ന്യൂഡൽഹി: ഇന്ത്യൻ രാഷ്ട്രീയ ചരിത്രത്തിൽ ഏറ്റവും കൂടുതൽ സ്വാധീനം ചെലുത്തിയ കുടുംബമാണ് നെഹ്റു-ഗാന്ധി കുടുംബം. എന്നാൽ അധികാരത്തിന്‍റെ തിളക്കത്തിനൊപ്പം അതിദാരുണമായ അനേകം വേർപാടുകളുടെയും കണ്ണീരിന്‍റെയും കഥ കൂടിയാണ് ഈ കുടുംബത്തിന് പറയാനുള്ളത്.

ഇന്ത്യയുടെ രാഷ്ട്രീയ ഭൂപടത്തെ പിടിച്ചുകുലുക്കിയ ആ വിയോഗങ്ങൾ ചരിത്രത്തിന്‍റെ ഏടുകളിൽ ഇന്നും കറുത്ത അധ്യായങ്ങളായി അവശേഷിക്കുകയാണ്.

സോ​ണി​യാ ഗാ​ന്ധി​യെ​ക്കു​റി​ച്ച് ബി​ജെ​പി എം​പി ക​ങ്ക​ണ റ​ണാ​വ​ത്ത് ന​ട​ത്തി​യ ഇ​ൻ​സ്റ്റ​ഗ്രാം സ്റ്റോ​റിയുടെ പശ്ചാത്തലത്തിലാണ് വീണ്ടും ഗാന്ധി കുടുംബത്തിലെ മരണങ്ങൾ ചർച്ചയാകുന്നത്.

ഗാ​ന്ധി കു​ടും​ബ​ത്തി​ലേ​ക്ക് ഒ​രു വി​ദേ​ശ വ​നി​ത ക​ട​ന്നു​വ​ന്ന​ത് ദു​രൂ​ഹ​മാ​ണെ​ന്നും ഇ​ന്ദി​രാ ഗാ​ന്ധി​യും സ​ഞ്ജ​യ് ഗാ​ന്ധി​യും രാ​ജീ​വ് ഗാ​ന്ധി​യും കൊ​ല്ല​പ്പെ​ട്ട​ത് യാ​ദൃ​ശ്ചി​ക​മ​ല്ലെ​ന്നും ക​ങ്ക​ണ സ​മൂ​ഹ​മാ​ധ്യ​മ​ങ്ങ​ളി​ൽ കു​റി​ച്ചിരുന്നു.

കു​ടും​ബ​ത്തി​ലെ അ​ന​ന്ത​രാ​വ​കാ​ശി​ക​ൾ ഇ​ല്ലാ​താ​യ​തോ​ടെ അ​ധി​കാ​രം മ​റ്റൊ​രു വി​ദേ​ശ വ​നി​ത​യാ​യ സോ​ണി​യാ ഗാ​ന്ധി​യി​ലേ​ക്ക് എ​ത്തി​ച്ചേ​ർ​ന്നു​വെ​ന്നും കങ്കണ ആ​രോ​പി​ച്ചു. സോ​ണി​യാ ഗാ​ന്ധി​യു​ടെ ഓ​ർ​മ​പ്പു​സ്ത​ക​മാ​യ 'ബി​ലോം​ഗി​ഗ്: എ ​ജേ​ർ​ണി ഓ​ഫ് ല​വ്'​ പു​റ​ത്തി​റ​ങ്ങി​യ​തി​ന് പി​ന്നാ​ലെ ബി​ജെ​പി കേ​ന്ദ്ര​ങ്ങ​ളി​ൽ​നി​ന്ന് ഉ​യ​ർ​ന്നു​വ​രു​ന്ന വി​മ​ർ​ശ​ന​ങ്ങ​ളു​ടെ തു​ട​ർ​ച്ച​യാ​യാ​ണ് ക​ങ്ക​ണ​യു​ടെ ഈ ​പ​രാ​മ​ർ​ശ​ങ്ങ​ൾ.

ഇന്ദിരാഗാന്ധി: വെടിയേറ്റു വീണ പ്രധാനമന്ത്രി

1984 ഒക്ടോബർ 31-ന് രാജ്യം കണ്ട ഏറ്റവും വലിയ രാഷ്ട്രീയ ഞെട്ടലായിരുന്നു അന്നത്തെ പ്രധാനമന്ത്രിയായിരുന്ന ഇന്ദിരാഗാന്ധിയുടെ കൊലപാതകം. ഡൽഹിയിലെ ഔദ്യോഗിക വസതിയിൽവച്ച് സ്വന്തം അംഗരക്ഷകരുടെ വെടിയേറ്റാണ് അവർ കൊല്ലപ്പെട്ടത്. ഓപ്പറേഷൻ ബ്ലൂ സ്റ്റാറിനെ തുടർന്നുള്ള പ്രതികാരമായിരുന്നു ആ ക്രൂരകൃത്യം.

രാജീവ് ഗാന്ധി: ചാവേർ ആക്രമണത്തിലെ ദുരന്തം

ഇന്ദിരാഗാന്ധിയുടെ മരണത്തെ തുടർന്ന് അധികാരമേറ്റ മുൻ പ്രധാനമന്ത്രി രാജീവ് ഗാന്ധിയും കൊല്ലപ്പെട്ടത് സമാനമായ രീതിയിലായിരുന്നു. 1991 മേയ് 21-ന് തമിഴ്നാട്ടിലെ ശ്രീപെരുമ്പത്തൂരിൽ തെരഞ്ഞെടുപ്പ് പ്രചാരണയോഗത്തിനിടയിൽ എൽടിടിഇ ചാവേറായ തേൻമൊഴി രാജരാത്നം നടത്തിയ മനുഷ്യബോംബ് ആക്രമണത്തിലാണ് അദ്ദേഹം കൊല്ലപ്പെട്ടത്.

സഞ്ജയ് ഗാന്ധിയുടെ അകാലത്തിലുള്ള വിടപറയൽ

ഇന്ദിരാഗാന്ധിയുടെ ഇളയ മകനും ശക്തനായ യുവനേതാവുമായിരുന്ന സഞ്ജയ് ഗാന്ധി 1980 ജൂൺ 23-ന് ഡൽഹിക്ക് സമീപം സഫ്ദർജംഗ് വിമാനത്താവളത്തിന് സമീപത്ത് നടന്ന വിമാനാപകടത്തിലാണ് മരണപ്പെട്ടത്. സഞ്ജയ് ഗാന്ധി പറത്തിയിരുന്ന വിമാനം തകർന്നു വീഴുകയായിരുന്നു.

രാജ്യത്തിനായി സ്വന്തം ജീവൻ തന്നെ ബലിയർപ്പിക്കേണ്ടി വന്ന ഈ കുടുംബത്തിന്‍റെ ചരിത്രം, ഇന്ത്യൻ രാഷ്ട്രീയത്തിലെ വൈകാരികവും സങ്കടകരവുമായ അധ്യായങ്ങളിൽ ഒന്നായി എക്കാലവും ഓർമിക്കപ്പെടും.

Tags : GandhiFamily IndiraGandhi RajivGandhi SanjayGandhi SoniaGandhi Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash