ഡോ​​​​​​ക്‌​​​​​​ട​​​​​​ർ​​​​​​മാ​​​​​​രും ആ​​​​​​രോ​​​​​​ഗ്യ​​​​​​പ്ര​​​​​​വ​​​​​​ർ​​​​​​ത്ത​​​​​​ക​​​​​രും മ​​​​​​ഹ​​​​​​ത്താ​​​​​​യ സേ​​​​​​വ​​​​​​ന​​​​​​മാ​​​​​​ണു ചെ​​​​​​യ്യു​​​​​​ന്ന​​​​​​ത്. ബോ​​​​​​ധ​​​​​​പൂ​​​​​​ർ​​​​​​വ​​​​​​മാ​​​​​​യ തെ​​​​​​റ്റു​​​​​​ക​​​​​​ളു​​​​​​ണ്ടാ​​​​​​യാ​​​​​​ൽ നി​​​​​​യ​​​​​​മ​​​​​​വ്യ​​​​​​വ​​​​​​സ്ഥ ക​​​​​​ർ​​​​​​ശ​​​​​​ന​​​​​​മാ​​​​​​യി ഇ​​​​​​ട​​​​​​പെ​​​​​​ട​​​​​​ണം. ഓ​​​​​​രോ രോ​​​​​​ഗി​​​​​​യു​​​​​​ടെ​​​​​​യും ജീ​​​​​​വ​​​​​​ൻ വി​​​​​​ല​​​​​​പ്പെ​​​​​​ട്ട​​​​​​താ​​​​​​ണ്. അ​​​​​​തു​​​​​​പോ​​​​​​ലെ​​​​​​ത​​​​​​ന്നെ​​​​​​യാ​​​​​​ണ് ആ​​​​​​രോ​​​​​​ഗ്യ​​​​​​പ്ര​​​​​​വ​​​​​​ർ​​​​​​ത്ത​​​​​​ക​​​​​​രു​​​​​​ടെ ജീ​​​​​​വ​​​​​​നും എ​​​​​​ന്ന കാ​​​​​​ര്യം ആ​​​​​​രും മ​​​​​​റ​​​​​​ക്ക​​​​​​രു​​​​​​ത്.

ഞെ​ട്ടി​ക്കു​ന്ന​താ​ണ് ബു​ധ​നാ​ഴ്ച കോ​ഴി​ക്കോ​ട് ജി​ല്ല​യി​ലെ താ​മ​ര​ശേ​രി താ​ലൂ​ക്ക് ആ​ശു​പ​ത്രി​യി​ൽ ന​ട​ന്ന​ത്. ഡ്യൂ​ട്ടി​യി​ലാ​യി​രു​ന്ന ഡോ​ക്‌​ട​ർ​ക്കു വെ​ട്ടേ​റ്റു. അ​മീ​ബി​ക് മ​സ്തി​ഷ്ക​ജ്വ​രം ബാ​ധി​ച്ചു മ​രി​ച്ച കു​ട്ടി​യു​ടെ അ​ച്ഛ​നാ​ണ് ചി​കി​ത്സാ​പ്പി​ഴ​വ് ആ​രോ​പി​ച്ച് കൊ​ടു​വാ​ൾ​കൊ​ണ്ട് ഡോ. ​ടി.​പി. വി​പി​നെ വെ​ട്ടി​യ​ത്. വെ​ട്ടേ​റ്റ ഡോ​ക്‌​ട​ർ​ക്ക് കു​ട്ടി​യു​ടെ ചി​കി​ത്സ​യി​ൽ നേ​രി​ട്ട് പ​ങ്കൊ​ന്നും ഉ​ണ്ടാ​യി​രു​ന്നി​ല്ല.

മ​ക​ൾ ന​ഷ്‌​ട​പ്പെ​ട്ട അ​ച്ഛ​ന്‍റെ വേ​ദ​ന​യ്ക്ക് പ​രി​ധി​യി​ല്ല എ​ന്ന​തു ശ​രി​ത​ന്നെ. എ​ങ്കി​ലും താ​മ​ര​ശേ​രി​യി​ൽ ന​ട​ന്ന സം​ഭ​വം ആ​ശ​ങ്ക​യു​ള​വാ​ക്കു​ന്ന ഒ​ട്ടേ​റെ ചോ​ദ്യ​ങ്ങ​ളു​യ​ർ​ത്തു​ന്നു​ണ്ട്. 2023 മേ​യ് പ​ത്തി​നു പു​ല​ർ​ച്ചെ കൊ​ട്ടാ​ര​ക്ക​ര താ​ലൂ​ക്ക് ആ​ശു​പ​ത്രി​യി​ൽ ഡോ. ​വ​ന്ദ​ന ദാ​സ് കു​ത്തേ​റ്റു മ​രി​ച്ച​തി​നു​ശേ​ഷം ഒ​രു​പാ​ടു കാ​ര്യ​ങ്ങ​ൾ ന​മ്മ​ൾ കേ​ട്ടു.

കേ​ര​ള​ത്തി​ൽ ആ​ദ്യ​മാ​യി​ട്ടാ​യി​രു​ന്നു ഒ​രു ഡോ​ക്‌​ട​ർ ആ​ശു​പ​ത്രി​യി​ൽ​വ​ച്ചു കൊ​ല്ല​പ്പെ​ടു​ന്ന​ത്. ഈ ​കൊ​ല​പാ​ത​കം ന​ട​ന്ന് ഒ​രാ​ഴ്ച​യ്ക്ക​കം ആ​ശു​പ​ത്രി സു​ര​ക്ഷാ ബി​ല്ലി​ന് മ​ന്ത്രി​സ​ഭ അം​ഗീ​കാ​രം ന​ല്കി. പ​ക്ഷേ, തു​ട​ർ​ന്നു ചെ​യ്യേ​ണ്ട ഒ​ന്നും ചെ​യ്തി​ല്ലെ​ന്ന​തി​ന്‍റെ തെ​ളി​വാ​ണ് താ​മ​ര​ശേ​രി​യി​ൽ ന​ട​ന്ന സം​ഭ​വം. പ​ക്ഷേ, സം​വി​ധാ​ന​ത്തി​ന്‍റെ ത​ക​ർ​ച്ച​യെ മാ​ത്രം പ​ഴി​പ​റ​ഞ്ഞു കൈ​ക​ഴു​കി​യി​രി​ക്കാ​നാ​കി​ല്ല.

സോ​ഷ്യ​ൽ മീ​ഡി​യ വ​ഴി അ​തി​വേ​ഗം പ്ര​ച​രി​ക്കു​ന്ന വെ​റു​പ്പി​ന്‍റെ പ്ര​ത്യ​യ​ശാ​സ്ത്രം, പ​വി​ത്ര​മാ​യി​രു​ന്ന ഡോ​ക്‌​ട​ർ-​രോ​ഗി ബ​ന്ധ​ത്തി​നു വ​ന്ന അ​പ​ച​യം, വൈ​ദ്യ​ശാ​സ്ത്രം പ​ഠി​ച്ച ഡോ​ക്‌​ട​റ​വി​ടെ നി​ൽ​ക്ക​ട്ടെ, സോ​ഷ്യ​ൽ മീ​ഡി​യ അ​ല്പ​ജ്ഞാ​നി​യാ​യ ഞാ​ൻ പ​റ​യാം കാ​ര്യ​ങ്ങ​ൾ​എ​ന്ന മ​നോ​ഭാ​വം, അ​പ​ക്വ​മാ​യ മാ​ധ്യ​മ​വി​ചാ​ര​ണ, ആ​ൾ​ക്കൂ​ട്ട​ത്തി​ലൊ​ളി​ച്ചു പു​റ​ത്തു​വി​ടു​ന്ന അ​ക്ര​മ​വാ​സ​ന, നി​യ​മ​വ്യ​വ​സ്ഥ​യി​ലും നീ​തി​പീ​ഠ​ങ്ങ​ളി​ലു​മു​ള്ള വി​ശ്വാ​സ​മി​ല്ലാ​യ്മ, വ​ർ​ധി​ച്ചു​വ​രു​ന്ന ആ​ശു​പ​ത്രി​ച്ചെ​ല​വ്, ബ​ഹു​ജ​ന നേ​തൃ​ത്വ​ത്തി​ന്‍റെ വി​വേ​ക​മി​ല്ലാ​യ്മ തു​ട​ങ്ങി എ​ത്ര​യോ കാ​ര​ണ​ങ്ങ​ൾ ആ​രോ​ഗ്യ​പ്ര​വ​ർ​ത്ത​ക​ർ​ക്കു നേ​രേ​യു​ണ്ടാ​കു​ന്ന അ​ക്ര​മ​ങ്ങ​ൾ​ക്കു പി​റ​കി​ൽ ചൂ​ണ്ടി​ക്കാ​ട്ടാ​നാ​കും.

ഒ​ന്നു​കി​ൽ ക​ള​രി​ക്കു പു​റ​ത്ത്, അ​ല്ലെ​ങ്കി​ൽ ആ​ശാ​ന്‍റെ നെ​ഞ്ച​ത്ത് എ​ന്ന പ​ഴ​യ ചൊ​ല്ല് പു​തി​യ കാ​ല​ത്തെ സോ​ഷ്യ​ൽ മീ​ഡി​യ​യ്ക്കാ​ണ് ഏ​റ്റ​വും യോ​ജി​ക്കു​ക. ഒ​ന്നു​കി​ൽ വെ​ട്ടി​യ ആ​ളെ അ​ട​പ​ട​ലം പി​ന്തു​ണ​ച്ച്, അ​ല്ലെ​ങ്കി​ൽ ഡോ​ക്‌​ട​ർ​മാ​രെ മു​ച്ചൂ​ടും എ​തി​ർ​ത്ത്... അ​താ​ണ് സ​മൂ​ഹ​മാ​ധ്യ​മ​ങ്ങ​ളി​ൽ കാ​ണു​ന്ന​ത്. പോ​രാ​ത്ത​തി​ന്, വെ​റു​പ്പി​ന്‍റെ ക്രൂ​ര​മാ​യ വാ​ക്കു​ക​ളാ​ണ് വി​ഷം​ചീ​റ്റി പു​റ​ത്തു​വ​രു​ന്ന​ത്. തി​ക​ച്ചും ഏ​ക​പ​ക്ഷീ​യ​വും അ​ക്ര​മാ​സ​ക്ത​വു​മാ​യ പ്ര​തി​ക​ര​ണ​ങ്ങ​ൾ.

വ​സ്തു​ത​ക​ളു​ടെ സൂ​ക്ഷ്മ​മാ​യ വി​ല​യി​രു​ത്ത​ലി​ല്ല, ഔ​ചി​ത്യം തൊ​ട്ടു​തേ​ച്ചി​ട്ടി​ല്ല, ആ​ക്രോ​ശ​ങ്ങ​ൾ മാ​ത്രം. ഇ​ന്‍റ​ർ​നെ​റ്റി​ൽ​നി​ന്നു കി​ട്ടു​ന്ന അ​റി​വു​ക​ൾ വ​ച്ച് എ​ല്ലാ​റ്റി​ന്‍റെ​യും അ​വ​സാ​ന​വാ​ക്ക് ത​ങ്ങ​ളാ​ണെ​ന്നു ക​രു​തു​ന്ന​വ​രു​ടെ എ​ണ്ണം കൂ​ടി​വ​രു​ന്ന​തും എ​രി​തീ​യി​ൽ എ​ണ്ണ​യൊ​ഴി​ക്കു​ന്നു​ണ്ട്. ഇ​തി​നു ചൂ​ട്ടു​പി​ടി​ക്കു​ന്ന​താ​ണ് ഇ​തേ മ​നോ​ഭാ​വ​ത്തോ​ടെ അ​റി​വി​ല്ലാ​യ്മ​യും അ​പ​ക്വ​ത​യും ചേ​ർ​ത്ത് ചി​ല മാ​ധ്യ​മ​ങ്ങ​ൾ ന​ട​ത്തു​ന്ന വി​ചാ​ര​ണ​ക​ൾ.

ഒ​രു രോ​ഗി​ക്കെ​ന്തെ​ങ്കി​ലും സം​ഭ​വി​ച്ചാ​ൽ അ​തെ​ല്ലാം ഡോ​ക്‌​ട​ർ​മാ​രു​ടെ​യും ആ​രോ​ഗ്യ​പ്ര​വ​ർ​ത്ത​ക​രു​ടെ​യും ആ​ശു​പ​ത്രി​ക​ളു​ടെ​യും കു​ഴ​പ്പ​മാ​ണെ​ന്ന മു​ൻ​വി​ധി ഏ​റി​വ​രു​ന്ന​തും അ​ക്ര​മ​സം​ഭ​വ​ങ്ങ​ൾ​ക്ക് വ​ഴി​യൊ​രു​ക്കു​ന്നു​ണ്ട്. ഏ​റ്റ​വും ആ​ശ​ങ്ക​പ്പെ​ടു​ത്തു​ന്ന മ​റ്റൊ​രു കാ​ര്യ​മാ​ണ് പ​ര​ന്പ​രാ​ഗ​ത ഡോ​ക്‌​ട​ർ-​രോ​ഗി ബ​ന്ധ​ത്തി​ൽ വ​ന്ന ത​ക​ർ​ച്ച.

രോ​ഗി​ക​ളോ​ടും പ​രി​ചാ​ര​ക​രോ​ടും ഒ​ന്നും പ​റ​യേ​ണ്ട​തി​ല്ലെ​ന്ന ചി​ല ഡോ​ക്‌​ട​ർ​മാ​രു​ടെ ധാ​ർ​ഷ്‌​ട്യ​വും ഡോ​ക്‌​ട​ർ പ​റ​യു​ന്ന​തൊ​ന്നും കേ​ൾ​ക്കാ​ൻ ത​യാ​റാ​കാ​ത്ത രോ​ഗി​യും പ​രി​ചാ​ര​ക​രും പ്ര​ശ്ന​ങ്ങ​ൾ സ​ങ്കീ​ർ​ണ​മാ​ക്കു​ന്നു. ഇ​ക്കാ​ര്യ​ത്തി​ൽ ഐ​എം​എ പോ​ലു​ള്ള പ്ര​ഫ​ഷ​ണ​ൽ സം​ഘ​ട​ന​ക​ൾ​ക്ക് കാ​ര്യ​മാ​യി ചെ​യ്യാ​ൻ ക​ഴി​യും. ത​നി​ക്കു ല​ഭി​ക്കു​ന്ന ചി​കി​ത്സ​യെ​ക്കു​റി​ച്ചും താ​ൻ ക​ഴി​ക്കു​ന്ന മ​രു​ന്നു​ക​ളെ​ക്കു​റി​ച്ചും അ​റി​യു​ക​യെ​ന്ന​ത് രോ​ഗി​യു​ടെ അ​വ​കാ​ശ​മാ​ണ്.

അ​തു​പോ​ലെ​ത​ന്നെ പ്ര​ധാ​ന​മാ​ണ് അ​റി​വും പ​രി​ച​യ​സ​ന്പ​ത്തു​മു​ള്ള ഡോ​ക്‌​ട​റു​ടെ വാ​ക്കു​ക​ളെ വി​ശ്വാ​സ​ത്തി​ലെ​ടു​ക്കു​ക​യെ​ന്ന​തും. ഇ​ന്‍റ​ർ​നെ​റ്റും മ​റ്റും ന​ല്കു​ന്ന യാ​ഥാ​ർ​ഥ്യ​മ​ല്ലാ​ത്ത പ്ര​തീ​ക്ഷ​ക​ൾ നി​രാ​ശ​യി​ലേ​ക്കും അ​ക്ര​മ​ത്തി​ലേ​ക്കും ന​യി​ക്കാ​റു​ണ്ട്. സം​വി​ധാ​ന​ത്തി​ലെ പോ​രാ​യ്മ​ക​ളും സം​ഘ​ർ​ഷ​ത്തി​നു കാ​ര​ണ​മാ​കു​ന്നു. ഡോ​ക്‌​ട​ർ​മാ​രു​ടെ​യും മ​റ്റ് ആ​രോ​ഗ്യ​പ്ര​വ​ർ​ത്ത​ക​രു​ടെ​യും എ​ണ്ണ​ത്തി​ലു​ണ്ടാ​കു​ന്ന കു​റ​വ് ചി​കി​ത്സ​യു​ടെ ഗു​ണ​മേ​ന്മ​യെ പ്ര​തി​കൂ​ല​മാ​യി ബാ​ധി​ക്കും.

അ​ധി​ക​സ​മ്മ​ർ​ദ​ത്തി​ന​ടി​പ്പെ​ട്ടു ജോ​ലി ചെ​യ്യേ​ണ്ടി​വ​രു​ന്ന​വ​ർ സ്വ​ന്തം ജീ​വ​നും കാ​ക്ക​ണ​മെ​ന്ന അ​വ​സ്ഥ കാ​ര്യ​ങ്ങ​ൾ കൈ​വി​ട്ടു​പോ​കു​ന്നി​ട​ത്തെ​ത്തി​ക്കും. ആ​രോ​ഗ്യ​പ്ര​വ​ർ​ത്ത​ക​രു​ടെ സു​ര​ക്ഷ ഉ​റ​പ്പു​വ​രു​ത്താ​ൻ സ​ർ​ക്കാ​ർ ഇ​നി​യെ​ങ്കി​ലും പൂ​ർ​ണ​മ​ന​സോ​ടെ പ്ര​വ​ർ​ത്തി​ക്ക​ണം. നി​യ​മം ക​ർ​ശ​ന​മാ​ക്ക​ണം. ആ​ശു​പ​ത്രി​ക​ളി​ലെ സൗ​ക​ര്യം മെ​ച്ച​പ്പെ​ടു​ത്ത​ണം. ആ​രോ​ഗ്യ​പ്ര​വ​ർ​ത്ത​ക​രു​ടെ എ​ണ്ണ​ത്തി​ലു​ള്ള കു​റ​വ് നി​ക​ത്ത​ണം.

അ​തു​പോ​ലെ ആ​രോ​ഗ്യ​പ്ര​വ​ർ​ത്ത​ക​രും മാ​റി​യ കാ​ല​ത്തി​ന​നു​സ​രി​ച്ച് പ​ക്വ​ത​യോ​ടെ രോ​ഗി​ക​ളും പ​രി​ചാ​ര​ക​രു​മാ​യി ഇ​ട​പെ​ട​ണം. ഇ​രു​കൂ​ട്ട​ർ​ക്കു​മി​ട​യി​ൽ വ്യ​ക്ത​മാ​യ ആ​ശ​യ​വി​നി​മ​യം ന​ട​ക്ക​ണം. സം​ഘ​ർ​ഷ​ങ്ങ​ളു​ണ്ടാ​കു​ന്പോ​ൾ അ​തു വ​ഷ​ളാ​കാ​തെ നോ​ക്കാ​ൻ സാ​മൂ​ഹ്യ​പ്ര​വ​ർ​ത്ത​ക​രും ജ​ന​പ്ര​തി​നി​ധി​ക​ളും നേ​താ​ക്ക​ളും ക​രു​ത​ലോ​ടെ ഇ​ട​പെ​ട​ണം. ഡോ​ക്‌​ട​ർ​മാ​രും ആ​രോ​ഗ്യ​പ്ര​വ​ർ​ത്ത​ക​രും മ​ഹ​ത്താ​യ സേ​വ​ന​മാ​ണ് ചെ​യ്യു​ന്ന​ത്.

ത​ങ്ങ​ൾ ചി​കി​ത്സി​ക്കു​ന്ന രോ​ഗി​യു​ടെ ജീ​വ​ൻ ന​ഷ്‌​ട​പ്പെ​ടാ​ൻ ബോ​ധ​പൂ​ർ​വം ആ​രും ആ​ഗ്ര​ഹി​ക്കി​ല്ല​ല്ലോ. ബോ​ധ​പൂ​ർ​വ​മാ​യ തെ​റ്റു​ക​ളു​ണ്ടാ​യാ​ൽ നി​യ​മ​വ്യ​വ​സ്ഥ ക​ർ​ശ​ന​മാ​യി ഇ​ട​പെ​ട​ണം. ഓ​രോ രോ​ഗി​യു​ടെ​യും ജീ​വ​ൻ വി​ല​പ്പെ​ട്ട​താ​ണ്. അ​തു​പോ​ലെ​ത​ന്നെ​യാ​ണ് ആ​രോ​ഗ്യ​പ്ര​വ​ർ​ത്ത​ക​രു​ടെ ജീ​വ​നും എ​ന്ന കാ​ര്യം ആ​രും മ​റ​ക്ക​രു​ത്.