തെ​ള്ളി​യൂ​ർ​ക്കാ​വ് വൃ​ശ്ചി​ക​വാ​ണി​ഭം: സ്വ​കാ​ര്യ​ഭൂ​മി തി​രു​വി​താം​കൂ​ർ ദേ​വ​സ്വം ബോ​ർ​ഡി​നു കൈ​മാ​റാ​ൻ ഹൈ​ക്കോ​ട​തി ഉ​ത്ത​ര​വ്
Sunday, April 14, 2024 4:04 AM IST
കോ​ഴ​ഞ്ചേ​രി: തെ​ള്ളി​യൂ​ര്‍​ക്കാ​വ് ഭ​ഗ​വ​തീ ക്ഷേ​ത്ര​ത്തി​ലെ ച​രി​ത്ര​പ്ര​സി​ദ്ധ​മാ​യ വൃ​ശ്ചി​ക വാ​ണി​ഭ​ത്തി​ന്‍റെ ഏ​റി​യ പ​ങ്കും ന​ട​ക്കു​ന്ന സ്വ​കാ​ര്യ​ഭൂ​മി തി​രു​വി​താം​കൂ​ര്‍ ദേ​വ​സ്വം ബോ​ര്‍​ഡി​ന് തി​രി​കെ കൈ​മാ​റാ​ന്‍ ഹൈ​ക്കോ​ട​തി ഉ​ത്ത​ര​വാ​യി.

ക്ഷേ​ത്ര​ത്തി​ന്‍റെ കാ​ണി​ക്ക​മ​ണ്ഡ​പ​ത്തോ​ടു ചേ​ര്‍​ന്ന് വാ​ണി​ഭം ന​ട​ത്തു​ന്ന 40 സെ​ന്‍റ് വ​സ്തു ദേ​വ​സ്വ​ത്തി​ന്‍റെ പേ​രി​ൽ‌​ക്കൂ​ട്ടി ന​ല്‍​കാ​ന്‍ മ​ല്ല​പ്പ​ള്ളി ത​ഹ​സീ​ല്‍​ദാ​ര്‍​ക്കാ​ണ് നി​ര്‍​ദേ​ശം ന​ല്‍​കി​യ​ത്. ജ​സ്റ്റീ​സു​മാ​രാ​യ അ​നി​ല്‍ കെ. ​ന​രേ​ന്ദ്ര​ന്‍, ജി. ​ഗി​രീ​ഷ് എ​ന്നി​വ​ര​ട​ങ്ങി​യ ഡി​വി​ഷ​ന്‍ ബെ​ഞ്ചി​ന്‍റേ​താ​ണ് ഉ​ത്ത​ര​വ്.

1972ല്‍ ​തെ​ള്ളി​യൂ​ര്‍​ക്കാ​വ് ക്ഷേ​ത്രം തി​രു​വ​താം​കൂ​ര്‍ ദേ​വ​സം ബോ​ര്‍​ഡ് ഏ​റ്റെ​ടു​ത്ത അ​വ​സ​ര​ത്തി​ല്‍ ക്ഷേ​ത്ര​ത്തി​ന്‍റെ വ​രു​മാ​ന സ്രോ​ത​സാ​യി വൃ​ശ്ചി​ക വാ​ണി​ഭം ന​ട​ത്തു​ന്ന ഭൂ​മി പ​രാ​മ​ര്‍​ശി​ച്ചി​രു​ന്നു. റ​വ​ന്യു രേ​ഖ​ക​ളി​ല്‍ ദേ​വ​സ്വം ഭൂ​മി​യാ​യി​രു​ന്ന വ​സ്തു 1996ലാ​ണ് ജി ​ആ​ന്‍​ഡ് ജി ​ഫി​നാ​ന്‍​സ് ഉ​ട​മ ഡി. ​ഗോ​പാ​ല​കൃ​ഷ്ണ​ന്‍ നാ​യ​ര്‍ സ്വ​ന്തം പേ​രി​ല്‍​കൂ​ട്ടി​യ​തെ​ന്ന് കോ​ട​തി ക​ണ്ടെ​ത്തി.

2007ല്‍ ​ജി. സ​തീ​ഷ്‌​കു​മാ​ര്‍ പ്ര​സി​ഡ​ന്‍റാ​യു​ള്ള ക്ഷേ​ത്ര ഉ​പ​ദേ​ശ​ക​സ​മി​തി ന​ല്‍​കി​യ കേ​സി​ന്മേ​ലു​ണ്ടാ​യ തു​ട​ര്‍​ന​ട​പ​ടി​യാ​ണ് ഇ​പ്പോ​ഴ​ത്തെ കോ​ട​തി ഉ​ത്ത​ര​വ്. ര​ണ്ടു മാ​സ​ത്തി​നു​ള്ളി​ല്‍ റ​വ​ന്യു രേ​ഖ​യി​ല്‍ ദേ​വ​സ്വം ഭൂ​മി എ​ന്ന് മാ​റ്റം വ​രു​ത്താ​നാ​ണ് ഹൈ​ക്കോ​ട​തി നി​ര്‍​ദേ​ശം.

Copyright @ 2022 , Rashtra Deepika Ltd.