വീ​ടി​നു മു​ക​ളി​ൽ മ​രം വീ​ണു
Sunday, July 27, 2025 6:31 AM IST
സൗ​ത്ത് പാ​മ്പാ​ടി: വീ​ടി​നു​മു​ക​ളി​ൽ മ​രം വീ​ണു. കോ​ഴി​മ​ല​യി​ൽ എം.​കെ.​ മ​റി​യാ​മ്മ​യു​ടെ വീ​ടി​നു മു​ക​ളി​ലേ​ക്കാ​ണ് അ​യ​ൽ​വാ​സി​യു​ടെ കൂ​റ്റ​ൻ പ്ലാ​വ് വീ​ണ​ത്. ഇ​ന്ന​ല​ത്തെ കാ​റ്റി​ന് ഈ ​മ​രം ചെ​രി​ഞ്ഞു നി​ൽ​ക്കു​ക​യാ​യി​രു​ന്നു. അപകടം ഉണ്ടാകാൻ സാധ്യത യുള്ളതിനാൽ വീ​ട്ടു​കാ​ർ അ​യ​ൽ​പ​ക്ക​ത്തെ വീട്ടിലായിരുന്നു. ഫ​യ​ർ ആ​ൻ​ഡ് റെ​സ്ക്യൂ ടീ​മി​നെ വി​വ​രം അ​റി​യി​ച്ചെ​ങ്കി​ലും മ​രം മു​റി​ച്ചുനീ​ക്കാ​ൻ നി​ർ​വാ​ഹ​മി​ല്ല എ​ന്ന​റി​യി​ച്ചു.

മ​രം വെ​ട്ടു​കാ​രു​ടെ സ​ഹാ​യം തേ​ടി​യെ​ങ്കി​ലും ക​ന​ത്ത മ​ഴ​യാ​യി​രു​ന്ന​തി​നാ​ൽ ആ​രെ​യും ല​ഭ്യ​മാ​യി​ല്ല. ഇ​ന്നലെ ഉ​ച്ച​ക​ഴി​ഞ്ഞ് 1.15 ഓ​ടെ വീ​ശി​യ​ടി​ച്ച കാ​റ്റി​ൽ മ​രം വീ​ടി​നു മു​ക​ളി​ലേ​ക്ക് വീ​ഴു​ക​യാ​യി​രു​ന്നു. മേ​ൽ​ക്കൂ​ര പൂ​ർ​ണ​മാ​യും ഭി​ത്തി​ക​ൾ ഭാ​ഗി​ക​മാ​യും ന​ശി​ച്ചു. ഗൃ​ഹ​നാ​ഥ വി​ധ​വ​യും മാ​ന്തു​രു​ത്തി അങ്കണ​വാ​ടി അ​ധ്യാ​പി​ക​യു​മാ​ണ്.

സൗ​ത്ത് പാ​മ്പാ​ടി കു​റ്റി​ക്ക​ൽ വി​ല​ങ്ങു​പാ​റ​യി​ൽ വി.​ജെ. മ​ത്താ​യി​യു​ടെ വീ​ടി​നു മു​ക​ളി​ലേ​ക്ക് അ​യ​ൽ​വാ​സി​യു​ടെ റ​ബ​ർ​മ​രം വീ​ണ് മേ​ൽ​ക്കൂ​ര​യ്ക്ക് ഭാ​ഗി​ക​മാ​യ കേ​ടു​പാ​ടു​ക​ൾ സം​ഭ​വി​ച്ചു.
മ​റി​യാ​മ്മ​യു​ടെ വീ​ട് പു​ന​രു​ദ്ധാ​ര​ണ​ത്തി​ന് പാ​മ്പാ​ടി പ​ഞ്ചാ​യ​ത്ത്‌ മു​ൻ വൈ​സ് പ്ര​സി​ഡ​ന്‍റ് സി​ജു കെ. ​ഐ​സ​ക്കി​ന്‍റെ നേ​തൃ​ത്വ​ത്തി​ൽ ശ്ര​മ​ങ്ങ​ൾ ആ​രം​ഭി​ച്ചു. വാ​ർ​ഡ് മെ​മ്പ​ർ സു​നി​താ ദീ​പു, വാ​ർ​ഡ് കോ​ൺ​ഗ്ര​സ് പ്ര​സി​ഡ​ന്‍റ് സി.​ജെ. കു​ര്യാ​ക്കോ​സ്, ഫീ​ലി​പ്പോ​സ് ചി​ങ്ങം​കു​ഴി എ​ന്നി​വ​ർ സ്ഥലത്തെത്തി.
Copyright @ 2018 , Rashtra Deepika Ltd.