ഹെ​ൽ​ത്ത് സ​ബ് സെ​ന്‍റ​ർ പു​നർ​നി​ർ​മാ​ണം പ്ര​തി​സ​ന്ധി​യി​ൽ
Thursday, March 28, 2024 1:49 AM IST
ക​ണി​ച്ചാ​ർ: വ​കു​പ്പു​ക​ൾ ത​മ്മി​ലു​ള്ള ഏ​കീ​ക​ര​ണ​വും ഐ​ക്യ​വു​മി​ല്ലാ​യ്മ കാ​ര​ണം ഉ​രു​ൾ പൊ​ട്ട​ലി​ൽ ത​ക​ർ​ന്ന നെ​ടും​പു​റ​ംചാ​ലി​ലെ പൂ​ള​ക്കു​റ്റി ഹെ​ൽ​ത്ത് സ​ബ് സെ​ന്‍റ​ർ പു​നഃ​ർ നി​ർ​മാ​ണം പ്ര​തി​സ​ന്ധി​യി​ൽ. സം​സ്ഥാ​ന ജി​യോ​ള​ജി വ​കു​പ്പ് നി​ർ​മാ​ണ​ത്തി​ന് ഉ​പാ​ധി​ക​ളോ​ടെ അ​നു​മ​തി ന​ൽ​കി​യെ​ങ്കി​ലും സം​സ്ഥാ​ന ദു​ര​ന്ത​നി​വാ​ര​ണ അ​ഥോ​റി​റ്റി പു​നഃ​ർ​നി​ർ​മാ​ണം പാ​ടി​ല്ലെ​ന്ന് കാ​ണി​ച്ച് ഉ​ത്ത​ര​വി​റ​ക്കി​യ​താ​ണ് സ​ബ് സെ​ന്‍റ​ർ പു​നഃ​ർ നി​ർ​മാ​ണ​ത്തെ പ്ര​തി​സ​ന്ധി​യി​ലാ​ക്കി​യ​ത്.

ക​ലു​ങ്കി​നോ​ട് ചേ​ർ​ന്ന് സു​ര​ക്ഷാ ഭി​ത്തി​ക​ൾ നി​ർ​മി​ക്കു​ക, പി​എ​ച്ച്സി കെ​ട്ടി​ട​ത്തി​ന്‍റെ ത​റ​നി​ര​പ്പ് ഉ​യ​ർ​ത്തി പ​ണി​യു​ക, പ​രി​സ​ര​ത്തി​ന് ചു​റ്റും മ​തി​ൽ പ​ണി​യു​ക തു​ട​ങ്ങി​യ ശി​പാ​ർ​ശ​ക​ളോ​ടെ​യാ​ണ് പു​നഃ​ർ​നി​ർ​മാ​ണ​ത്തി​ന് ജി​യോ​ള​ജി വ​കു​പ്പ് ശി​പാ​ർ​ശ ചെ​യ്ത​ത്. എ​ന്നാ​ൽ ഉ​രു​ൾ​പൊ​ട്ട​ൽ ഭീ​ഷ​ണി​യി​ലു​ള്ള പ്ര​ദേ​ശ​ത്ത് പ്രാ​ഥ​മി​ക ആ​രോ​ഗ്യ കേ​ന്ദ്ര​ങ്ങ​ൾ മു​ത​ലാ​യ​വ പ​ണി​യാ​ൻ അ​നു​മ​തി ഇ​ല്ലെ​ന്നാ​ണ് ദു​ര​ന്ത​നി​വാ​ര​ണ അ​ഥോ​റി​റ്റി​യു​ടെ ഉ​ത്ത​ര​വി​ൽ പ​റ​യു​ന്ന​ത്.

ഉ​രു​ൾ​പൊ​ട്ട​ലി​ൽ കെ​ട്ടി​ടം ത​ക​ർ​ന്ന​തി​നെ തു​ട​ർ​ന്ന് സ​ബ് സെ​ന്‍റ​ർ പൂ​ള​ക്കു​റ്റി ഹോ​മി​യോ ഡി​സ്പെ​ൻ​സ​റി​യി​ലേ​ക്ക് പ്ര​വ​ർ​ത്ത​നം മാ​റ്റി​യി​രു​ന്നു. ക​ണി​ച്ചാ​ർ പ​ഞ്ചാ​യ​ത്തി​ലെ ഏ​റ്റ​വും അ​റ്റ​ത്താ​യി ഇ​പ്പോ​ൾ പ്ര​വ​ർ​ത്തി​ച്ചു വ​രു​ന്ന സ​ബ് സെ​ന്‍റ​ർ ഭൂ​രി​പ​ക്ഷം ആ​ളു​ക​ൾ​ക്കും ഗു​ണ​ക​ര​മാ​കു​ന്നി​ല്ലെ​ന്ന് പ​രാ​തി ഉ​യ​രു​ന്നു​ണ്ട്. സ​ബ് സെ​ന്‍റ​ർ നെ​ടു​പു​റം ചാ​ലി​ൽ ത​ന്നെ വേ​ണ​മെ​ന്നും വി​വി​ധി ഭാ​ഗ​ങ്ങ​ളി​ൽ നി​ന്നു​ള്ള​വ​പ​ർ​ക്ക് ഇ​വി​ടേ​ക്ക് എ​ളു​പ്പ​ത്തി​ൽ വ​രാ​നു​മാ​കും. പൂ​ള​ക്കു​റ്റി​യി​ലേ​ക്ക് വാ​ഹ​ന​സൗ​ക​ര്യ​വും കു​റ​വാ​യ​തി​നാ​ൽ ആ​ദി​വാ​സി​ക​ൾ ഉ​ൾ​പ്പെ​ടെ​യു​ള്ള ആ​ളു​ക​ൾ​ക്ക് എ​ത്താ​ൻ വ​ള​രെ പ്ര​യാ​സ​മാ​ണെ​ന്നും ജ​നം ചൂ​ണ്ടി​ക്കാ​ട്ടു​ന്നു. നി​ല​വി​ലെ സ്ഥ​ല​ത്ത് സ​ബ് സെന്‍റർ പു​ന​ർ​നി​ർ​മി​ക്കാ​ൻ ക​ഴി​യു​ന്നി​ല്ലെ​ങ്കി​ൽ അ​നു​യോ​ജ്യ​മാ​യ സ്ഥ​ലം ക​ണ്ടെ​ത്തി നി​ർ​മി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

പു​ന​ർനി​ർ​മാ​ണ​ത്തി​ന് ജി​യോ​ള​ജി വ​കു​പ്പ് അ​നു​കൂ​ല റി​പ്പോ​ർ​ട്ട് ന​ൽ​കി​യി​ട്ടും ദു​ര​ന്ത​നി​വാ​ര​ണ അ​ഥോ​റി​റ്റി റി​പ്പോ​ർ​ട്ട് പ്ര​തി​കൂ​ല​മാ​യ​തി​ൽ ദൂ​രൂ​ഹ​ത​യു​ണ്ടെ​ന്ന് വാ​ർ​ഡ് മെ​ംബർ ജി​ഷ സ​ജി ആ​രോ​പി​ച്ചു. സ​ബ് സെ​ന്‍റ​ർ പൂ​ള​ക്കു​റ്റി​യി​ലേ​ക്ക് മാ​റ്റാ​നു​ള്ള ഗൂ​ഢ​നീ​ക്ക​ത്തി​ന്‍റെ ഭാ​ഗ​മാ​ണി​തെ​ന്നും ജി​ഷ സ​ജി ആ​രോ​പി​ച്ചു.

Copyright @ 2022 , Rashtra Deepika Ltd.