സ​ഹാ​യ​ത്തി​ന് കാ​ത്തു​നി​ന്നി​ല്ല; വേ​ദ​ന​യി​ല്ലാ​ത്ത ലോ​ക​ത്തേ​ക്ക് ശ്രീ​രാ​ഗ് യാ​ത്ര​യാ​യി
Friday, April 12, 2024 12:44 AM IST
കാ​ഞ്ഞ​ങ്ങാ​ട്: അ​പൂ​ര്‍​വ ക​ര​ള്‍ രോ​ഗം ബാ​ധി​ച്ച പ്ല​സ്ടു വി​ദ്യാ​ര്‍​ഥി മ​ര​ണ​ത്തി​ന് കീ​ഴ​ട​ങ്ങി. ചെ​ര്‍​ക്ക​ള എ​ട​നീ​ര്‍ സ്വ​ദേ​ശി​ക​ളും ഇ​രി​യ കാ​ട്ടു​മാ​ടം സാ​യി​ഗ്രാ​മ​ത്തി​ലെ താ​മ​സ​ക്കാ​രു​മാ​യ ശ്രീ​ധ​ര​ന്‍- ശാ​ന്ത ദ​മ്പ​തി​ക​ളു​ടെ മ​ക​ന്‍ ഇ. ​ശ്രീ​രാ​ഗ് (17) ആ​ണ് മ​രി​ച്ച​ത്.

ശ​രീ​ര​ത്തി​ല്‍ ചെ​മ്പി​ന്‍റെ അം​ശം അ​മി​ത​മാ​യി ഉ​ത്പാ​ദി​പ്പി​ക്ക​പ്പെ​ടു​ന്ന ലി​വ​ര്‍ വി​ല്‍​സ​ണ്‍​സ് എ​ന്ന അ​പൂ​ര്‍​വ​രോ​ഗ​മാ​ണ് ശ്രീ​രാ​ഗി​നെ​യും ജ്യേ​ഷ്ഠ​ന്‍ ത​രു​ണി​നെ​യും ബാ​ധി​ച്ചി​രു​ന്ന​ത്. രോ​ഗം മൂ​ലം ഇ​രു​വ​രു​ടെ​യും കാ​ലു​ക​ള്‍​ക്ക് വ​ള​വും ബ​ല​ക്കു​റ​വു​മു​ണ്ടാ​യി​രു​ന്നു. വൈ​ദ്യ​ശാ​സ്ത്ര​ത്തി​ന്‍റെ ക​ണ​ക്കു​പ്ര​കാ​രം ലോ​ക​ത്ത് 30,000 പേ​രി​ല്‍ ഒ​രാ​ള്‍​ക്ക് മാ​ത്രം വ​രാ​വു​ന്ന അ​സു​ഖ​മാ​ണി​ത്. ഏ​റെ വ​ര്‍​ഷ​ങ്ങ​ള്‍​ക്കു​ശേ​ഷ​മാ​ണ് ഇ​താ​ണ് രോ​ഗ​മെ​ന്ന് ഡോ​ക്ട​ര്‍​മാ​ര്‍​ക്ക് ക​ണ്ടെ​ത്താ​നാ​യ​ത്. 2017 ഏ​പ്രി​ലി​ല്‍ ന​ട​ന്ന മെ​ഡി​ക്ക​ല്‍ ക്യാ​മ്പി​ല്‍ ത​രു​ണി​നെ എ​ന്‍​ഡോ​സ​ള്‍​ഫാ​ന്‍ ദു​രി​ത​ബാ​ധി​ത​രു​ടെ ലി​സ്റ്റി​ല്‍ ഉ​ള്‍​പ്പെ​ടു​ത്തി​യ​പ്പോ​ള്‍ ശ്രീ​രാ​ഗി​നെ ത​ഴ​യു​ക​യാ​യി​രു​ന്നു. ഒ​രേ രോ​ഗ​മു​ള്ള സ​ഹോ​ദ​ര​ങ്ങ​ളി​ല്‍ ഒ​രാ​ളെ മാ​ത്രം ലി​സ്റ്റി​ല്‍ ഉ​ള്‍​പ്പെ​ടു​ത്തി​യ സം​ഭ​വം ഏ​റെ വി​വാ​ദ​മാ​യി​രു​ന്നു.

ബു​ധ​നാ​ഴ്ച രാ​വി​ലെ ക​ടു​ത്ത വ​യ​റു​വേ​ദ​ന​യെ​ത്തു​ട​ര്‍​ന്ന് കാ​സ​ര്‍​ഗോ​ട്ടെ ആ​ശു​പ​ത്രി​യി​ല്‍ ശ്രീ​രാ​ഗി​നെ പ്ര​വേ​ശി​പ്പി​ച്ചി​രു​ന്നു. നി​ല ഗു​രു​ത​ര​മാ​യ​തി​നെ​തു​ട​ര്‍​ന്ന് വൈ​കു​ന്നേ​ര​ത്തോ​ടെ മം​ഗ​ളൂ​രു​വി​ലെ ആ​ശു​പ​ത്രി​യി​ലേ​ക്ക് മാ​റ്റി. അ​പ്പോ​ഴേ​ക്കും രോ​ഗം ഹൃ​ദ​യ​ത്തെ​യും ബാ​ധി​ച്ചി​രു​ന്നു.

കൂ​ലി​പ്പ​ണി​ക്കാ​ര​നാ​യ അ​ച്ഛ​ന്‍റെ​യും ഡെ​ന്‍റ​ല്‍ ക്ലി​നി​ക്കി​ലെ ജീ​വ​ന​ക്കാ​രി​യാ​യ അ​മ്മ​യു​ടെ​യം സാ​മ്പ​ത്തി​ക പ്ര​യാ​സം മ​ന​സി​ലാ​ക്കി നാ​ട്ടു​കാ​ർ സ​ഹാ​യ​ക​മ്മി​റ്റി രൂ​പീ​ക​രി​ച്ച് സാ​മൂ​ഹ്യ​മാ​ധ്യ​മ​ങ്ങ​ളി​ലൂ​ടെ പ്ര​ച​ര​ണം ന​ട​ത്തി​വ​രി​ക​യാ​യി​രു​ന്നു. ഇ​ന്ന​ലെ​യാ​യി​രു​ന്നു മ​ര​ണം . മു​മ്പ് ര​ണ്ടു​വ​ര്‍​ഷ​ത്തോ​ളം കോ​ഴി​ക്കോ​ട് ഗ​വ. മെ​ഡി​ക്ക​ല്‍ കോ​ള​ജി​ല്‍ ശ്രീ​രാ​ഗ് ചി​കി​ത്സ​യി​ലാ​യി​രു​ന്നു. സ്വ​ന്ത​മാ​യി വീ​ടി​ല്ലാ​ത്ത ഈ ​കു​ടും​ബ​ത്തി​ന് ആ​റു​മാ​സം മു​മ്പാ​ണ് സാ​യി​ഗ്രാ​മ​ത്തി​ല്‍ വീ​ട് ല​ഭി​ക്കു​ന്ന​ത്. കോ​ടോ​ത്ത് അം​ബേ​ദ്ക​ര്‍ ഗ​വ. സ്‌​കൂ​ളി​ലെ പ്ല​സ്ടു വി​ദ്യാ​ര്‍​ഥി​യാ​യ ശ്രീ​രാ​ഗ് വ​ടം​വ​ലി താ​രം കൂ​ടി​യാ​യി​രു​ന്നു. സം​സ്ഥാ​ന​മ​ത്സ​ര​ങ്ങ​ളി​ല്‍ കാ​സ​ര്‍​ഗോ​ഡ് ജി​ല്ല​യ്ക്കു​വേ​ണ്ടി മെ​ഡ​ല്‍ നേ​ടി​യി​ട്ടു​ണ്ട്. സ​ഹോ​ദ​രി: ദേ​വ​ന​ന്ദ.

Copyright @ 2022 , Rashtra Deepika Ltd.