തെ​ര​ഞ്ഞെ​ടു​പ്പു പ്ര​ചാ​ര​ണ​ത്തി​ല്‍ വി​ഷ​യ ദാ​രി​ദ്ര്യ​മി​ല്ലാ​തെ പ​ത്ത​നം​തി​ട്ട
Sunday, April 14, 2024 3:57 AM IST
പ​ത്ത​നം​തി​ട്ട: പ​ത്ത​നം​തി​ട്ട മ​ണ്ഡ​ല​ത്തി​ല്‍ വി​ഷ​യ ദാ​രി​ദ്ര്യ​മേ​യി​ല്ല. നാ​ട്ടി​ലെ എ​ല്ലാ പ്ര​ശ്ന​ങ്ങ​ളും പ​ത്ത​നം​തി​ട്ട​ക്കാ​രു​ടെ ച​ര്‍​ച്ച​ക​ളി​ലു​ണ്ട്. കാ​ട്ടാ​ന ആ​ക്ര​മ​ണം മു​ത​ല്‍ നി​ത്യോ​പ​യോ​ഗ വ​സ്തു​ക്ക​ളു​ടെ വി​ല​വ​ര്‍​ധ​ന വ​രെ ച​ര്‍​ച്ച ചെ​യ്തു​വ​രു​മ്പോ​ഴാ​ണ് സം​സ്ഥാ​ന​ത്ത് മ​റ്റു​ചി​ല വി​ഷ​യ​ങ്ങ​ള്‍ കൂ​ടി പ​ത്ത​നം​തി​ട്ട ച​ർ​ച്ച​യി​ലെ​ത്തു​ന്ന​ത്.

പ്ര​മു​ഖ കോ​ണ്‍​ഗ്ര​സ് നേ​താ​വ് എ.​കെ. ആ​ന്‍റ​ണി ക​ഴി​ഞ്ഞ ദി​വ​സം തു​റ​ന്നി​ട്ട ച​ര്‍​ച്ച​ക​ളി​ലും കേ​ന്ദ്ര​ബി​ന്ദു പ​ത്ത​നം​തി​ട്ട​യാ​യി. എ​ന്‍​ഡി​എ​യ്ക്കു വേ​ണ്ടി മ​ത്സ​രി​ക്കു​ന്ന​ത് എ.​കെ. ആ​ന്‍റ​ണി​യു​ടെ മ​ക​ന്‍ അ​നി​ല്‍ കെ. ​ആ​ന്‍റ​ണി​യാ​യ​തി​നാ​ലാ​ണ് പ​ത്ത​നം​തി​ട്ട​യി​ലെ പോ​രാ​ട്ട​ച്ചൂ​ടി​ന് അ​ഞ്ജ​ന​ത്തി​ല്‍​നി​ന്നു​ള്ള വാ​ക്കു​ക​ള്‍​ക്കും പ്രാ​ധാ​ന്യ​മേ​റി​യ​ത്.

അ​നി​ല്‍ ആ​ന്‍റ​ണി തോ​ല്‍​ക്ക​ണ​മെ​ന്ന് അ​ര്‍​ഥ​ശ​ങ്ക​യ്ക്കി​ടെ​യി​ല്ലാ​തെ എ.​കെ. ആ​ന്‍റ​ണി പ​ത്ര​സ​മ്മേ​ള​നം ന​ട​ത്തി പ​റ​ഞ്ഞ​തി​നു പി​ന്നാ​ലെ പ്ര​തി​ക​ര​ണ​വു​മാ​യി അ​നി​ല്‍ രം​ഗ​ത്തെ​ത്തി​യി​രു​ന്നു. കോ​ണ്‍​ഗ്ര​സി​നെ​യും നേ​താ​ക്ക​ളെ​യും നി​ശി​ത​മാ​യി വി​മ​ര്‍​ശി​ച്ചു രം​ഗ​ത്തി​റ​ങ്ങി​യ അ​നി​ലി​നെ പി​ന്നീ​ടു​ള്ള ദി​വ​സ​ങ്ങ​ളി​ലും കോ​ണ്‍​ഗ്ര​സ് നേ​താ​ക്ക​ള്‍ വെ​റു​തെ​വി​ട്ടി​ല്ല. ദ​ല്ലാ​ള്‍ ന​ന്ദ​കു​മാ​റി​ന്‍റെ സാ​ന്പ​ത്തി​ക ആ​രോ​പ​ണ​വും ഒ​പ്പം വ​ന്നു. വ്യ​ക്തി​പ​ര​മാ​യിത്ത​ന്നെ അ​നി​ല്‍ ഇ​തി​നു മ​റു​പ​ടി ന​ല്‍​കി.

കേ​ര​ളം ഏ​റെ ച​ര്‍​ച്ച ചെ​യ്യ​പ്പെ​ടു​ന്ന സാ​ന്പ​ത്തി​ക പ്ര​തി​സ​ന്ധി​ക്കു​ള്ള മ​റു​പ​ടി​ക​ള്‍ വ​രു​ന്ന​ത് പ​ത്ത​നം​തി​ട്ട​യി​ല്‍​നി​ന്നാ​ണ്. തോ​മ​സ് ഐ​സ​ക് പ​ത്ത​നം​തി​ട്ട​യി​ല്‍ ജ​ന​വി​ധി തേ​ടു​ന്നു​വെ​ന്ന​തു ത​ന്നെ പ്ര​ധാ​ന കാ​ര​ണം. ഇ​താ​ദ്യ​മാ​യാ​ണ് ഐ​സ​ക് ലോ​ക്സ​ഭ​യി​ലേ​ക്ക് മ​ത്സ​രി​ക്കു​ന്ന​തെ​ങ്കി​ലും കേ​ന്ദ്ര​ത്തോ​ടു കേ​ര​ള​ത്തി​ന്‍റെ അ​വ​കാ​ശ​ങ്ങ​ള്‍ ചോ​ദി​ച്ച് വാ​ങ്ങാ​ന്‍ കെ​ല്പു​ള്ള ഒ​രു എം​പി​യെ​യാ​ണ് എ​ല്‍​ഡി​എ​ഫ് വാ​ഗ്ദാ​നം ചെ​യ്യു​ന്ന​ത്. അ​തേ നാ​ണ​യ​ത്തി​ല്‍ ഐ​സ​ക്കി​നെ പ്ര​തി​രോ​ധി​ച്ചാ​ണ് യു​ഡി​എ​ഫും ബി​ജെ​പി​യും നീ​ങ്ങു​ന്ന​ത്.

തോ​മ​സ് ഐ​സ​ക്കി​ന്‍റെ ധ​ന​കാ​ര്യ മാ​നേ​ജ്മെ​ന്‍റി​നേ​റ്റ പി​ഴ​വാ​ണ് കേ​ര​ള​ത്തി​ന്‍റെ സാ​ന്പ​ത്തി​ക ത​ക​ര്‍​ച്ച​യ്ക്കു കാ​ര​ണ​മെ​ന്ന് യു​ഡി​എ​ഫ് പ​റ​യു​ന്നു. കി​ഫ്ബി​യെ​യും മ​സാ​ല ബോ​ണ്ടി​നെ​യു​മൊ​ക്കെ യു​ഡി​എ​ഫും ബി​ജെ​പി​യും വി​ടാ​തെ പി​ന്തു​ട​രു​ന്നു​ണ്ട്.

മ​സാ​ല ബോ​ണ്ടി​ലെ ഇ​ഡി അ​ന്വേ​ഷ​ണ​വും ഐ​സ​ക്കി​നെ ചോ​ദ്യം ചെ​യ്യാ​നു​ള്ള ശ്ര​മ​വു​മെ​ല്ലാം പ​ത്ത​നം​തി​ട്ട​യി​ലെ ച​ര്‍​ച്ച​ക​ളി​ല്‍ ചൂ​ടു​ള്ള വി​ഷ​യ​ങ്ങ​ളാ​യി.

Copyright @ 2022 , Rashtra Deepika Ltd.