സെ​ബി മാ​ത്യു

ന്യൂ​ഡ​ൽ​ഹി: രാ​ജ്യ​ദ്രോ​ഹ​ക്കു​റ്റം പൂ​ർ​ണ​മാ​യും പി​ൻ​വ​ലി​ക്കു​ന്ന​തി​നെ​തി​രേ സ്വ​രം ക​ടു​പ്പി​ച്ച് ലോ ​ക​മ്മീ​ഷ​ൻ. ശി​ക്ഷാ ന​ട​പ​ടി​ക​ൾ ക​ടു​പ്പി​ച്ച് രാ​ജ്യ​ദ്രോ​ഹ​ക്കു​റ്റം നി​ല​നി​ർ​ത്ത​ണ​മെ​ന്ന ശി​പാ​ർ​ശ​യു​മാ​യാ​ണ് ലോ ​ക​മ്മീ​ഷ​ൻ കേ​ന്ദ്ര​സ​ർ​ക്കാ​രി​ന് റി​പ്പോ​ർ​ട്ട് ന​ൽ​കി​യി​രി​ക്കു​ന്ന​ത്. ഇ​ന്ത്യ​ൻ ശി​ക്ഷാ​നി​യ​മ​ത്തി​ലെ 124 എ ​വ​കു​പ്പ് പ്ര​കാ​ര​മു​ള്ള രാ​ജ്യ​ദ്രോ​ഹ​ക്കു​റ്റം പി​ൻ​വ​ലി​ച്ച​ത് നി​ല​വി​ലെ സാ​ഹ​ച​ര്യ​ങ്ങ​ളു​ടെ യാ​ഥാ​ർ​ഥ്യം ഉ​ൾ​ക്കൊ​ള്ളാ​തെ​യാ​ണെ​ന്നും ലോ ​ക​മ്മീ​ഷ​ൻ സ​ർ​ക്കാ​രി​ന് ന​ൽ​കി​യ റി​പ്പോ​ർ​ട്ടി​ൽ കു​റ്റ​പ്പെ​ടു​ത്തു​ന്നു.

നി​ല​വി​ൽ രാ​ജ്യ​ദ്രോ​ഹ​ക്കു​റ്റം തെ​ളി​യി​ക്ക​പ്പെ​ട്ടാ​ൽ ല​ഭി​ക്കാ​വു​ന്ന ശിക്ഷ മൂന്നുവർഷം വരെ തടവോ പരമാവധി ജീ​വ​പ​ര്യ​ന്തമോ ആ​ണ്. ഏ​റ്റ​വും ചു​രു​ങ്ങി​യ ശി​ക്ഷ പി​ഴ ചു​മ​ത്തു​ന്ന​ത് മാ​ത്ര​വു​മാ​യി​രു​ന്നു. ഇ​തി​ൽ മാ​റ്റം വ​ര​ണ​മെ​ന്നാ​ണു ലോ ​ക​മ്മീ​ഷ​ന്‍റെ നി​ർ​ദേ​ശം. രാ​ജ്യ​ദ്രോ​ഹ കു​റ്റ​ത്തി​ന് ജീ​വ​പ​ര്യ​ന്തം ശി​ക്ഷ പി​ഴ​യോ​ടു​കൂ​ടി​യോ അ​ല്ലാ​തെ​യോ വി​ധി​ക്കാം. അ​തി​നു​പു​റ​മേ ഏ​ഴു വ​ർ​ഷ​ത്തി​ൽ കു​റ​യാ​തെ ത​ട​വും പി​ഴ​യോ​ടു​കൂ​ടി​യോ അ​ല്ലാ​തെ​യോ ന​ൽ​ക​ണ​മെ​ന്നു​മാ​ണ് നി​ർ​ദേ​ശം. വാ​ക്കാ​ലോ എ​ഴു​തി​യ രേ​

ഖ​യാ​ലോ അ​ട​യാ​ള​ങ്ങ​ൾ കൊ​ണ്ടോ പ്ര​ത്യ​ക്ഷ​മാ​യ പ്രാ​തി​നി​ധ്യം കൊ​ണ്ടോ വി​ദ്വേ​ഷം വ​ച്ചു​പു​ല​ർ​ത്തി സ​ർ​ക്കാ​രി​നെ അ​വ​ഹേ​ളി​ക്കു​ക​യോ സ​ർ​ക്കാ​രി​നെ​തി​രേ അ​തൃ​പ്തി ഉ​ണ​ർ​ത്തി വി​ടു​ക​യോ ചെ​യ്യു​ന്ന​ത് കു​റ്റ​ക​ര​മാ​ണ്. അ​ക്ര​മ​ത്തി​നു പ്രേ​ര​ണ ന​ൽ​കു​ക​യും ക്ര​മ​സ​മാ​ധാ​നം ത​ക​ർ​ക്കു​ക​യും ചെ​യ്യു​ന്ന ഇ​ത്ത​രം കു​റ്റ​ങ്ങ​ൾ​ക്ക് ജീ​വ​പ​ര്യ​ന്തം ശി​ക്ഷ​യും അ​തോ​ടൊ​പ്പം പി​ഴ​യും ചു​മ​ത്താം. അ​ല്ലെ​ങ്കി​ൽ ഏ​ഴു വ​ർ​ഷം വ​രെ പി​ഴ​യോ​ടു കൂ​ടി​യോ അ​ല്ലാ​തെ​യോ ശി​ക്ഷ​യോ ചു​മ​ത്താം. അ​സം​തൃ​പ്തി എ​ന്ന​തി​ൽ വ​ഞ്ച​ന​യും ശ​ത്രു​ത വ​ച്ചു​പു​ല​ർ​ത്തു​ന്ന​തും ഉ​ൾ​പ്പെ​ടു​ന്നു.

രാ​ഷ്‌​ട്രീ​യ​ത്തി​ന്‍റെ പേ​രി​ലാ​ണ് രാ​ജ്യ​ദ്രോ​ഹ​ക്കു​റ്റം ഏ​റ്റ​വും കൂ​ടു​ത​ൽ ദു​രു​പ​യോ​ഗം ചെ​യ്യ​പ്പെ​ട്ടി​ട്ടു​ള്ള​തെ​ന്നും റി​പ്പോ​ർ​ട്ടി​ൽ വ്യ​ക്ത​മാ​ക്കു​ന്നു​ണ്ട്. രാ​ഷ്‌​ട്രീ​യ നേ​തൃ​ത്വ​ത്തി​ന്‍റെ പ്രീ​തി പി​ടി​ച്ചു​പ​റ്റാ​ൻ പ​ല​പ്പോ​ഴും പോ​ലീ​സു​കാ​ർ പ​ക്ഷ​പാ​ത​പ​ര​മാ​യി പ്ര​വ​ർ​ത്തി​ച്ച് നി​യ​മം ദു​രു​പ​യോ​ഗം ചെ​യ്യു​ന്നു​വെ​ന്നും ലോ ​ക​മ്മീ​ഷ​ൻ കു​റ്റ​പ്പെ​ടു​ത്തി.

ക​ഴി​ഞ്ഞ വ​ർ​ഷ​മാ​ണ് സു​പ്രീം​കോ​ട​തി രാ​ജ്യ​ദ്രോ​ഹ​ക്കു​റ്റം ചു​മ​ത്തു​ന്ന​തും ക്രി​മി​ന​ൽ വി​ചാ​ര​ണ​യും കോ​ട​തി ന​ട​പ​ടി​ക​ളും വി​ല​ക്കി​യ​ത്. വ​കു​പ്പ് പു​നഃ​പ​രി​ശോ​ധി​ക്ക​ണ​മെ​ന്നു സ​ർ​ക്കാ​രി​ന് നി​ർ​ദേ​ശം ന​ൽ​കി​ക്കൊ​ണ്ടാ​യി​രു​ന്നു സു​പ്രീം​കോ​ട​തി ന​ട​പ​ടി. ഇ​തേ​ത്തു​ട​ർ​ന്നാ​ണ് നി​യ​മം വി​ശ​ദ​മാ​യി പ​രി​ശോ​ധി​ക്കാ​ൻ സ​ർ​ക്കാ​ർ ലോ ​ക​മ്മീ​ഷ​നു നി​ർ​ദേ​ശം ന​ൽ​കി​യ​ത്.


യു​എ​പി​എ നി​യ​മ​വും ദേ​ശീ​യ സു​ര​ക്ഷാ നി​യ​മ​വും ഭ​ര​ണ​ഘ​ട​ന​യി​ലെ 124 എ ​വ​കു​പ്പി​ന്‍റെ ഉ​ദ്ദേ​ശ ല​ക്ഷ്യ​ങ്ങ​ളെ പൂ​ർ​ണ​മാ​യി ഉ​ൾ​ക്കൊ​ള്ളു​ന്നി​ല്ലെ​ന്നാ​ണ് ലോ ​ക​മ്മീ​ഷ​ൻ ചൂ​ണ്ടി​ക്കാ​ട്ടു​ന്ന​ത്. ദു​രു​പ​യോ​ഗം ചെ​യ്യ​പ്പെ​ടു​ന്നു​ണ്ടെ​ന്ന ആ​രോ​പ​ണ​ങ്ങ​ളു​ടെ അ​ടി​സ്ഥാ​ന​ത്തി​ൽ മാ​ത്രം നി​യ​മം റ​ദ്ദാ​ക്കാ​ൻ സാ​ധി​ക്കി​ല്ലെ​ന്നും ക​മ്മീ​ഷ​ൻ വ്യ​ക്ത​മാ​ക്കി.

സ​ർ​ക്കാ​രി​നും ര​ക്ഷ

രാ​ജ്യ​ദ്രോ​ഹ​ക്കു​റ്റം പി​ൻ​വ​ലി​ക്കു​ന്ന​ത് രാ​ജ്യ​ത്ത് സ​ങ്കീ​ർ​ണ​വും ഗു​രു​ത​ര​വു​മാ​യ പ്ര​ത്യാ​ഘാ​ത​ങ്ങ​ൾ ഉ​ണ്ടാ​ക്കു​മെ​ന്നാ​ണ് 279-ാം റി​പ്പോ​ർ​ട്ടി​ൽ ലോ ​ക​മ്മീ​ഷ​ൻ ചൂ​ണ്ടി​ക്കാ​ട്ടു​ന്ന​ത്. രാ​ജ്യ​ത്തി​ന്‍റെ സു​ര​ക്ഷ​യെ​യും അ​ഖ​ണ്ഡ​ത​യെ​യും പ്ര​തി​കൂ​ല​മാ​യി ബാ​ധി​ക്കും.

നി​യ​മം പി​ൻ​വ​ലി​ച്ചാ​ൽ വി​ധ്വം​സ​ക ശ​ക്തി​ക​ൾ​ക്ക് യ​ഥേ​ഷ്‌​ടം വി​ഹ​രി​ക്കാ​നു​ള്ള സ്വാ​ത​ന്ത്ര്യ​മാ​യി​രി​ക്കും ല​ഭി​ക്കു​ക​യെ​ന്നും ലോ ​ക​മ്മീ​ഷ​ൻ ചൂ​ണ്ടി​ക്കാ​ട്ടി. രാ​ജ്യ​ദ്രോ​ഹ​ക്കു​റ്റം ദേ​ശ​വി​രു​ദ്ധ​രി​ൽ​നി​ന്നും വി​ഘ​ട​ന​വാ​ദി​ക​ളി​ൽ​നി​ന്നും രാ​ജ്യ​ത്തെ സം​ര​ക്ഷി​ച്ചു നി​ർ​ത്തു​ന്നു. അ​തോ​ടൊ​പ്പം​ത​ന്നെ തെ​ര​ഞ്ഞെ​ടു​ക്ക​പ്പെ​ട്ട സ​ർ​ക്കാ​രി​നെ ഛിദ്ര​ശ​ക്തി​ക​ൾ ക​ലാ​പ​ങ്ങ​ളി​ലൂ​ടെ അ​ട്ടി​മ​റി​ക്കു​ന്ന​തി​ൽ​നി​ന്നു ത​ട​ഞ്ഞു നി​ർ​ത്തു​ന്ന​തി​നും രാ​ജ്യ​ദ്രോ​ഹ​ക്കു​റ്റം സ​ഹാ​യ​ക​ര​മാ​ണെ​ന്നും ലോ ​ക​മ്മീ​ഷ​ൻ പ​റ​യു​ന്നു.

മു​ൻ ക​ർ​ണാ​ട​ക ചീ​ഫ് ജ​സ്റ്റീ​സ് റി​തു രാ​ജ് അ​വ​സ്തി​യാ​ണ് ലോ ​ക​മ്മീ​ഷ​ൻ ചെ​യ​ർ​മാ​ൻ. മു​ൻ കേ​ര​ള ഹൈ​ക്കോ​ട​തി ജ​ഡ്ജി ജ​സ്റ്റീ​സ് കെ.​ടി . ശ​ങ്ക​ര​ൻ, പ്ര​ഫ. ആ​ന​ന്ദ് പ​ലി​വാ​ൽ, പ്ര​ഫ. ഡി.​പി. വ​ർ​മ എ​ന്നി​വ​രാ​ണ് ക​മ്മീ​ഷ​ൻ അം​ഗ​ങ്ങ​ൾ.

ഭേ​ദ​ഗ​തികൾ

►കു​റ്റം ചു​മ​ത്തി എ​ഫ്ഐ​ആ​ർ ര​ജി​സ്റ്റ​ർ ചെ​യ്യു​ന്ന​തി​നു​മു​ന്പ് പ്രാ​ഥ​മി​ക അ​ന്വേ​ഷ​ണം ന​ട​ത്തി​യി​രി​ക്ക​ണം.

►ഇ​ൻ​സ്പെ​ക്‌​ട​ർ റാ​ങ്കി​ൽ കു​റ​യാ​ത്ത ഉ​ദ്യോ​ഗ​സ്ഥ​ൻ ത​ന്നെ പ്രാ​ഥ​മി​ക അ​ന്വേ​ഷ​ണം ന​ട​ത്ത​ണം.

►കേ​ന്ദ്ര, സം​സ്ഥാ​ന സ​ർ​ക്കാ​രു​ക​ളു​ടെ അ​നു​മ​തി​യോ​ടു​കൂ​ടി മാ​ത്ര​മേ രാ​ജ്യ​ദ്രോ​ഹ​ക്കു​റ്റം ചു​മ​ത്താ​വൂ.
►രാ​ജ്യ​ദ്രോ​ഹ​ക്കു​റ്റം ദു​രു​പ​യോ​ഗം ചെ​യ്യ​പ്പെ​ടാ​തി​രി​ക്കാ​നു​ള്ള മാ​ർ​ഗ​നി​ർ​ദേ​ശ​ങ്ങ​ളും ഇ​റ​ക്ക​ണം.

►വെ​റു​പ്പും വി​ദ്വേ​ഷ​വും പ​ര​ത്താ​തെ നി​യ​മം അ​നു​ശാ​സി​ക്കു​ന്ന പ​രി​ധി​ക്കു​ള്ളി​ൽ​നി​ന്ന് സ​ർ​ക്കാ​ർ ന​ട​പ​ടി​ക​ളോ​ടും ന​യ​ങ്ങ​ളോ​ടും വി​യോ​ജി​പ്പും എ​തി​ർ​പ്പും പ്ര​ക​ടി​പ്പി​ക്കു​ന്ന​ത് രാ​ജ്യ​ദ്രോ​ഹ​ക്കു​റ്റ​ത്തി​ന്‍റെ പ​രി​ധി​യി​ൽ വ​രി​ല്ല.

►സ​ർ​ക്കാ​രി​ന്‍റെ​യും ഭ​ര​ണ​സം​വി​ധാ​ന​ങ്ങ​ളെ വെ​റു​പ്പോ, വി​ദ്വേ​ഷ​മോ പ​ര​ത്താ​തെ വി​മ​ർ​ശി​ക്കു​ന്ന​തും രാ​ജ്യ​ദ്രോ​ഹ​ക്കു​റ്റ​ത്തി​ന്‍റെ പ​രി​ധി​യി​ൽ​പ്പെ​ടി​ല്ല.