തലശേരി സെന്റ് ജോസഫ് കത്തീഡ്രൽ
തലശേരി സെന്റ് ജോസഫ് കത്തീഡ്രലിൽ നടക്കുന്ന വിശുദ്ധ വാര തിരുക്കർമങ്ങൾക്ക് തലശേരി ആർച്ച് ബിഷപ് മാർ ജോസഫ് പാംപ്ലാനി കാർമികത്വം വഹിക്കും. ഓശാനാ ഞായറാഴ്ച രാവിലെ 7.30 ന് കുരുത്തോല വെഞ്ചരിപ്പ്, പ്രദക്ഷിണം, വിശുദ്ധ കുർബാന എന്നിവ നടക്കും. വൈകുന്നേരം 5.30 ന് കുരുത്തോല വിതരണം, വിശുദ്ധ കുർബാന എന്നിവ ഉണ്ടായിരിക്കും. പെസഹ വ്യാഴാഴ്ച രാവിലെ 7.30ന് കാൽ കഴുകൽ ശുശ്രൂഷ, വിശുദ്ധ കുർബാന. വൈകുന്നേരം 4.30 ന് പൊതു ആരാധനയും അപ്പം മുറിക്കൽ ശുശ്രൂഷയും. ദുഃഖവെള്ളിയാഴ്ച തിരുക്കർമങ്ങൾ രാവിലെ 7.30 ന്. വൈകുന്നേരം 5.30 ന് കത്തീഡ്രൽ പള്ളിയുടെ മുന്നിൽ നിന്നും കുരിശിന്റെ വഴി. വലിയ ശനിയാഴ്ച രാവിലെ 6.30ന് വിശുദ്ധ കുർബാന, വലിയ ശനി തിരുക്കർമങ്ങൾ. ഉയിർപ്പു ഞായറാഴ്ച പുലർച്ചെ 3.30 ന് ഈസ്റ്റർ തിരുക്കർമങ്ങൾ ആരംഭിക്കും. രാവിലെ ഒന്പതിന് വിശുദ്ധ കുർബാന ഉണ്ടായിരിക്കും.
ബർണശേരി ഹോളി ട്രിനിറ്റി കത്തീഡ്രൽ
കണ്ണൂർ രൂപതയുടെ ഭദ്രാസന ദേവാലയമായ ബർണശേരി ഹോളി ട്രിനിറ്റി കത്തീഡ്രലിൽ നാളെമുതൽ ഒന്പതുവരെ നടക്കുന്ന തിരുക്കർമങ്ങൾക്ക് ബിഷപ് ഡോ. അലക്സ് വടക്കുംതല മുഖ്യ കാർമികത്വം വഹിക്കും. ഓശാന ഞായറാഴ്ച രാവിലെ ഏഴിന് ദിവ്യബലി (ഇംഗ്ലീഷ്), 8.30 ന് കുരുത്തോല വെഞ്ചരിപ്പ്, സെന്റ് തെരേസാസ് സ്കൂൾ ഓഡിറ്റോറിയത്തിൽ നിന്ന് ദേവാലയത്തിലേക്ക് പ്രദക്ഷിണം. തുടർന്ന് സംയുക്ത ദിവ്യബലി. വൈകുന്നേരം അഞ്ചിനും ദിവ്യബലി ഉണ്ടായിരിക്കും.
മൂന്നിന് ഉച്ചകഴിഞ്ഞ് 3.30 ന് തൈലാശീർവാദ തിരുബലിയും പൗരോഹിത്യദിനാചരണവും നടത്തും. പൗരോഹിത്യ വ്രതനവീകരണവും നടത്തുന്ന ഈ ബലിയിൽ രൂപതയിലെ മുഴുവൻ വൈദികരും സഹകാർമികരായിരിക്കും. പെസഹാ വ്യാഴാഴ്ച വൈകുന്നേരം ആറിന് കാൽകഴുകൽ ശുശ്രൂഷയും തിരുവത്താഴപൂജയും ദിവ്യകാരുണ്യ പ്രദക്ഷിണവും രാത്രി 12 വരെ ദിവ്യകാരുണ്യാരാധനയും നടക്കും.
ദുഃഖവെള്ളിയാഴ്ച ഉച്ചകഴിഞ്ഞ് മൂന്നിന് കുരിശിന്റെ വഴി ബർണശേരിയിൽനിന്ന് ആരംഭിച്ച് ഹോളി ട്രിനിറ്റി കത്തീഡ്രലിൽ സമാപിക്കും. തുടർന്ന് പീഡാസഹന അനുസ്മരണ ശുശ്രൂഷ, ദൈവവചന പ്രഘോഷണ കർമം, കുരിശാരാധന, ദിവ്യകാരുണ്യ സ്വീകരണം, നഗരികാണിക്കൽ എന്നിവ ഉണ്ടായിരിക്കും. എട്ടിന് രാത്രി 10.30ന് ഉയിർപ്പ് തിരുക്കർമങ്ങൾ, പുത്തൻതീയും വെള്ളവും വെഞ്ചരിപ്പ്, ജ്ഞാനസ്നാനവ്രതനവീകരണം, ഉയർപ്പിന്റെ ദൃശ്യാവിഷ്കാരം തുടങ്ങിയവ ഉണ്ടായിരിക്കും. ഉയിർപ്പ് ഞായറാഴ്ച രാവിലെ ഏഴിന് ദിവ്യബലി (ഇംഗ്ലീഷ്). 8.30നുള്ള ദിവ്യബലിയോടെ വിശുദ്ധവാര കർമങ്ങൾ സമാപിക്കും.
ശ്രീപുരം സെന്റ് മേരീസ് ദേവാലയം
കോട്ടയം അതിരൂപതയുടെ കീഴിലുള്ള ശ്രീപുരം സെന്റ് മേരീസ് ദേവാലയത്തിൽ നടക്കുന്ന വിശുദ്ധവാര തിരുക്കർമങ്ങൾക്ക് ഇടവക വികാരി ഫാ.ജോയി കട്ടിയാങ്കൽ നേതൃത്വം നല്കും. ഓശാന ഞായറാഴ്ച രാവിലെ ഏഴിന് വിശുദ്ധ കുർബാനയും കുരുത്തോല വെഞ്ചരിപ്പും. പെസഹാ വ്യാഴാഴ്ച രാവിലെ രാവിലെ ഏഴിന് കാൽകഴുകൽ ശുശ്രൂഷയും വിശുദ്ധ കുർബാനയും . ദുഃഖവെള്ളിയാഴ്ചയും ദുഃഖശനിയാഴ്ചയും രാവിലെ ഏഴിന് തിരുക്കർമങ്ങൾ ആരംഭിക്കും. ഉയിർപ്പു ഞായറാഴ്ച രാവിലെ അഞ്ചിനായിരിക്കും തിരുക്കർമങ്ങൾ.