ക​ണ്ണൂ​ർ: ക​ണ്ണൂ​ർ വി​മാ​ന​ത്താ​വ​ള​ത്തെ ത​ഴ​യാ​ൻ കേ​ന്ദ്ര​സ​ർ​ക്കാ​ർ നി​ര​ത്തു​ന്ന​ത് വി​ചി​ത്ര ന്യാ​യ​ങ്ങ​ളെ​ന്ന് ഡോ.​ജോ​ൺ ബ്രി​ട്ടാ​സ് എം​പി പ്ര​സ്താ​വ​ന​യി​ൽ പ​റ​ഞ്ഞു. ക​ണ്ണൂ​ർ വി​മാ​ന​ത്താ​വ​ള​ത്തി​ന് പോ​യി​ന്‍റ് ഓ​ഫ് കാ​ൾ പ​ദ​വി​യി​ല്ല എ​ന്ന കാ​ര​ണം ചൂ​ണ്ടി​ക്കാ​ട്ടി വി​ദേ​ശ വി​മാ​ന ക​മ്പ​നി​ക​ൾ​ക്ക് സ​ർ​വീ​സു​ക​ൾ ന​ട​ത്താ​ൻ തു​ട​ർ​ച്ച​യാ​യി അ​നു​മ​തി നി​ര​സി​ക്കു​ക​യാ​ണ്.

ക​ണ്ണൂ​രി​നു ശേ​ഷം പ്ര​വ​ർ​ത്ത​ന​മാ​രം​ഭി​ച്ച ഗോ​വ​യി​ലെ മ​നോ​ഹ​ർ ഇ​ന്‍റ​ർ​നാ​ഷ​ണ​ൽ എ​യ​ർ​പോ​ർ​ട്ടി​ന് പോ​യി​ന്‍റ് ഓ​ഫ് കാ​ൾ പ​ദ​വി ഇ​ല്ലാ​തി​രു​ന്നി​ട്ടും പു​തി​യ അ​ന്താ​രാ​ഷ്‌​ട്ര സ​ർ​വീ​സു​ക​ൾ ആ​രം​ഭി​ക്കാ​ൻ ഒ​മാ​ൻ എ​യ​റി​ന് കേ​ന്ദ്രം അ​നു​മ​തി ന​ൽ​കി​യി​ട്ടു​ണ്ടെ​ന്നും രാ​ജ്യ​സ​ഭ​യി​ൽ ജോ​ൺ ബ്രി​ട്ടാ​സ് എം​പി ചൂ​ണ്ടി​ക്കാ​ട്ടി.

സ​മാ​ന​രീ​തി​യി​ൽ എ​ത്തി​ഹാ​ദ് എ​യ​ർ​ലൈ​ൻ​സ് നേ​ര​ത്തെ ജ​യ്പൂ​ർ എ​യ​ർ​പോ​ർ​ട്ടി​ൽ​നി​ന്ന് ന​ട​ത്തി​വ​ന്നി​രു​ന്ന സ​ർ​വീ​സു​ക​ൾ ക​ണ്ണൂ​രി​ലേ​ക്ക് മാ​റ്റാ​ൻ അ​പേ​ക്ഷ സ​മ​ർ​പ്പി​ച്ചി​രു​ന്നെ​ങ്കി​ലും അ​ത് കേ​ന്ദ്ര സ​ർ​ക്കാ​ർ നി​ര​സി​ക്കു​ക​യാ​യി​രു​ന്നു. ഈ ​ഇ​ര​ട്ട​ത്താ​പ്പ് ന​യം തി​രു​ത്തി ഇ​നി​യെ​ങ്കി​ലും മ​റ്റു വി​മാ​ന ത്താ​വ​ള​ങ്ങ​ളി​ൽ​നി​ന്നു​ള്ള സ​ർ​വീ​സു​ക​ളെ​ങ്കി​ലും ക​ണ്ണൂ​രി​ലേ​ക്ക് മാ​റ്റാ​നു​ള്ള അ​നു​മ​തി വി​ദേ​ശ വി​മാ​ന സ​ർ​വീ​സ് ക​മ്പ​നി​ക​ൾ​ക്ക് ന​ൽ​കാ​ൻ ത​യാ​റാ​ക​ണമെന്ന് അദ്ദേഹം ആവശ്യ പ്പെട്ടു.