ഭവൻസ് വിദ്യാ മന്ദിർ എളമക്കരയിലെ ആധുനികവൽക്കരിച്ച കെട്ടിടം ഭാരതീയ വിദ്യാഭവൻ കൊച്ചി കേന്ദ്ര ചെയർമാൻ സി.എ വേണുഗോപാൽ സി. ഗോവിന്ദ് ഉദ്ഘാടനം നിർവഹിക്കുന്നു
എളമക്കര: ഭവൻസ് വിദ്യാമന്ദിർ എളമക്കരയിൽ വിദ്യാലയ നവീകരണത്തിന്റെ ഭാഗമായി രാമകൃഷ്ണ ബ്ലോക്ക് എന്ന് പേര് നൽകിയ ആധുനികവൽക്കരിച്ച കെട്ടിടം ഭാരതീയ വിദ്യാഭവൻ കൊച്ചി കേന്ദ്ര ചെയർമാൻ സി.എ വേണുഗോപാൽ സി. ഗോവിന്ദ് ഉദ്ഘാടനം ചെയ്തു. രണ്ടു നിലകളിലായി നവീകരിച്ച കെട്ടിടത്തിൽ പ്രധാനമായും ഓഫീസ്, പ്രധാന അദ്ധ്യാപകരുടെ മുറികൾ, ആധുനിക സൗകര്യങ്ങളോടുകൂടിയ കോൺഫറൻസ് ഹാൾ തുടങ്ങിയവയാണ് പുതിയ ബ്ലോക്കിൽ ഉൾപ്പെടുത്തിയിരിക്കുന്നത്.
ഭാരതീയ വിദ്യാഭവൻ കൊച്ചി കേന്ദ്ര വൈസ് ചെയർമാൻ സിഎ ജി. ഗോപിനാഥൻ, ഡയറക്ടർ ഇ. രാമൻകുട്ടി, ഭാരതീയ വിദ്യാഭവൻ കൊച്ചി കേന്ദ്ര ഡെപ്യൂട്ടി ഡയറക്ടർമാരായ കെ. സുരേഷ് (അഡ്മിനിസ്ട്രേഷൻ), എസ്. സുനിത (അക്കാഡമിക്സ്), കലാഭാരതി കോ ഓർഡിനേറ്റർ കെ. രാജ്മോഹൻ, എഡ്യൂക്കേഷൻ ഓഫീസർമാരായ സുകുമാരി മേനോൻ, കെ. ഉഷ, എൻ.എ. വിജയലക്ഷ്മി, ബിഎന്ടിടിസി കോ ഓർഡിനേറ്റർ കെ.പി. ഉമാദേവി, എസ്എംസി ചെയർമാൻ വിജയചന്ദ്രൻ, കേന്ദ്ര കമ്മിറ്റി അംഗങ്ങൾ, അധ്യാപക രക്ഷാകർത്തൃ സംഘടന പ്രതിനിധികൾ എന്നിവർ പങ്കെടുത്തു.
Tags : renovation building inauguration Bhavan's Vidya Mandir Deepika DeepikaNewspaper BreakingNews NewsUpdate Headlines CurrentAffairs DailyNews InDepth NewsFlash