വെള്ളറട: പെരുങ്കടവിള പഞ്ചായത്തിലെ കാക്കണം കേന്ദ്രമാക്കി ആരംഭിക്കുന്ന സ്നേഹവീട് ചാരിറ്റബിള് ട്രസ്റ്റിന്റെ ഉദ്ഘാടനം സി.കെ. ഹരീന്ദ്രന് എംഎല്എ നിർവഹിച്ചു. സാമൂഹ്യ പ്രവര്ത്തകര് സാമൂഹ്യനന്മ ലക്ഷ്യംവച്ചുള്ള പ്രവര്ത്തനങ്ങള്ക്കാണ് മുന്തിയ പരിഗണന നല്കേണ്ടതെന്ന് അദ്ദേഹം സൂചിപ്പിച്ചു.
സന്നദ്ധപ്രവര്ത്തന കേന്ദ്രങ്ങൾ എപ്പോഴും ഒറ്റപ്പെട്ടവര്ക്കും, വയോജനങ്ങള്, രോഗികള്, തുടങ്ങിയവര്ക്ക് ആശ്വാസകേന്ദ്രങ്ങളാകണമെന്ന് അദ്ദേഹം കൂട്ടി ചേര്ത്തു. മാനേജിഗ് ട്രസ്റ്റി ഷാജി പെരുങ്കടവിള അധ്യക്ഷത വഹിച്ചു.
പഞ്ചായത്ത് പ്രസിഡന്റ് എസ്. സുരേന്ദ്രന്, വികസന സ്റ്റാൻഡിംഗ് കമ്മിറ്റി ചെയര്മാന് കാനക്കോട് 'ബാലരാജ്, പഞ്ചായത്ത് അംഗങ്ങളായ കാക്കണം മധു, കെ.എസ്. ജയചന്ദ്രന്, എല്.ആര്.സുദര്ശനകുമാര് , ട്രസ്റ്റി പ്രസിഡന്റ് മദനന് തങ്കയ്യന് നാടാര്, വൈസ് പ്രസിഡന്റ് നൗഫല്, കാക്കണം മുകേഷ്, ചെയര്മാന് വത്സലാമ്മ, വൈസ് ചെയര്മാന് പി.എസ്.രേഖ, ട്രഷറര് സംഗീത, ജനറല് സെക്രട്ടറി ബിനുകുമാര് തുടങ്ങിയവർ പ്രസംഗിച്ചു.