കൊല്ലം: ജനസമ്പർക്ക പരിപാടികളിലൂടെ ഭരണകൂടത്തെയും രാഷ്ട്രീയക്കാരേയും ജനങ്ങളിലേയ്ക്ക് കൂടുതൽ അടുപ്പിച്ച ജനകീയ നേതാവായിരുന്ന ഉമ്മൻ ചാണ്ടിയുടെ ഓർമ നിലനിർത്തുന്നതിനും കാരുണ്യ പ്രവൃത്തികൾ തുടരുന്നതിനുമായി ഉമ്മൻ ചാണ്ടി ജനസമ്പർക്ക സമിതി രൂപീകരിച്ചു. ഇതിന്റെ ഭാഗമായി നടന്ന ഉമ്മൻചാണ്ടി അനുസ്മരണ സമ്മേളനം സജീവ് പരിശവിള ഉദ്ഘാടനം ചെയ്തു.
അഡ്വ.എം.ജി. ജയകൃഷ്ണൻ അധ്യക്ഷത വഹിച്ച ചടങ്ങിൽ പി.പ്രദീപ് കുമാർ, ഉനൈസ് പള്ളിമുക്ക്, മുണ്ടയ്ക്കൽ മിൽട്ടൻ, മോഹൻ ജോൺ, ഉള്ളിയകോവിൽ രാജേഷ്, സിയാദ് തങ്കശേരി, രാജീവ് സോമൻ, പിണയ്ക്കൽ ഫൈസ്. അൻസർ കരിക്കോട്, പ്രിൻസി റീനാ തോമസ്, സുനിൽ ചെറു പൊയ്ക, അലക്സാണ്ടർ സെബാസ്റ്റ്യൻ, ജസ്റ്റിൻ കണ്ടച്ചിറ, വിനോദ് പേരയം, ശോഭ, എം. മാത്യൂസ് എന്നിവർ പ്രസംഗിച്ചു.