26

കോഴിക്കോട്: വടകര എംഡിഎംഎ കേസ് പ്രതിക്ക് പൊലിസ് സ്റ്റേഷന് മുന്നിൽവച്ച് കുത്തേറ്റു. ഹൈക്കോടതിയുടെ ജാമ്യവ്യവസ്ഥ പ്രകാരം സ്റ്റേഷനിൽ ഒപ്പിടാനെത്തിയ കീർത്തനയ്ക്കാണ് പങ്കാളി വിനീഷിന്‍റെ ആക്രമണത്തിൽ പരിക്കേറ്റത്. ഇന്ന് രാവിലെയായിരുന്നു സംഭവം.

ഹൈക്കോടതി നിർദ്ദേശപ്രകാരം വടകര പൊലിസ് സ്റ്റേഷനിൽ ഹാജരാകാൻ എത്തിയതായിരുന്നു കീർത്തന. സ്റ്റേഷന് തൊട്ടുമുന്നിൽവച്ച് ഇവർക്ക് നേരെ വിനീഷ് ആക്രമണം അഴിച്ചുവിടുകയായിരുന്നു.

സംഭവസ്ഥലത്തുവച്ചുതന്നെ പ്രതി വിനീഷിനെ പൊലിസ് കസ്റ്റഡിയിലെടുത്തു. ഗുരുതരമായി പരിക്കേറ്റ കീർത്തനയെ ആദ്യം വടകര താലൂക്ക് ആശുപത്രിയിൽ പ്രവേശിപ്പിച്ചു. പിന്നീട് വിദഗ്ധ ചികിത്സയ്ക്കായി കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി.

Tags : Keerthana Accused MDMA Case Stabbed Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash