20 ചാ​ക്ക് റേ​ഷ​ന​രി കു​ഴി​യി​ൽ ത​ള്ളി
Friday, April 12, 2024 12:44 AM IST
നീ​ലേ​ശ്വ​രം: റേ​ഷ​ൻ വ്യാ​പാ​രി​യു​ടെ വീ​ട്ടു​പ​റ​മ്പി​ലെ കു​ഴി​യി​ൽ ത​ള്ളി​യ നി​ല​യി​ൽ 20 ചാ​ക്ക് റേ​ഷ​ന​രി ക​ണ്ടെ​ത്തി. കാ​ര്യ​ങ്കോ​ട് ചീ​റ്റ​ക്കാ​ലി​ൽ റേ​ഷ​ൻ ക​ട ന​ട​ത്തു​ന്ന വി. ​രാ​ജീ​വാ​ക്ഷ​ന്‍റെ നീ​ലേ​ശ്വ​രം ചാ​ത്ത​മ​ത്തെ പ​ഴ​യ വീ​ട്ടു​വ​ള​പ്പി​ലെ കു​ഴി​യി​ലാ​ണ് റേ​ഷ​ന​രി ചാ​ക്കു​ക​ൾ ക​ണ്ടെ​ത്തി​യ​ത്. ചാ​ത്ത​മ​ത്ത് ആ​ല​യി​ൽ പു​തു​താ​യി നി​ർ​മി​ച്ച വീ​ട്ടി​ലാ​ണ് ഇ​പ്പോ​ൾ രാ​ജീ​വാ​ക്ഷ​ൻ താ​മ​സി​ക്കു​ന്ന​ത്.

ചേ​നം​കു​ന്ന് പു​തി​യ​റ​ക്കാ​ൽ റോ​ഡി​ൽ നി​ന്ന് പ​ഴ​യ വീ​ട്ടു​പ​റ​മ്പി​ലേ​ക്കു​ള്ള വ​ഴി​യി​ൽ പ​ര​ക്കേ അ​രി​മ​ണി​ക​ൾ വീ​ണു​കി​ട​ക്കു​ന്ന​തു ക​ണ്ട് നാ​ട്ടു​കാ​ർ ന​ട​ത്തി​യ അ​ന്വേ​ഷ​ണ​ത്തി​ലാ​ണ് കു​ഴി​യി​ൽ റേ​ഷ​ന​രി ചാ​ക്കു​ക​ൾ ക​ണ്ടെ​ത്തി​യ​ത്. ഇ​വ​ർ വി​വ​ര​മ​റി​യി​ച്ച​തി​നെ തു​ട​ർ​ന്ന് നീ​ലേ​ശ്വ​രം പോ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ഹൊ​സ്ദു​ർ​ഗ് താ​ലൂ​ക്ക് സ​പ്ലൈ ഓ​ഫീ​സി​ലും വി​വ​ര​മ​റി​യി​ച്ചി​ട്ടു​ണ്ട്.

ഈ ​റേ​ഷ​ൻ വ്യാ​പാ​രി​ക്കെ​തി​രാ​യി നേ​ര​ത്തേ​യും പ​രാ​തി​ക​ളു​ണ്ടാ​യി​രു​ന്ന​താ​യി സ​പ്ലൈ ഓ​ഫീ​സ് അ​ധി​കൃ​ത​ർ പ​റ​ഞ്ഞു. മു​ൻ​ഗ​ണ​നാ വി​ഭാ​ഗ​ങ്ങ​ൾ​ക്ക് സൗ​ജ​ന്യ​മാ​യി വി​ത​ര​ണം ചെ​യ്യേ​ണ്ട അ​രി കൃ​ത്യ​മാ​യി വി​ത​ര​ണം ചെ​യ്യാ​തെ കെ​ട്ടി​വ​ച്ച് പു​ഴു​ത്തു ന​ശി​ക്കു​ക​യും തെ​ളി​വ് ന​ശി​പ്പി​ക്കാ​നാ​യി അ​ത് കു​ഴി​യി​ൽ ത​ള്ളു​ക​യും ചെ​യ്ത​താ​കാ​മെ​ന്നാ​ണ് നി​ഗ​മ​നം. വി​ശ​ദ​മാ​യ അ​ന്വേ​ഷ​ണം ന​ട​ത്തി തു​ട​ർ​ന​ട​പ​ടി​ക​ൾ സ്വീ​ക​രി​ക്കു​മെ​ന്ന് സ​പ്ലൈ ഓ​ഫീ​സ് അ​ധി​കൃ​ത​ർ അ​റി​യി​ച്ചു.

Copyright @ 2022 , Rashtra Deepika Ltd.