ഡെ​റാ​ഡൂ​ണ്‍: ഉ​ത്ത​രാ​ഖ​ണ്ഡി​ലെ ഉ​ത്ത​ര​കാ​ശി​യി​ൽ നി​ർ​മാ​ണ​ത്തി​ലി​രി​ക്കു​ന്ന തു​ര​ങ്കം ഇ​ടി​ഞ്ഞ് 13 ദി​വ​സ​മാ​യി ഉ​ള്ളി​ൽ കു​ടു​ങ്ങി​ക്കി​ട​ക്കു​ന്ന തൊ​ഴി​ലാ​ളി​ക​ളെ പു​റ​ത്തെ​ത്തി​ക്കാ​നു​ള്ള ര​ക്ഷാ​ദൗ​ത്യം അ​ന്തി​മ​ഘ​ട്ട​ത്തി​ലേ​ക്ക്.

ദൗ​ത്യം ഇ​ന്ന​ലെ​ത്ത​ന്നെ പൂ​ർ​ത്തി​യാ​കേ​ണ്ട​താ​യി​രു​ന്നെ​ങ്കി​ലും ഡ്രി​ല്ലിം​ഗ് ന​ട​ത്തു​ന്ന ഓ​ഗ​ർ മെ​ഷീ​ന്‍റെ ബ്ലേ​ഡ് തു​ര​ങ്ക​ത്തി​നു​ള്ളി​ലെ അ​വ​ശി​ഷ്‌​ട​ങ്ങ​ൾ​ക്കി​ട​യി​ലു​ള്ള ഇ​രു​ന്പു​പാ​ളി​യി​ൽ ഇ​ടി​ച്ച​തി​നെ​ത്തു​ട​ർ​ന്ന് ത​ക​രാ​റി​ലാ​യി. ഡ്രി​ല്ലിം​ഗ് അ​വ​സാ​ന​ഘ​ട്ട​ത്തി​ൽ എ​ത്തി​നി​ൽ​ക്കെ തൊ​ഴി​ലാ​ളി​ക​ൾ​ക്ക് പു​റ​ത്തി​റ​ങ്ങാ​നു​ള്ള പൈ​പ്പ് സ്ഥാ​പി​ക്കു​ന്ന​തി​നി​ട​യി​ലാ​ണു ത​ക​രാ​ർ സം​ഭ​വി​ച്ച​ത്.

22 ട​ൺ ഭാ​രം വ​രു​ന്ന ഓ​ഗ​ർ മെ​ഷീ​ൻ സ്ഥാ​പി​ച്ചി​രി​ക്കു​ന്ന പ്ലാ​റ്റ്ഫോ​മി​ൽ വി​ള്ള​ലു​ക​ൾ പ്ര​ത്യ​ക്ഷ​പ്പെ​ട്ട​തും ദൗ​ത്യം വൈ​കാ​നി​ട​യാ‌​ക്കി. ഡ്രി​ല്ലിം​ഗ് പൂ​ർ​ത്തി​യാ​ക്കി ര​ക്ഷാ​പ്ര​വ​ർ​ത്ത​ക​ർ​ക്ക് തൊ​ഴി​ലാ​ളി​ക​ളു​ടെ അ​ടു​ത്തെ​ത്താ​ൻ ഇ​നി​യും അ​ഞ്ചു മു​ത​ൽ ആ​റു മ​ണി​ക്കൂ​ർ വ​രെ വേ​ണ്ടി​വ​ന്നേ​ക്കു​മെ​ന്നാ​ണ് രാ​ത്രി വൈ​കി​യു​ള്ള റി​പ്പോ​ർ​ട്ട്. അ​തി​നാ​ൽ​ത്ത​ന്നെ ഇ​ന്നു രാ​വി​ലെ​യോ​ടെ ര​ക്ഷാ​ദൗ​ത്യം ല​ക്ഷ്യം ക​ണ്ടേ​ക്കു​മെ​ന്നാ​ണു സൂ​ച​ന.

ഡ്രി​ല്ലിം​ഗ് ന​ട​ത്തു​ന്ന ഓ​ഗ​ർ മെ​ഷീ​ന് തു​ര​ങ്ക​ത്തി​നു​ള്ളി​ലെ അ​വ​ശി​ഷ്‌​ട​ങ്ങ​ൾ​ക്കി​ട​യി​ലു​ള്ള ലോ​ഹ​പാ​ളി​ക​ളി​ൽ ത​ട്ടി സം​ഭ​വി​ക്കു​ന്ന ത​ക​രാ​റു​ക​ളാ​ണ് ര​ക്ഷാ​ദൗ​ത്യം അ​പ്ര​തീ​ക്ഷി​ത​മാ​യി വൈ​കാ​നി​ട​യാ​ക്കു​ന്ന​തെ​ന്ന് ഇ​ന്‍റ​ർ​നാ​ഷ​ണ​ൽ ട​ണ​ലിം​ഗ് ആ​ൻ​ഡ് അ​ണ്ട​ർ​ഗ്രൗ​ണ്ട് സ്പേ​സ് അ​സോ​സി​യേ​ഷ​ൻ പ്ര​സി​ഡ​ന്‍റ് ആ​ർ​നോ​ൾ​ഡ് ഡി​ക്സ് പ​റ​ഞ്ഞു. എ​ങ്കി​ലും ഓ​രോ നി​മി​ഷ​വും ശു​ഭ​വാ​ർ​ത്ത​യ്ക്കാ​യി കാ​ത്തി​രി​ക്കു​ക​യാ​ണെ​ന്നും ദൗ​ത്യം അ​വ​സാ​ന​ഘ​ട്ട​ത്തി​ൽ എ​ത്തി​യ​താ​യും അ​ദ്ദേ​ഹം പ​റ​ഞ്ഞു.

80 സെ​ന്‍റിമീ​റ്റ​ർ വ്യാ​സ​മു​ള്ള ഒ​ന്പ​ത് പൈ​പ്പു​ക​ൾ ഒ​ന്നി​നു പി​റ​കെ ഒ​ന്നാ​യി വെ​ൽ​ഡ് ചെ​യ്ത് ഇ​തി​നോ​ട​കം അ​വ​ശി​ഷ്‌​ട​ങ്ങ​ൾ​ക്കി​ട​യി​ലൂ​ടെ മു​ന്നോ​ട്ടു​ നീ​ക്കി​യി​ട്ടു​ണ്ട്. തൊ​ഴി​ലാ​ളി​ക​ളി​ലേ​ക്കെ​ത്താ​ൻ ആ​കെ പ​ത്തു കു​ഴ​ലു​ക​ളാ​ണു വേ​ണ്ട​ത്.


സർവ്വം സജ്ജം

പു​റ​ത്തെ​ത്തി​ക്കു​ന്ന തൊ​ഴി​ലാ​ളി​ക​ളെ ഉ​ട​ൻ​ത​ന്നെ ആ​ശു​പ​ത്രി​യി​ലേ​ക്ക് മാ​റ്റും. ഇ​തി​നാ​യി ആം​ബു​ല​ൻ​സു​ക​ൾ ത​യാ​റാ​ക്കി നി​ർ​ത്തി​യി​രി​ക്കു​ക​യാ​ണ്. തൊ​ട്ട​ടു​ത്ത സ​ർ​ക്കാ​ർ ആ​ശു​പ​ത്രി​യി​ൽ ഓ​ക്സി​ജ​ൻ സൗ​ക​ര്യ​ത്തോ​ടെ 41 കി​ട​ക്ക​ക​ൾ ത​യാ​റാ​ക്കി​യി​ട്ടു​ണ്ട്. തൊ​ഴി​ലാ​ളി​ക​ൾ​ക്ക് അ​ടി​യ​ന്ത​ര ചി​കി​ത്സ ന​ൽ​കു​ന്ന​തി​നാ​യി തു​ര​ങ്ക​ത്തി​നു സ​മീ​പം താ​ത്കാ​ലി​ക ആ​ശു​പ​ത്രി​യും സ​ജ്ജ​മാ​ക്കി​യി​ട്ടു​ണ്ട്.

15 ഡോ​ക്‌​ട​ർ​മാ​രു​ൾ​പ്പെ​ടു​ന്ന വ​ൻ മെ​ഡി​ക്ക​ൽ സം​ഘ​വും സ്ഥ​ല​ത്ത് ക്യാ​ന്പ് ചെ​യ്തി​ട്ടു​ണ്ട്. ഉ​ത്ത​രാ​ഖ​ണ്ഡ് മു​ഖ്യ​മ​ന്ത്രി പു​ഷ്ക​ർ സിം​ഗ് ധാ​മി​യും കേ​ന്ദ്ര​മ​ന്ത്രി വി.​കെ.​ സിം​ഗും ര​ക്ഷാ​പ്ര​വ​ർ​ത്ത​നം വി​ല​യി​രു​ത്താ​ൻ എ​ത്തി​യി​രു​ന്നു. കു​ടു​ങ്ങി​ക്കി​ട​ക്കു​ന്ന തൊ​ഴി​ലാ​ളി​ക​ളു​മാ​യി മു​ഖ്യ​മ​ന്ത്രി സം​സാ​രി​ച്ചു.

ക​ഴി​ഞ്ഞ 12ന് ​പു​ല​ർ​ച്ചെ 5.30-നാ​യി​രു​ന്നു തു​ര​ങ്കം ഭാ​ഗി​ക​മാ​യി ത​ക​ർ​ന്നത്. തു​ര​ങ്ക​ത്തി​ന്‍റെ പ്ര​വേ​ശ​നക​വാ​ട​ത്തി​ൽ​നി​ന്ന് 200 മീ​റ്റ​ർ ഉ​ള്ളി​ലാ​യി​രു​ന്നു അ​പ​ക​ടം. ബി​ഹാ​ർ, ജാ​ർ​ഖ​ണ്ഡ്, ഉ​ത്ത​ർ​പ്ര​ദേ​ശ്, പ​ശ്ചി​മ​ബം​ഗാ​ൾ, ഒ​ഡീ​ഷ, ഉ​ത്ത​രാ​ഖ​ണ്ഡ്, ഹി​മാ​ച​ൽ​പ്ര​ദേ​ശ് തു​ട​ങ്ങി​യ സം​സ്ഥാ​ന​ങ്ങ​ളി​ൽ​നി​ന്നു​ള്ള തൊ​ഴി​ലാ​ളി​ക​ളാ​ണ് കു​ടു​ങ്ങി​ക്കി​ട​ക്കു​ന്ന​ത്.

തൊ​ഴി​ലാ​ളി​ക​ളെ സ്ട്രെ​ച്ച​റി​ൽ എ​ത്തി​ക്കും

ഡ്രി​ല്ലിം​ഗി​ലൂ​ടെ സ്ഥാ​പി​ക്കു​ന്ന പൈ​പ്പി​ലൂ​ടെ നി​ര​ങ്ങി​നീ​ങ്ങി തൊ​ഴി​ലാ​ളി​ക​ൾ സ്വ​യം പു​റ​ത്തി​റ​ങ്ങു​ന്ന​തി​നെ​ക്കു​റി​ച്ചാ​ണ് ര​ക്ഷാ​പ്ര​വ​ർ​ത്ത​ക​ർ ആ​ദ്യം ആ​ലോ​ചി​ച്ച​ത്. എ​ന്നാ​ൽ, തൊ​ഴി​ലാ​ളി​ക​ളി​ൽ ചി​ല​ർ ക്ഷീ​ണി​ത​രാ​യ​തി​നാ​ൽ ഈ ​തീ​രു​മാ​നം പി​ന്നീ​ട് പി​ൻ​വ​ലി​ച്ചു.

പ​ക​രം, ദേ​ശീ​യ ദു​ര​ന്തനി​വാ​ര​ണ സേ​ന​യി​ലെ വി​ദ​ഗ്ധ​ർ പൈ​പ്പി​ലൂ​ടെ തൊ​ഴി​ലാ​ളി​ക​ളു​ടെ അ​ടു​ത്തെ​ത്തി സ്ട്രെ​ച്ച​റു​ക​ളി​ൽ ഓ​രോ​രു​ത്ത​രെ​യാ​യി പു​റ​ത്തെ​ത്തി​ക്കാ​നാ​ണു തീ​രു​മാ​ന​മെ​ന്ന് ദേ​ശീ​യ ദു​ര​ന്ത നി​വാ​ര​ണസേ​ന ഡ​യ​റ​ക്‌​ട​ർ ജ​ന​റ​ൽ അ​തു​ൽ കാ​ർ​വാ​ൽ പ​റ​ഞ്ഞു. കൂ​ടു​ത​ൽ ക്ഷീ​ണ​മു​ള്ള​വ​രെ​യാ​യി​രി​ക്കും ആ​ദ്യം പു​റ​ത്തെ​ത്തി​ക്കു​ക.