രാ​ഹു​ൽ ഗോ​പി​നാ​ഥ്

ന്യൂ​ഡ​ൽ​ഹി: പ്ര​തി​പ​ക്ഷ​ത്തെ ഇ​രു​ട്ടി​ൽ നി​ർ​ത്തു​ന്ന​താ​യി​രു​ന്നി​ല്ല നെ​ഹ്റു​വി​ന്‍റെ കാ​ഴ്ച​പ്പാ​ടെ​ന്ന് കോ​ണ്‍ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ. നെ​ഹ്റു​വി​ന്‍റെ കാ​ഴ്ച​പ്പാ​ട് എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന​താ​യി​രു​ന്നു​വെ​ന്നും പാ​ർ​ല​മെ​ന്‍റ് പ്ര​ത്യേ​ക സ​മ്മേ​ള​ന​ത്തി​ന്‍റെ ആ​ദ്യ ദി​വ​സം ന​ട​ത്തി​യ പ്ര​സം​ഗ​ത്തി​ൽ ഖാ​ർ​ഗെ പ​റ​ഞ്ഞു.

സ​മ്മേ​ള​ന​ത്തി​ന്‍റെ ആ​ദ്യ ദി​വ​സം രാ​ജ്യ​ത്തി​ന്‍റെ ആ​ദ്യ​ത്തെ പ്ര​ധാ​ന​മ​ന്ത്രി ജ​വ​ഹ​ർ​ലാ​ൽ നെ​ഹ്റു​വി​ന്‍റെ പ്ര​സി​ദ്ധ​മാ​യ സ്വാ​ത​ന്ത്ര്യ ദി​ന സ​ന്ദേ​ശം ഉ​ദ്ധ​രി​ച്ചു​ള്ള മോ​ദി​യു​ടെ പ്ര​സം​ഗ​ത്തി​ന് പി​ന്നാ​ലെ​യാ​ണ് ഖാ​ർ​ഗെ​യു​ടെ മ​റു​പ​ടി.
നെ​ഹ്റു ഇ​ന്ത്യ​ൻ ജ​നാ​ധി​പ​ത്യ​ത്തി​നു ന​ൽ​കി​യ സം​ഭാ​വ​ന​ക​ളെ അ​നു​സ്മ​രി​ച്ച ഖാ​ർ​ഗെ , പ്ര​തി​പ​ക്ഷ​ത്തെ ഒ​പ്പം കൊ​ണ്ടു​പോ​കു​ക​യും ഭ​ര​ണ​ഘ​ട​ന​യു​ടെ അ​ടി​ത്ത​റ​യി​ടു​ക​യും ചെ​യ്ത നെ​ഹ്റു​വി​ന്‍റെ കാ​ഴ്ച​പ്പാ​ട് എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന​താ​യി​രു​ന്നു​വെ​ന്ന് ഓ​ർ​മി​പ്പി​ച്ചു.

നെ​ഹ്റു പ്ര​തി​പ​ക്ഷ​ത്തെ​യും ഒ​പ്പം നി​ർ​ത്തി​യ​പ്പോ​ൾ മോ​ദി സ​ർ​ക്കാ​ർ പ്ര​തി​പ​ക്ഷ​ത്തെ ഇ​രു​ട്ടി​ലാ​ക്കാ​നാ​ണ് ശ്ര​മി​ക്കു​ന്ന​തെ​ന്നും ഖാ​ർ​ഗെ പ​റ​ഞ്ഞു. പാ​ർ​ല​മെ​ന്‍റ് ന​ട​പ​ടി​ക​ൾ പു​തി​യ കെ​ട്ടി​ട​ത്തി​ലേ​ക്ക് മാ​റ്റു​ന്ന​തി​ലൂ​ടെ സ​ർ​ക്കാ​ർ എ​ന്തു നേ​ട്ട​മാ​ണ് കൈ​വ​രി​ച്ച​തെ​ന്നും പേ​രു മാ​റ്റു​ന്ന​തി​ലൂ​ടെ രാ​ജ്യം നേ​രി​ടു​ന്ന പ്ര​ശ്ന​ങ്ങ​ൾ​ക്ക് പ​രി​ഹാ​ര​മാ​കി​ല്ലെ​ന്നും ഖാ​ർ​ഗെ ചൂ​ണ്ടി​ക്കാ​ട്ടി.


അ​ക്ര​മം രൂ​ക്ഷ​മാ​യ മ​ണി​പ്പു​ർ ഇ​നി​യും സ​ന്ദ​ർ​ശി​ക്കാ​ൻ മോ​ദി ത​യാ​റാ​കാ​ത്ത​തി​നെ​യും പ്ര​തി​പ​ക്ഷ​ത്തി​ന്‍റെ അ​ഭി​പ്രാ​യ​ങ്ങ​ൾ കേ​ൾ​ക്കാ​ൻ സ​ഭ​യി​ൽ ഹാ​ജ​രാ​കാ​ത്ത​തി​നെ​യും കു​റ്റ​പ്പെ​ടു​ത്തി​യ ഖാ​ർ​ഗെ പ്ര​ധാ​ന​മ​ന്ത്രി ച​ട​ങ്ങു തീ​ർ​ക്കു​ന്ന​ത് പോ​ലെ​യാ​ണ് പാ​ർ​ല​മെ​ന്‍റി​ൽ പ്ര​സം​ഗി​ക്കു​ന്ന​തെ​ന്നും പ​റ​ഞ്ഞു.

പാ​ർ​ല​മെ​ന്‍റ​റി സ്റ്റാ​ൻ​ഡിം​ഗ് ക​മ്മി​റ്റി​ക​ളു​ടെ പ​രി​ഗ​ണ​ന​യ്ക്ക് പോ​ലും വി​ടാ​തെ ബു​ള്ള​റ്റ് ട്രെ​യി​നു​ക​ളെ​ക്കാ​ൾ വേ​ഗ​ത്തി​ലാ​ണ് മോ​ദി സ​ർ​ക്കാ​ർ ബി​ല്ലു​ക​ൾ പാ​സാ​ക്കു​ന്ന​തെ​ന്നും ഖാ​ർ​ഗെ പ​റ​ഞ്ഞു.

പ്ര​തി​പ​ക്ഷ എം​പി​മാ​രു​ടെ ചെ​റി​യ തെ​റ്റു​ക​ൾ​ക്കു​പോ​ലും അ​വ​രെ ശി​ക്ഷി​ക്കു​ന്ന സ​ഭാ​ധ്യ​ക്ഷ​ൻ ബി​ജെ​പി എം​പി​മാ​രു​ടെ നി​യ​മ ലം​ഘ​ന​ത്തി​നു​നേ​ർ​ക്ക് ക​ണ്ണ​ട​യ്ക്കു​ന്നു​വെ​ന്നും സ​ഭാ​ധ്യ​ക്ഷ​ൻ എ​ല്ലാ​വ​രു​ടെ​യും ര​ക്ഷാ​ധി​കാ​രി​യാ​ണെ​ന്നും ഖാ​ർ​ഗെ ഓ​ർ​മി​പ്പി​ച്ചു.