പ​ത്ത​നം​തി​ട്ട: സ്‌​കൂ​ട്ട​റും ജീ​പ്പും കൂ​ട്ടി​യി​ടി​ച്ചു​ണ്ടാ​യ ​അ​പ​ക​ട​ത്തി​ൽ മ​രി​ച്ച വി​ദ്യാ​ർ​ഥി​യു​ടെ കു​ടും​ബ​ത്തെ പോ​ലീ​സ് പീ​ഡി​പ്പി​ക്കു​ന്ന​താ​യി പ​രാ​തി. അ​ന്വേ​ഷ​ണ​ത്തി​ന്‍റെ പേ​രി​ൽ കു​ടും​ബ​ത്തെ പോ​ലീ​സ് പീ​ഡി​പ്പി​ക്കു​ന്ന​താ​യി പി​താ​വ് പ​ത്ര​സ​മ്മേ​ള​ന​ത്തി​ൽ പ​റ​ഞ്ഞു.

2024 ഒ​ക്ടോ​ബ​ർ 31 ന് ​പ​ന്ത​ളം - മാ​വേ​ലി​ക്ക​ര റോ​ഡി​ൽ കു​ന്നി​ക്കു​ഴി ജം​ഗ്ഷ​നു സ​മീ​പം രാ​ത്രി ഏ​ഴി​നാ​ണ് മ​ങ്ങാ​രം പ്ലാ​ന്തോ​ട്ട​ത്തി​ൽ പി.​ജി. സു​നി​യു​ടെ മ​ക​ൻ ലി​നി​ൽ (17) മ​രി​ച്ച​ത്. അ​യ​ൽ​വാ​സി​യും ബ​ന്ധു​വു​മാ​യ ആ​രോ​മ​ലി​നൊ​പ്പം സ്‌​കൂ​ട്ട​റി​ൽ പോ​കു​മ്പോ​ഴാ​യി​രു​ന്നു അ​പ​ക​ടം.

സ്കൂ​ട്ട​റും ഒ​രു ജീ​പ്പും ത​മ്മി​ൽ കൂ​ട്ടി​യി​ടി​ച്ചാ​ണ് അ​പ​ക​ടം ന​ട​ന്ന​ത്. അ​പ​ക​ട​ത്തി​ൽ ആ​രോ​മ​ലി​നും പ​രി​ക്കേ​റ്റി​രു​ന്നു. സ്‌​കൂ​ട്ട​ർ ഓ​ടി​ച്ചി​രു​ന്ന​ത് ആ​രോ​മ​ലാ​ണെ​ന്ന് തെ​ളി​വു​ക​ളും മൊ​ഴി​യും ഉ​ണ്ടാ​യി​രു​ന്നു. എ​ന്നാ​ൽ, ലി​നി​ൽ വാ​ഹ​നം ഓ​ടി​ച്ചി​രു​ന്നു​വെ​ന്ന് വ​രു​ത്തിത്തീർ​ക്കാ​നാ​ണ് പോ​ലീ​സി​ന്‍റെ ശ്ര​മം. അ​ന്വേ​ഷ​ണ​ത്തി​ന്‍റെ തു​ട​ക്കം മു​ത​ൽ പ​ന്ത​ളം പോ​ലീ​സ് കേ​സ് അ​ട്ടി​മ​റി​ക്കാ​ൻ ശ്ര​മി​ച്ചി​രു​ന്ന​താ​യി സു​നി പ​റ​ഞ്ഞു. മ​ക​ൻ അ​പ​ക​ട​ത്തി​ൽ മ​രി​ച്ച​തി​നേ തു​ട​ർ​ന്ന് മാ​ന​സി​ക​മാ​യ ത​ക​ർ​ന്ന സു​നി​യു​ടെ കു​ടും​ബ​ത്തി​ന് കേ​സു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ തു​ട​ക്ക​ത്തി​ൽ ശ്ര​ദ്ധി​ക്കാ​നാ​യി​ല്ല. നാ​ലു​മാ​സം ക​ഴി​ഞ്ഞ് അ​ന്വേ​ഷ​ണ​ത്തി​ൽ സം​ശ​യം തോ​ന്നി​യ സു​നി പ​ന്ത​ളം പോ​ലീ​സി​നെ സ​മീ​പി​ച്ചു. മ​റു​പ​ടി തൃ​പ്തി​ക​ര​മ​ല്ലാ​ത്ത​തി​നാ​ൽ ഡി​ജി​പി​ക്ക് പ​രാ​തി ന​ൽ​കി.

ഇ​തേ​ത്തു​ട​ർ​ന്ന് കൊ​ല്ല​ത്തു​നി​ന്നു​ള്ള ഡി​വൈ​എ​സ്‌​പി സ്ഥ​ല​ത്തെ​ത്തി അ​ന്വേ​ഷ​ണം ന​ട​ത്തി. ര​ണ്ടാ​ഴ്ച​മു​മ്പ് പ​ത്ത​നം​തി​ട്ട ലോ​ക്ക​ൽ ക്രൈം​ബ്രാ​ഞ്ച് ഓ​ഫീ​സി​ലേ​ക്ക് വി​ളി​പ്പി​ച്ച് ആ​രോ​മ​ലി​നോ​ടു (23) മോ​ശ​മാ​യി പെ​രു​മാ​റു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്ത​താ​യി പി.​ജി. സു​നി പ​റ​ഞ്ഞു. എ​തി​ർ​ദി​ശ​യി​ൽ വ​ന്ന ജീ​പ്പ് ഇ​ടി​ച്ചാ​ണ് ലി​നി​ൽ മ​രി​ച്ച​ത്. ജീ​പ്പ് ഓ​ടി​ച്ചി​രു​ന്ന​യാ​ളെ സം​ര​ക്ഷി​ക്കാ​നു​ള്ള ശ്ര​മ​മാ​ണ് പോ​ലീ​സ് ന​ട​ത്തു​ന്ന​ത്.

ജീ​പ്പു​ട​മ കു​ര​ന്പാ​ല​യി​ലെ പ്ര​മു​ഖ ഭ​ര​ണ​ക​ക്ഷി നേ​താ​വാ​ണ്. രാ​ഷ്ട്രീ​യ സ്വാ​ധീ​നം ഉ​പ​യോ​ഗി​ച്ച് കേ​സ് അ​ട്ടി​മ​റി​ക്കു​ക​യാ​ണ് പോ​ലീ​സ് ചെ​യ്യു​ന്ന​ത്. സി​സി​ടി​വി ദൃ​ശ്യ​ങ്ങ​ൾ ശേ​ഖ​രി​ക്കാ​നോ അ​പ​ക​ട​ത്തി​നു ദൃ​ക്സാ​ക്ഷി​യാ​യ​വ​രു​ടെ മൊ​ഴി​യെ​ടു​ക്കാ​നോ പോ​ലീ​സ് ത​യാ​റാ​യി​ല്ലെ​ന്ന് സു​നി ആ​രോ‌​പി​ച്ചു. ബ​ന്ധു ആ​രോ​മ​ലും പ​ത്ര​സ​മ്മേ​ള​ന​ത്തി​ൽ പ​ങ്കെ​ടു​ത്തു.