ത​ളി​പ്പ​റ​മ്പ്:വാ​ഹ​നാ​പ​ക​ട​വു​മാ​യി ബ​ന്ധ​പ്പെ​ട്ട് പോ​ലീ​സ് സ്റ്റേ​ഷ​നി​ലെ​ത്തി​യ സം​ഘം ബ​ഹ​ളം വയ്​ക്കു​ക​യും പോ​ലീ​സി​ന്‍റെ ഔ​ദ്യോ​ഗി​ക കൃ​ത്യ​നി​ർ​വ​ഹ​ണം ത​ട​സ​പ്പെ​ടു​ത്തു​ക​യുംചെ​യ്ത തിന് ആ​റു പേ​ർ അ​റ​സ്റ്റി​ൽ.

പ​ട്ടു​വം മു​റി​യാ​ത്തോ​ടി​ലെ കെ.​വി.രാ​ജേ​ഷ് (34 ), പ​ട്ടു​വം കു​ഞ്ഞി​മു​റ്റ​ത്തെ ക​ള​ത്തേ​ര ഹൗ​സി​ൽ സ​ജീ​ഷ് (40), കാ​വു​ങ്കാ​ലി​ലെ ആ​ന​യ​ൻ വീ​ട്ടി​ൽ റി​നീ​ഷ് (32), കാ​വു​ങ്ക​ൽ അ​ത്തി​ലാ​ട്ട് ഹൗ​സി​ൽ നി​ജി​ൽ കു​മാ​ർ (39) ,പ​ട്ടു​വ​ത്തെ എം. ​ലി​നി​ൽ (32) എ​ന്നി​വ​രെ​യാ​ണ് ത​ളി​പ്പ​റ​മ്പ് എ​സ്ഐ യ​ദു​കൃ​ഷ്ണ​ൻ അ​റ​സ്റ്റ് ചെ​യ്ത​ത്. ഇ​വ​ർ സ്റ്റേ​ഷ​നി​ൽ ബ​ഹ​ള​മു​ണ്ടാ​ക്കു​ന്ന​തി​ന്‍റെ വീ​ഡി​യോ സ​മൂ​ഹമാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു.

ക​ഴി​ഞ്ഞ വ്യാ​ഴാ​ഴ്ച രാ​ത്രി പ​തി​നൊ​ന്നോ​ടെ​യാ​യി​രു​ന്നു സം​ഭ​വം. പു​ളി​ന്പ​റ​ന്പ് മു​ത്ത​പ്പ​ൻ ക്ഷേ​ത്ര​ത്തി​നു സ​മീ​പം പ്ര​തി​ക​ൾ സ​ഞ്ച​രി​ച്ചി​രു​ന്ന കാ​റി​ൽ ബൈ​ക്ക് ത​ട്ടു​ക​യും കാ​റി​ന്‍റെ റി​യ​ർ​വ്യു മി​റ​ർ ത​ക​രു​ക​യും ചെ​യ്തി​രു​ന്നു. ഇ​തി​ൽ പ്ര​കോ​പി​ത​രാ​യി ഇ​വ​ർ ബൈ​ക്ക് യാ​ത്രി​ക​നെ മ​ർ​ദി​ക്കു​ക​യും സം​ഘ​ർ​ഷാ​വ​സ്ഥ ഉ​ട​ലെ​ടു​ക്കു​ക​യും ചെ​യ്തു.

സ്ഥ​ല​ത്തെ​ത്തി​യ പോ​ലീ​സ് എ​ല്ലാ​വ​രോ​ടും സ്റ്റേ​ഷ​നി​ലെ​ത്താ​ൻ ആ​വ​ശ്യ​പ്പെ​ട്ട​തി​നെ തു​ട​ർ​ന്ന സ്റ്റേ​ഷ​നി​ലെ​ത്തി​യ ഇ​വ​ർ പോ​ലീ​സി​നോ​ട് ത​ട്ടി​ക്ക​യ​റി.

സി​ഐ എ.​വി. ദി​നേ​ശ​ന്‍റെ നേ​തൃ​ത്വ​ത്തി​ൽ കൂ​ടു​ത​ൽ പോ​ലീ​സ് സ്റ്റേ​ഷ​നി​ലെ​ത്തി​യാ​ണ് സം​ഘ​ർ​ഷാ​വ​സ്ഥ ഒ​ഴി​വാ​ക്കി​യ​ത്. ഇ​തി​നി​ടെ പ്ര​തി​ക​ൾ കാ​ർ ഉ​പേ​ക്ഷി​ച്ച് സ്റ്റേ​ഷ​നി​ൽനി​ന്ന് ഓ​ടി ര​ക്ഷ​പ്പെ​ട്ടു.