാ​വു​കാ​ട്ട് തു​ട​ങ്ങി​യ അ​ഭി​വ​ന്ദ്യ പി​താ​ക്ക​ന്മാ​രു​ടെ​യെ​ല്ലാം സാ​ന്നി​ധ്യ​ത്താ​ലും കാ​ർ​മി​ക​ത്വ​ത്താ​ലും ഈ ​തി​രു​നാ​ൾ ധ​ന്യ​മാ​യി.

വി​ദേ​ശ​യാ​ത്രാ സാ​ഹ​ച​ര്യ​ങ്ങ​ൾ ഒ​ഴി​ച്ചാ​ൽ ഡി​സം​ബ​ർ എ​ട്ടി​ലെ വി​ശു​ദ്ധ കു​ർ​ബാ​ന​യ്ക്കു ച​ങ്ങ​നാ​ശേ​രി മെ​ത്രാ​പ്പോ​ലീ​ത്താ എ​ത്തു​ന്ന ഈ ​പാ​ര​മ്പ​ര്യം ഇ​ന്നും തു​ട​രു​ന്നു. ച​ങ്ങ​നാ​ശേ​രി രൂ​പ​ത​യി​ലെ പ്ര​ശ​സ്ത​രും വാ​ഗ്മി​ക​ളു​മാ​യ വൈ​ദി​ക​രു​ടെ പ​രി​ശു​ദ്ധ മ​റി​യ​ത്തെ​ക്കു​റി​ച്ചു​ള്ള പ്ര​ഭാ​ഷ​ണം തി​രു​നാ​ൾ ദി​ന​ത്തി​ലെ പ്ര​ത്യേ​ക​ത​യാ​യി​രു​ന്നു

മ​താ​ത്മ​ക​ത​യും ആ​ത്മീ​യ​ത​യും ഭൗ​തി​ക​ത​യും ഒ​രേ​പോ​ലെ സം​ഗ​മി​ക്കു​ന്ന​താ​ണ് ഈ ​പാ​റേ​ൽ തി​രു​നാ​ൾ.

പാ​റേ​ൽ മാ​താ​വി​നോ​ടു​ള്ള അ​ഗാ​ധ​മാ​യ ഭ​ക്തി ഈ ​നാ​ടി​ന്‍റെ​ത​ന്നെ പ്ര​ത്യേ​ക​ത​യാ​ണ്. ഒ​രു​നൂ​റ്റാ​ണ്ടി​ലേ​റെ​യാ​യി ച​ങ്ങ​നാ​ശേ​രി​യു​ടെ സ്പ​ന്ദ​ന​മാ​യി നി​ല​കൊ​ള്ളു​ന്ന ഈ ​തി​രു​നാ​ൾ, എ​ല്ലാ മ​നു​ഷ്യ​രെ​യും ഒ​രു​മി​ച്ചു കൂ​ട്ടു​ന്ന സ്നേ​ഹ​ത്തി​ന്‍റെ​യും മൈ​ത്രി​യു​ടെ​യും കാ​ർ​ണി​വ​ൽ കൂ​ടി​യാ​ണ്. ഈ ​ബ​ഹ​ള​സ​ന്തോ​ഷ​മാ​ണ് പാ​റേ​ൽ തി​രു​നാ​ളി​ന്‍റെ പ്ര​ത്യേ​ക​ത.

പ​ഴ​യ കാ​ല​ങ്ങ​ളി​ൽ ആ​ളു​ക​ൾ വീ​ട്ടി​ലേ​ക്ക് ആ​വ​ശ്യ​മാ​യ കൊ​ട്ട​യും മു​റ​വും പാ​യ​യും ക​ത്തി​യും പി​ച്ചാ​ത്തി​യും അ​ട​ക്ക​മു​ള്ള വീ​ട്ടു​പ​ക​ര​ണ​ങ്ങ​ൾ വാ​ങ്ങു​ന്ന​തു തി​രു​നാ​ൾ സ്ഥ​ല​ത്തെ താ​ത്കാ​ലി​ക ച​ന്ത​ക​ളി​ൽ​നി​ന്നാ​യി​രു​ന്നു. ക്രി​സ്മ​സ് അ​ടു​ത്ത​വ​രു​ന്ന നാ​ളു​ക​ൾ ആ​യ​തി​നാ​ൽ പു​ൽ​ക്കൂ​ടി​നാ​വ​ശ്യ​മാ​യ വ​സ്തു​ക്ക​ളും ഇ​വി​ടെ​നി​ന്നു സം​ഭ​രി​ച്ചി​രു​ന്നു.

തി​രു​നാ​ൾ ക​ഴി​ഞ്ഞു വ​രു​ന്ന കു​ടും​ബ​ങ്ങ​ളു​ടെ കൈ​യി​ൽ ഉ​ഴു​ന്നാ​ട​യും ഈ​ന്ത​പ്പ​ഴ​വും ചോ​ള​പ്പൊ​രി​യും അ​ട​ങ്ങി​യ ഒ​രു ക​വ​ർ..... ബ​ലൂ​ണും പീ​പ്പി​യും പി​ടി​ച്ച കു​ട്ടി​ക​ൾ... മാ​ല​യും വ​ള​യും മ​റ്റു​മാ​യി ബാ​ലി​ക​മാ​രും യു​വ​തി​ക​ളും .... മൊ​ത്ത​ത്തി​ൽ ഒ​രു വ​ർ​ണപ്പ​കി​ട്ടാ​ണ് എ​ക്കാ​ല​വും പാ​റേ​ലെ പെ​രു​ന്നാ​ൾ.

Tags : Parelpally Feast Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash Cathedral