സെ​ബി​ൻ ജോ​സ​ഫ്

ന്യൂ​ഡ​ൽ​ഹി: മ​ധ്യ​പ്ര​ദേ​ശി​ൽ ആ​ഞ്ഞ​ടി​ക്കു​മെ​ന്നു പ്ര​വ​ചി​ച്ചി​രു​ന്ന ഭ​ര​ണ​വി​രു​ദ്ധ വി​കാ​ര​ത്തെ ക്ഷേ​മ​പ​ദ്ധ​തി​ക​ൾ​കൊണ്ട് പി​ടി​ച്ചു​കെ​ട്ടി ശി​വ​രാ​ജ് സിം​ഗ് ചൗ​ഹാ​ൻ ഹി​ന്ദി​ ഹൃ​ദ​യ​ഭൂ​മി​യി​ൽ വീ​ണ്ടും താ​മ​ര വി​രി​യി​ച്ചു.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ പ്ര​ധാ​ന​മു​ഖ​മാ​യി ഉ​യ​ർ​ത്തി​ക്കാ​ട്ടി​യ മ​ധ്യ​പ്ര​ദേ​ശ് തെ​ര​ഞ്ഞെ​ടു​പ്പി​ൽ, മൂ​ന്നു കേ​ന്ദ്ര​മ​ന്ത്രി​മാ​ർ ഉ​ൾ​പ്പെ​ടെ ഏ​ഴ് എം​പി​മാ​രെ ഇ​റ​ക്കി​യാ​ണ് ബി​ജെ​പി തെ​ര​ഞ്ഞെ​ടു​പ്പി​നെ നേ​രി​ട്ട​ത്. 230 അം​ഗ നി​യ​മ​സ​ഭ​യി​ൽ 165 സീ​റ്റു​ക​ൾ നേ​ടി ബി​ജെ​പി വീ​ണ്ടും സ​ർ​ക്കാ​ർ രൂ​പീ​ക​രി​ക്കും.

2018 ൽ 112 ​സീ​റ്റ് നേ​ടി​യ കോ​ണ്‍ഗ്ര​സ് 64 സീ​റ്റി​ലേ​ക്ക് ഒ​തു​ങ്ങി. ബു​ധി​നി​യി​ൽ​നി​ന്ന് മു​ഖ്യ​മ​ന്ത്രി ശി​വ​രാ​ജ് സിം​ഗ് ചൗ​ഹാ​നും ചി​ന്ദ്വാ​ഡ​യി​ൽ​നി​ന്ന് കോ​ണ്‍ഗ്ര​സ് നേ​താ​വ് ക​മ​ൽ​നാ​ഥും വി​ജ​യി​ച്ചു.

നാ​ലാം​ഘ​ട്ട സ്ഥാ​നാ​ർ​ഥി നി​ർ​ണ​യ​ത്തി​ൽ മാ​ത്രം സി​റ്റിം​ഗ് മ​ണ്ഡ​ല​മാ​യ ബു​ധി​നി​യി​ൽ സീ​റ്റ് ന​ൽ​കി മു​ഖ്യ​മ​ന്ത്രി ശി​വ​രാ​ജ് സിം​ഗ് ചൗ​ഹാ​നെ അ​പ​മാ​നി​ക്കാ​ൻ ബി​ജെ​പി നേ​തൃ​ത്വം ശ്ര​മി​ച്ചെ​ങ്കി​ലും വ​ൻ വി​ജ​യ​ത്തോ​ടെ അ​ദ്ദേ​ഹം മ​ധ്യ​പ്ര​ദേ​ശി​ൽ ബി​ജെ​പി​യു​ടെ മു​ഖ​മാ​യി മാ​റി.

മാ​മ എ​ന്നു വി​ളി​ക്കു​ന്ന ചൗ​ഹാ​ന്‍റെ ക്ഷേ​മ​പ​ദ്ധ​തി​ക​ൾ, പ്ര​ത്യേ​കി​ച്ച് പെ​ണ്‍കു​ട്ടി​ക​ൾ​ക്ക് പ്ര​തി​മാ​സം 1250 രൂ​പ ന​ൽ​കിവ​രു​ന്ന ലാ​ഡ്‌​ലി ബെ​ഹ​ന യോ​ജ​ന പ​ദ്ധ​തി​യാ​ണ് ബി​ജെ​പി വി​ജ​യ​ത്തി​ന്‍റെ ആ​ക്കം കൂ​ട്ടി​യ​ത്. സ്ത്രീ ​വോ​ട്ട​ർ​മാ​ർ ബി​ജെ​പി​ക്കൊ​പ്പം നി​ന്നു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ കി​സാ​ൻ സ​മ്മാ​

ൻ പ​ദ്ധ​തി​യും ബി​ജെ​പി സ​ർ​ക്കാ​രി​ലു​ള്ള ജ​ന​ങ്ങ​ളു​ടെ പ്ര​തീ​ക്ഷ വ​ർ​ധി​പ്പി​ച്ചു. തു​ട​ർ​ഭ​ര​ണം ല​ഭി​ച്ചാ​ൽ ലാ​ഡ്‌​ലി ബെ​ഹ​ന 3000 രൂ​പ​യാ​ക്കാ​മെ​ന്നാ​ണ് ബി​ജെ​പി വാ​ഗ്ദാ​നം.

ക​മ​ൽ​നാ​ഥ് എ​ന്ന ഒ​റ്റ നേ​താ​വി​ന്‍റെ ചി​റ​കി​ൽ തെ​ര​ഞ്ഞെ​ടു​പ്പി​നെ നേ​രി​ട്ട കോ​ണ്‍ഗ്ര​സി​ന് അ​പ്ര​തീ​ക്ഷി​ത തി​രി​ച്ച​ടി നേ​രി​ടേ​ണ്ടി​വ​ന്നു. മു​തി​ർ​ന്ന നേ​താ​വ് ദി​ഗ്‌​വി​ജ​യ് സിം​ഗി​നെ മാ​റ്റിനി​ർ​ത്തി ക​മ​ൽ​നാ​ഥ് ഒ​റ്റ​യ്ക്കാ​ണ് പ്ര​ചാ​ര​ണം ന​യി​ച്ച​ത്. ഭ​ര​ണ​വി​രു​ദ്ധ​വി​കാ​രം വോ​ട്ടാ​ക്കി മാ​റ്റാ​മെ​ന്നാ​ണ് കോ​ണ്‍ഗ്ര​സ് പ്ര​തീ​ക്ഷി​ച്ചി​രു​ന്ന​ത്. ക​മ​ൽ​നാ​ഥി​ന്‍റെ ശ​ക്തി​കേ​ന്ദ്ര​ങ്ങ​ളി​ൽ​പോ​ലും കോ​ണ്‍ഗ്ര​സി​ന് വോ​ട്ട് ചോ​ർ​ന്നു. പ്രി​യ​ങ്ക​യും രാ​ഹു​ൽ ഗാ​ന്ധി​യു​മാ​യി​രു​ന്നു മ​ധ്യ​പ്ര​ദേ​ശി​ലെ താ​ര​പ്ര​ചാ​ര​ക​ർ.

ഭോ​പ്പാ​ൽ ന​ഗ​ര​ത്തി​ൽ രാ​ഹു​ൽ ന​ട​ത്തു​മെ​ന്നു പ്ര​ഖ്യാ​പി​ച്ച റോ​ഡ് ഷോ​പോ​ലും മാ​റ്റി​വ​ച്ച​ത് കോ​ണ്‍ഗ്ര​സി​ന് തി​രി​ച്ച​ടി​യാ​യി. സം​സ്ഥ​ാന​ത്ത് കൂടുത​ൽ പ്ര​ചാ​ര​ണം ന​യി​ച്ച​ത് പ്രി​യ​ങ്ക​യാ​യി​രു​ന്നു. എ​ന്നാ​ൽ, പ്രി​യ​ങ്ക​യു​ടെ വ്യ​ക്തി​പ്ര​ഭാ​വം വോ​ട്ടാ​യി മാ​റി​യി​ല്ല. ഭോ​പ്പാ​ൽ ലോ​ക്സ​ഭാ മ​ണ്ഡ​ല​ത്തി​ലെ ഏ​ഴു സീ​റ്റു​ക​ളി​ൽ ര​ണ്ടെ​ണ്ണം കോ​ണ്‍ഗ്ര​സ് ജ​യി​ച്ച​ത് മാ​ത്ര​മാ​ണ് ആ​ശ്വാ​സം. മു​സ്‌​ലിം ന്യൂ​ന​പ​ക്ഷ വോ​ട്ടു​ക​ൾ കോ​ണ്‍ഗ്ര​സി​നൊ​പ്പം നി​ന്ന​പ്പോ​ൾ, ജാ​തി സെ​ൻ​സ​സ് പ്ര​ഖ്യാ​പ​നം മ​റ്റ് വോ​ട്ടു ബാ​ങ്കു​ക​ളെ അ​ക​റ്റി നി​ർ​ത്തി.


എ​സ്പി, ബി​എ​സ്പി, ഗോ​ണ്ടാ​ന ഗ​ണ​ത​ന്ത്ര പാ​ർ​ട്ടി​ക​ൾ മ​ത്സ​രി​ച്ച​ത് കോ​ണ്‍ഗ്ര​സി​നെ പ്ര​തി​കൂ​ല​മാ​യി ബാ​ധി​ച്ചു. ആ​ദി​വാ​സി മേ​ഖ​ല​യി​ൽ കോ​ണ്‍ഗ്ര​സി​ന് ഇ​തു കൂ​ടു​ത​ൽ തി​രി​ച്ച​ടി ന​ൽ​കി. ര​ത്‌​ലം ജി​ല്ല​യി​ലെ സൈ​ലാ​ന മ​ണ്ഡ​ല​ത്തി​ൽ ഭാ​ര​ത് ആ​ദി​വാ​സി പാ​ർ​ട്ടി സ്ഥാ​നാ​ർ​ഥി ക​മ​ലേ​ശ്വ​ർ ദോ​ദി​യാ​ർ കോ​ണ്‍ഗ്ര​സ് സ്ഥാ​നാ​ർ​ഥി​യെ പാ​രാ​ജ​യ​പ്പെ​ടു​ത്തി. രാ​ജ​സ്ഥാ​ൻ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന പാ​ർ​ട്ടി​യു​ടെ ആ​ദ്യ വി​ജ​യ​മാ​ണി​ത്.

ഇ​തി​നി​ടെ, ശി​വ​രാ​ജ് സിം​ഗ് ചൗ​ഹാ​ൻ കാ​ബി​ന​റ്റി​ലെ ആ​ഭ്യ​ന്ത​ര​മ​ന്ത്രി ന​രോ​ത്തം മി​ശ്ര​യ​ട​ക്കം നി​ര​വ​ധി പ്ര​മു​ഖ​ർ പ​രാ​ജ​യ​പ്പെ​ട്ടു. ദാ​ദി​യ​യി​ൽ കോ​ണ്‍ഗ്ര​സ് സ്ഥാ​നാ​ർ​ഥി രാ​ജേ​ന്ദ്ര​ർ ഭാ​ര​തി​യാ​ണ് ന​രോ​ത്തം മി​ശ്ര​യെ പ​രാ​ജ​യ​പ്പെ​ടു​ത്തി​യ​ത്. മ​ന്ത്രി​മാ​രാ​യ അ​ര​വി​ന്ദ് ബോ​ദോ​രി​യ, മോ​ഹ​ൻ യാ​ദ​വ്, വി​കാ​സ് സാ​രം​ഗ്, മ​ഹേ​ന്ദ്ര സിം​ഗ് സി​സോ​യി​ദി​യ, രാ​ജ്യ​വ​ർ​ധ​ൻ സിം​ഗ് ദ​ത്തി​ഗാ​വ് എ​ന്നി​വ​രും പ​രാ​ജ​യ​പ്പെ​ട്ടു.

മാ​മ​യോ മ​ഹാ​രാ​ജോ

ന്യൂ​ഡ​ൽ​ഹി: മ​ധ്യ​പ്ര​ദേ​ശി​ൽ അ​ഞ്ചാം വ​ട്ടം വ​ൻ ഭൂ​രി​പ​ക്ഷ​ത്തോ​ടെ ബി​ജെ​പി അ​ധി​കാ​ര​ത്തി​ലെ​ത്തി​യെ​ങ്കി​ലും മു​ഖ്യ​മ​ന്ത്രി ആ​രാ​കു​മെ​ന്ന് തീ​ർ​ച്ച​യി​ല്ല. ആ​ദ്യ സ്ഥാ​നാ​ർ​ഥി​പ​ട്ടി​ക​യി​ൽ​നി​ന്ന് കേ​ന്ദ്ര​നേ​തൃ​ത്വം ത​ള്ളി​യ മു​ഖ്യ​മ​ന്ത്രി ശി​വ​രാ​ജ് സിം​ഗ് ചൗ​ഹാ​നോ 2020ൽ ​കോ​ണ്‍ഗ്ര​സ് സ​ർ​ക്കാ​രി​നെ മ​റി​ച്ച് ബി​ജെ​പി​ക്കൊ​പ്പം ചേ​ർ​ന്ന ഗ്വാ​ളി​യോ​ർ രാ​ജാ​വ് ജ്യോ​തി​രാ​ദി​ത്യ സി​ന്ധ്യ​യോ മു​ഖ്യ​മ​ന്ത്രി​യാ​കു​മെ​ന്നാ​ണ് അ​ഭ്യൂ​ഹം. കേ​ന്ദ്ര​മ​ന്ത്രി​മാ​രാ​യ പ്ര​ഹ്ളാ​ദ് പ​ട്ടേ​ലി​ന്‍റെ​യും ന​രേ​ന്ദ്ര സിം​ഗ് തോ​മ​റി​ന്‍റെ​യും പേ​രു​ക​ൾ പ​രി​ഗ​ണ​ന​യി​ലു​ണ്ട്. ക​ർ​ഷ​ക​സ​മ​ര​ത്തി​ൽ നേ​താ​ക്ക​ളു​മാ​യി ച​ർ​ച്ച ന​ട​ത്തി സ​മ​വാ​യ​ത്തി​ലെ​ത്തി മോ​ദി സ​ർ​ക്കാ​രി​ന്‍റെ മു​ഖം ര​ക്ഷി​ച്ച മു​ൻ​തൂ​ക്കം തോ​മ​റി​നു​ണ്ട്.

എ​ന്നാ​ൽ, ഒ​ബി​സി നേ​താ​വാ​യ പ്ര​ഹ്ളാ​ദ് പ​ട്ടേ​ൽ മേ​ഖ​ല​യി​ൽ ശ​ക്ത​നാ​ണ്. ബി​ജെ​പി ദേ​ശീ​യ സെ​ക്ര​ട്ട​റി കൈ​ലാ​ഷ് വി​ജ​യ​വ​ർ​ഗി​യും ബി​ജെ​പി സം​സ്ഥാ​ന അ​ധ്യ​ക്ഷ​ൻ വി.​ഡി. ശ​ർ​മ​യും വി​ജ​യി​ച്ചി​ട്ടു​ണ്ട്. 2024 പൊ​തു തെ​ര​ഞ്ഞെ​ടു​പ്പു വ​രെ ചൗ​ഹാ​നു മു​ഖ്യ​മ​ന്ത്രി​സ്ഥാ​നം ന​ൽ​കി ഭ​ര​ണം മു​ന്നോ​ട്ടു കൊ​ണ്ടു​പോ​കാ​നാ​കും ബി​ജെ​പി കേ​ന്ദ്ര നേ​തൃ​ത്വ​ത്തി​ന്‍റെ നീ​ക്കം.

മധ്യബാങ്കില്‍ അക്കൗണ്ട് തുറന്ന് ആദിവാസി പാര്‍ട്ടി

രാ​​​ജ​​​സ്ഥാ​​​നു പു​​​റ​​​മേ മ​​​​​ധ്യ​​​​​പ്ര​​​​​ദേ​​​​​ശി​​​ലും വി​​​​​ജ​​​​​യം കു​​​​​റി​​​​​ച്ച് ഭാ​​​​​ര​​​​​ത് ആ​​​​​ദി​​​​​വാ​​​​​സി പാ​​​​​ർ​​​​​ട്ടി. രാ​​​ജ​​​സ്ഥാ​​​നി​​​ൽ മൂ​​​ന്നു സീ​​​റ്റ് നേ​​​ടി​​​യ പാ​​​ർ​​​ട്ടി മ​​​ധ്യ​​​പ്ര​​​ദേ​​​ശി​​​ലെ ര​​​​​ത്‌​​​​​ലാം ജി​​​​​ല്ല​​​​​യി​​​​​ലെ സൈ​​​​​ലാ​​​​​ന മ​​​​​ണ്ഡ​​​​​ല​​​​​ത്തി​​​​​ലും വി​​​ജ​​​യി​​​ച്ചു. ക​​​​​മ​​​​​ലേ​​​​​ശ്വ​​​​​ർ ദോ​​​​​ദി​​​​​യാ​​​​​ർ ആ​​​ണു വി​​​​​ജ​​​​​യി​​​​​ച്ച​​​​​ത്. കോ​​​​​ൺ​​​​​ഗ്ര​​​​​സ് സ്ഥാ​​​​​നാ​​​​​ർ​​​​​ഥി​​​​​യാ​​​​​ണു ര​​​​​ണ്ടാ​​​​​മ​​​​​തെ​​​​​ത്തി​​​​​യ​​​​​ത്.