അ​ടൂ​രി​ൽ ലീ​ഡ് ല​ക്ഷ്യ​മാ​ക്കി മു​ന്ന​ണി​ക​ൾ
Monday, April 15, 2024 11:52 PM IST
അ​ടൂ​ർ: വ്യ​ക്ത​മാ​യ രാ​ഷ്‌​ട്രീ​യ​കാ​ഴ്ച​പ്പാ​ടോ​ടെ ക​ഴി​ഞ്ഞ തെ​ര​ഞ്ഞെ​ടു​പ്പു​ക​ളി​ൽ‌ വി​ധി​യെ​ഴു​തി​യ മ​ണ്ഡ​ല​മാ​ണ് അ​ടൂ​ർ. 2009ലെ ​മ​ണ്ഡ​ല പു​ന​ർ​വി​ഭ​ജ​ന​ത്തോ​ടെ പ​ഴ​യ അ​ടൂ​രി​ന്‍റെ ചി​ത്ര​മ​ല്ല തെ​ളി​ഞ്ഞു​വ​ന്ന​ത്. ര​ണ്ട് ന​ഗ​ര​സ​ഭ​ക​ളും ഏ​ഴ് ഗ്രാ​മ​പ​ഞ്ചാ​യ​ത്തു​ക​ളും ഉ​ൾ​പ്പെ​ടു​ന്ന വി​സ്തൃ​ത​മാ​യ മ​ണ്ഡ​ല​ത്തി​ൽ ഇ​ക്കു​റി 2,09,760 വോ​ട്ട​ർ​മാ​രു​ണ്ട്. ഇ​വ​രി​ൽ 94,176 പു​രു​ഷ​ൻ​മാ​രും 1,11,581 സ്ത്രീ​ക​ളും മൂ​ന്ന് ട്രാ​ൻ​സ്ജെ​ൻ​ഡ​ർ വോ​ട്ട​ർ​മാ​രു​മു​ണ്ട്. ഇ​ക്കൂ​ട്ട​ത്തി​ൽ 3105 ക​ന്നി വോ​ട്ട​ർ​മാ​രു​മു​ണ്ട്.

രാ​ഷ്‌​ട്രീ​യ അ​ടി​യൊ​ഴു​ക്കു​ക​ൾ ഏ​റെ ബാ​ധി​ക്കു​ന്ന ഒ​രു മ​ണ്ഡ​ലം​കൂ​ടി​യാ​ണി​ത്. ഇ​ത്ത​വ​ണ അ​തി​നു​ള്ള സാ​ധ്യ​ത മൂ​ന്ന് മു​ന്ന​ണി​ക​ളും കാ​ണു​ന്നു​ണ്ട്. പ്ര​ചാ​ര​ണ​രം​ഗ​ത്ത് വ​ലി​യ കൊ​ഴു​പ്പു​ക​ളൊ​ന്നും അ​ടൂ​രി​ൽ ഇ​ല്ല. പ​തി​വു രീ​തി​യി​ലു​ള്ള പ്ര​വ​ർ​ത്ത​ന​ങ്ങ​ൾ മാ​ത്രം. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ എ​ൽ​ഡി​എ​ഫി​നു​വേ​ണ്ടി അ​ടൂ​രി​ൽ എ​ത്തി​യി​രു​ന്നു. എ​ൻ​ഡി​എ​യ്ക്കു​വേ​ണ്ടി കേ​ന്ദ്ര​മ​ന്ത്രി മീ​നാ​ക്ഷി ലേ​ഖി​യും അ​ടൂ​രി​ൽ പ്ര​സം​ഗി​ച്ചു. പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ മ​ണ്ഡ​ലം തെ​ര​ഞ്ഞെ​ടു​പ്പു യോ​ഗ​ങ്ങ​ളി​ൽ പ​ങ്കെ​ടു​ത്തു. മ​റ്റു പ്ര​മു​ഖ നേ​താ​ക്ക​ൾ അ​ടു​ത്ത ദി​വ​സം അ​ടൂ​രി​ലെ പൊ​തു​യോ​ഗ​ങ്ങ​ളി​ൽ പ​ങ്കെ​ടു​ക്കു​ന്നു​ണ്ട്.

രാ​ഷ്‌​ട്രീ​യ ച​രി​ത്രം

അ​ടൂ​ർ എ​ന്ന പേ​രി​ൽ ഒ​രു ലോ​ക്സ​ഭാ മ​ണ്ഡ​ലം മു​ന്പ് നി​ല​വി​ലു​ണ്ടാ​യി​രു​ന്നു. സി​പി​ഐ, കോ​ൺ​ഗ്ര​സ് സ്ഥാ​നാ​ർ​ഥി​ക​ൾ ഏ​റ്റു​മു​ട്ടി​വ​ന്നി​രു​ന്ന മ​ണ്ഡ​ല​ത്തി​ൽ ഇ​രു​കൂ​ട്ട​രം വി​ജ​യം ക​ണ്ടി​ട്ടു​ണ്ട്. കൊ​ടി​ക്കു​ന്നി​ൽ സു​രേ​ഷ് നി​ര​വ​ധി ത​വ​ണ അ​ടൂ​ർ മ​ണ്ഡ​ല​ത്തെ പ്ര​തി​നി​ധീ​ക​രി​ച്ചു. അ​വ​സാ​ന​കാ​ല ച​രി​ത്ര​ത്തി​ൽ സി​പി​ഐ​യി​ലെ ചെ​ങ്ങ​റ സു​രേ​ന്ദ്ര​നും അ​ടൂ​രി​ന്‍റെ പ്ര​തി​നി​ധി​യാ​യി.

പ​ത്ത​നം​തി​ട്ട ജി​ല്ല​യി​ലെ കോ​ന്നി, അ​ടൂ​ർ നി​യ​മ​സ​ഭാ മ​ണ്ഡ​ല​ങ്ങ​ൾ മാ​ത്ര​മാ​യി​രു​ന്നു പ​ഴ​യ അ​ടൂ​രി​ന്‍റെ ഭാ​ഗ​മാ​യു​ണ്ടാ​യി​രു​ന്ന​ത്. മ​റ്റു​ള്ള​വ കൊ​ല്ലം ജി​ല്ല​യി​ലെ പ്ര​ദേ​ശ​ങ്ങ​ളാ​യി​രു​ന്നു.

‌2009ൽ ​ലോ​ക്സ​ഭാ തെ​ര​ഞ്ഞെ​ടു​പ്പി​നു തൊ​ട്ടു​മു​ന്പ് മ​ണ്ഡ​ല പു​ന​ർ​വി​ഭ​ജ​നം ന​ട​ന്ന​പ്പോ​ൾ അ​ടൂ​ർ നി​യ​മ​സ​ഭാ മ​ണ്ഡ​ല​ത്തി​ന്‍റെ അ​തി​ർ​ത്തി​ക​ളി​ലും മാ​റ്റം​വ​ന്നു. സം​വ​ര​ണ മ​ണ്ഡ​ല​മാ​യി ഇ​തു മാ​റി. അ​ടൂ​ർ ലോ​ക്സ​ഭാ മ​ണ്ഡ​ലം ഇ​ല്ലാ​താ​കു​ക​യും പ​ത്ത​നം​തി​ട്ട​യു​ടെ ഭാ​ഗ​മാ​കു​ക​യും ചെ​യ്തു.

2009ലെ ​ആ​ദ്യ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​ലെ ആ​ന്‍റോ ആ​ന്‍റ​ണി​ക്ക് മ​ണ്ഡ​ലം ലീ​ഡ് നേ​ടി. എ​ന്നാ​ൽ, 2011ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ൽ അ​ടൂ​രി​ന്‍റെ ചി​ത്രം തെ​ളി​ഞ്ഞു. കോ​ൺ​ഗ്ര​സ് നേ​താ​വ് പ​ന്ത​ളം സു​ധാ​ക​ര​നെ 630 വോ​ട്ടി​ന്‍റെ വ്യ​ത്യാ​സ​ത്തി​ൽ സി​പി​ഐ​യി​ലെ ക​ന്നി​ക്കാ​ര​നാ​യ ചി​റ്റ​യം ഗോ​പ​കു​മാ​ർ പ​രാ​ജ​യ​പ്പെ​ടു​ത്തി. പി​ന്നീ​ടി​ങ്ങോ​ട്ട് ചി​റ്റ​യ​ത്തി​നു തി​രി​ഞ്ഞു നോ​ക്കേ​ണ്ടി​വ​ന്നി​ട്ടി​ല്ല. 2016ൽ ​ഭൂ​ര​പ​ക്ഷം കൂ​ട്ടി. 2021ൽ ​ഭൂ​രി​പ​ക്ഷ​ത്തി​ൽ ഇ​ടി​വു​ണ്ടാ​യെ​ങ്കി​ലും വി​ജ​യി​ച്ചു. ലോ​ക്സ​ഭാ തെ​ര​ഞ്ഞെ​ടു​പ്പി​ൽ 2014ലും ​ആ​ന്‍റോ​യ്ക്കു ലീ​ഡ് ല​ഭി​ച്ചു.

ത​കി​ടം മ​റി​ഞ്ഞ് 2019ലെ ​ലീ​ഡ്

2019 ലോ​ക്സ​ഭാ തെ​ര​ഞ്ഞെ​ടു​പ്പി​ൽ യു​ഡി​എ​ഫ് അ​നൂ​കൂ​ല ത​രം​ഗ​മു​ണ്ടാ​കു​ക​യും പ​ത്ത​നം​തി​ട്ട മ​ണ്ഡ​ലം ആ​ന്‍റോ ആ​ന്‍റ​ണി നി​ല​നി​ർ​ത്തു​ക​യും ചെ​യ്തെ​ങ്കി​ലും അ​ടൂ​രി​ന്‍റെ കാ​റ്റ് മ​റ്റൊ​രു വ​ഴി​ക്കാ​യി​രു​ന്നു. ഒ​ന്നാ​മ​തെ​ത്തി​യ​ത് എ​ൽ​ഡി​എ​ഫ് സ്ഥാ​നാ​ർ​ഥി വീ​ണാ ജോ​ർ​ജാ​യി​രു​ന്നു. ര​ണ്ടാം സ്ഥാ​ന​ത്ത് കെ. ​സു​രേ​ന്ദ്ര​നും വ​ന്നു. യു​ഡി​എ​ഫ് സ്ഥാ​നാ​ർ​ഥി ആ​ന്‍റോ ആ​ന്‍റ​ണി മൂ​ന്നാ​മ​താ​യി.

ശ​ബ​രി​മ​ല യു​വ​തി പ്ര​വേ​ശ​ന വി​ഷ​യം ഏ​റ്റ​വു​മ​ധി​കം അ​ല​യ​ടി​ച്ച തെ​ര​ഞ്ഞെ​ടു​പ്പി​ൽ പ്ര​ക്ഷോ​ഭ പ​രി​പാ​ടി​ക​ൾ​ക്കു തു​ട​ക്കം കു​റി​ച്ച പ​ന്ത​ളം കൂ​ടി ഉ​ൾ​പ്പെ​ടു​ന്ന മ​ണ്ഡ​ല​ത്തി​ൽ യു​ഡി​എ​ഫി​ന് അ​ടി​പ​ത​റു​ക​യാ​യി​രു​ന്നു. പ​ക്ഷേ ബി​ജെ​പി​യാ​ണ് ഇ​തി​ന്‍റെ നേ​ട്ടം കൊ​ണ്ടു​പോ​യ​ത്. ര​ണ്ടു​വ​ർ​ഷ​ത്തി​നു​ശേ​ഷം നി​യ​മ​സ​ഭാ തെ​ര​ഞ്ഞെ​ടു​പ്പ് വ​ന്ന​പ്പോ​ൾ ബി​ജെ​പി​ക്ക് അ​ന്നു നേ​ടി​യ​തി​ന്‍റെ പ​കു​തി വോ​ട്ടു​ക​ൾ പോ​ലും നേ​ടാ​നു​മാ​യി​ല്ല.

രാ​ഷ്‌​ട്രീ​യ സാ​ഹ​ച​ര്യം

അ​ടൂ​രി​ലെ രാ​ഷ്‌​ട്രീ​യ സാ​ഹ​ച​ര്യം അ​നു​കൂ​ല​മെ​ന്ന് മൂ​ന്ന് മു​ന്ന​ണി​ക​ൾ​ക്കും അ​വ​കാ​ശ​വാ​ദ​മു​ണ്ട്. തു​ട​ർ​ച്ച​യാ​യ തെ​ര​ഞ്ഞെ​ടു​പ്പ് വി​ജ​യ​മാ​ണ് എ​ൽ​ഡി​എ​ഫ് സാ​ധ്യ​ത​യാ​യി കാ​ണു​ന്ന​ത്. എ​ന്നാ​ൽ, ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ എ​ൽ​ഡി​എ​ഫ് ഭൂ​രി​പ​ക്ഷ​ത്തി​ലു​ണ്ടാ​യ ഇ​ടി​വാ​ണ് യു​ഡി​എ​ഫ് ക്യാ​ന്പി​ന്‍റെ പ്ര​തീ​ക്ഷ. മ​ണ്ഡ​ല പ​രി​ധി​യി​ൽ എ​ൽ​ഡി​എ​ഫി​ൽ നി​ല​നി​ൽ​ക്കു​ന്ന രാ​ഷ്‌​ട്രീ​യ അ​ടി​യൊ​ഴു​ക്കു​ക​ളും അ​നു​കൂ​ല​മാ​ക്കാ​ൻ യു​ഡി​എ​ഫ് ശ്ര​മ​മു​ണ്ട്. സി​പി​ഐ​യ്ക്കു നി​ർ​ണാ​യ​ക സ്വാ​ധീ​ന​മു​ള്ള മ​ണ്ഡ​ല​മാ​ണ് അ​ടൂ​ർ. സി​പി​ഐ​യി​ലെ ചി​റ്റ​യം ഗോ​പ​കു​മാ​ർ ക​ഴി​ഞ്ഞ മൂ​ന്ന് ടേ​മു​ക​ളാ​യി മ​ണ്ഡ​ല​ത്തെ പ്ര​തി​നി​ധീ​ക​രി​ക്കു​ന്നു. ത​ദ്ദേ​ശ​സ്ഥാ​പ​ന​ങ്ങ​ളി​ലും സി​പി​ഐ​യ്ക്കു പ്രാ​തി​നി​ധ്യം ഏ​റെ​യു​ണ്ട്.

സി​പി​ഐ ജി​ല്ലാ സെ​ക്ര​ട്ട​റി എ.​പി. ജ​യ​നെ​തി​രേ പാ​ർ​ട്ടി ന​ട​പ​ടി വ​ന്ന​തു​മാ​യി ബ​ന്ധ​പ്പെ​ട്ട വി​ഷ​യം തെ​ര​ഞ്ഞെ​ടു​പ്പി​നെ ബാ​ധി​ച്ചേ​ക്കാം. പ​ള്ളി​ക്ക​ൽ നി​ന്നു​ള്ള സി​പി​ഐ പ്ര​തി​നി​ധി ശ്രീ​നാ​ദേ​വി കു​ഞ്ഞ​മ്മ​യെ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് സ്ഥാ​ന​ത്തേ​ക്ക് നി​ർ​ദേ​ശി​ക്കാ​തി​രു​ന്ന​ത് മ​റ്റൊ​രു വി​ഭാ​ഗ​ത്തെ​യും ചൊ​ടി​പ്പി​ച്ചി​ട്ടു​ണ്ട്. കോ​ൺ​ഗ്ര​സി​ന്‍റെ സം​ഘ​ട​നാ രം​ഗ​ത്ത് ഇ​ക്കു​റി കാ​ര്യ​മാ​യ പ്ര​ശ്ന​ങ്ങ​ളു​ണ്ടാ​യി​ട്ടി​ല്ലെ​ങ്കി​ലും പാ​ർ​ട്ടി സം​വി​ധാ​ന​ങ്ങ​ൾ സ​ജീ​വ​മാ​യ​ത് തെ​ര​ഞ്ഞെ​ടു​പ്പ് പ്ര​ഖ്യാ​പ​ന​ത്തോ​ട​നു​ബ​ന്ധി​ച്ചാ​ണ്. ബി​ജെ​പി വോ​ട്ടു​ക​ൾ ഏ​റെ നി​ർ​ണാ​യ​ക​മാ​യ മ​ണ്ഡ​ല​ത്തി​ൽ അ​തു നി​ല​നി​ർ​ത്താ​നു​ള്ള ശ്ര​മ​ങ്ങ​ൾ പാ​ർ​ട്ടി​ത​ല​ത്തി​ൽ ന​ട​ന്നു​വ​രു​ന്നു.

പ്ര​ചാ​ര​ണ​ത്തി​ലെ സ്ഥാ​നാ​ർ​ഥി മി​ക​വ്

സി​റ്റിം​ഗ് എം​പി​യെ​ന്ന നി​ല​യി​ൽ ആ​ന്‍റോ ആ​ന്‍റ​ണി​ക്കു മ​ണ്ഡ​ല​ത്തി​ൽ ചെ​ലു​ത്താ​ൻ ക​ഴി​യു​ന്ന സ്വാ​ധീ​നാ​ണ് യു​ഡി​എ​ഫി​ന് അ​നു​കൂ​ല​മാ​യ ഘ​ട​ക​മാ​കാം.

ദേ​ശീ​യ​പാ​ത 183 എ ​പ്ര​ഖ്യാ​പി​ച്ച​തും ഭ​ര​ണി​ക്കാ​വി​ൽ​നി​ന്നാ​രം​ഭി​ച്ച് അ​ടൂ​ർ വ​ഴി ഇ​തു ക​ട​ന്നു​പോ​കു​ന്ന​തും എം​പി പ്ര​ധാ​ന പ്ര​ചാ​ര​ണ വി​ഷ​യ​മാ​യി എ​ടു​ത്തു​കാ​ട്ടു​ന്നു. നി​ല​വി​ലെ റോ​ഡ് ദേ​ശീ​യ​പാ​ത നി​ല​വാ​ര​ത്തി​ൽ ടാ​ർ ചെ​യ്താ​ണ് റോ​ഡ് വി​ക​സ​ന​ത്തി​നു തു​ട​ക്കം കു​റി​ച്ച​ത്. എം​പി​യു​ടെ പ്ര​വ​ർ​ത്ത​ന​ങ്ങ​ളെ വി​മ​ർ​ശ​ന വി​ധേ​യ​മാ​ക്കി​യാ​ണ് എ​ൽ​ഡി​എ​ഫ് പ്ര​ചാ​ര​ണം. തോ​മ​സ് ഐ​സ​ക്കി​ന്‍റെ സ്ഥാ​നാ​ർ​ഥി​ത്വ​ത്തി​ലെ മി​ക​വ് സി​പി​എം സ്വാ​ധീ​നം ഏ​റെ​യു​ള്ള മ​ണ്ഡ​ല​ത്തി​ൽ പ്ര​യോ​ജ​ന​പ്പെ​ടു​മെ​ന്നും മു​ന്ന​ണി ക​രു​തു​ന്നു. അ​ടൂ​രി​ന്‍റെ വി​ക​സ​ന സാ​ധ്യ​ത​ക​ൾ ഊ​ന്നി​പ്പ​റ​ഞ്ഞാ​ണ് ഐ​സ​ക് വോ​ട്ട് തേ​ടു​ന്ന​ത്.

അ​നി​ൽ കെ. ​ആ​ന്‍റ​ണി​യു​ടെ സ്ഥാ​നാ​ർ​ഥി​ത്വം ഏ​റെ ആ​ക​ർ​ഷ​ണീ​യ​മാ​ക്കി​യ മ​ണ്ഡ​ല​മാ​ണ് അ​ടൂ​ർ. ബി​ജെ​പി സം​ഘ​ട​നാ സം​വി​ധാ​ന​ത്തി​ലൂ​ടെ സ്ഥാ​നാ​ർ​ഥി​യെ അ​വ​ത​രി​പ്പി​ച്ചി​ട്ടു​ണ്ട്. കു​ടും​ബ​യോ​ഗ​ങ്ങ​ളി​ലും ചെ​റു​യോ​ഗ​ങ്ങ​ളി​ലും ശ്ര​ദ്ധ കേ​ന്ദ്രീ​ക​രി​ച്ചും ആ​രാ​ധ​നാ​ല​യ​ങ്ങ​ളി​ലു​മെ​ത്തി​യാ​ണ് പ്ര​ചാ​ര​ണ​ത്തി​നു തു​ട​ക്കം കു​റി​ച്ച​ത്.

Copyright @ 2022 , Rashtra Deepika Ltd.