ബാ​സ​ല്‍: സ്വി​റ്റ്സ​ര്‍​ല​ൻ​ഡി​ലെ ബാ​സ​ല്‍ സെ​ന്‍റ് ജേ​ക്ക​ബ്ഹാ​ളെ അ​രീ​ന​യി​ല്‍ ന​ട​ന്ന യൂ​റോ വി​ഷ​ന്‍ സം​ഗീ​ത മ​ത്സ​ര​ത്തി​ന്‍റെ ഗ്രാ​ന്‍​ഡ് ഫൈ​ന​ലി​ല്‍ ഓ​സ്ട്രി​യ​ന്‍ ഗാ​യ​ക​ന്‍ ജോ​ഹ​ന്നാ​സ് പീ​റ്റ്ഷ് ഒ​ന്നാം സ്ഥാ​നം നേ​ടി. "വേ​സ്റ്റ​ഡ് ല​വ്' എ​ന്ന ഗാ​നം ആ​ല​പി​ച്ചാ​ണ് ജെ​ജെ എ​ന്ന​റി​യ​പ്പെ​ടു​ന്ന ജോ​ഹ​ന്നാ​സ് പീ​റ്റ്ഷ് ജേ​താ​വാ​യ​ത്.

ലോ​ക​ത്തി​ലെ ഏ​റ്റ​വും വ​ലി​യ ലൈ​വ് മ്യൂ​സി​ക് ടെ​ലി​വി​ഷ​ന്‍ പ​രി​പാ​ടി​യാ​യ യൂ​റോ​വി​ഷ​ന്‍ സം​ഗീ​ത മ​ത്സ​ര​ത്തി​ല്‍ യൂ​റോ​പ്പി​ലു​ട​നീ​ള​മു​ള്ള ദേ​ശീ​യ ജൂ​റി​ക​ളു​ടെ​യും ഭൂ​ഖ​ണ്ഡ​ത്തി​ലു​ട​നീ​ള​മു​ള്ള പ്രേ​ക്ഷ​ക​രു​ടെ​യും വോ​ട്ടു​ക​ളും പ​രി​ഗ​ണി​ച്ചി​രു​ന്നു.

ഓ​സ്ട്രി​യ 436 പോ​യി​ന്‍റു​ക​ളാ​ണ് നേ​ടി​യ​ത്. ഡ്രാ​ഗ് പെ​ര്‍​ഫോ​മ​ര്‍ കൊ​ഞ്ചി​റ്റ വു​ര്‍​സ്റ്റി​ന്‍റെ 2014ലെ ​വി​ജ​യ​ത്തി​നു​ശേ​ഷം ഓ​സ്ട്രി​യ​യ്ക്ക് വീ​ണ്ടും ഒ​രു വി​ജ​യം ന​ല്‍​കി​യ​ത് ജെ​ജെ ആ​ണ്. 357 പോ​യി​ന്‍റി​ക​ളാ​ണ് ഇ​സ്ര​യേ​ല്‍ നേ​ടി​യ​ത്.


എ​സ്റ്റോ​ണി​യ​യ്ക്ക് 356 പോ​യി​ന്‍റു​ക​ളും ല​ഭി​ച്ചു. ഇ​റ്റ​ലി, ഗ്രീ​സ്, ഫ്രാ​ന്‍​സ് എ​ന്നി​വ​ര്‍ നാ​ലാം സ്ഥാ​ന​ത്തെ​ത്തി. അ​ല്‍​ബേ​നി​യ, യു​ക്രെ​യ്ന്‍, സ്വി​റ്റ്സ​ര്‍​ല​ന്‍​ഡ് എ​ന്നി​വ ആ​ദ്യ പ​ത്തി​ല്‍ ഇ​ടം നേ​ടി. ജ​ര്‍​മ​നി 151 പോ​യി​ന്‍റോ​ടെ 15-ാം സ്ഥാ​ന​ത്തെ​ത്തി.

26 രാ​ജ്യ​ങ്ങ​ള്‍ പ​ങ്കെ​ടു​ത്ത​തി​ൽ 11 രാ​ജ്യ​ങ്ങ​ള്‍ സെ​മി​ഫൈ​ന​ലി​ല്‍ പു​റ​ത്താ​യി. 6,500 ആ​ളു​ക​ള്‍ ഹാ​ളി​ലും 36,000 പേ​ര്‍ അ​ടു​ത്തു​ള്ള സ്റ്റേ​ഡി​യ​ത്തി​ലും ത​ത്സ​മ​യ സം​പ്രേ​ഷ​ണം ക​ണ്ടു. യൂ​റോ​പ്പി​ന​ക​ത്തും പു​റ​ത്തു​മാ​യി ഏ​ക​ദേ​ശം 160 ദ​ശ​ല​ക്ഷം ആ​ളു​ക​ളാ​ണ് ടി​വി​യി​ലൂ​ടെ ഷോ ​ക​ണ്ട​ത്.

2026ല്‍ ​യൂ​റോ​വി​ഷ​ന്‍ സം​ഗീ​ത​മ​ത്സ​ര​ത്തി​ന് വേ​ദി​യാ​കു​ന്ന​ത് ഓ​സ്ട്രി​യ​യാ​ണ്.