പത്തനംതിട്ട: കടമ്പനാട് സെന്‍റ് തോമസ് ഓർത്തഡോക്സ് കത്തീഡ്രൽ പെരുന്നാൾ നാളെ മുതൽ 22 വരെ നടക്കുമെന്നു ഭാരവാഹികൾ പത്രസമ്മേളനത്തിൽ പറഞ്ഞു.
നാളെ രാവിലെ എട്ടിന് വിശുദ്ധ കുർബാനയ്ക്ക് മലബാർ ഭദ്രാസനാധിപൻ ഗീവർഗീസ് മാർ പക്കോമിയോസ് മെത്രാപ്പോലീത്ത കാർമികത്വം വഹിക്കും. തുടർന്ന് 10ന് പെരുന്നാൾ കൊടിയേറ്റ്, രാത്രി ഏഴിന് കുടുംബസംഗമത്തിന് ഫാ. ജോൺ ചെല്ലാനി കപ്പൂച്ചിൻ നേതൃത്വം നൽകും.
15 മുതൽ എല്ലാ ദിവസവും രാവിലെ ഏഴിന് കുർബാന. 15നു രാത്രി ഏഴിന് കൺവൻഷൻ ഉദ്ഘാടനം റവ.ഡോ. തന്പി വർഗീസ് നിർവഹിക്കും. 19ന് വൈകുന്നേരം 6.30ന് സൺഡേസ്കൂൾ കുട്ടികളുടെകലാപരിപാടികൾ, 20നു രാവിലെ 10ന് മെഡിക്കൽ ക്യാമ്പ്, വൈകുന്നേരം അഞ്ചിന് തീർഥാടകർക്ക് സ്വീകരണം, 6.30ന് റാസ.
21നു രാവിലെ 7.30ന് കുർബാനയ്ക്ക് ഡോ. സഖറിയാസ് മാർ അപ്രേം മെത്രാപ്പോലീത്ത കാർമികത്വം വഹിക്കും. പരിശുദ്ധ മൂന്നാം മാർത്തോമ്മ പുരസ്കാരം സാമൂഹിക പ്രവർത്തക ദയാബായിക്ക് മെത്രാപ്പോലീത്ത സമ്മാനിക്കും. ഉച്ചകഴിഞ്ഞ് രണ്ടിനു ക്വിസ് മത്സരം, 6.30ന് റാസ, രാത്രി 9.30ന് ചെണ്ടമേളം,
ബാൻഡ്സെറ്റ് ഡിസ്പ്ലേ, മാർഗംകളി. 22നു രാവിലെ 7.30ന് മൂന്നിൻമേൽ കുർബാനയ്ക്ക് ഡോ. യൂഹാനോൻ മാർ ദിയസ്കോറസ് മെത്രാപ്പോലീത്ത മുഖ്യകാർമികത്വം വഹിക്കും. 9.30ന് പരിശുദ്ധ മൂന്നാം മാർത്തോമ്മ അനുസ്മരണം, 9.45ന് സ്വർഗീയ നിക്ഷേപഫണ്ട് വിതരണം, തണൽ ഭവനപദ്ധതിയിൽ ഭവനത്തിന്‍റെ താക്കോൽദാനം, 10ന് പ്രദക്ഷിണം, ശ്ലൈഹിക വാഴ്വ്, കൊടിയിറക്ക്, വെച്ചൂട്ട്.
വികാരി ഫാ. ജേക്കബ് കോശി, ട്രസ്റ്റി സാബു പാപ്പച്ചൻ പനവിള പടിഞ്ഞാറ്റതിൽ, സെക്രട്ടറി ബിനുമോൻ എസ്. ചരിഞ്ഞകാലായിൽ, രാജു തോമസ്, ജെ. രാജു എന്നിവർ പത്രസമ്മേളനത്തിൽ പങ്കെടുത്തു.
കൊറ്റനാട് പള്ളിയില്‍ പെരുന്നാള്‍ കൊടിയേറ്റ് നാളെ
കൊറ്റനാട്: സെന്‍റ് ജോര്‍ജ് ഓര്‍ത്തഡോക്‌സ് പള്ളിയുടെ 45-ാമത് ഇടവക പെരുന്നാളും വിശുദ്ധ ഗീവര്‍ഗീസ് സഹദായുടെ ഓര്‍മയും നാളെ മുതല്‍ 23 വരെ നടക്കും. നാളെ രാവിലെ ഏഴിന് പ്രഭാത നമസ്‌കാരത്തേ തുടര്‍ന്ന് കുര്‍ബാന. 10.30ന് ഡോ. ജോഷ്വാ മാര്‍ നിക്കോദിമോസ് മെത്രാപ്പോലീത്ത കൊടിയേറ്റ് നിര്‍വഹിക്കും. സുവര്‍ണ ജൂബിലി പഞ്ചവത്സര പദ്ധതിയുടെയും ആത്മീയ സംഘടനകളുടെ വാര്‍ഷികത്തിന്‍റെയും ഉദ്ഘാടനം ജോഷ്വാ മാര്‍ നിക്കോദിമോസ് നിര്‍വഹിക്കും. വികരി ഫാ. സൈമണ്‍ വര്‍ഗീസ് അധ്യക്ഷത വഹിക്കും.
സഭാ മാനേജിംഗ് കമ്മിറ്റിയംഗം ഫാ. ഏബ്രഹാം ശാമുവേല്‍ സന്ദേശം നല്‍കും. ഇടവകയിലെ മുതിര്‍ന്ന അംഗങ്ങളെ യോഗത്തില്‍ ആദരിക്കും. 17നു രാവിലെ മാരാമണ്‍ സമഷ്ടിയില്‍ വലിയ മെത്രാപ്പോലീത്ത കുര്യാക്കോസ് മാര്‍ ക്ലീമിസുമൊത്ത് സണ്‍ഡേസ്‌കൂള്‍ അധ്യാപകരും വിദ്യാര്‍ഥികളും പങ്കെടുക്കുന്ന "ഗുരുസവിധേ' പരിപാടി. 19നു രാവിലെ 10.30ന് ഇടവക കുടുംബസംഗമത്തില്‍ ഫാ. ഷാനു ഏബ്രഹാം ധ്യാനം നയിക്കും. ഉച്ചകഴിഞ്ഞ് 1.30ന് മര്‍ത്തമറിയം സമാജം നേതൃത്വത്തില്‍ നിലയ്ക്കല്‍ ഭദ്രാസനതല ക്വിസ് മത്സരം.
20, 21 തീയതികളില്‍ കണ്‍വന്‍ഷന്‍ യോഗങ്ങളില്‍ ഫാ. സാംസണ്‍ എം. സൈമണ്‍, ഫാ. ജോണ്‍ ടി. വര്‍ഗീസ് കുളക്കട എന്നിവര്‍ പ്രസംഗിക്കും. 21നു രാവിലെ എട്ടിന് കുര്‍ബാന. പത്തിന് യുവജനപ്രസ്ഥാനം നേതൃത്വത്തിലുള്ള വിശപ്പുരഹിത വാര്‍ഡ് പദ്ധതിയുടെ ഉദ്ഘാടനം.
22നു രാവിലെ ഒമ്പതിന് പള്ളിപ്പടി കുരിശിങ്കല്‍ പ്രാര്‍ഥന, ചെമ്പെടുപ്പ് സമര്‍പ്പണം, നേര്‍ച്ച സ്വീകരണം. പത്തു മുതല്‍ യുവജന പ്രസ്ഥാനം നേതൃത്വത്തില്‍ അഖണ്ഡപ്രാര്‍ഥന.
വൈകുന്നേരം 5.45ന് സന്ധ്യാനമസ്‌കാരം. രാത്രി ഏഴിന് റാസ. എട്ടിന് വൃന്ദാവനം കുരിശിങ്കല്‍ റാസയ്ക്കു സ്വീകരണം. ഒമ്പതിന് പള്ളിയില്‍ ശ്ലൈഹിക വാഴ്വ്. 23നു രാവിലെ എട്ടിന് മലബാര്‍ ഭദ്രാസനാധിപന്‍ ഗീവര്‍ഗീസ് മാര്‍ പക്കോമിയോസ് മെത്രാപ്പോലീത്തയുടെ കാര്‍മികത്വത്തില്‍ പെരുന്നാള്‍ കുര്‍ബാന. മധ്യസ്ഥ പ്രാര്‍ഥന, പ്രദക്ഷിണം, ആശിര്‍വാദം, നേര്‍ച്ചവിളമ്പ് എന്നിവയോടെ പെരുന്നാള്‍ കൊടിയിറങ്ങും.