ഇ​രി​ട്ടി: ആ​റ​ളം പ​ഞ്ചാ​യ​ത്തി​ലെ ഏ​ച്ചി​ല്ലം തോ​ട്ടു​ക​ട​വി​ലെ 50 വ​ർ​ഷ​ത്തോ​ളം പ​ഴ​ക്കം​ചെ​ന്ന പാ​ലം അ​പ​ക​ടാ​വ​സ്ഥ​യി​ൽ. കാ​ല​പ്പ​ഴ​ക്ക​ത്തി​ൽ പാ​ല​ത്തി​ന്‍റെ ക​രി​ങ്ക​ൽ ഭി​ത്തി​ക​ൾ ത​ക​ർ​ന്ന​തോ​ടെ പാ​ല​ത്തി​ലൂ​ടെ​യു​ള്ള യാ​ത്ര അ​പ​ക​ടം നി​റ​ഞ്ഞ​താ​കു​ന്നു. എ​ടൂ​ർ-​പോ​സ്റ്റോ​ഫീ​സ്-​ഏ​ച്ചി​ല്ലം വ​ഴി​യും ഇ​രി​ട്ടി- ജ​ബ്ബാ​ർ​ക​ട​വ് വ​ഴി​യും ആ​റ​ള​ത്തേ​ക്ക് ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന വ​ഴി​യി​ലെ പാ​ല​മാ​ണി​ത്.

സ്കൂ​ൾ വി​ദ്യാ​ർ​ഥി​ക​ളെ ക​യ​റ്റി പോ​കു​ന്ന വാ​ഹ​ന​ങ്ങ​ളും ഈ ​അ​പ​ക​ടം നി​റ​ഞ്ഞ പാ​ല​ത്തി​ലൂ​ടെ വേ​ണം ക​ട​ന്നു​പോ​കാ​ൻ. പാ​ല​ത്തി​ന്‍റെ ഒ​രു​ഭാ​ഗ​ത്തെ കൈ​വ​രി​ക​ൾ ത​ക​ർ​ന്ന​തോ​ടെ കാ​ൽ​ന​ട​യാ​ത്ര​ക്കാ​രും ദു​രി​ത​ത്തി​ലാ​ണ്. കാ​ൽ​ന​ട യാ​ത്ര​ക്കാ​ർ പാ​ല​ത്തി​ലൂ​ടെ ക​ട​ന്നു​പോ​കു​മ്പോ​ൾ വാ​ഹ​നം വ​ന്നാ​ൽ ഓ​ടി​മാ​റി​യി​ല്ലെ​ങ്കി​ൽ അ​പ​ക​ട​ത്തി​ൽ​പെ​ടു​ന്ന സാ​ഹ​ച​ര്യ​മാ​ണ്. അ​ല്പ​മൊ​ന്ന് ശ്ര​ദ്ധ പാ​ളി​യാ​ൽ തോ​ട്ടി​ൽ വീ​ണ് അ​പ​ക​ടം സം​ഭ​വി​ക്കാ​നു​ള്ള സാ​ധ്യ​ത​യും കൂ​ടു​ത​ലാ​ണ്.

ജി​ല്ലാ പ​ഞ്ചാ​യ​ത്തി​ന്‍റെ അ​ധീ​ന​ത​യി​ലു​റോ​ഡി​ൽ പു​തി​യ പാ​ലം നി​ർ​മി​ക്കാ​ൻ തു​ക അ​നു​വ​ദി​ച്ചു​കൊ​ണ്ടു​ള്ള ഫ്ല​ക്സ് ബോ​ർ​ഡു​ക​ൾ നാ​ട്ടി​ൽ നേ​ര​ത്തെ പ്ര​ത്യ​ക്ഷ​പെ​ട്ടി​രു​ന്നു. മാ​സ​ങ്ങ​ൾ​ക്ക് മു​ൻ​പ് ബാ​ന​ർ പ്ര​ത്യ​ക്ഷ​പെ​ട്ട​തോ​ടെ പു​തി​യ പാ​ലം പ്ര​തീ​ക്ഷി​ച്ചി​രു​ന്ന പ്ര​ദേ​ശ​വാ​സി​ക​ൾ പാ​ല​ത്തി​ന്‍റെ ജോ​ലി​ക​ൾ ആ​രം​ഭി​ക്കാ​തെ വ​ന്ന​തോ​ടെ നി​രാ​ശ​യി​ൽ ആ​യി​രി​ക്കു​ക​യാ​ണ്.

പാ​ല​ത്തി​ന് തു​ക അ​നു​വ​ദി​ച്ചെ​ങ്കി​ലും എ​സ്റ്റി​മേ​റ്റ് പ്ര​കാ​രം ആ​ദ്യം അ​നു​വ​ദി​ച്ച തു​ക അ​പ​ര്യാ​തം ആ​യ​തോ​ടെ​യാ​ണ് അ​പ​ക​ട​ത്തി​ലാ​യ പാ​ലം​പ​ണി ഉ​പേ​ക്ഷി​ക്കേ​ണ്ടി വ​ന്ന​ത്. പു​തു​ക്കി​യ എ​സ്റ്റി​മേ​റ്റ് പ്ര​കാ​രം പാ​ല​ത്തി​ന് തു​ക അ​നു​വ​ദി​ച്ചി​ട്ടു​ണ്ടെ​ന്നും ഉ​ട​ൻ ടെ​ണ്ട​ർ ന​ട​പ​ടി​ക​ൾ പൂ​ർ​ത്തി​യാ​ക്കി നി​ർ​മാ​ണം തു​ട​ങ്ങു​മെ​ന്നും പ​റ​യു​ന്നു.