ADVERTISEMENT

ADVERTISEMENT

എംഡിഎംഎയുമായി അറസ്റ്റിൽ

തൃക്കരിപ്പൂർ: പൂച്ചോലിൽ സ്കൂട്ടറിൽ കടത്തുകയായിരുന്ന രാസലഹരിയുമായി രണ്ടുപേലെ ചന്തേര പോലീസ് അറസ്റ്റ് ചെയ്തു.

പയ്യന്നൂർ വെള്ളൂർ കാറമേലിലെ ജാബിർ അബ്ദുൾ ഖാദർ(34), ടി.മുഷ്ഫിക്(30) എന്നിവരെയാണ് ഇൻസ്പെക്ടർ കെ.പ്രശാന്ത്, പ്രൊബേഷൻ എസ്ഐ സി.ആർ.മൗഷ്മി എന്നിവരുടെ നേതൃത്വത്തിലുള്ള പോലീസ് സംഘം പിടികൂടിയത്. സീറ്റിനടിയിൽ പഴ്സിൽ ഒളിപ്പിച്ച നിലയിൽ 2.5 ഗ്രാം എംഡിഎംഎ പിടികൂടി.

ADVERTISEMENT

ദേശീയപാതയോരത്തെ മാവുകൾക്ക് കരുവാച്ചേരി തോട്ടത്തിൽ പുനർജന്മം

നീലേശ്വരം: കാർഷിക സർവകലാശാലയ്ക്കു കീഴിൽ നീലേശ്വരം കരുവാച്ചേരിയിലുള്ള തോട്ടത്തിന്‍റെ ഒരുഭാഗം ദേശീയപാത വികസനത്തിനായി വിട്ടുകൊടുക്കേണ്ടിവന്നപ്പോൾ മുറിച്ചുമാറ്റേണ്ടിവന്നത് നാടനും അപൂർവ ഇനങ്ങളുമടക്കമുള്ള മാവുകളാണ്. പക്ഷേ ആ നഷ്ടത്തെ ഇപ്പോൾ കാർഷിക സാങ്കേതികവിദ്യയിലൂടെ നികത്താനൊരുങ്ങുകയാണ് ഉത്തരമേഖലാ കാർഷിക ഗവേഷണകേന്ദ്രം. മുറിച്ചുമാറ്റേണ്ടിവന്ന എല്ലാ മാവുകളുടെയും ഗ്രാഫ്റ്റ് ചെയ്തെടുത്ത തൈകളാണ് തോട്ടത്തിൽ വീണ്ടും വളർത്തിയെടുക്കുന്നത്. തനത് ഇനങ്ങളായി ഇവിടെ സംരക്ഷിക്കുന്നതിനൊപ്പം കർഷകർക്ക് വില്പന നടത്താനായും തൈകൾ ഒരുക്കിയിട്ടുണ്ട്. വിവിധ ഇനങ്ങളിൽ പെട്ട മുപ്പതിലധികം പുതിയ മാവുകളാണ് തോട്ടത്തിൽ വളർന്നുവരുന്നത്. കേസരി, വെള്ളരി കുളുമ്പൻ, ചന്ദ്രക്കാരൻ, മൽഗോവ, മെർക്കുറി, സുവർണരേഖ, കാലാപാടി, ഫിറങ്കിലഡുവ, പനക്കാൽ, കർപ്പൂരം, നീലം, ബംഗളൂരു, കുറ്റ്യാട്ടൂർ എന്നിവയെല്ലാം ഇക്കൂട്ടത്തിലുണ്ട്. ഞെട്ടിനടുത്ത് അല്പം കുഴിഞ്ഞ് കാണപ്പെടുന്ന വലിപ്പമേറിയ നാട്ടുമാങ്ങ, നീലം, അൽഫോൻസ, ബംഗനപ്പള്ളി തുടങ്ങിയ ജനപ്രിയ ഇനങ്ങൾ വളർച്ചയും പ്രതിരോധശേഷിയും കൂടിയ നാടൻ ഇനങ്ങളിൽ ഗ്രാഫ്റ്റ് ചെയ്ത് വളർത്തിയെടുക്കുന്ന മാവുകൾ തുടങ്ങിയവ ശ്രദ്ധേയമാണ്. ഇതോടൊപ്പം അന്യംനിന്നുപോകുന്ന പരമ്പരാഗത നാട്ടുമാവിനങ്ങൾക്കും ഇടമൊരുക്കിയിട്ടുണ്ട്.

എസ്എസ്എല്‍സി വിജയശതമാനം 99.57

കാസര്‍ഗോഡ്: എസ്എസ്എല്‍സി പരീക്ഷയില്‍ കാസര്‍ഗോഡ് ജില്ലയ്ക്ക് 99.57 ശതമാനം വിജയം. സംസ്ഥാനതലത്തില്‍ ആറാംസ്ഥാനത്താണ് കാസര്‍ഗോഡ്. കഴിഞ്ഞവര്‍ഷം 99.64 ആയിരുന്നു വിജയശതമാനം. ഇത്തവണ ആകെ പരീക്ഷയെഴുതിയ 20,436 വിദ്യാര്‍ഥികളില്‍ 20,348 പേര്‍ ഉപരിപഠനത്തിന് യോഗ്യത നേടി. ഇതില്‍ 10,742 പേര്‍ ആണ്‍കുട്ടികളും 9,606 പേര്‍ പെണ്‍കുട്ടികളുമാണ്. കാഞ്ഞങ്ങാട് വിദ്യാഭ്യാസജില്ലയില്‍ 99.94ഉം കാസര്‍ഗോഡ് വിദ്യാഭ്യാസജില്ലയില്‍ 99.27മാണ് വിജയശതമാനം. 2,422 കുട്ടികള്‍ മുഴുവന്‍ വിഷയങ്ങള്‍ക്കും എപ്ലസ് കരസ്ഥമാക്കി. ഇതില്‍ 1552 പേര്‍ പെണ്‍കുട്ടികളും 870 പേര്‍ ആണ്‍കുട്ടികളുമാണ്. കഴിഞ്ഞവര്‍ഷം 2,910 കുട്ടികള്‍ ഫുള്‍ എപ്ലസ് നേടിയിരുന്നു. 133 സ്‌കൂളുകളാണ് ഇത്തവണ നൂറുശതമാനം വിജയം കരസ്ഥമാക്കിയത്. ഇതില്‍ 80 ഗവ.സ്‌കൂളുകളും 29 അണ്‍ എയ്ഡഡ് സ്‌കൂളുകളും 24 എയ്ഡഡ് സ്‌കൂളുകളും ഉള്‍പ്പെടും. കഴിഞ്ഞവര്‍ഷം 134 സ്‌കൂളുകളാണ് നൂറുശതമാനം വിജയം നേടിയത്. ചട്ടഞ്ചാല്‍ സിഎച്ച്എസ്എസ് ആണ് ഏറ്റവുമധികം കുട്ടികളെ പരീക്ഷയ്ക്കിരുത്തി നൂറുശതമാനം വിജയം കരസ്ഥമാക്കിയത്. 617 കുട്ടികളാണ് ഇവിടെ പരീക്ഷയെഴുതിയത്. ഇവിടെ നിന്നും 125 വിദ്യാര്‍ഥികള്‍ ഫുള്‍ എപ്ലസ് നേടി. എരുതുംകടവ് എന്‍എ ഗേള്‍സ് എച്ച്എസ്എസിലാണ് ഏറ്റവും കുറവ് കുട്ടികള്‍ പരീക്ഷയെഴുതിയത്. എട്ടുപേര്‍ മാത്രമാണ് ഇവിടെ പരീക്ഷയെഴുതിയത്. നൂറുശതമാനം വിജയം നേടിയ സ്‌കൂളുകള്‍ സര്‍ക്കാര്‍ സ്‌കൂളുകള്‍ (പരീക്ഷയെഴുതിയ കുട്ടികളുടെ എണ്ണം ബ്രായ്ക്കറ്റില്‍) കാസര്‍ഗോഡ് ജിവിഎച്ച്എസ്എസ് ഫോര്‍ ഗേള്‍സ് (92), കുഞ്ചത്തൂര്‍ ജിവിഎച്ച്എസ്എസ് (94), ഷിറിയ ജിഎച്ച്എസ്എസ് (49), ബങ്കരമഞ്ചേശ്വരം ജിഎച്ച്എസ്എസ് (55), പൈവളിഗെനഗര്‍ ജിഎച്ച്എസ്എസ് (182,ആലംപാടി ജിഎച്ച്എസ്എസ് (76), ഇരിയണ്ണി ജിവിഎച്ച്എസ്എസ് (168), ബന്തടുക്ക ജിഎച്ച്എസ് (134), മൊഗ്രാല്‍ ജിവിഎച്ച്എസ്എസ് (253), അഡൂര്‍ ജിഎച്ച്എസ്എസ് (173), പാണ്ടി ജിഎച്ച്എസ്എസ് (42), ദേലംപാടി ജിവിഎച്ച്എസ്എസ് (61), പദ്രെ ജിഎച്ച്എസ്എസ് (27), ആദൂര്‍ ജിഎച്ച്എസ്എസ് (67), മുള്ളേരിയ ജിവിഎച്ച്എസ്എസ് (164), കാറഡുക്ക ജിവിഎച്ച്എസ്എസ് (140), ബെള്ളൂര്‍ ജിഎച്ച്എസ്എസ് (69), ചെമ്മനാട് ജിഎച്ച്എസ്എസ് (183), പട്‌ള ജിഎച്ച്എസ്എസ് (149), കുണ്ടംകുഴി ജിഎച്ച്എസ്എസ് (240), ബേത്തൂര്‍പാറ ജിഎച്ച്എസ്എസ് (75), കാസര്‍ഗോഡ് ജിഎംആര്‍എച്ച്എസ് ഫോര്‍ ഗേള്‍സ് (35), കടമ്പാര്‍ ജിഎച്ച്എസ് (69), മൂഡംബയല്‍ ജിഎച്ച്എസ് (12), ഉദ്യാവര്‍ ജിഎച്ച്എസ് (44), കൊളത്തൂര്‍ ജിഎച്ച്എസ് (52), മുന്നാട് ജിഎച്ച്എസ് (52), സൂരംബയല്‍ ജിഎച്ച്എസ് (65), കുറ്റിക്കോല്‍ ജിഎച്ച്എസ് (78), രാംനഗര്‍ എസ്ആര്‍എംജിഎച്ച്ഡബ്ല്യുഎച്ച്എസ് (83), ബല്ല ഈസ്റ്റ് ജിഎച്ച്എസ്എസ് (119), ഹൊസ്ദുര്‍ഗ് ജിഎച്ച്എസ്എസ് (146), കാഞ്ഞങ്ങാട് ജിവിഎച്ച്എസ്എസ് (195), ബേക്കല്‍ ജിഎഫ്എച്ച്എസ്എസ് (71), പള്ളിക്കര ജിഎച്ച്എസ്എസ് (243), പെരിയ ജിഎച്ച്എസ്എസ് (192), പാക്കം ജിഎച്ച്എസ്എസ് (101), കല്യോട്ട് ജഎചച്എസ്എസ് (25), ഉദുമ ജിഎച്ച്എസ്എസ് (258), കുണിയ ജിവിഎച്ച്എസ്എസ് (99), മടിക്കൈ ജിഎച്ച്എസ്എസ് (51), വെള്ളിക്കോത്ത് എംപിഎസ് ജിവിഎച്ച്എസ്എസ് (183), രാവണീശ്വരം ജിഎച്ച്എസ്എസ് (109), ബളാന്തോട് ജിഎച്ച്എസ്എസ് (189), കക്കാട്ട് ജിഎച്ച്എസ്എസ് (188), ഉപ്പിലിക്കൈ ജിഎച്ച്എസ് (40), മടിക്കൈ സെക്കന്‍ഡ് ജിഎച്ച്എസ് (116), കുട്ടമത്ത് ജിഎച്ച്എസ്എസ് (253), പിലിക്കോട് ജിഎച്ച്എസ്എസ് (168), തൃക്കരിപ്പൂര്‍ വിപിപിഎംകെപിഎസ് ജിഎച്ച്എസ്എസ് (146), ഇളമ്പച്ചി ജിസിഎസ് ജിഎച്ച്എസ്എസ് (106), കോട്ടപ്പുറം ജിവിഎച്ച്എസ്എസ് (28), ചെറുവത്തൂര്‍ ജിഎഫ്‌വിഎച്ച്എസ്എസ് (156), പടന്നകടപ്പുറം ജിഎഫ്‌വിഎച്ച്എസ്എസ് (111), കാലിച്ചാനടുക്കം ജിഎച്ച്എസ് (89), കയ്യൂര്‍ ജിവിഎച്ച്എസ്എസ് (70), ചായ്യോത്ത് ജിഎച്ച്എസ്എസ് (327), തായന്നൂര്‍ ജിഎച്ച്എസ്എസ് (29), പരപ്പ ജിഎച്ച്എസ്എസ് (156), ബളാല്‍ ജിഎച്ച്എസ് (35), മാലോത്ത്കസബ ജിഎച്ച്എസ്എസ് (124), കമ്പല്ലൂര്‍ ജിഎച്ച്എസ്എസ് (65), ചീമേനി ജിഎച്ച്എസ്എസ് (143), അമ്പലത്തറ ജിവിഎച്ച്എസ്എസ് (125), അട്ടേങ്ങാനം ജിഎച്ച്എസ് (53), കോടോത്ത് ഡോ.അംബേദ്കര്‍ ജിഎച്ച്എസ്എസ് (117), ഉദിനൂര്‍ ജിഎച്ച്എസ്എസ് (292), തച്ചങ്ങാട് ജിഎച്ചഎസ്(279), കാഞ്ഞങ്ങാട് ജിആര്‍എഫ് ടിഎച്ച്എസ് ഫോര്‍ ഗേള്‍സ് (28), നടക്കാവ് ജിഎംആര്‍എസ് ഫോര്‍ ബോയ്‌സ് (33), പെരുമ്പട്ട സി.എച്ച്.മുഹമ്മദ്‌കോയ സ്മാരക ജിഎച്ച്എസ്എസ് (14), പാണത്തൂര്‍ ജിഡബ്ല്യുഎച്ച്എസ് (57), തയ്യേനി ജിഎച്ച്എസ് (23), മരക്കാപ്പ് കടപ്പുറം ജിഎഫ്എച്ച്എസ് (98), ബാര ജിഎച്ച്എസ് (148), ചാമുണ്ഡിക്കുന്ന് ജിഎച്ച്എസ് (43), കാഞ്ഞിരപ്പൊയില്‍ ജിഎച്ച്എസ് (38), പുല്ലൂര്‍ ഇരിയ ജിഎച്ച്എസ് (45), കൂളിയാട് ജിഎച്ച്എസ് (55), ബാനം ജിഎച്ച്എസ് (23). എയ്ഡഡ് സ്‌കൂളുകള്‍ അഗല്‍പാടി എസ്എപി എച്ച്എസ് (95), കാസര്‍ഗോഡ് ബിഇഎംഎച്ച്എസ് (237), മിയാപദവ് എസ്‌വിവി എച്ച്എസ് (148), കുരുഡപദവ് കെവിഎസ്എംഎച്ച്എസ് (37), ബോവിക്കാനം ബിഎആര്‍എച്ച്എസ് (189), കാട്ടുകുക്കെ എസ്എസ് എച്ച്എസ്എസ് (63), ഷേണി എസ്എസ്എച്ച്എസ് (238), പെര്‍ഡാല എന്‍എച്ച്എസ് (455), എടനീര്‍ സ്വാമിജീസ് എച്ച്എസ്എസ് (27), ചെമ്മനാട് സിജെഎച്ച്എസ്എസ് (359), കുഡ്‌ലു എസ്ജികെഎച്ച്എസ് (89), ചട്ടഞ്ചാല്‍ സിഎച്ച്എസ്എസ് (617), കാഞ്ഞങ്ങാട് ദുര്‍ഗ എച്ച്എസ്എസ് (522), പുല്ലൂര്‍ ഉദയനഗര്‍ എച്ച്എസ്എസ് (55), രാജപുരം ഹോളിഫാമിലി എച്ച്എസ്എസ് (199), കുമ്പളപ്പള്ളി കരിമ്പില്‍ എച്ച്എസ്എ് (5), വരക്കാട് വികെഎന്‍എസ് എച്ച്എസ്എസ് (112), കുട്ടമത്ത് എംകെഎസ് എച്ച്എസ് (51), കൊടക്കാട് കെഎംവിഎച്ച്എസ്എസ് (97), പടന്ന എംആര്‍വിഎച്ച്എസ്എസ് (202), തോമാപുരം സെന്‍റ് തോമസ് എച്ച്എസ്എസ് (156), കടുമേനി സെന്‍റ് മേരീസ് എച്ച്എസ് (61), വെള്ളരിക്കുണ്ട് സെന്‍റ് ജൂഡ്‌സ് എച്ച്എസ്എസ് (198), ഉദുമ പടിഞ്ഞാര്‍ ജമാഅത്ത് ഇഎംഎച്ച്എസ് (26). അണ്‍ എയ്ഡഡ് സ്‌കൂളുകള്‍ ഉദയനഗര്‍ ഉദയ ഇഎം എച്ച്എസ്എസ് (64), എരുതുംകടവ് എന്‍എ ഗേള്‍സ് എച്ച്എസ്എസ് (8), നായന്മാര്‍മൂല എന്‍എ മോഡല്‍ എച്ച്എസ്എസ് (15), മഞ്ചേശ്വരം സിറാജുല്‍ ഹുദ ഇഎംഎച്ച്എസ്എസ് (94), നെല്ലിക്കട്ട പിബിഎം ഇഎച്ച്എസ്എസ് (46), തളങ്കര ദഖീറത്ത് ഇഎംഎച്ച്എസ്എസ് (67), കുഞ്ചാര്‍ എച്ച്എസ് (146), മുഹിമ്മാത്ത് നഗര്‍ മുഹിമ്മാത്ത് എച്ച്എസ്എസ് (222), ഉദ്യാവര്‍ അല്‍ സഖാഫ് ഇഎംഎസ് (56), ബേള സെന്‍റ് മേരീസ് എച്ച്എസ് (35), മഞ്ചേശ്വരം ഇന്‍ഫന്‍റ് ജീസസ് ഇഎംഎസ് (54), മഞ്ചേശ്വരം പൊസോട്ട് ജമാഅത്ത് ഇഎംഎസ് (38), ബദിയടുക്ക ശ്രീഭാരതി വിദ്യാപീഠം (13), കരിവേടകം സെന്‍റ് മേരീസ് എച്ച്എസ് (42), പച്ചമ്പള മല്‍ജ ഉല്‍ ഇസ്ലാം ഇഎംഎസ് (16), മുള്ളേരിയ വിദ്യാശ്രീ ശിക്ഷണകേന്ദ്ര (29), കുറ്റിക്കോല്‍ സഫ പബ്ലക് ഇഎഎസ് (13), കൊടിബയല്‍ സര്‍വോദയ ഇഎംഎസ് (24), ദേളി സഅദിയ എച്ച്എസ് (165), മുജുംഗാവ് ശ്രീഭാരതി വിദ്യാപീഠം (11), കാഞ്ഞങ്ങാട് ലിറ്റില്‍ ഫ്‌ളവര്‍ ഗേള്‍സ് എച്ച്എസ്എസ് (150), പെരിയ അംബേദ്കര്‍ വിദ്യാനികേതന്‍ (14), ചിത്താരി ജമാഅത്ത് എച്ച്എസ്എസ് (94), മെട്ടമ്മല്‍ സിഎച്ച്എംകെഎസ് എച്ച്എസ്എസ് (40), ചിറ്റാരിക്കാല്‍ സെന്‍റ് മേരീസ് ഇഎംഎച്ച്എസ് (33), പള്ളിക്കര ഐഇഎം എച്ച്എസ്എസ് (26), തുരുത്തി ആര്‍യുഇഎംഎച്ച്എസ് (34), ബേക്കല്‍ നൂറുല്‍ ഹുദ ഇഎംഎസ് (54), കള്ളാര്‍ ബൂണ്‍ പബ്ലിക് സ്‌കൂള്‍ (14).

രാപ്പകല്‍സമരം സമാപിച്ചു

കാഞ്ഞങ്ങാട്: സുപ്രീം കോടതി വിധിയുടെ പശ്ചാത്തലത്തില്‍ ഭിന്നശേഷി നിയമനങ്ങള്‍ അംഗീകരിച്ച് അധ്യാപകര്‍ക്ക് ശമ്പള സ്‌കെയില്‍ അനുവദിക്കണമെന്ന് ഡിസിസി പ്രസിഡന്‍റ് പി.കെ.ഫൈസല്‍. കാഞ്ഞങ്ങാട് ഡിഇഒ ഓഫീസ് പരിസരത്ത് നടന്ന കെപിഎസ്ടിഎ രാപ്പകല്‍ സമരത്തിന്‍റെ സമാപനപരിപാടി ഉദ്ഘാടനം ചയയുകയായിരുന്നു അദ്ദേഹം. റവന്യു ജില്ലാ പ്രസിഡന്‍റ് പി.ടി.ബെന്നി അധ്യക്ഷത വഹിച്ചു. സംസ്ഥാന വൈസ് പ്രസിഡന്‍റ് ജി.കെ. ഗിരീഷ് മുഖ്യഭാഷണം നടത്തി. ഡിസിസി വൈസ് പ്രസിഡന്‍റുമാരായ ബി.പി.പ്രദീപ്കുമാര്‍, സാജിദ് മവ്വല്‍, ഡിസിസി ജനറല്‍ സെക്രട്ടറി പി.വി.സുരേഷ് എന്നിവര്‍ പ്രസംഗിച്ചു. റവന്യു ജില്ലാ സെക്രട്ടറി കെ.ഗോപാലകൃഷ്ണന്‍ സ്വാഗതവും ജില്ലാ ജോയിന്‍റ് സെക്രട്ടറി രജനി കെ.ജോസഫ് നന്ദിയും പറഞ്ഞു.

ഓടക്കൊല്ലി റബർ ഉത്പാദകസംഘം ഓഫീസ് ഉദ്ഘാടനം ചെയ്തു

പാലാവയൽ: ഓടക്കൊല്ലി റബർ ഉത്പാദകസംഘത്തിന്‍റെ പുതുതായി നിർമിച്ച ഓഫീസ് കെട്ടിടം പഞ്ചായത്ത് പ്രസിഡന്‍റ് ജോസഫ് മുത്തോലി ഉദ്ഘാടനം ചെയ്തു. സംഘം പ്രസിഡന്‍റ് ചെറിയാൻ കാപ്പിൽ അധ്യക്ഷനായി. പഞ്ചായത്ത് സ്ഥിരം സമിതി ചെയർമാൻ പ്രശാന്ത് പാറേക്കുടിയിൽ, ചിറ്റാരിക്കാൽ റബർ ഉത്പാദകസംഘം പ്രസിഡന്‍റ് റെനി മംഗലത്ത്, പാലാവയൽ സംഘം പ്രസിഡന്‍റ് മാത്യു താമരശേരിൽ, തോമസ് കൊറ്റനാൽ, ടോമി കലവനാൽ എന്നിവർ പ്രസംഗിച്ചു. അസി. കൃഷി ഓഫീസർ ജയപ്രകാശ് വിള ഇൻഷുറൻസ് പദ്ധതികൾ വിശദീകരിച്ചു. ജോൺ തോണക്കര, മത്തായി കളമ്പുകാട്ട്, എബ്രഹാം കടുകൻമാക്കൽ, ഷാജു കാപ്പിൽ എന്നിവരെ ആദരിച്ചു.

അന്തർജില്ലാ ജൂണിയർ കബഡിയിൽ വിജയ് അച്ചാംതുരുത്തി ജേതാക്കൾ

ചെറുവത്തൂർ: ദേശീയ കായികവേദി ജില്ലാ കമ്മിറ്റി അച്ചാംതുരുത്തിയിൽ സംഘടിപ്പിച്ച അന്തർജില്ലാ ജൂണിയർ കബഡി ഫെസ്റ്റിൽ വിജയ് അച്ചാംതുരുത്തി ടീം ജേതാക്കളായി. എരോൽ പ്രതിഭ രണ്ടാം സ്ഥാനം നേടി. 17 വയസിൽ താഴെ പ്രായമുള്ളവർക്കായി സംഘടിപ്പിച്ച മത്സരത്തിൽ കണ്ണൂർ - കാസർഗോഡ് ജില്ലകളിലെ 18 ടീമുകളാണ് പങ്കെടുത്തത്. രാജ്മോഹൻ ഉണ്ണിത്താൻ എംപി ഉദ്ഘാടനം ചെയ്തു. ദേശീയ കായികവേദി ജില്ലാ പ്രസിഡന്‍റ് വിനോദ് അച്ചാംതുരുത്തി അധ്യക്ഷത വഹിച്ചു. സംസ്ഥാന സെക്രട്ടറിയും അന്താരാഷ്ട്ര വോളിബോൾ റഫറിയുമായ ടി.വി.അരുണാചലം മുഖ്യാതിഥിയായി. ചെറുവത്തൂർ ഫാർമേഴ്സ് ബാങ്ക് വൈസ് പ്രസിഡന്‍റ് ഡോ.കെ.വി.ശശിധരൻ ജഴ്സി പ്രകാശനം നിർവഹിച്ചു. കെ.വിജയകൃഷ്ണൻ, കെ.ബാലകൃഷ്ണണൻ, എൻ.കെ.കൃഷ്ണൻ, ടി.പി.ഭരതൻ, വി.ഗോപിനാഥൻ, എം.ധനേഷ് കുമാർ, എ.വി.ബാബു എന്നിവർ പ്രസംഗിച്ചു. പി.ഗോപാലകൃഷ്ണൻ, ഒ. ഉണ്ണികൃഷ്ണൻ എന്നിവരെ ആദരിച്ചു. പഞ്ചായത്തംഗം ടി.വി.ശ്രീജിത്ത് സമ്മാനവിതരണം നിർവഹിച്ചു.

മണ്ണിന്‍റെ പിഎച്ച് മൂല്യം: ടെക്നിക്കൽ നൈറ്റ് ‌ 20 ന് വെള്ളരിക്കുണ്ടിൽ

വെള്ളരിക്കുണ്ട്: മണ്ണിന്‍റെ പിഎച്ച് മൂല്യവുമായി ബന്ധപ്പെട്ട അറിവുകൾ പങ്കുവയ്ക്കുന്നതിനും ബോധവത്കരണത്തിനുമായി ചുള്ളി ഫാം ക്ലബ്, ഹരിതം വെള്ളരിക്കുണ്ട്, വ്യാപാരി വ്യവസായി ഏകോപന സമിതി വെള്ളരിക്കുണ്ട് യൂണിറ്റ് എന്നിവയുടെ സംയുക്താഭിമുഖ്യത്തിൽ ടെക്നിക്കൽ നൈറ്റ് സംഘടിപ്പിക്കുന്നു. 20 ന് വൈകിട്ട് അഞ്ചുമണി മുതൽ രാത്രി ഒൻപത് മണി വരെ വെളളരിക്കുണ്ട് ദർശന ഓഡിറ്റോറിയത്തിൽ നടക്കുന്ന പരിപാടിക്ക് കേരള കാർഷിക സർവകലാശാലയിൽ നിന്ന് ഈ വർഷം വിരമിച്ച കാർഷിക ശാസ്ത്രജ്ഞൻ ഡോ.കെ.എം. ശ്രീകുമാർ നേതൃത്വം നല്കും. മണ്ണിന്‍റെ ആരോഗ്യം മെച്ചപ്പെടുത്തുന്നതിനും മികച്ച വിളവ് നേടുന്നതിനുമുള്ള ശാസ്ത്രീയ മാർഗങ്ങൾ അവതരിപ്പിക്കുന്ന സെമിനാറും കര്‍ഷകരുമായുള്ള സംവാദവും നടക്കുമെന്ന് ബളാൽ പഞ്ചായത്ത് പ്രസിഡന്‍റ് രാജു കട്ടക്കയം, ചുള്ളി ഫാം ക്ലബ് ചെയർമാൻ പി.സി.ബിനോയ് എന്നിവർ പത്രസമ്മേളനത്തിൽ അറിയിച്ചു. പരിപാടിയിൽ പങ്കെടുക്കാൻ താത്പര്യമുള്ളവർക്ക് 8197815243 എന്ന നമ്പറിൽ ബന്ധപ്പെടാം.

ഹയര്‍സെക്കന്‍ഡറി ഒഴിവുകള്‍ യഥാസമയം റിപ്പോര്‍ട്ട് ചെയ്യാതിരിക്കുന്നത് മനുഷ്യാവകാശ ലംഘനമെന്ന് കമ്മീഷന്‍

കാസര്‍ഗോഡ്: ഹയര്‍സെക്കന്‍ഡറി വിഭാഗത്തിലുള്ള ഒഴിവുകള്‍ പിഎസ്‌സിക്ക് യഥാസമയം റിപ്പോര്‍ട്ട് ചെയ്യണമെന്ന് മനുഷ്യാവകാശകമ്മീഷന്‍ ജുഡീഷല്‍ അംഗം കെ.ബൈജുനാഥ്. ഇപ്രകാരം ചെയ്യാതിരിക്കുന്നത് ഗുരുതരമായ മനുഷ്യാവകാശ ലംഘനമാണെന്നും ഉത്തരവില്‍ പറഞ്ഞു. റാങ്ക് പട്ടികയില്‍ ഇടം നേടിയിട്ടും ഉദ്യോഗസ്ഥതലത്തിലുള്ള അനാസ്ഥയും സ്ഥാപിതതാല്‍പര്യവും കാരണം ഉദ്യോഗാര്‍ഥികള്‍ക്ക് ജോലിയെന്ന സ്വപ്നം മരീചികയായി തുടരുന്നത് കടുത്ത നീതിനിഷേധമാണെന്നും കമ്മീഷന്‍ ഉത്തരവില്‍ പറഞ്ഞു. മാന്യതയോടെയും അന്തസ്സോടെയും ജീവിക്കാനുള്ള സൗകര്യമാണ് ജോലി നല്‍കുന്നത്. അനാസ്ഥ കാണിച്ചും നിയമാനുസൃതമല്ലാതെ പ്രവര്‍ത്തിച്ചും അത് ഇല്ലാതാക്കുക എന്നത് മനുഷ്യാവകാശ ലംഘനമാണ്. ഒഴിവുള്ള തസ്തികകള്‍ പിഎസ്‌സിക്ക് റിപ്പോര്‍ട്ട് ചെയ്യാതിരിക്കുന്നത് സര്‍ക്കാര്‍, പിഎസ്‌സി നിര്‍ദേശങ്ങളുടെ ലംഘനമാണെന്നും ഉത്തരവില്‍ പറയുന്നു. പരാതിക്കാരി കമ്മീഷനില്‍ ഉന്നയിച്ചിരിക്കുന്ന വിഷയങ്ങളില്‍ കാലതാമസം കൂടാതെ നടപടിയെടുക്കണമെന്നും കമ്മീഷന്‍ ആവശ്യപ്പെട്ടു. 2024 ഓഗസ്റ്റ് 21നു മന്ത്രിസഭാ തീരുമാനപ്രകാരം സൃഷ്ടിച്ച ഹയര്‍സെക്കന്‍ഡറി തസ്തികകളില്‍ നിയമനം നടത്തുന്ന കാര്യം പരിശോധിക്കണമെന്നും കമ്മീഷന്‍ നിര്‍ദേശിച്ചു. സ്റ്റാഫ് ഫിക്‌സേഷന്‍റെ പേരിലും ബൈ ട്രാന്‍സ്ഫറിന്‍റെ പേരിലും തസ്തികകള്‍ മാറ്റിവച്ച് ഒഴിവുകള്‍ പിഎസ്‌സിയില്‍ നിന്നും മറച്ചുവയ്ക്കുന്നതിനെതിരെ സമര്‍പ്പിച്ച പരാതിയിലാണ് ഉത്തരവ്. നിലവിലെ മുഴുവന്‍ ഒഴിവുകളും പിഎസ്‌സിക്ക് റിപ്പോര്‍ട്ട് ചെയ്യണമെന്ന പരാതിക്കാരിയുടെ ആവശ്യം സര്‍ക്കാര്‍ പരിഗണിക്കണമെന്ന് കമ്മീഷന്‍ ആവശ്യപ്പെട്ടു. ബൈ ട്രാന്‍സ്ഫറിന്‍റെ പേരില്‍ കാലങ്ങളായി മാറ്റി വച്ചിരിക്കുന്ന തസ്തികകളും പിഎസ്‌സിക്ക് നല്‍കണമെന്നാണ് പരാതിക്കാരിയുടെ ആവശ്യം. ഡയറക്ട് ലിസ്റ്റില്‍ നിലവിലുള്ള തസ്തികകളില്‍ 75 ശതമാനം പിഎസ്‌സിക്ക് നല്‍കണമെന്നും പരാതിക്കാരിയായ കെ.വി.സൗമ്യ ആവശ്യപ്പെട്ടു. പരാതിക്കാരിയുടെ ആവശ്യങ്ങള്‍ നിലവിലെ കോടതി വിധികള്‍ക്കും നിയമങ്ങള്‍ക്കും അനുസൃതമായി തീരുമാനമെടുക്കണമെന്നും കമ്മീഷന്‍ ആവശ്യപ്പെട്ടു. ഉത്തരവിന്‍റെ അടിസ്ഥാനത്തില്‍ സ്വീകരിച്ച നടപടികള്‍ നാലാഴ്ചക്കകം അറിയിക്കണമെന്നും കമ്മീഷന്‍ ആവശ്യപ്പെട്ടു.

അമിതനിരക്ക് കുറച്ചില്ല; ബസുകള്‍ക്കെതിരേ നടപടി തുടങ്ങി മോട്ടോര്‍വാഹന വകുപ്പ്

കാഞ്ഞങ്ങാട്: യാത്രക്കാരില്‍ നിന്ന് അമിത നിരക്ക് ഈടാക്കുന്ന സ്വകാര്യ ബസുടമകള്‍ക്കെതിരേ മോട്ടോര്‍ വാഹന വകുപ്പ് നടപടി തുടങ്ങി. കാസര്‍ഗോഡ് ആര്‍ടിഒ ജി.എസ്.സജിപ്രസാദിന്‍റെ നിര്‍ദേശപ്രകാരം കാഞ്ഞങ്ങാട് ജോയിന്‍റ് ആര്‍ടിഒ ഓഫീസിലെ എംവിഐമാരായ എം.വിജയന്‍, കെ.വി.ജയന്‍ എന്നിവരാണ് പരിശോധനക്കെത്തിയത്. കാഞ്ഞങ്ങാട് -പാണത്തൂര്‍ റൂട്ടിലെ അമ്പലത്തറയില്‍ ഇന്നലെ വൈകുന്നേരം എട്ടു ബസുകള്‍ പരിശോധിച്ചതില്‍ ഒന്നൊഴികെ മറ്റെല്ലാം അമിത നിരക്ക് വാങ്ങിയെന്ന് ബോധ്യപ്പെട്ടു. ഇതോടെ ഇവക്കെതിരെ നടപടി സ്വീകരിച്ചു. അമിത നിരക്ക് അവസാനിപ്പിക്കുന്നതുവരെയും നിയമനടപടി സ്വീകരിക്കാനാണ് ആര്‍ടിഒയുടെ കര്‍ശന നിര്‍ദേശം. നിരക്ക് കുറച്ച വിവരം തങ്ങള്‍ അറിഞ്ഞില്ലെന്ന് ബസ് ജീവനക്കാര്‍ ഉദ്യോഗസ്ഥരോട് പറഞ്ഞു. അത്തരം ന്യായീകരണമൊന്നും അംഗീകരിക്കില്ലെന്ന് ഉദ്യോഗസ്ഥര്‍ മറുപടി നല്‍കി. തിങ്കളാഴ്ചയാണ് കാഞ്ഞങ്ങാട് -കൊന്നക്കാട്, ഏഴാംമൈല്‍-കാലിച്ചാനടുക്കം റൂട്ടുകളിലെ ബസ് നിരക്ക് കുറച്ച ഉത്തരവ് പ്രാബല്യത്തില്‍ വന്നത്. മോട്ടോര്‍ വാഹനവകുപ്പിന്‍റെ വെബ്‌സൈറ്റില്‍ പ്രസിദ്ധീകരിക്കുകയും മാധ്യമങ്ങളില്‍ വാര്‍ത്തയാകുകയും ചെയ്തിരുന്നു. എന്നാല്‍ ഇതു അംഗീകരിക്കില്ലെന്ന് ബസുടമകളുടെ സംഘടന പറഞ്ഞിരുന്നു. ഇതിന് പിന്നാലെ യാത്രക്കാര്‍ ബസ് ടിക്കറ്റ് സഹിതം പരാതിപ്പെട്ടു. ഇതോടെയാണ് നടപടി ആരംഭിച്ചത്. കാഞ്ഞങ്ങാട് നിന്ന് കയറുന്ന യാത്രക്കാരന് മാവുങ്കാല്‍ മുതല്‍ കല്ലംചിറ വരെ രണ്ട് മുതല്‍ മൂന്ന് രൂപ വരെയും വെള്ളരിക്കുണ്ട് മുതല്‍ കൊന്നക്കാട് വരെ അഞ്ചു രൂപയുമാണ് കുറഞ്ഞത്. ഏഴാംമൈലില്‍ നിന്ന് കയറുന്നയാള്‍ക്ക് മുക്കുഴിയിലേക്ക് മൂന്ന് രൂപയും കാലിച്ചാനടുക്കത്തേക്ക് അഞ്ചുരൂപയും കുറഞ്ഞു.

സംസ്‌കാരസാഹിതി ഭാരവാഹികള്‍ ചുമതലയേറ്റു

കാസര്‍ഗോഡ്: കെപിസിസി കലാസാംസ്‌കാരിക വിഭാഗമായ സംസ്‌കാരസാഹിതിയുടെ ജില്ലാഭാരവാഹികള്‍ ചുമതലയേറ്റു. ഡിസിസി ഓഫീസില്‍ നടന്ന പരിപാടി ഡിസിസി പ്രസിഡന്‍റ് പി.കെ.ഫൈസല്‍ ഉദ്ഘാടനം ചെയ്തു. സംസ്ഥാന വൈസ്പ്രസിഡന്‍റ് പ്രദീപ്കുമാര്‍ പയ്യന്നൂര്‍ മുഖ്യപ്രഭാഷണം നടത്തി. ഗംഗാധരന്‍ കുട്ടമത്ത്, രമേശന്‍ കരുവാച്ചേരി, എം.സി.പ്രഭാകരന്‍, മിനി ചന്ദ്രന്‍, കെ.കെ.ബാബു, എം.കുഞ്ഞികൃഷ്ണന്‍, കെ.പി. ബാലകൃഷ്ണന്‍, സംസ്‌കാര സാഹിതി ജില്ലാ കണ്‍വീനര്‍ ദിനേശന്‍ മൂലക്കണ്ടം, ട്രഷറര്‍ ഡോ. വിവേക് സുധാകരന്‍, ബഷീര്‍ ആറങ്ങാടി, പി.കെ.വിനയകുമാര്‍, പി.പി.കുഞ്ഞികൃഷ്ണന്‍ നായര്‍, ജോയ് മാരൂര്‍, അനില്‍ വാഴുന്നോറൊടി, രാജന്‍ തെക്കേക്കര, സുകുമാരന്‍ ആശിര്‍വാദ്, ബിജുകൃഷ്ണ, ചന്ദ്രന്‍ നാലപ്പാടം, ടി.വി.രാജീവന്‍, അഷറഫ് കൈന്താര്‍, ടി.രാഘവേന്ദ്ര, അക്ഷയ എസ്.ബാലന്‍ എന്നിവര്‍ സംസാരിച്ചു.

മാലിന്യസംസ്‌കരണ സംവിധാനമില്ലാത്ത അപ്പാര്‍ട്ട്മെന്‍റുകള്‍ക്ക് പിഴ ചുമത്തി

കാസര്‍ഗോഡ്: ഭക്ഷണഅവശിഷ്ടങ്ങള്‍ ഉള്‍പ്പെടെയുള്ള ജൈവമാലിന്യങ്ങള്‍ സംസ്‌കരിക്കുന്നതിന് സംവിധാനമില്ലാത്ത അപ്പാര്‍ട്ട്മെന്‍റുകള്‍ക്കും കോര്‍ട്ടേഴ്സുകള്‍ക്കും പിഴ ചുമത്തി ജില്ലാ എന്‍ഫോഴ്സ്മെന്‍റ് സ്‌ക്വാഡ്. മഞ്ചേശ്വരത്തുള്ള അപ്പാര്‍ട്ട്മെന്‍റുകളില്‍ ജൈവമാലിന്യസംസ്‌കരണ സംവധനം ഒരുക്കാത്തത്തിനും അജൈവമാലിന്യങ്ങള്‍ അലക്ഷ്യമായി കൈകാര്യം ചെയ്തതിനും 10,000 രൂപ വീതം ഉടമകള്‍ക്ക് പിഴ ചുമത്തുകയും റിംഗ് കമ്പോസ്റ്റുകള്‍ സ്ഥാപിക്കുന്നതിന് നിര്‍ദ്ദേശം നല്‍കുകയും ചെയ്തു. കരിമ്പളപ്പിലുള്ള ക്വാര്‍ട്ടേഴ്സ് ഉടമയ്ക്ക് മാലിന്യങ്ങള്‍ അലക്ഷ്യമായി കൈകാര്യം ചെയ്തതിന് 3000 രൂപയും പിഴ ചുമത്തിയിട്ടുണ്ട് . ചെങ്കള പഞ്ചായത്തിലെ ചര്‍ളടുക്കയിലുള്ള ക്വാര്‍ട്ടേഴ്സ് ഉടമകള്‍ക്കും ശാസ്ത്രീയ മാലിന്യ സംസ്‌കരണ സംവിധാനമില്ലാത്തതിന് പിഴ ചുമത്തിയിട്ടുണ്ട്. നെല്ലിക്കട്ടയിലെ കോംപ്ലക്സിനകത്തുള്ള റസ്റ്റോറന്‍റിലെ മലിനജലം തുറസായ സ്ഥലത്തേക്ക് ഒഴുക്കി വിട്ടതിന് 7500 രൂപ പിഴ ചുമത്തുകയും സോക്ക് പിറ്റ് സ്ഥാപിച്ച് ശാസ്ത്രീയമായി സംസ്‌കരിക്കുന്നതിന് നിര്‍ദേശവും നല്‍കി. ‌ജില്ലാ എന്‍ഫോഴ്സ്മെന്‍റ് സ്‌ക്വാഡ് ലീഡര്‍ കെ.വി.മുഹമ്മദ് മദനിയുടെ നേതൃത്വത്തിലുള്ള പരിശോധനാ സംഘത്തില്‍ ഹെല്‍ത്ത് ഇന്‍സ്പെക്ടര്‍ രശ്മി, സ്‌ക്വാഡ് അംഗം ഇ.കെ ഫാസില്‍, എന്‍.ആദര്‍ശ് എന്നിവരുമുണ്ടായിരുന്നു.

തൃശൂർ പൂരത്തിൽ വടക്കിന്‍റെ മേളപ്പെരുമ തീർത്ത് രാധാകൃഷ്ണ മാരാർ

കാഞ്ഞങ്ങാട്: തൃശൂർ പൂരത്തിന്‍റെ ഇലഞ്ഞിത്തറ മേളത്തിൽ വടക്കിന്‍റെ മേളപ്പെരുമ തീർത്ത് മഡിയൻ രാധാകൃഷ്ണ മാരാർ. കിഴക്കൂട്ട് അനിയൻ മാരാർ നയിച്ച പാറമേക്കാവ് വിഭാഗത്തിന്‍റെ മേളക്കാരുടെ നിരയിൽ അഞ്ചാമനായാണ് രാധാകൃഷ്ണ മാരാർ കൊട്ടിക്കയറിയത്. മട്ടന്നൂർ ശങ്കരൻകുട്ടി മാരാർക്കു ശേഷം വടക്കൻ കേരളത്തിൽ നിന്ന് ഇലഞ്ഞിത്തറ മേളത്തിൽ മുൻനിരക്കാരനായെത്തുന്ന ആളെന്ന ബഹുമതിക്കൊപ്പം കാസർഗോഡ് ജില്ലയിൽ നിന്നുള്ള ആദ്യത്തെ ആളെന്ന നേട്ടവും രാധാകൃഷ്ണ മാരാർക്ക് സ്വന്തമായി. കാഞ്ഞങ്ങാട് മഡിയൻ കൂലോത്തെ പാരമ്പര്യ വാദ്യകലാ കുടുംബത്തിൽ ജനിച്ചുവളർന്ന രാധാകൃഷ്ണ മാരാർ സ്കൂൾ കലോത്സവങ്ങളിലൂടെയാണ് ആദ്യമായി സംസ്ഥാനതലത്തിൽ അംഗീകാരം നേടിയത്. മട്ടന്നൂർ ശങ്കരൻകുട്ടി മാരാരുടെ ശിഷ്യനായി നിരവധി വേദികളിൽ കൊട്ടിക്കയറി. വാദ്യകലാരംഗത്തെ സംഭാവനകൾക്ക് ദേശീയതലത്തിലുൾപ്പെടെ അംഗീകാരങ്ങൾ നേടിയിട്ടുണ്ട്. രാധാകൃഷ്ണ മാരാർക്കൊപ്പം ശിഷ്യനായ ശ്രീരാഗ് കാഞ്ഞങ്ങാടും ഇത്തവണ പാറമേക്കാവ് സംഘത്തിലുണ്ടായിരുന്നു.

നീലേശ്വരത്തെ പുതിയ ബസ് സ്റ്റാൻഡ് രണ്ടുമാസത്തിനകം

നീലേശ്വരം: തുടക്കത്തിലെ മെല്ലെപ്പോക്കിനൊടുവിൽ വേഗംവച്ച നീലേശ്വരത്തെ പുതിയ ബസ് സ്റ്റാൻഡ് ഷോപ്പിംഗ് കോംപ്ലക്സ് കെട്ടിടത്തിന്‍റെ നിർമാണം അന്തിമഘട്ടത്തിലേക്ക്. കെട്ടിടത്തിന്‍റെ വൈദ്യുതീകരണ പ്രവൃത്തികൾക്ക് കഴിഞ്ഞ ദിവസം സർക്കാരിന്‍റെ സാങ്കേതികാനുമതി ലഭിച്ചതോടെ ടെൻഡർ നടപടികൾ തുടങ്ങി. തുടർന്ന് ടൈൽസ്, സാനിറ്ററി പ്രവൃത്തികളും പെയിന്‍റിംഗും പൂർത്തിയാക്കി രണ്ടുമാസത്തിനകം ബസ് സ്റ്റാൻഡ് തുറന്നുകൊടുക്കാനാകുമെന്നാണ് പ്രതീക്ഷ. പഴയ ബസ് സ്റ്റാൻഡ് കെട്ടിടം ഉണ്ടായിരുന്ന സ്ഥലത്തിനും രാജാറോഡിനും അഭിമുഖമായാണ് 10 കോടി രൂപ ചെലവിൽ നാലു നിലകളുള്ള പുതിയ കെട്ടിടം നിർമിച്ചിട്ടുള്ളത്. താഴത്തെ നിലയില്‍ 16 കടമുറികളും ഒന്നാംനിലയില്‍ 28 കടമുറികളും രണ്ടാംനിലയില്‍ 10 കടമുറികളും ഓഫീസ് ആവശ്യങ്ങള്‍ക്കുള്ള എഴ് മുറികളുമാണ് കെട്ടിടത്തിലുള്ളത്. മുകളിൽ 8000 ചതുരശ്ര അടി വിസ്തീർണമുള്ള കോൺഫറൻസ് ഹാളുമുണ്ട്. ഒരേസമയം 20 ബസുകൾക്ക് പാർക്ക് ചെയ്യുന്നതിനുള്ള സൗകര്യമുണ്ടാകും. ഇതിനു സമീപത്തായി ഓട്ടോറിക്ഷകൾക്കുള്ള പാർക്കിംഗ് സൗകര്യവും ഒരുക്കും. കെട്ടിടത്തിന്‍റെ താഴത്തെ നിലയിൽ കാറുകൾക്കും മറ്റു സ്വകാര്യ വാഹനങ്ങൾക്കും പാർക്കിംഗ് സൗകര്യമൊരുക്കും.

കെജിഒഎ പഠനക്യാമ്പ് നടത്തി

കാഞ്ഞങ്ങാട്: കേരള ഗസറ്റഡ് ഓഫീസേഴ്‌സ് അസോസിയേഷന്‍ ജില്ലയിലെ ഏരിയ, യൂണിറ്റ് ഭാരവാഹികള്‍ക്ക് പഠനക്ലാസ് നടത്തി. ഹൊസ്ദുര്‍ഗ് സര്‍വീസ് സഹകരണബാങ്ക് ഹാളില്‍ നടന്ന പരിപാടി സംസ്ഥാന വൈസ്പ്രസിഡന്‍റ് പി.പി.സുധാകരന്‍ ഉദ്ഘാടനം ചെയ്തു. മധു കരിമ്പില്‍ അധ്യക്ഷതവഹിച്ചു. കെ.വി.രാഘവന്‍, കെ.പി.ഗംഗാധരന്‍, കോളിക്കര രമേശന്‍, സി.എസ്.സുമേ്,വിക്രം കൃഷ്ണന്‍, എ.ഷൈന, ഡി.ദിവ്യ, പി.വി.മനോജ്കുമാര്‍ എന്നിവര്‍ പ്രസംഗിച്ചു.

കെപിഎസ്ടിഎ രാപ്പകല്‍ സമരം ആരംഭിച്ചു

കാഞ്ഞങ്ങാട്: അധ്യാപക നിയമനകാര്യത്തില്‍ സുപ്രീം കോടതി വിധി വന്നിട്ടും കേരളത്തിലെ അധ്യാപക നിയമനങ്ങള്‍ അട്ടിമറിക്കാനുള്ള ആസൂത്രിത നീക്കമാണ് ഇടതുസര്‍ക്കാര്‍ സ്വീകരിക്കുന്നതെന്നും പൊതുവിദ്യഭ്യാസ മേഖലയെ തകര്‍ക്കുന്ന ഇത്തരം നീക്കത്തില്‍ നിന്നും സര്‍ക്കാര്‍ പിന്‍മാറണമെന്നും രാജ്‌മോഹന്‍ ഉണ്ണിത്താന്‍ എംപി ആവശ്യപ്പെട്ടു. കെപിഎസ്ടിഎ രാപ്പകല്‍ സമരം ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം. ഭിന്നശേഷി നിയമനങ്ങളുടെ പേരില്‍ കേരളത്തിലെ വര്‍ഷങ്ങളായുള്ള അധ്യാപക നിയമനങ്ങളുടെ കുരുക്കഴിക്കാവുന്ന വിധം വിശാല വിധി പ്രസ്താവിച്ചിട്ടും സര്‍ക്കാര്‍ സ്വാര്‍ത്ഥ താല്‍പര്യങ്ങളുടെ പേരില്‍ അത് നടപ്പിലാക്കാന്‍ തയ്യാറാകാത്തത് ന്യായീകരിക്കാന്‍ കഴിയില്ല. ആയരിക്കണക്കിന് അധ്യാപകര്‍ ആത്മഹത്യയുടെ വക്കിലാണ്. സാങ്കേതികത്വം പൂര്‍ണ്ണമായും നീങ്ങിയിട്ടും സര്‍ക്കാര്‍ മാത്രം അതിനു തയ്യാറാകാത്തത് എയ്ഡഡ് വിദ്യഭ്യാസ മേഖലയെ തകര്‍ക്കാനുള്ള നീക്കമായേ കാണാന്‍ സാധിക്കുകയുള്ളു. ഹൈക്കോടതിയും ഇക്കാര്യത്തില്‍ അനുകൂലമായ വിധി പുറപ്പെടുവിച്ച സാഹചര്യം പരിഗണിച്ച് പൊതുവിദ്യഭ്യാസ മേഖലയോട് അല്‍പമെങ്കിലും ആത്മാര്‍ത്ഥതയുണ്ടെങ്കില്‍ സുപ്രീം കോടതി വിധി നടപ്പിലാക്കി കേരളത്തിലെ മുഴുവന്‍ അധ്യാപക നിയമനങ്ങള്‍ക്കും അംഗീകാരം നല്‍കാന്‍ അടിയന്തിര നടപടി സ്വീകരിക്കണമെന്നും എംപി ആവശ്യപ്പെട്ടു. റവന്യൂജില്ലാ പ്രസിഡന്‍റ് പി.ടി.ബെന്നി അധ്യക്ഷത വഹിച്ചു. കെപിസിസി സെക്രട്ടറി എം.അസിനാര്‍ മുഖ്യഭാഷണം നടത്തി. സംസ്ഥാന വൈസ് പ്രസിഡന്‍റ് ജി.കെ. ഗിരീഷ്, സംസ്ഥാന നിര്‍വാഹക സമിതി അംഗം അലോഷ്യസ് ജോര്‍ജ്, ജോമി ടി. ജോസ്, എം.കെ. പ്രിയ, പി.ജലജാക്ഷി, വി.കെ. പ്രഭാവതി, എ.വി. ഗിരീശന്‍, ടി. രാജേഷ്‌കുമാര്‍, പി.കെ. ബിജു എന്നിവര്‍ സംസാരിച്ചു. സെക്രട്ടറി കെ. ഗോപാലകൃഷ്ണന്‍ സ്വാഗതം പറഞ്ഞു.

ബസ് ബേകളില്ല; കാത്തിരിപ്പുകേന്ദ്രങ്ങളും സർവീസ് റോഡരികിൽ

കാസർഗോഡ്: ദേശീയപാതയുടെ ഒന്നാംറീച്ചിന്‍റെ നിർമാണം അവസാനഘട്ടത്തിലെത്തുമ്പോൾ സ്ഥലദൗർലഭ്യം മൂലമുണ്ടായ ഞെരുക്കം കൂടുതൽ പ്രകടമാകുന്നു. കർണാടകയിലും മറ്റും നിർമിച്ചതുപോലെ ഇവിടെ ദേശീയപാതയോരത്തെ ബസ് കാത്തിരിപ്പുകേന്ദ്രങ്ങളോടു ചേർന്ന് ബസുകൾ നിർത്തിയിടുന്നതിനായി ബസ് ബേകൾ നിർമിക്കാൻ കഴിയില്ലെന്നാണ് ദേശീയപാത അഥോറിറ്റിയുടെ തീരുമാനം. സ്ഥലപരിമിതി തന്നെയാണ് കാരണം. പകരം സർവീസ് റോഡുകളോട് ചേർന്നു തന്നെയാകും ബസ് കാത്തിരിപ്പുകേന്ദ്രങ്ങൾ നിർമിക്കുക. ആളുകളെ ഇറക്കാനും കയറ്റാനുമായി ബസുകൾ സർവീസ് റോഡുകളിൽ തന്നെ നിർത്തേണ്ടിവരും. ഓരോ സ്റ്റോപ്പിലും നിശ്ചിതസമയം നിർത്തിയിടുന്ന ബസുകൾ സ്വതവേ വീതി കുറഞ്ഞ സർവീസ് റോഡുകളിലെ ഗതാഗതക്കുരുക്ക് ഒന്നുകൂടി വർധിപ്പിക്കുമെന്ന കാര്യവും ഉറപ്പാണ്. തലപ്പാടി മുതൽ ചെങ്കള വരെയുള്ള ഒന്നാം റീച്ചിൽ ആകെ 77 ഇടങ്ങളിൽ ബസ് കാത്തിരിപ്പുകേന്ദ്രങ്ങൾ നിർമിക്കാനാണ് ദേശീയപാത അഥോറിറ്റിയുടെ അംഗീകാരമായിട്ടുള്ളത്. ഇതിന്‍റെ ആദ്യമാതൃകയായി കുമ്പള ദേവിനഗർ സ്റ്റോപ്പിൽ ഒരു ബസ് കാത്തിരിപ്പുകേന്ദ്രത്തിന്‍റെ നിർമാണം ഏതാണ്ട് പൂർത്തിയായിട്ടുണ്ട്. 77 ഇടങ്ങളിലും ഒരേ രൂപത്തിലും വലിപ്പത്തിലുമാണ് ബസ് കാത്തിരിപ്പുകേന്ദ്രങ്ങൾ നിർമിക്കുക. സ്റ്റെയിൻലസ് സ്റ്റീൽ ഉപയോഗിച്ചാണ് നിർമാണം. യാത്രക്കാർക്ക് ഇരിക്കുന്നതിനായി നാലു മീറ്റർ നീളത്തിൽ ഒരു സ്റ്റീൽ ബെഞ്ചും സ്ഥാപിക്കും. 76 ബസ് കാത്തിരിപ്പുകേന്ദ്രങ്ങളുടെയും നിർമാണം മഴക്കാലത്തിനുമുമ്പ് പൂർത്തിയാക്കാനാണ് ലക്ഷ്യമിടുന്നത്. സർവീസ് റോഡുകൾക്കരികിലായി പ്രത്യേക നടപ്പാത നിർമിക്കുമെന്നും തണൽമരങ്ങൾ വച്ചുപിടിപ്പിക്കുമെന്നും ദേശീയപാതയുടെ നിർമാണം തുടങ്ങുന്നതിനു മുമ്പ് അധികൃതർ പറഞ്ഞിരുന്നതും വെറുതേയായി. ഇനി ഇതെല്ലാം നടപ്പാക്കണമെങ്കിൽ സർവീസ് റോഡുകളോടുചേർന്ന് കൂടുതൽ സ്ഥലം ഏറ്റെടുക്കേണ്ടിവരുമെന്ന നിലയാണ്. വൈദ്യുത തൂണുകൾ പോലും മിക്കയിടങ്ങളിലും സർവീസ് റോഡുകളോട് തൊട്ടുരുമ്മിയാണ് നിൽക്കുന്നത്.

അടിപ്പാതയൊരുങ്ങുന്നു; കുരുക്കിലായി മാർക്കറ്റ് ജംഗ്ഷൻ

നീലേശ്വരം: നാലുവശങ്ങളിലേക്കും റോഡുകളുമായി തിരക്കേറിയ നീലേശ്വരം മാർക്കറ്റ് ജംഗ്ഷനിൽ വീതികുറഞ്ഞ ഒരു അടിപ്പാത കൊണ്ട് കാര്യമുണ്ടാവില്ലെന്ന് പുതിയ ദേശീയപാതയുടെ പണി തുടങ്ങിയ കാലത്തുതന്നെ നാട്ടുകാരും ജനപ്രതിനിധികളുമെല്ലാം ചൂണ്ടിക്കാട്ടിയതാണ്. എന്നിട്ടും മേൽപ്പാലം നിർമിക്കുന്നതിനോ അനുവദിച്ച അടിപ്പാതയുടെ തന്നെ വീതി കൂട്ടുന്നതിനോ ഉള്ള നടപടികളൊന്നും ദേശീയപാത അഥോറിറ്റിയുടെ ഭാഗത്തുനിന്നുണ്ടായില്ല. ഇപ്പോൾ അടിപ്പാതയുടെ പണി തുടങ്ങിയപ്പോൾ തന്നെ മാർക്കറ്റ് ജംഗ്ഷൻ ഗതാഗതക്കുരുക്കിലമർന്നിരിക്കുകയാണ്. കണ്ണൂർ ഭാഗത്തുനിന്നു വരുന്ന വാഹനങ്ങൾക്ക് നീലേശ്വരം ടൗണിലേക്കു പ്രവേശിക്കണമെങ്കിൽ കോട്ടപ്പുറം റോഡ് ജംഗ്ഷൻ വരെ മുന്നോട്ടുപോയതിനു ശേഷം യു ടേൺ എടുത്ത് തിരിച്ചുവരേണ്ടിവരുന്ന രീതിയിലാണ് ഇപ്പോൾ ഗതാഗതക്രമീകരണം നടത്തിയിട്ടുള്ളത്. എന്നാൽ മറുവശത്തുള്ള വീതി കുറഞ്ഞ റോഡിലേക്ക് ബസുകളടക്കമുള്ള വലിയ വാഹനങ്ങൾ യു ടേൺ എടുത്ത് പ്രവേശിക്കുന്നത് മിക്കപ്പോഴും ഗതാഗതക്കുരുക്കിന് വഴിവയ്ക്കുന്നു. രാജാറോഡിലൂടെ നീലേശ്വരം ടൗണിലേക്ക് പ്രവേശിച്ച ബസുകൾക്ക് തിരിച്ച് ദേശീയപാതയിലെത്തണമെങ്കിൽ പോലീസ് സ്റ്റേഷനു മുന്നിലെത്തി അവിടെ നിർമാണം നടക്കുന്ന അടിപ്പാതയിലൂടെ വീണ്ടും യു ടേൺ എടുക്കണം. കണ്ണൂർ ഭാഗത്തുനിന്ന് വരുന്ന ടൗൺ ടു ടൗൺ അടക്കമുള്ള ദീർഘദൂര ബസുകൾക്ക് ഇത് ഏരെ സമയനഷ്ടവും ഉണ്ടാക്കുന്നുണ്ട്. ബസുകൾ രണ്ടിടങ്ങളിലായി യു ടേൺ എടുക്കുന്നതിനിടയിൽ ചെറുവാഹനങ്ങൾ കുരുക്കിൽപ്പെട്ട് നട്ടംതിരിയുകയാണ്. മാർക്കറ്റ് ജംഗ്ഷനിൽ ദേശീയപാതയുടെ പണി നടക്കുമ്പോൾ ഒരു വശത്തേക്കുള്ള വാഹനങ്ങളെയെങ്കിലും അഞ്ഞൂറ്റമ്പലത്തിനു മുന്നിലൂടെയുള്ള തെരു-മെയിൻ ബസാർ റോഡിലൂടെ തിരിച്ചുവിട്ടിരുന്നെങ്കിൽ ഗതാഗതക്കുരുക്കിന് കുറച്ചെങ്കിലും ആശ്വാസമാകുമായിരുന്നുവെന്ന് നാട്ടുകാർ ചൂണ്ടിക്കാട്ടുന്നു. എന്നാൽ ഈ റോഡ് ഇപ്പോൾ നവീകരണത്തിനായി മെറ്റൽ പാകിയ നിലയിൽ അടച്ചിട്ടിരിക്കുകയാണ്. ഒരേസമയത്ത് രണ്ടു റോഡുകളിലും പണി തുടങ്ങിയത് യാത്രാദുരിതം ഇരട്ടിക്കാനിടയാക്കി. നഗരസഭാ അധികൃതർ ഇടപെട്ട് ഈ റോഡിലെ ടാറിംഗ് പെട്ടെന്ന് പൂർത്തിയാക്കി തുറന്നുനല്കണമെന്നാണ് ഇപ്പോഴത്തെ ആവശ്യം.

യുവതിക്കുനേരെ ആസിഡ് ആക്രമണം; പ്രതി തൂങ്ങിമരിച്ചു

കമ്പല്ലൂർ (കാസർഗോഡ്): പട്ടാപ്പകൽ ഫാൻസി സ്റ്റോർ ഉടമയായ യുവതിക്കു നേരെ ആസിഡ് ആക്രമണം. സംഭവത്തിനു പിന്നാലെ പ്രതിയായ യുവാവ് തൂങ്ങിമരിച്ചു. കമ്പല്ലൂർ ഗവ.ഹയർസെക്കൻഡറി സ്കൂളിനു സമീപത്തെ സഞ്ജന സ്റ്റോർ ഉടമ കെ.ജി. ബിന്ദു (44) ആണ് ആക്രമണത്തിനിരയായത്. കമ്പല്ലൂർ സ്വദേശി എം.വി. രതീഷ് എന്ന പച്ചരി രതീഷ് (34) ആക്രമണം നടത്തിയത്. ഇന്നലെ രാവിലെ 11 ഓടെയായിരുന്നു സംഭവം. ഇരുചക്രവാഹനത്തിലാണ് രതീഷ് കമ്പല്ലൂർ സ്കൂൾ പരിസരത്ത് എത്തിയത്. വാഹനത്തിൽ പ്ലാസ്റ്റിക് പാത്രത്തിൽ ആസിഡും പ്ലാസ്റ്റിക്ക് കയറും കരുതിയിരുന്നു. വാഹനം റോഡരികിൽ നിർത്തിയിട്ട ശേഷം പോസ്റ്റ് ഓഫീസ് കെട്ടിടത്തിന് പിറകിലൂടെയാണ് രതീഷ് ബിന്ദുവിന്‍റെ കടയിൽ എത്തിയത്. കൈയിൽ കരുതിയിരുന്ന ആസിഡ് പ്ലാസ്റ്റിക്ക് മഗ്ഗിലേക്ക് മാറ്റി ബിന്ദുവിന് നേരെ ഒഴിക്കുകയായിരുന്നു. നിലവിളി കേട്ടെത്തിയവരാണ് ബിന്ദുവിനെ കണ്ണൂർ ഗവ. മെഡിക്കൽ കോളജിൽ എത്തിച്ചത്. മുഖത്തിന്‍റെ ഇടതുഭാഗത്തും കണ്ണിനും കഴുത്തിനും തുടയ്ക്കും ഗുരുതരമായി പൊള്ളലേറ്റ ബിന്ദുവിനെ ഐസിയുവിൽ പ്രവേശിപ്പിച്ചു. ആസിഡ് ആക്രമണം ബിന്ദുവിന്‍റെ കാഴ്ചശക്തിയെ ബാധിക്കുമോയെന്ന് ആശങ്കയുണ്ടെന്ന് ബന്ധുക്കൾ അറിയിച്ചു. മൂന്നോ നാലോ ദിവസങ്ങൾക്കുശേഷമേ എന്തെങ്കിലും പറയാൻ സാധിക്കുകയുള്ളൂവെന്ന് ഡോക്ടർമാർ പറയുന്നു. സ്ഥലത്തെത്തിയ ചിറ്റാരിക്കാൽ പോലീസ് പ്രതിയായ രതീഷിനെ തിരയുന്നതിനിടയിലാണ് കൊല്ലാടയിലെ പറന്പിലെ മരത്തിൽ തൂങ്ങിമരിച്ച നിലയിൽ കണ്ടെത്തിയത്. രതീഷ് തന്നെ പതിവായി ശല്യം ചെയ്യുന്നെന്ന് കാട്ടി ബിന്ദു ചിറ്റാരിക്കാൽ പോലീസിൽ പരാതി നൽകിയിരുന്നു. ഇതിനു പിന്നാലെയാണ് ആക്രമണമുണ്ടായത്. പെരിങ്ങോത്ത് ടയർ വർക്സ് നടത്തുന്ന രാജേഷിന്‍റെ ഭാര്യയാണ് ബിന്ദു. കുഴൽക്കിണർ ലോറിയിലെ ജീവനക്കാരനാണ് രതീഷ്. കമ്പല്ലൂരിലെ പരേതനായ രാഘവന്‍റേയും എം.വി.തമ്പായിയുടെയും മകനാണ്. സഹോദരങ്ങൾ: പ്രിയ, ലത.

ആശമാരുടെ സമരം ഒത്തുതീർപ്പാക്കണം: കെഎസ്എസ്പിഎ

പരപ്പ: ന്യായമായ അവകാശങ്ങൾ നേടിയെടുക്കാനായി കാസർഗോഡ് നിന്നും തിരുവനന്തപുരത്തേക്ക് രാപകൽ സമരയാത്ര നടത്തുന്ന ആശ പ്രവർത്തകരുടെ സമരം ഒത്തുതീർപ്പാക്കാൻ നടപടി സ്വീകരിക്കണമെന്ന് കെഎസ്എസ്പിഎ പരപ്പ മണ്ഡലം കമ്മിറ്റി യോഗം ആവശ്യപ്പെട്ടു. സംസ്ഥാന കമ്മിറ്റി അംഗം ടി.കെ. എവുജിൻ ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് മാത്യു സേവ്യർ അധ്യക്ഷത വഹിച്ചു. ബി.റഷീദ, എം.കെ. ദിവാകരൻ, കെ. കുഞ്ഞമ്പു നായർ, പി.എ. ജോസഫ്, ജോസുകുട്ടി അറക്കൽ, ആലീസ് കുര്യൻ, സി.എ.ജോസഫ്, എ.കെ. ജയിംസ്, പി.ജെ. ജോസ്, വി.ജെ. ജോർജ്, സി.വി.ശ ്രീധരൻ, സി.ജെ. ജയിംസ് എന്നിവർ പ്രസംഗിച്ചു.

വലിയ പാമത്തട്ടിലെ 14 കുടുംബങ്ങൾക്ക് പട്ടയം ലഭ്യമാക്കാൻ നിവേദനം നൽകി

വെള്ളരിക്കുണ്ട്: ബളാൽ പഞ്ചായത്ത് ഒൻപതാം വാർഡിലെ വലിയ പാമത്തട്ടിലെ 14 കുടുംബങ്ങൾക്ക് പട്ടയം ലഭിക്കാനുള്ള നിയമതടസം മാറ്റാൻ ഇടപെടണമെന്നും അഞ്ചാം വാർഡിലെ മരുതോം-കപ്പള്ളി റോഡ് കൽവെർട്ടുകൾ പണിത് ടാറിംഗ് ചെയ്ത് ഗതാഗതയോഗ്യമാക്കുന്നതിന് കാസർഗോഡ് വികസന പാക്കേജിൽ ഉൾപ്പെടുത്തി ഫണ്ട് അനുവദിക്കണമെന്നാവശ്യപ്പെട്ട് ജില്ലാകളക്ടർ കെ.ഇന്പാശേഖറിന് ബളാൽ പഞ്ചായത്ത് പ്രസിഡന്‍റ് രാജു കട്ടക്കയം നിവേദനം നൽകി. മണ്ഡലം കോൺഗ്രസ് പ്രസിഡന്‍റ് എം.പി.ജോസഫ്, വാർഡ് മെംബർമാരായ ബിൻസി ജെയിൻ, മോൻസി ജോയി, പ്രദേശവാസികളായ ബെന്നി കിഴക്കേൽ, ബാലകൃഷ്ണൻ മരുതോം, രാജൻ മരുതോം എന്നിവരും ഒപ്പമുണ്ടായിരുന്നു.

നഴ്‌സസ് വാരാഘോഷം ആരംഭിച്ചു

കാഞ്ഞങ്ങാട്: അന്താരാഷ്ട്ര നഴ്‌സസ് വരാഘോഷത്തിന്‍റെ ജില്ലാതല പരിപാടികള്‍ക്ക് കാഞ്ഞങ്ങാട് തിരി തെളിഞ്ഞു. ജില്ലയിലെ വിവിധ ആരോഗ്യ സ്ഥാപനങ്ങളിലെ നഴ്‌സിംഗ് ഓഫീസര്‍മാരും പബ്ലിക് ഹെല്‍ത്ത് നഴ്‌സുമാരും നഴ്‌സിംഗ് കോളേജ്കളിലെയും സ്‌കൂള്‍ ഓഫ് നഴ്സിംഗിലെയും അധ്യാപകരും വിദ്യാര്‍ഥികളും അണിനിരന്ന വിളംബര ജാഥയോടെ ആരംഭിച്ച വരാഘോഷ പരിപാടികളുടെ ഔപചാരിക ഉദ്ഘാടനം കാഞ്ഞങ്ങാട് ബ്ലോക്ക് കോണ്‍ഫറന്‍സ് ഹാളില്‍ ജില്ലാ മെഡിക്കല്‍ ഓഫീസര്‍ ഇന്‍ ചാര്‍ജ് ഡോ.ബി.സന്തോഷ് നിര്‍വഹിച്ചു. ജില്ലാ എംസിഎച്ച് ഓഫീസര്‍ എം.ശോഭന പതാക ഉയര്‍ത്തി. ജില്ലാ നഴ്‌സിംഗ് ഓഫീസര്‍ ചുമതലയുള്ള എ.ലത നഴ്‌സസ് പ്രതിജ്ഞ ചൊല്ലി. കാഞ്ഞങ്ങാട് ഗവ.നഴ്‌സിംഗ് സ്‌കൂള്‍ പ്രിന്‍സിപ്പല്‍ സി.പി.കെ.ജയപ്രകാശ് അധ്യക്ഷതവഹിച്ചു. ജില്ലാ ആശുപത്രി സൂപ്രണ്ട് ഡോ.എം.പി.ജീജ, ജില്ലാ ആശുപത്രി നഴ്‌സിംഗ് സൂപ്രണ്ട് ടി.വി.സ്‌നേഹലത, ജില്ലാ പാലിയേറ്റീവ് കോഓര്‍ഡിനേറ്റര്‍ ഷിജി ശേഖര്‍, സീനിയര്‍ നഴ്‌സിംഗ് ഓഫീസര്‍ പി.ബിനി, കെജിഎന്‍എ സംസ്ഥാന സെക്രട്ടറിയേറ്റ് അംഗം പി. വി.പവിത്രന്‍, നഴ്‌സിംഗ് ഓഫീസര്‍ പി.വിജേഷ് കുമാര‍ എന്നവര്‍ സംസാരിച്ചു. തുടര്‍ന്ന് നടന്ന സാംസ്‌കാരിക സദസില്‍ വത്സന്‍ പിലിക്കോട് മുഖ്യപ്രഭാഷണം നടത്തി.

നൃത്തവേദിയുടെ മനം കവർന്ന് നിതാര

പെരിയ: ഗോകുലം ഗോശാലയിൽ നടന്നുവരുന്ന വൈശാഖനടനം ദേശീയ നൃത്തോത്സവത്തിൽ വേദിയുടെയും സദസ്സിന്‍റെയും മനസ് കവർന്ന് ദുബായിൽ നിന്നെത്തിയ പതിനൊന്നുകാരി നിതാരയുടെ ഭരതനാട്യം. നൃത്താധ്യാപിക പൂജാ ഉണ്ണിക്കൊപ്പമെത്തിയ നിതാര ഭാവാഭിനയത്തിലും ചുവടുകളിലും പ്രായത്തെ വെല്ലുന്ന പ്രകടനമാണ് കാഴ്ചവെച്ചത്. ശ്രീലത നിക്ഷിത്തിന്‍റെ നേതൃത്വത്തിൽ ബംഗളൂരുവിൽ നിന്നുള്ള നടനതരംഗിണി സംഘം അവതരിപ്പിച്ച കാമധേനുവൈഭവം എന്ന നൃത്തസംഗീത നാടകവും ശ്രദ്ധേയമായി. ഇന്നലെ അമൃത വാസുദേവൻ, എസ്.മാനസ, അനിന്ദിത കുളൂർ, സുപ്രിയ ശിവരുദ്രപ്പ ബംഗളൂരു, വിധാത്രി ഭട്ട് മംഗളൂരു, വാണി അനീഷ് കാക്കനാട്, മഞ്ജു വി.നായർ, ലിബിൻ ബെന്നി, നവ്യ ഭട്ട് എന്നിവരും വിവിധ നൃത്തസംഘങ്ങളും ഭരതനാട്യവും അശ്വിനി നമ്പ്യാർ കുച്ചുപ്പുടിയും മുംബൈ ഐശ്വര്യ ഹരീഷ് ഭരതനൃത്യവും ഗുരുവായൂർ ഗംഗാമൃതം സംഘം തിരുവാതിരയും അവതരിപ്പിച്ചു. ജില്ലയിലെ മുതിർന്ന നൃത്താധ്യാപകനായ നീലേശ്വരം രാജു മാസ്റ്ററെ ആദരിച്ചു. ഇന്ന് എം.സ്ഫൂർത്തി, എം.പ്രീതി, മമത പൈ ബംഗളൂരു, ചൈത്ര അരവിന്ദും സംഘവും, അനുശ്രീ, ശ്രവ്യ ബംഗളൂരു, മാളവിക, ശ്രുതി നൃത്തവിദ്യാലയം, വാഗേയ നൃത്തവിദ്യാലയം, ഗോപിക ഗോവിന്ദ്, വൈഷ്ണവി മുകുന്ദ്, അനഘ ഭട്ട്, മിഹിര ഭട്ട്, ദേവിക സജീവൻ, രാധിക കല്ലൂരായ, മധുചന്ദ്ര എന്നിവർ ഭരതനാട്യം അവതരിപ്പിക്കും. ബിന്ദു മാരാരുടെ ശിക്ഷണത്തിലുള്ള ക്ഷേത്രകലാ അക്കാദമിയുടെ മോഹിനിയാട്ടവും അഞ്ജന ആനന്ദിന്‍റെ കുച്ചുപ്പുടിയും ഉണ്ടാകും.

കായികരംഗത്ത് വൈഎംസിഎയുടേത് നിസ്തുല സംഭാവനകൾ : റെജി ഇടയാറന്മുള

പരപ്പ: ജീവകാരുണ്യ പ്രവര്‍ത്തനരംഗത്ത് മാത്രമല്ല കായികരംഗത്തും വൈ എംസിഎ ലോകത്തിന് സ്ഥായിയായ സംഭാവനകള്‍ നല്‍കിയിട്ടുണ്ടെന്ന് വൈ എം സി എ ദേശീയ ട്രഷറര്‍ റെജി ഇടയാറന്മുള. കായികവിനോദങ്ങളായ ബാസ്കറ്റ്ബോളും വോളിബോളും കണ്ടുപിടിച്ച് വികസിപ്പിച്ച് ലോകത്തിന് സമര്‍പ്പിച്ചത് വൈഎംസിഎയാണ്. 1924 ല്‍ ഫ്രാന്‍സില്‍ നടന്ന ഒളിമ്പിക്സിന് കായികതാരങ്ങളെ തെരഞ്ഞെടുത്ത് പരിശീലിപ്പിച്ച് വൈഎംസിഎ ഇന്ത്യാരാജ്യത്തിന് നല്‍കിയതിന്‍റെ കാസർഗോഡ് സബ് റീജിയണ്‍തല ശതാബ്ദിയാഘോഷം പരപ്പ വൈഎംസിഎ ഹാളില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സബ് റീജിയണ്‍ ചെയര്‍മാന്‍ സണ്ണി മാണിശേരി അധ്യക്ഷതവഹിച്ചു. ഫാ.ജയിംസ് മൂന്നാനപ്പള്ളി, ഫാ.ജോബിന്‍ കൊട്ടാരത്തില്‍, വൈഎംസിഎ കേരള റീജിയണ്‍ മുന്‍ വൈസ് ചെയര്‍മാന്‍ മാനുവല്‍ കുറിച്ചിത്താനം, പരപ്പ വൈഎംസിഎ പ്രസിഡന്‍റ് ജോസ് പാലക്കുടി, ജോയി കളരിക്കല്‍, പി.എം. അഗസ്റ്റിൻ, ഡോ.കെ.എം.തോമസ്, വി.എം.മത്തായി, ജിയോ ജേക്കബ്, സിബി വാഴക്കാല, ജയിംസ് ആലക്കുളം, കെ.എ.സാലു, ചെറിയാന്‍ ഊത്തപ്പാറക്കല്‍, ഷിജിത് കുഴിവേലി, ബേബി മാടപ്പള്ളി എന്നിവര്‍ പ്രസംഗിച്ചു. സി.എം.ബൈജു സ്വാഗതം പറഞ്ഞു.

അപേക്ഷകളില്‍ കാലതാമസമരുത്: ആന്‍റണി രാജു

കാസര്‍ഗോഡ്: സാധാരണക്കാര്‍ നല്‍കുന്ന നിയമപരമായ അപേക്ഷകളിലെ ന്യൂനതകള്‍ പരിഹരിച്ച് ശരിയായ രീതിയില്‍ പരാതി പരിഹരിക്കാന്‍ ആവശ്യമായ നടപടികളും നിയമങ്ങളും നിര്‍ദേശിക്കാന്‍ ഉദ്യോഗസ്ഥര്‍ തന്നെ മുന്‍കൈ എടുക്കണമെന്നും കേരള നിയമസഭയുടെ ഹര്‍ജികള്‍ സംബന്ധിച്ച സമിതി ചെയര്‍മാന്‍ ആന്‍റണി രാജു എംഎല്‍എ. കേരള നിയമസഭയുടെ ഹര്‍ജികള്‍ സംബന്ധിച്ച സമിതിയുടെ തെളിവെടുപ്പ് കളക്ടറേറ്റ് കോണ്‍ഫറന്‍സ് ഹാളില്‍നത്തിയ തെളിവെടുപ്പില്‍ സംസാരിക്കുകയായിരുന്നു അദ്ദേഹം. വര്‍ഷങ്ങളായി പട്ടയം ലഭിക്കാതെ കിടന്ന നിരവധിഹര്‍ജികളില്‍ സമയബന്ധിതമായി പട്ടയം നല്‍കുന്നതിനുള്ള നടപടികള്‍ പൂര്‍ത്തിയാക്കാന്‍ സമിതിയുടെ തെളിവെടുപ്പിലൂടെ സാധിച്ചു. ജില്ലയില്‍ ലഭിച്ച പരാതികളിലേറെയും ഭൂമിയുമായി ബന്ധപ്പെട്ടവയായിരുന്നു. അവയില്‍ പലതും ഉദ്യോഗസ്ഥരുടെ അനാസ്ഥയെ തുടര്‍ന്ന് പരിഹാരമാകാതെ കിടക്കുന്നത് ശ്രദ്ധയില്‍ പെട്ടിട്ടുണ്ട്. പുതിയ 10 പരാതികള്‍ സ്വീകരിച്ചു. പുതിയപരാതികളടക്കം 31 പരാതികള്‍ സമിതി പരിഗണിച്ചു. ജില്ലാ കളക്ടറുടെ നേതൃത്വത്തില്‍ റവന്യൂ വകുപ്പിന്‍റെ പരാതികളിന്‍മേല്‍ സമയബന്ധിതമായ ഇടപെടല്‍ നടത്തുമെന്ന ഉറപ്പ് സമിതിക്ക് ലഭിച്ചുവെന്നും എംഎല്‍എ പറഞ്ഞു. സമിതി അംഗങ്ങളായ ജി.എസ്.ജയലാല്‍ എംഎല്‍എ, എം.രാജഗോപാലന്‍ എംഎല്‍എ, തോട്ടത്തില്‍ രവീന്ദ്രന്‍ എംഎല്‍എ, കെ.കെ.രമ എംഎല്‍എ എന്നിവരും കാസര്‍ഗോഡ് എംഎല്‍എ എന്‍.എ.നെല്ലിക്കുന്ന്, ജില്ലാ കളക്ടര്‍ കെ.ഇമ്പശേഖര്‍, എഡിഎം പി.അഖില്‍ എന്നിവരും യോഗത്തില്‍ പങ്കെടുത്തു. സ്വാതന്ത്ര്യസമരസേനാനി ചന്തുവിന്‍റെ ഭൂമി പതിച്ച് നല്‍കും സ്വാതന്ത്ര്യസമര സേനാനിയായിരുന്ന തന്‍റെ അച്ഛന്‍റെ ഓര്‍മ്മകളുറങ്ങുന്ന വീടും പുരയിടവും തങ്ങള്‍ക്ക് വേണം എന്ന ആവശ്യവുമായാണ് കിനാനൂര്‍ വില്ലേജിലെ വി.നാരായണന്‍ സമിതിക്ക് മുന്നിലെത്തിയത്. 15 സെന്‍റ് സ്ഥലവും വീടുമാണ് നാരായണന്‍ ആവശ്യപ്പെട്ടത്. വിഷയം നേരത്തെ തന്നെ സമിതി പരിശോധിക്കുകയും ഭൂമി പതിച്ച് നല്‍കുന്നതുമായി ബന്ധപ്പെട്ടുള്ള നടപടിയുടെ നിയമ വശങ്ങള്‍ അന്വേഷിക്കുകയുയും ചെയ്തിരുന്നു. വിഷയത്തില്‍ അപേക്ഷ വെള്ളരിക്കുണ്ട് താലൂക്ക് ഭൂപതിവ് കമ്മറ്റിയില്‍ ഉള്‍പ്പെടുത്തിയിട്ടുണ്ടെന്നും മരണപ്പെട്ട സ്വാതന്ത്ര്യസമരസേനാനി വി. ചന്തുവിന്‍റെ ഓര്‍മ്മകള്‍ ഉറങ്ങുന്ന ഭൂമി മകനായ നാരായണന് ലഭിക്കുമെന്നും താഹസില്‍ദാര്‍ അറിയിച്ചു.

ആശ പ്രവർത്തകരുടെ രാപകൽ സമരയാത്രയ്ക്ക് സ്വീകരണം നൽകി

പരപ്പ: ആശ പ്രവർത്തകരുടെ രാപകൽ സമരയാത്രയ്ക്ക് പരപ്പയിൽ സ്വീകരണം നല്കി. കെഎസ്എസ്പിഎ സംസ്ഥാന കമ്മിറ്റിയംഗം ടി.കെ. എവുജിൻ ഉദ്ഘാടനം ചെയ്തു. ആലീസ് കുര്യൻ അധ്യക്ഷത വഹിച്ചു. കേരള ആശ ഹെൽത്ത് വർക്കേഴ്സ് അസോസിയേഷൻ സംസ്ഥാന വൈസ് പ്രസിഡന്‍റ് കെ.പി.റോസമ്മ, ജില്ലാ സ്വാഗതസംഘം ചെയർമാൻ വി.കെ.രവീന്ദ്രൻ, സിഎംപി സെൻട്രൽ എക്സിക്യൂട്ടീവ് അംഗം ടി.വി.ഉമേശൻ, ജനകീയ പ്രതിരോധ സമിതി നേതാവ് മാധവൻ മാസ്റ്റർ, കെ.ജെ.ഷീല എന്നിവർ പ്രസംഗിച്ചു. ആശ പ്രവർത്തകരായ സരസ്വതി, രേഖ, ഐഎൻടിയുസി നേതാവ് പുഷ്പൻ ചാങ്ങാട് എന്നിവർ യാത്രയെ സ്വീകരിച്ചു. യാത്രയ്ക്ക് നേതൃത്വം നല്കുന്ന കേരള ആശ ഹെൽത്ത് വർക്കേഴ്സ് അസോസിയേഷൻ സംസ്ഥാന ജനറൽ സെക്രട്ടറി എം.എ.ബിന്ദു നന്ദിപ്രസംഗം നടത്തി.

കോണ്‍ഗ്രസ് ബഹുജനമാര്‍ച്ച് നടത്തി

കാസര്‍ഗോഡ്: അഴിമതിയും ധൂര്‍ത്തും സ്വജനപക്ഷപാതവും മുഖമുദ്രയാക്കിയ പിണറായി വിജയന്‍ മുഖ്യമന്ത്രി സ്ഥാനം രാജി വെക്കണമെന്നാവശ്യപ്പെട്ട് ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തില്‍ കളക്ടറേറ്റിലേക്ക് ബഹുജന മാര്‍ച്ച് നടത്തി. കെപിസിസി ജനറല്‍ സെക്രട്ടറി സോണി സെബാസ്റ്റ്യന്‍ ഉദ്ഘാടനം ചെയ്തു. ഡിസിസി പ്രസിഡന്‍റ് പി.കെ.ഫൈസല്‍ അധ്യക്ഷ വഹിച്ചു. ഹക്കീം കുന്നില്‍, എ. ഗോവിന്ദന്‍ നായര്‍. കെ. നീലകണ്ഠന്‍, എം. അസൈനാര്‍, രമേശന്‍ കരുവാച്ചേരി, കരിമ്പില്‍ കൃഷ്ണന്‍, കെ.വി. ഗംഗാധരന്‍, മീനാക്ഷി ബാലകൃഷ്ണന്‍, ശാന്തമ്മ ഫിലിപ്പ്, പി.ജി. ദേവ്, കെ.കെ. രാജേന്ദ്രന്‍, സാജിദ് മൗവ്വല്‍, ജയിംസ് പന്തമാക്കല്‍, ബി.പി. പ്രദീപ്കുമാര്‍, എം.സി. പ്രഭാകരന്‍, പി.വി. സുരേഷ്, ടോമി പ്ലാച്ചേരി ,ജെ.എസ്. സോമശേഖര, സി.വി. ജയിംസ്, ഹരീഷ് പി. നായര്‍,ഗീത കൃഷണന്‍, ധന്യ സുരേഷ്, ജോയ് ജോസഫ്, മധുസൂദനന്‍ ബാലൂര്‍, രാജു കട്ടക്കയം, കെ. ആര്‍ കാര്‍ത്തികേയന്‍, മിനി ചന്ദ്രന്‍ എന്നിവര്‍ സംസാരിച്ചു.

ഇരുചക്രവാഹനങ്ങൾ മുതൽ ലൈൻ ബസുകൾ വരെ; ദേശീയപാതയുടെ സർവീസ് റോഡുകളിൽ തിരക്കേറും

കാസർഗോഡ്: ഉദ്ഘാടനത്തിനൊരുങ്ങുന്ന പുതിയ ആറുവരി ദേശീയപാതയിൽ ഇരുചക്രവാഹനങ്ങൾക്ക് പ്രവേശനമുണ്ടാവില്ലെന്ന കാര്യം ഏതാണ്ടുറപ്പായി. ഇരുവശങ്ങളിലേക്കുമുള്ള മൂന്നുവരിപ്പാതയിൽ ഇരുചക്രവാഹനങ്ങൾക്കായി പ്രത്യേക ട്രാക്ക് കൂടി അനുവദിക്കാനുള്ള സ്ഥലമില്ലാത്തതിനാൽ അവ സർവീസ് റോഡുകൾ ഉപയോഗിച്ചാൽ മതിയെന്നാണ് ദേശീയപാത അഥോറിറ്റിയുടെ നിലപാട്. എന്നാൽ പാലങ്ങളിൽ സർവീസ് റോഡുകളില്ലാത്തതിനാൽ അവിടങ്ങളിൽ മാത്രം ദേശീയപാതയിലേക്ക് പ്രവേശിക്കാൻ ഇരുചക്രവാഹനങ്ങളെ അനുവദിക്കും. രാജ്യത്തെ എക്സ്പ്രസ് ഹൈവേകളിലൊന്നും ഇരുചക്രവാഹനങ്ങളെ അനുവദിക്കാറില്ല. കൂടിയ വേഗതയിൽ വാഹനങ്ങളോടിക്കാൻ അനുമതിയുള്ള പാതകളിൽ ഇരുചക്രവാഹനങ്ങളുടെ സാന്നിധ്യം അപകടസാധ്യത വർധിപ്പിക്കുമെന്ന വിലയിരുത്തലിന്‍റെ കൂടി അടിസ്ഥാനത്തിലാണ് ഇത്. അതേസമയം കന്യാകുമാരിയിൽ നിന്ന് കാഷ്മീരിലേക്കും മറ്റും സാഹസിക ബൈക്ക് യാത്രകൾ നടത്തുന്നവർക്ക് മുൻകൂർ അപേക്ഷകളുടെ അടിസ്ഥാനത്തിൽ പ്രത്യേക അനുമതി നല്കിയേക്കും. ഇവർ കൃത്യമായ സുരക്ഷാ സംവിധാനങ്ങൾ പാലിക്കുന്നുണ്ടെന്ന കാര്യവും ഉറപ്പുവരുത്തും. സർവീസ് റോഡുകളിലും ഇരുചക്രവാഹനങ്ങൾക്കായി പ്രത്യേക ട്രാക്ക് അനുവദിക്കില്ല. മറ്റു സംസ്ഥാനങ്ങളിൽ 60 മീറ്റർ വീതിയിൽ നിർമിച്ച പുതിയ ദേശീയപാത കേരളത്തിൽ 45 മീറ്ററിലേക്ക് ചുരുങ്ങിയപ്പോൾ ഏറ്റവുമധികം ഞെരുങ്ങിയത് സർവീസ് റോഡുകളാണ്. സർവീസ് റോഡുകളിൽ ഇരുവശങ്ങളിലേക്കും ഗതാഗതം അനുവദിക്കാമെന്നതാണ് ദേശീയപാത അഥോറിറ്റിയുടെ പൊതുവേയുള്ള ചട്ടമെങ്കിലും സംസ്ഥാനത്ത് മിക്കയിടങ്ങളിലും ഒറ്റവരി ഗതാഗതം മാത്രം സാധ്യമാകുന്ന വീതിയിലാണ് സർവീസ് റോഡുകൾ നിർമിച്ചിട്ടുള്ളത്. ഇരുചക്രവാഹനങ്ങൾ മുതൽ സ്റ്റോപ്പുകളിൽ ആളെയിറക്കാനെത്തുന്ന ലൈൻ ബസുകൾ വരെ ഇതുവഴിയാണ് പോകേണ്ടിവരിക. ഓട്ടോറിക്ഷകൾക്ക് ദേശീയപാതയിൽ പ്രവേശിക്കാൻ വിലക്കില്ലെങ്കിലും പൊതുവേ ഹ്രസ്വദൂര യാത്രകൾ നടത്തുമ്പോൾ സർവീസ് റോഡുകളിലൂടെ തന്നെ പോകേണ്ടിവരും. ബസുകൾക്ക് പൊതുവേ ദേശീയപാതയിലൂടെ പോകാമെങ്കിലും സ്റ്റോപ്പുകളിൽ ആളെയിറക്കാനും കയറ്റാനും മിക്കയിടങ്ങളിലും സർവീസ് റോഡുകളിൽ പ്രവേശിക്കേണ്ടിവരും. പുതിയ ദേശീയപാതയിൽ ബസ് ഷെൽട്ടറുകൾ സ്ഥാപിക്കുന്നത് സർവീസ് റോഡുകളോടു ചേർന്നാണ്. ഹ്രസ്വദൂര ബസുകൾക്ക് പലപ്പോഴും സർവീസ് റോഡുകളിലൂടെ തന്നെയാകും പോകേണ്ടിവരിക. പാതയോരത്തെ കടകളിലും വീടുകളിലും സാധനങ്ങൾ ഇറക്കാനെത്തുന്ന കണ്ടയ്നർ ലോറികൾ മുതൽ പാഴ്സൽ വാനുകൾ വരെയുള്ള വാഹനങ്ങൾക്കും ടിപ്പർ ലോറികൾക്കുമെല്ലാം ദേശീയപാതയിൽ നിന്നിറങ്ങി സർവീസ് റോഡുകളിലൂടെ സഞ്ചരിക്കേണ്ടിവരും. കാറുകളടക്കമുള്ള സ്വകാര്യ വാഹനങ്ങൾക്കും ദേശീയപാതയിൽ നിന്ന് മറ്റു വഴികളിലേക്ക് തിരിയണമെങ്കിൽ കുറച്ചുദൂരമെങ്കിലും സർവീസ് റോഡുകളിലൂടെ പോകേണ്ടിവരും. ഇത്രയേറെ വാഹനങ്ങളുടെ തിരക്ക് താങ്ങാൻ ഒറ്റവരി സർവീസ് റോഡുകൾക്ക് കഴിയുമോ എന്ന ചോദ്യം ഇപ്പോൾതന്നെ പലയിടങ്ങളിലും ഉയർന്നുകഴിഞ്ഞു. സ്കൂൾകുട്ടികളടക്കമുള്ളവരുടെ സൈക്കിളുകളുടെയും ബസ് കയറാനും ഇറങ്ങാനും എത്തുന്നവരുടെയും കാൽനടയാത്രക്കാരുടെയും തിരക്ക് ഇതിനു പുറമേയും. പാലങ്ങളിലെത്തുമ്പോൾ സർവീസ് റോഡുകളിലെ വാഹനങ്ങളെല്ലാം ദേശീയപാതയിലേക്ക് പ്രവേശിക്കേണ്ടിവരുന്നത് കൂടുതൽ ഗതാഗതക്കുരുക്കിനും അപകടസാധ്യതയ്ക്കും വഴിവെക്കുമെന്ന ആശങ്കയും ഉയർന്നിട്ടുണ്ട്. ജില്ലയിൽ പലയിടങ്ങളിലും രണ്ടുവരിയിൽ മാത്രം ഗതാഗതം സാധ്യമാകുന്ന പഴയ പാലങ്ങൾ അതേപടി നിലനിർത്തിയിരിക്കുകയാണ്. പുതിയ ദേശീയപാതയിലൂടെ സാമാന്യം വേഗതയിൽ മൂന്നുവരിയായെത്തുന്ന വാഹനങ്ങൾ പാലങ്ങളിലെത്തുമ്പോൾ പെട്ടെന്ന് രണ്ടുവരിയിലേക്ക് ചുരുങ്ങേണ്ടിവരുന്നതിനൊപ്പമാണ് സർവീസ് റോഡുകളിൽ നിന്നുള്ള വാഹനങ്ങൾ കൂടി ഇതിനിടയിലെത്തുന്നത്. പാലങ്ങളുടെ കാര്യത്തിൽ സുരക്ഷാ സംവിധാനങ്ങളും വേഗത നിയന്ത്രിക്കാനുള്ള ഉപാധികളും സ്ഥാപിക്കുകയല്ലാതെ തത്കാലം മറ്റൊന്നും ചെയ്യാനാകാത്ത അവസ്ഥയാണ്. എന്നാൽ സർവീസ് റോഡുകളുടെ വീതി രണ്ടുവരി ഗതാഗതമെങ്കിലും സാധ്യമാകുന്ന തരത്തിൽ കൂട്ടണമെന്ന ആവശ്യം ഇപ്പോൾതന്നെ പലയിടങ്ങളിലും ഉയർന്നുകഴിഞ്ഞു. ദേശീയപാതയുടെ ആദ്യറീച്ച് ഏതാണ്ട് പൂർത്തിയായ കുമ്പള, മൊഗ്രാൽപുത്തൂർ പഞ്ചായത്തുകളിലും കാസർഗോഡ് നഗരസഭയിലും ഈ ആവശ്യം ഉയർന്നിട്ടുണ്ട്. ബന്ധപ്പെട്ട തദ്ദേശസ്ഥാപനങ്ങൾ ഇടപെട്ട് പാതയോരത്ത് കൂടുതൽ ഭൂമി ഏറ്റെടുത്ത് സർവീസ് റോഡുകളുടെ വീതി കൂട്ടണമെന്നാണ് ആവശ്യം. പുതിയ ദേശീയപാത പൂർത്തിയാകുന്നതോടെ കൂടുതൽ സ്ഥലങ്ങളിൽ ഈ ആവശ്യം ഉയർന്നുവരാനാണ് സാധ്യത.

ലോറിയുടെ പിറകിലിടിച്ച് സ്‌കൂട്ടര്‍ യാത്രികന്‍ മരിച്ചു

മഞ്ചേശ്വരം: ലോറിയുടെ പിന്നില്‍ സ്‌കൂട്ടറിടിച്ച് യുവാവ് മരിച്ചു. ഉപ്പള ഐലയിലെ കല്‍പേഷ്(35) ആണ് മരിച്ചത്. ഇന്നലെ രാവിലെ കുഞ്ചത്തൂരിലാണ് അപകടമുണ്ടായത്. ഉമേഷ്-സരയു ദമ്പതികളുടെ മകനായ കല്‍പേഷ് മംഗളൂവിലെ സ്വകാര്യ സ്ഥാപനത്തിലെ ജീവനക്കാരനാണ്. ഭാര്യ: സ്വാതി. സഹോദരി: പൂര്‍ണിമ.

നിറമാര്‍ന്ന ഓര്‍മയായി അര്‍ജുന്‍

ബേക്കല്‍: ഈ പിറന്നാളിനും മകനായി ഒരു സര്‍പ്രൈസ് സമ്മാനം അവരൊരുക്കി. വര്‍ണങ്ങള്‍ വാരിവിതറിയ ഒരു ചിത്രമതില്‍. കഴിഞ്ഞ 10 വര്‍ഷമായി ആ അച്ഛനും അമ്മയും മകന്‍റെ പിറന്നാള്‍ ആഘോഷിക്കുന്നത് ഇങ്ങനെയാണ്. അകാലത്തില്‍ പൊലിഞ്ഞുപോയ യുവചിത്രകാരന്‍ അര്‍ജുന്‍ കെ.ദാസിന്‍റെ ഓര്‍മയ്ക്കായാണ് അച്ഛന്‍ മോഹന്‍ദാസിന്‍റെയും അമ്മ കരുണയുടെയും നേതൃത്വത്തില്‍ ചിത്രമതില്‍ ഒരുക്കിയത്. കാസര്‍ഗോഡിന്‍റെ സാംസ്‌കാരിക പശ്ചാത്തലമാണ് ബേക്കല്‍ ബീച്ചിലെ ചുവരുകളില്‍ അടയാളപ്പെടുത്തിയത്. അഹമ്മദാബാദ് നാഷണല്‍ ഇന്‍സ്റ്റിറ്റ്യൂട്ട് ഓഫ് ഡിസൈനിലെ വിദ്യാര്‍ത്ഥികളായ അര്‍ജുന്‍റെ സുഹൃത്തുക്കളും പത്തോളം ചിത്രകാരന്‍മാരുമാണ് വര്‍ണമതില്‍ സാക്ഷാത്കരിച്ചത്. ടൂറിസം മേഖലക്ക് കൂടി മുതല്‍ക്കൂട്ടാകുന്ന പ്രവര്‍ത്തനങ്ങള്‍ക്ക് പിന്തുണയുമായി ബിആര്‍ഡിസിയും അണിനിരന്നു. നാലുദിവസമെടുത്താണ് ഈ ചിത്രങ്ങള്‍ പൂര്‍ത്തിയാക്കിയത്. 2015നു ജൂണ്‍ 20നാണ് സിക്കിമിലെ ഗാംഗ്‌ടോക്കിലാണ് അര്‍ജുന്‍ മരണപ്പെടുന്നത്. അതിനുശേഷംഎല്ലാ വര്‍ഷവും ജന്മദിനമായ മെയ് രണ്ടിന് എല്ലാവരും ഒത്തുകൂടും. അര്‍ജുന്‍ അതുവരെ വരച്ചുതീര്‍ത്ത ചിത്രങ്ങളുടെ പ്രദര്‍ശനമായിരുന്നു ആദ്യ വര്‍ഷങ്ങളില്‍ നടന്നത്. കാഞ്ഞങ്ങാട്, പയ്യന്നൂര്‍, കണ്ണൂര്‍, കോഴിക്കോട്, ഗാംഗ്‌ടോക്ക് എന്നിവിടങ്ങളില്‍ അര്‍ജുന്‍റെ ചിത്രങ്ങളുമായി ഇവരെത്തി. ചിത്രകാരന്‍മാരുടെ സംഗമവും കുട്ടികള്‍ക്കുള്ള മത്സരങ്ങളുമെല്ലാം അര്‍ജുന്‍ ദാസ് ഫൗണ്ടേഷന്‍റെ നേതൃത്വത്തില്‍ സംഘടിപ്പിച്ചു. കഴിഞ്ഞ മൂന്നുവര്‍ഷമായി വിവിധ കേന്ദ്രങ്ങളില്‍ ചിത്രമതില്‍ ഒരുക്കുകയാണ്. കോഴിക്കോട് സരോവരം പാര്‍ക്കിലും കണ്ണൂര്‍ റെയില്‍വേ സ്റ്റേഷന്‍ പരിസരത്തും ഇത്തരം ചിത്രമതില്‍ ഒരുക്കിയിരുന്നു. ബേക്കല്‍ ബീച്ച് പാര്‍ക്കിലെ ചിത്രമതില്‍ സി.എച്ച്.കുഞ്ഞമ്പു എംഎല്‍എ ഉദ്ഘാടനം ചെയ്തു. ജി.എസ്.പ്രദീപ് മുഖ്യാതിഥിയായിരുന്നു. ലളിതകല അക്കാദമി സെക്രട്ടറി എബി എന്‍.ജോസഫ്, ബ്ലോക്ക് പഞ്ചായത്ത് പ്രസിഡന്‍റ് കെ.മണികണ്ഠന്‍, ബിആര്‍ഡിസി എംഡി പി.ഷിജിന്‍, അനസ് മുസ്തഫ, ബാലന്‍ പടിയൂര്‍ എന്നിവര്‍ സംസാരിച്ചു.

വടംവലി മത്സരം നടത്തി

പാലാവയൽ: ദർശന ആർട്സ് ആന്‍റ് സ്പോർട്സ് ക്ലബിന്‍റെ ഒന്നാം വാർഷികാഘോഷത്തോടനുബന്ധിച്ച് നടത്തുന്ന കാരുണ്യ പ്രവർത്തനങ്ങളുടെ ധനശേഖരണാർത്ഥം കണ്ണൂർ-കാസർഗോഡ് ജില്ലാതല വടംവലി മത്സരം സംഘടിപ്പിച്ചു. പുരുഷ വിഭാഗത്തിൽ യുവധാര നടുവിലും വനിതാ വിഭാഗത്തിൽ ഇഎംഎസ് ചീമേനിയും ജേതാക്കളായി. ചിറ്റാരിക്കാൽ പോലീസ് ഇൻസ്പെക്ടർ രഞ്ജിത്ത് രവീന്ദ്രൻ മത്സരങ്ങൾ ഉദ്ഘാടനം ചെയ്തു. ക്ലബ് പ്രസിഡന്‍റ് മനോജ് ചിറ്റടിയിൽ അധ്യക്ഷത വഹിച്ചു. പഞ്ചായത്ത് അംഗങ്ങളായ വി.ബി ബാലചന്ദ്രൻ, പ്രശാന്ത് പാറേക്കുടിയിൽ, സെന്‍റ് ജോൺസ് എച്ച്എസ്എസ് പ്രിൻസിപ്പൽ മെൻഡലിൻ മാത്യു, എൽപി സ്കൂൾ മുഖ്യാധ്യാപിക എം.വി.ഗീതമ്മ, സിബി ഓലിക്കൽ, റെന്നി വേലിക്കകത്ത് എന്നിവർ പ്രസംഗിച്ചു. പാലാവയൽ സെന്‍റ് ജോൺസ് പള്ളി അസി.വികാരി ഫാ.അമൽ ചെമ്പകശേരിൽ സമ്മാനങ്ങൾ വിതരണം ചെയ്തു.

കമ്യൂണിസ്റ്റ് പാര്‍ട്ടിക്ക് ശത്രുരാജ്യങ്ങളോടാണ് മമത : കെ.സുരേന്ദ്രന്‍

കാസര്‍ഗോഡ്: കമ്യൂണിസ്റ്റ് മാര്‍കിസ്റ്റ് പാര്‍ട്ടിക്ക് എല്ലാ കാലത്തും ശത്രുരാജ്യങ്ങളെ അനുകൂലിക്കുന്ന നിലപാടാണ് സ്വീകരിച്ചതെന്ന് ബിജെപി മുന്‍ സംസ്ഥാന പ്രസിഡന്‍റ് കെ.സുരേന്ദ്രന്‍. പാകിസ്ഥാനികളെ രാജ്യത്ത് നിന്ന് പുറത്താക്കണമെന്നാവശ്യപ്പെട്ട് ബിജെപി ജില്ലാകമ്മറ്റി സംഘടിപ്പിച്ച ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം. പാകിസ്ഥാനെ സഹായിക്കുന്ന ചൈനയോടാണ് സിപിഎമ്മിന് പ്രതിബദ്ധത. ഏപ്രില്‍ 29 ആകുമ്പോള്‍ കേരളത്തിലുള്ള 150 പരം പാകിസ്ഥാനികളില്‍ 145 പേര്‍ ഭാരതം വിട്ടിരിക്കണമെന്ന കേന്ദ്ര ആഭ്യന്തര മന്ത്രാലയത്തിന്‍റെ ഉത്തരവിനെ തികഞ്ഞ അലംഭാവത്തോടെയാണ് കേരളം പ്രതികരിച്ചത്. നാമമാത്രമായ ആളുകള്‍ മാത്രമാണ് കേരളത്തില്‍ നിന്ന് തിരിച്ചുപോയത്. മറ്റൊരിടത്തും കാണാത്ത തരത്തില്‍ പാകിസ്ഥാന്‍ റോഡും മുക്കും, കവലകളും ഉള്ളത് കേരളത്തിലാണ്. ആ പേരുകള്‍ എടുത്ത് കളയാതെ പാക് അനുകൂലികളെ തലോലിക്കുകയാണ് സി പി എമ്മും ഇടത് സര്‍ക്കാരുമെന്നും അദ്ദേഹം കൂട്ടിച്ചേര്‍ത്തു. ജില്ലാ പ്രസിഡന്‍റ് എം.എല്‍.അശ്വിനി അധ്യക്ഷതവഹിച്ചു. കെ.ശ്രീകാന്ത്, വി.രവീന്ദ്രന്‍, വി.ബാലകൃഷ്ണ ഷെട്ടി, രവീശതന്ത്രി കുണ്ടാര്‍, സതീഷ്ചന്ദ്ര ഭണ്ഡാരി, പി.ആര്‍.സുനില്‍, കെ. കെ.നാരായണന്‍, എം.ബല്‍രാജ്, മുരളീധര യാദവ്, എം.ജനനി, മണികണ്ഠ റൈ, എച്ച്. ആര്‍.സുകന്യ, എ.കെ.കയ്യാര്‍, കെ.സവിത, പ്രമീള മജല്‍, കെ.എം.അശ്വിനി , പുഷ്പ ഗോപാലന്‍, മഹേഷ് ഗോപാല്‍, സഞ്ജീവ പുളിക്കൂര്‍, വീണ അരുണ്‍ ഷെട്ടി എന്നിവര്‍ സംബന്ധിച്ചു. മനുലാല്‍ മേലത്ത് സ്വാഗതവും എന്‍.ബാബുരാജ് നന്ദിയും പറഞ്ഞു.

ഇറച്ചികോഴിക്ക് ലെഗ് പീസ് നാല് !

തൃക്കരിപ്പൂർ: കോഴിക്ക് കാലുകൾ നാല് എന്ന് പറഞ്ഞാൽ ചിലപ്പോൾ നമ്മൾ മൂക്കത്ത് വിരൽ വെക്കും. എന്നിട്ട് ഒരു ചോദ്യവും വെറുതേ പറയുന്നതല്ലേ. എന്നാൽ അങ്ങിനെ പറയാൻ വരട്ടെ. തൃക്കരിപ്പൂർ ടൗണിലെ വെള്ളാപ്പ് റോഡ്‌ റെയിൽവേ ഗേറ്റിനടുത്തുള്ള ടികെ ചിക്കൻ സെന്‍ററിൽ നാട്ടുകാരെ അൽഭുതപ്പെടുത്തുന്ന ഒരു കോഴി ഇന്നലത്തെ ലോഡിലെത്തി. രാവിലെ ഏഴിന് വന്ന 120 കോഴികളിൽ ഒന്നാണ് ആളുകളെ വിസ്മയിപ്പിക്കുന്ന തരത്തിൽ കണ്ടത്. കോഴി മുറിച്ച് വിൽപ്പന നടത്താൻ പിടിച്ചപ്പോഴാണ് കാലുകളുടെ എണ്ണം കടയുടമ പി.കെ.ഇസ്മയിൽ കണ്ടത്. രണ്ട് കാലിന് പകരം ഇരട്ടി എണ്ണം കാലുകൾ ബ്രോയിലർ വിഭാഗത്തിലുള്ള പിടക്കോഴിക്കാണ് കണ്ടത്. വൈകുന്നേരം വരെ നാട്ടുകാർ അത്ഭുത കോഴിയെ കാണാൻ കടയിൽ തിക്കി തിരക്കി. തളിപ്പറമ്പിലെ ഫാമിൽ നിന്നാണ് കോഴികളെ കൊണ്ട് വന്നത്. അപൂർവതയുള്ള ഈ കോഴിയെ വാങ്ങുന്നവർക്ക് ഇറച്ചി ഉപയോഗിക്കുമ്പോൾ നാല് ലെഗ് പീസുകൾ കിട്ടുമെന്ന കമന്‍റാണ് കോഴിയെ കാണാനെത്തിയ നാട്ടുകാർ പറയുന്നത്.

പാചകപ്പുര ഉദ്ഘാടനം നടത്തി

മണ്ഡപം: സെന്‍റ് ജോസഫ് യുപി സ്കൂളിലെ പുതുതായി നിർമിച്ച പാചകപ്പുരയുടെ ഉദ്ഘാടനം എം.രാജഗോപാലൻ എംഎൽനിർവ്വഹിച്ചു. വെസ്റ്റ് എളേരി പഞ്ചായത്ത് പ്രസിഡന്‍റ് ഗിരിജ മോഹനൻ അധ്യക്ഷത വഹിച്ചു. ചിറ്റാരിക്കാൽ വിദ്യാഭ്യാസ ഉപജില്ല നൂൺ മിൽ ഓഫീസർ പി.പി. ജയപ്രകാശ്, സ്കൂൾ പിടിഎ പ്രസിഡന്‍റ് ജയിംസ് മാരൂർ, ഇടവക ട്രസ്റ്റി സിവിക്കുട്ടി വർഗീസ്, എംപിടിഎ പ്രസിഡന്‍റ് ശ്രീജ ബിനു, സീനിയർ അസിസ്റ്റന്‍റ് പ്രെറ്റി മരിയ ജോസ്, സ്കൂൾ ലീഡർ ടി.ബി. ശ്രീലക്ഷ്മി എന്നിവർ പ്രസംഗിച്ചു. സ്കൂളിൽ നിന്ന് സ്ഥലംമാറി പോകുന്ന മാനേജർ ഫാ. തോമസ് കീഴാരത്തിലിനുള്ള യാത്രയയപ്പും ഉപഹാര സമർപ്പണവും ഇതോടൊപ്പം നടത്തി.

മടിക്കൈയില്‍ മിനി സ്‌റ്റേഡിയം സ്ഥാപിക്കും: കായികമന്ത്രി

മടിക്കൈ: പഞ്ചായത്തില്‍ നിലവിലുള്ള അഞ്ച് ഏക്കര്‍ കളിയിടത്തില്‍ ഖേലോ ഇന്ത്യ പദ്ധതിയില്‍ ഉള്‍പ്പെടുത്തി മിനി സ്റ്റേഡിയം നിര്‍മിക്കാനുള്ള നടപടി സ്വീകരിക്കുമെന്ന് കായികമന്ത്രി വി.അബ്ദുള്‍ റഹ്‌മാന്‍. മടിക്കൈ കാഞ്ഞിരപ്പൊയിലില്‍ സ്‌പോര്‍ട്‌സ് കിറ്റ് വിതരണം ഉദ്ഘാടനം ചെയ്യുകയായിരുന്നു അദ്ദേഹം. പഞ്ചായത്ത് പ്രസിഡന്‍റ് എസ്.പ്രീത അധ്യക്ഷതവഹിച്ചു. ജില്ലാ പഞ്ചായത്ത് പ്രസിഡന്‍റ് ബേബി ബാലകൃഷ്ണന്‍, കേരള സ്‌പോര്‍ട്‌സ് കൗണ്‍സില്‍ പ്രസിഡന്‍റുമായ യു. ഷറഫലി, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്‍റ് പി. ഹബീബ് റഹ്‌മാന്‍ എന്നിവര്‍ മുഖ്യാതിഥിയായിരുന്നു. പഞ്ചായത്ത് വൈസ് പ്രസിഡന്‍റ് വി. പ്രകാശന്‍ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു ബ്ലോക്ക് വൈസ് പ്രസിഡന്‍റ് കെ.വി.ശ്രീലത, വികസനകാര്യ സ്ഥിരംസമിതി അധ്യക്ഷന്‍ എം.അബ്ദുള്‍ റഹ്‌മാന്‍, വാര്‍ഡ് മെംബര്‍ എം.ശൈലജ, എന്‍. ബാലകൃഷ്ണന്‍, എം.രാജന്‍, അനില്‍ ബങ്കളം, ടി.വി.കൃഷ്ണന്‍, എ.വി.ബാലകൃഷ്ണന്‍, ടി.വി.അനൂപ് എന്നിവര്‍ സംസാരിച്ചു. പി.വിജയന്‍ സ്വാഗതവും എം.മുകേഷ് നന്ദിയും പറഞ്ഞു.

സംസ്ഥാന ജേര്‍ണലിസ്റ്റ് വടംവലി ലോഗോ പ്രകാശനം

കാസര്‍ഗോഡ്: പ്രസ് ക്ലബ് ആതിഥ്യമരുളുന്ന സംസ്ഥാന ജേര്‍ണലിസ്റ്റ് വടംവലി ചാമ്പ്യന്‍ഷിപ്പിന്‍റെ ലോഗോ പ്രകാശനം കായികമന്ത്രി വി.അബ്ദുറഹ്‌മാന്‍ നിര്‍വഹിച്ചു. എം.രാജഗോപാലന്‍ എംഎല്‍എ, ജില്ലാ പഞ്ചായത്ത് പ്രസിഡന്‍റ് ബേബി ബാലകൃഷ്ണന്‍, സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്‍റ് യു.ഷറഫലി, ജില്ല സ്‌പോര്‍ട്‌സ് കൗണ്‍സില്‍ പ്രസിഡന്‍റ് പി.ഹബീബ് റഹ്‌മാന്‍, വി.വി.രമേശന്‍, പ്രസ് ക്ലബ് പ്രസിഡന്‍റ് സിജു കണ്ണന്‍, സെക്രട്ടറി പ്രദീപ് നാരായണന്‍, അബ്ദുല്ലക്കുഞ്ഞി ഉദുമ, പുരുഷോത്തമ പെര്‍ള, കെ.വി.പത്മേഷ്, സതീശന്‍ കരിച്ചേരി എന്നിവര്‍ പങ്കെടുത്തു.

ഡിവൈഎസ്പിയ്ക്കെതിരേ സിവില്‍ പോലീസ് ഓഫീസറുടെ വധഭീഷണി

കാഞ്ഞങ്ങാട്: ഡിവൈഎസ്പി ബാബു പെരിങ്ങേത്തിനെ വധിക്കുമെന്ന് സിവില്‍ പോലീസ് ഓഫീസറുടെ ഭീഷണി സന്ദേശം. കാഞ്ഞങ്ങാട് സിവില്‍ പോലീസ് ഓഫീസര്‍ സനൂപ് ജോണ്‍ ആണ് ഭീഷണി സന്ദേശം അയച്ചത്. പോലീസ് കണ്‍ട്രോള്‍ വിഭാഗത്തിലെ വാട്‌സ് ആപ് ഗ്രൂപ്പിലാണ് സനൂപിന്‍റെ ഭീഷണി സന്ദേശം വന്നത്. എന്നെ എന്തിനാണ് ഇങ്ങനെ ദ്രോഹിക്കുന്നതെന്നും ഞാന്‍ പോകുന്നുണ്ടെങ്കില്‍ ഡിവൈഎസ്പിയെ കൊന്നിട്ടേ പോകുകയുള്ളൂവെന്നും സിവില്‍ പോലീസ് ഓഫീസറുടെ ശബ്ദസന്ദേശത്തില്‍ പറയുന്നു. സനൂപ് അവധി അപേക്ഷ നല്‍കാതെ ഒരാഴ്ച സ്റ്റേഷനില്‍ ഹാജരാകാത്തതിനെതുടര്‍ന്ന് താക്കീതെന്ന നിലയില്‍ കാഞ്ഞങ്ങാട് സൗത്ത് ജംഗ്ഷനിലും കോട്ടച്ചേരി ട്രാഫിക്കിലും ഡിവൈഎസ്പി അധികചുമതല നല്‍കിയിരുന്നു. ഇതില്‍ പ്രകോപിതനായാണ് സനൂപിന്‍റെ ഭീഷണി സന്ദേശം. മദ്യലഹരിയില്‍ അബദ്ധത്തിലാണ് സന്ദേശമിട്ടതെന്ന് സനൂപ് പറഞ്ഞു.

മലയോരത്തേക്കുള്ള ബസ് നിരക്ക് കുറഞ്ഞു

കാഞ്ഞങ്ങാട്: മലയോരഗ്രാമങ്ങളിലേക്കുള്ള ബസ് നിരക്ക് പുനഃക്രമീകരിച്ചുള്ള തീരുമാനം മോട്ടോര്‍ വാഹന വകുപ്പ് പ്രസിദ്ധീകരിച്ചു. കൊന്നക്കാട് - കാഞ്ഞങ്ങാട് (പരപ്പ വഴി), കാലിച്ചാനടുക്കം -ഏഴാംമൈല്‍ റൂട്ടുകളിലെ ബസ് യാത്രക്കാണ് ചെലവ് കുത്തനെ കുറയുക. 1974ല്‍ നിര്‍ണയിച്ച ഫെയര്‍‌സ്റ്റേജാണ് മടിക്കൈ സ്വദേശിയായ വിവരാവകാശപ്രവര്‍ത്തകന്‍റെ പരാതിയില്‍ പരിഷ്‌കരിച്ചത്. കാഞ്ഞങ്ങാടിനും മാവുങ്കാലിനും ഇടയില്‍ ഈടാക്കിയിരുന്ന കിഴക്കുംകര സ്റ്റേജ് ഈ പട്ടികയിലും ഇടംപിടിക്കാത്തതോടെ പാറപ്പള്ളി ഭാഗത്തേക്കുള്ള ഓരോ സ്ഥലത്തേക്കും രണ്ടു മുതല്‍ മൂന്നു രൂപ വരെ കുറയും. വെള്ളരിക്കുണ്ടിനും പരപ്പയ്ക്കും ഇടയില്‍ മങ്കയം സ്റ്റേജ് ഒഴിവാക്കിയതോടെ ഇവിടെയും നിരക്ക് കുറയും. ഏഴാംമൈലിനും കാലിച്ചാനടുക്കത്തിനും ഇടയില്‍ പോര്‍ക്കളം ഒഴിവാക്കുകയും തായന്നൂരും വളാപ്പാടിയും ഒഴിവാക്കി എട്ടുപൊതിപ്പാട് സ്റ്റേജായി നിര്‍ണയിക്കുകയും ചെയ്തു. ഇതോടെ ഏഴാംമൈല്‍ കാലിച്ചാനടുക്കം യാത്രയ്ക്ക് 23 രൂപയ്ക്ക് പകരം 18 രൂപ നല്‍കിയാല്‍ മതിയാകും. കൊന്നക്കാട്, വെള്ളരിക്കുണ്ട് - കാഞ്ഞങ്ങാട് യാത്രയ്ക്കും അഞ്ചു രൂപ കുറയും. കാഞ്ഞങ്ങാട് പഴയ ബസ് സ്റ്റാന്‍ഡില്‍ നിന്നും മലയോരത്തേക്കുള്ള പുതുക്കിയ ബസ് നിരക്ക് (നിലവില്‍ വാങ്ങുന്ന നിരക്ക് ബ്രാക്കറ്റില്‍) കാഞ്ഞങ്ങാട് - കൊന്നക്കാട് റൂട്ട് കിഴക്കുംകര 10(10), മാവുങ്കാല്‍ 10(13), കോട്ടപ്പാറ 13(15), പാറപ്പള്ളി 15(18), മുട്ടിച്ചരല്‍ 18(20), ഇരിയ 20(23), ഏഴാംമൈല്‍ 23(25), അട്ടേങ്ങാനം 25(28), ഒടയംചാല്‍ 28(30), നായ്ക്കയം 30(33), ഇടത്തോട് 33(35), പരപ്പ 35(38), കനകപ്പള്ളിത്തട്ട്38(40), കല്ലംചിറ 40 (43), മങ്കയം 43(45), വെള്ളരിക്കുണ്ട് 43(48), പാത്തിക്കര 45 (50),പു്നക്കുന്ന് 48 (53), നാട്ടക്കല്ല് 50 (55), മാലോം 53 (58), മാലോത്ത് കസബ എച്ച്എസ്എസ് 55(60), കൊന്നക്കാട് 58(63). കാഞ്ഞങ്ങാട് - ഏഴാംമൈല്‍ - കാലിച്ചാനടുക്കം റൂട്ട് മുക്കുഴി 25 (30), എണ്ണപ്പാറ 28 (33), എട്ടുപൊതിപ്പാട് 30 (38), കാലിച്ചാനടുക്കം 33 (40)

പെൺകരുത്തായി ഡ്രീംസ് ഗേൾസ് ഫുട്ബോൾ അക്കാദമി; വനിത ടൂർണമെന്‍റ് എട്ടിന് തുടങ്ങും

തൃക്കരിപ്പൂർ: തൃക്കരിപ്പൂരിൽ വനിതാ ഫുട്ബോളിന്‍റെ കരുത്തായി മാറുകയാണ് ഡ്രീംസ് ഗേൾസ് ഫുട്ബോൾ അക്കാദമി. കഴിഞ്ഞ മൂന്ന് വർഷമായി പ്രവർത്തിച്ചു വരുന്ന അക്കാദമിയിൽ 60ൽ പരം പെൺകുട്ടികൾക്ക് സൗജന്യമായി പരിശീലനം നൽകി വരികയാണെന്ന് ഭാരവാഹികൾ പത്രസമ്മേളനത്തിൽ അറിയിച്ചു. ജില്ലാ, സംസ്ഥാന, ദേശീയ, സ്‌കൂൾ ഫുട്ബോൾ ടൂർണമെന്‍റുകളിൽ വ്യക്തി മുദ്ര പതിപ്പിക്കാൻ ചുരുങ്ങിയ കാലയളവിൽ ഡ്രീംസ് അക്കാദമിയിലെ കുട്ടികൾക്ക് കഴിഞ്ഞിട്ടുണ്ട്. കഴിഞ്ഞവർഷത്തെ ദേശീയ സീനിയർ സ്‌കൂൾ ഫുട്ബോൾ ടീമിൽ കേരളത്തെ പ്രതിനിധീകരിച്ച് പങ്കെടുത്ത ശിവനന്ദ തമ്പാൻ, ദേശീയ സ്‌കൂൾസ് ഫുട്ബോൾ മത്സരത്തിൽ റണ്ണറപ്പായ കേരള ടീമിന്‍റെ ഗോൾ വലയം കാത്ത ഇഷിത, സ്ട്രൈക്കർ അനന്യ തുടങ്ങിയവർ ഡ്രീംസിന്‍റെ അഭിമാന താരങ്ങളാണ്. സ്പോർട്‌സ് ഡിവിഷനും സ്പോർട്‌സ് സ്കൂളുകളിലുമായി ഡ്രീംസിലെ ആറ് പേർ നിലവിൽ യോഗ്യത നേടിയിട്ടുണ്ട്. അക്കാദമിയുടെ മൂന്നാം വാർഷികാഘോഷവും വനിതാ ഫുട്ബോൾ ടൂർണമെന്‍റും എട്ടു മുതൽ 11 വരെ തൃക്കരിപ്പൂർ ജിവിഎച്ച്എസ്എസ് ഗ്രൗണ്ടിൽ നടക്കും. നളെ വൈകുന്നേരം അഞ്ചിന് വാർഷികാഘോഷ മുന്നോടിയായി വിളംബര ഘോഷാത്ര നടക്കും. തങ്കയം മുക്കിൽ ചന്തേര പോലീസ് ഇൻസ്പെക്ടർ കെ.പ്രശാന്ത് ഫ്ളാഗ് ഓഫ് ചെയ്യുന്ന വിളംബര ഘോഷാത്രയും ചന്തേര ജനമൈത്രി പോലീസ് സ്റ്റേഷന്‍റെയും ഉദിനൂർ ജിഎച്ച്എസ്എസ് സ്റ്റുഡന്‍റ് പോലീസിന്‍റെയും സഹകരണത്തോടെ ലഹരി വിരുദ്ധ പ്രതിജ്ഞയും ഗോൾ ചലഞ്ചും നടക്കും. രണ്ടു വിഭാഗങ്ങളിലായാണ് ഫുട്ബോൾ മത്സരങ്ങൾ നടക്കുന്നത്. 13 വയസിൽ താഴെയുള്ളതും സീനിയർ വിഭാഗത്തിൽ കർണാടക, കേരള സംസ്ഥാനങ്ങളിൽ നിന്നായി എട്ട് ടീമുകൾ മാറ്റുരക്കും. എല്ലാ ദിവസവും രാവിലെ എട്ടു മുതലും വൈകുന്നേരം നാലു മുതലും പെൺകുട്ടികളുടെ മൽസരങ്ങൾ നടക്കും. 11നു വൈകുന്നേരം രണ്ട് വിഭാഗങ്ങിലെയും ഫൈനൽ മത്സരങ്ങൾ നടക്കും. അതിനു ശേഷം ഡ്രീംസ് കുടുംബാംഗങ്ങളുടെ സംഗമം വെള്ളാപ്പ് ടർഫിൽ നടക്കും. പത്ര സമ്മേളനത്തിൽ സംഘാടക സമിതി ചെയർമാൻ എം.മനേഷ് കുമാർ, ജനറൽ കൺവീനർ വി.എം.മകേഷ്, ഡ്രീംസ് അക്കാദമി പ്രസിഡന്‍റ് ഡോ.വി.രാജീവൻ, സെക്രട്ടറി രാജേഷ് മാപ്പിടിച്ചേരി, ട്രഷറർ ഇ.അജേഷ്, ടീം പരിശീലകൻ വി.വി.ഗണേശൻ, നിഖില രാജേഷ് എന്നിവർ പങ്കെടുത്തു.

കാറുകള്‍ കൂട്ടിയിടിച്ച് യുവാവ് മരിച്ചു

കാസര്‍ഗോഡ്: സംസ്ഥാനപാതയില്‍ കാറുകള്‍ കൂട്ടിയിടിച്ച് മത്സ്യത്തൊഴിലാളിയായ യുവാവ് മരിച്ചു. നാലുപേര്‍ക്ക് പരിക്കേറ്റു. ബേക്കല്‍ മലാംകുന്ന് തെല്ലാഞ്ഞിയിലെ അശോകന്‍-ലത ദമ്പതികളുടെ മകന്‍ എ.അനന്തു (അപ്പു-26)ആണ് മരിച്ചത്. ഒപ്പമുണ്ടായിരുന്ന പ്രണവ് (26), അക്ഷയ് (26) എന്നിവര്‍ മംഗളുരുവിലെയും സൗരവ് (26), അശ്വിന്‍ (25) എന്നിവരെ കാസര്‍ഗോഡ് നുള്ളിപ്പാടിയിലെയും ആശുപത്രികളില്‍ പ്രവേശിപ്പിച്ചു. ഞായറാഴ്ച രാത്രി കളനാട് ബസ് സ്റ്റോപ്പിന് സമീപമാണ് അപകടം. സെക്കന്‍ഡ് ഷോ കഴിഞ്ഞ് കാസര്‍ഗോട്ടു നിന്ന് കാഞ്ഞങ്ങാട് ഭാഗത്തേക്ക് പോവുകയായിരുന്ന അനന്തുവും സുഹൃത്തുക്കളും സഞ്ചരിച്ചിരുന്ന കാറില്‍ കാഞ്ഞങ്ങാട് ഭാഗത്തു നിന്നും എത്തിയ കാറിടിച്ചാണ് അപകടം. സഹോദരങ്ങള്‍: അനീഷ്, ജയശ്രീ.

ജീസസ് ആൻഡ് മീ ഫൊറോന യുവജനസംഗമം

നീലേശ്വരം: സെന്‍റ് പീറ്റേഴ്സ് പള്ളിയിൽ ജീസസ് യൂത്ത് ടീമിന്‍റെ നേതൃത്വത്തിൽ ജീസസ് ആൻഡ് മീ ഫൊറോന യുവജനസംഗമം കണ്ണൂർ രൂപത ബിഷപ് ഡോ.അലക്സ് വടക്കുംതല ഉദ്ഘാടനം ചെയ്തു. സഹായമെത്രാൻ ഡോ. ഡെന്നീസ് കുറുപ്പശേരി, ഇടവക വികാരി ഫാ.ആൻസിൽ പീറ്റർ, ഫാ.ജസ്റ്റിൻ എടത്തിൽ, ഫാ. ജീനിയസ് ക്ലീറ്റസ്, ഫാ. പീറ്റർ പാറേക്കാട്ടിൽ, ഫാ.ജോസ്, ഫാ.ജിനോ ചക്കാലക്കൽ, ഫാ.അനിൽ അറക്കൽ, ബ്രദർ മിഷേൽ എന്നിവർ സംസാരിച്ചു. കാഞ്ഞങ്ങാട് ഫൊറോനക്ക് കീഴിൽ കണ്ണൂർ -കാസർഗോഡ് ജില്ലകളിലെ 13 ഇടവകകളിലെ 250 ൽപരം യുവതീയുവാക്കൾ സംബന്ധിച്ചു. ജീസസ് യൂത്ത് മിനിസ്ട്രിയിലെ ജിത്ത് ജോർജ്, ക്രിസ്റ്റീൻ മാനുവൽ, ആൻസൽമാത്യു ഫ്രാൻസിസ്, ജിജോ ജോർജ്, പി.എസ്.യേശുദാസ്, ആഷിൻ കെ.സിജു എന്നിവർ നേതൃത്വം നൽകി.

യുദ്ധമുണ്ടാക്കുന്ന മഹാവിപത്ത് മുന്നിൽ കാണണം: ഇ. ചന്ദ്രശേഖരൻ

വെള്ളരിക്കുണ്ട്: ഒരു യുദ്ധമുണ്ടാക്കുന്ന മഹാവിപത്ത് മുന്നിൽ കണ്ടുകൊണ്ടാകണം നിലവിലുള്ള പ്രശ്നങ്ങളിൽ ഭരണകൂടം ഇടപെടേണ്ടതെന്ന് സിപിഐ സംസ്ഥാന അസിസ്റ്റന്‍റ് സെക്രട്ടറി ഇ.ചന്ദ്രശേഖരൻ എംഎൽഎ പറഞ്ഞു. ഒരു ഫെഡറൽ സംവിധാനത്തിൽ ശക്തമായ കേന്ദ്രവും ശക്തമായ സംസ്ഥാനവുമെന്നതാണ് ലക്ഷ്യമെങ്കിലും കേരളത്തിന്‍റെയും മറ്റു ബിജെപി ഇതര സംസ്ഥാനങ്ങളുടെയും ഭദ്രത ഇല്ലാതാക്കുന്ന തരത്തിലാണ് നരേന്ദ്രമോദി ഭരണം മുന്നോട്ടുപോകുന്നതെന്നും സിപിഐ വെള്ളരിക്കുണ്ട് മണ്ഡലം സമ്മേളനം ഉദ്ഘാടനം ചെയ്തുകൊണ്ട് അദ്ദേഹം പറഞ്ഞു. സമ്മേളനത്തിന് തുടക്കം കുറിച്ചുകൊണ്ട് എ.കെ.രാജപ്പൻ പതാക ഉയർത്തി. ജില്ലാ സെക്രട്ടറി സി.പി.ബാബു, സംസ്ഥാന കൗൺസിൽ അംഗങ്ങളായ ഗോവിന്ദൻ പള്ളിക്കാപ്പിൽ, ടി.കൃഷ്ണൻ, ജില്ലാ അസിസ്റ്റന്‍റ് സെക്രട്ടറി വി.രാജൻ, ജില്ലാ എക്സിക്യൂട്ടീവ് അംഗങ്ങളായ കെ.വി.കൃഷ്ണൻ, കെ.എസ്.കുര്യാക്കോസ്, എം.കുമാരൻ, പി.ഭാർഗവി എന്നിവർ നേതൃത്വം നല്കി. എ.രാഘവൻ, പി.വി.തങ്കമണി, മേരി ജോർജ്, ധനീഷ് ബിരിക്കുളം എന്നിവരടങ്ങിയ പ്രസീഡിയം സമ്മേളനം നിയന്ത്രിച്ചു. എൻ.ഗോപിനാഥൻ രക്തസാക്ഷി പ്രമേയവും സി.പി.സുരേശൻ അനുശോചന പ്രമേയവും എൻ.പുഷ്പരാജൻ പ്രവർത്തന റിപ്പോർട്ടും അവതരിപ്പിച്ചു. സമ്മേളനം ഇന്ന് സമാപിക്കും.

വനംവകുപ്പ് സൗഹൃദ ക്രിക്കറ്റ് മത്സരം നടത്തി

രാജപുരം: കേരള ഫോറസ്റ്റ് പ്രൊട്ടക്ടീവ് സ്റ്റാഫ് അസോസിയേഷൻ 49-ാം സംസ്ഥാന സമ്മേളനം 25, 26, 27 തീയതികളിൽ കാസർഗോഡ് മുനിസിപ്പൽ ടൗൺഹാളിൽ നടക്കുന്നതിന് മുന്നോടിയായി ലഹരിക്കെതിരെ കായിക ലഹരി എന്ന ആശയവുമായി സൗഹൃദ ക്രിക്കറ്റ് മത്സരം നടത്തി. കള്ളാർ മാക്സ് സ്പോർട്സ് സെന്‍റർ ടർഫിൽ നടന്ന മത്സരം പഞ്ചായത്ത് പ്രസിഡന്‍റ് ടി.കെ.നാരായണൻ ഉദ്ഘാടനം ചെയ്തു. വനംവകുപ്പിന്‍റെ വിവിധ തലങ്ങളിലെ ഉദ്യോഗസ്ഥരും ഡ്രൈവേഴ്സ് ടീം, താത്കാലിക വനം ജീവനക്കാർ, സർപ്പ ടീം അംഗങ്ങൾ, റാണിപുരം ഇക്കോ ടൂറിസം കേന്ദ്രം ജീവനക്കാർ തുടങ്ങിയവരും കുടുംബാംഗങ്ങളും മത്സരത്തിൽ പങ്കാളികളായി. കാഞ്ഞങ്ങാട് റെയ്ഞ്ച് ഫോറസ്റ്റ് ഓഫീസർ കെ. രാഹുൽ, റിട്ട. സെക്ഷൻ ഫോറസ്റ്റ് ഓഫീസർ ടി.പി.പ്രസന്നൻ, സംസ്ഥാന സമ്മേളനത്തിന്‍റെ സ്വാഗത സംഘം ജനറൽ കൺവീനർ എൻ.വി.സത്യൻ, കെഎഫ്പിഎസ്എ ജില്ലാ പ്രസിഡന്‍റ് കെ.എൻ.രമേശൻ, സെക്രട്ടറി പി.സി.യശോദ, സംസ്ഥാന കമ്മിറ്റി അംഗം എം.ചന്ദ്രൻ, ടി.എം.സിനി, കെ.ധനഞ്ജയൻ, കെ.രാജു, വി.വി.പ്രകാശൻ, വി.വിനീത്, എം.എസ്.സുമേഷ് കുമാർ, ബി.വിനീത്, സുജിത്ത്, പ്രവീൺ കുമാർ, സെക്ഷൻ ഫോറസ്റ്റ് ഓഫീസർമാരായ ആർ.ബാബു, ബി.ശേഷപ്പ, കെ.എൻ.ലക്ഷ്മണൻ, കെ.ആർ.വിജയനാഥ്, കെ.എ.ബാബു, എസ്.പുഷ്പാവതി, കെ.ജയകുമാർ, ബി.എസ്.വിനോദ്കുമാർ, കെ.ആർ.ഷനോജ്, ജി.എസ്.പ്രവീൺ കുമാർ എന്നിവർ നേതൃത്വം നല്കി.

റഫറിമാർ കളത്തിലിറങ്ങി; കാലത്തെ മറികടന്ന് വോളിബോൾ ആവേശം

ഭീമനടി: വോളിബോൾ കളത്തിൽ തീപ്പൊരി സ്മാഷുകൾ തീർത്ത പഴയ കാലത്തേക്കൊരു തിരിച്ചുപോക്ക് നടത്തി റഫറിമാർ വീണ്ടും കളത്തിലിറങ്ങിയപ്പോൾ പുതുതലമുറയിലെ കളിക്കാർക്കും കാണികൾക്കും ആവേശം അലതല്ലി. ജില്ലാ വോളിബോൾ റഫറീസ് കൂട്ടായ്മ സംഘടിപ്പിച്ച മൂന്നാമത് റഫറീസ് വോളിബോൾ ടൂർണമെന്‍റായിരുന്നു വേദി. പ്ലാച്ചിക്കര കെകെഎസ് ഫ്ലഡ്ലൈറ്റ് സ്റ്റേഡിയത്തിൽ നടന്ന മത്സരത്തിൽ തേജസ്വനി, ചൈത്രവാഹിനി, പയസ്വിനി പുഴകളുടെ പേരുനല്കിയ മൂന്ന് ടീമുകളിലായി 23 റഫറിമാരാണ് വീണ്ടും കളിക്കാരുടെ വേഷമിട്ട് കളം നിറഞ്ഞു കളിച്ചത്. മൂന്ന് കളികളിലായി നടന്ന മത്സരം താലൂക്ക് ലൈബ്രറി കൗൺസിൽ പ്രസിഡന്‍റ് ജോസ് സെബാസ്റ്റ്യൻ ഉദ്ഘാടനം ചെയ്തു. ജില്ലാ സീനിയർ റഫറി ബാലകൃഷ്ണൻ ചെറിയാക്കര അധ്യക്ഷത വഹിച്ചു. ജില്ലാ വോളിബോൾ ടെക്നിക്കൽ കമ്മിറ്റി ചെയർമാൻ ഷൈജു എളേരി, ആർപിഎസ് പ്രസിഡന്‍റ് പി.എം.മത്തായി, കെകെഎസ് വായനശാല സെക്രട്ടറി ടി.വി.പ്രവീൺ, സുജിത്ത് പ്ലാച്ചിക്കര, സുധികുമാർ ചെറുവത്തൂർ എന്നിവർ പ്രസംഗിച്ചു. ജോസ് സെബാസ്റ്റ്യൻ, ഷൈജു എളേരി എന്നിവർ വിജയികൾക്കുള്ള ട്രോഫികൾ വിതരണം ചെയ്തു.

അങ്കണവാടി ഹെൽപ്പർക്ക് യാത്രയയപ്പ് നല്കി

പടന്ന: ഉദിനൂർ തെക്കുപുറം അങ്കണവാടി വാർഷികാഘോഷവും കാൽനൂറ്റാണ്ടോളം കാലത്തെ സേവനത്തിനുശേഷം വിരമിക്കുന്ന ഹെൽപ്പർ കെ.വൽസലയ്ക്കുള്ള യാത്രയയപ്പും പടന്ന പഞ്ചായത്ത് പ്രസിഡന്‍റ് പി.വി.മുഹമ്മദ് അസ്ലം ഉദ്ഘാടനം ചെയ്തു. സ്ഥിരം സമിതി അധ്യക്ഷൻ പി.വി.അനിൽകുമാർ അധ്യക്ഷത വഹിച്ചു. ജില്ലയിലെ മികച്ച ഐസിഡിഎസ് സൂപ്പർവൈസറായി തെരഞ്ഞെടുത്ത ഒളവറയിലെ എം.ലൈല, മികച്ച ജീവകാരുണ്യ- സാമൂഹ്യ പ്രവർത്തകനുള്ള കൊച്ചി മൂവി അഡ്മിറേഴ്സ് പുരസ്കാരം നേടിയ എ.ജി.കമറുദ്ദീൻ, ഭാരത് ഭവൻ നെടുമുടി വേണു പുരസ്കാരം നേടിയ ഉദിനൂർ ബാലഗോപാലൻ, സർവീസിൽ നിന്ന് വിരമിച്ച ഹെൽത്ത് ഇൻസ്പെക്ടർ പ്രകാശൻ ചന്തേര എന്നിവരെ ചടങ്ങിൽ ആദരിച്ചു. അങ്കണവാടി വർക്കർ കെ.വി.ശൈലജ, ടി.പി.സുജിത്ത്, നങ്ങാരത്ത് മൊയ്തു, കെ.പി.നാരായണൻ, ടി.കെ.ഇന്ദിര, എ.കെ.രമ്യ എന്നിവർ പ്രസംഗിച്ചു. കുട്ടികളുടെയും മുതിർന്നവരുടെയും വിവിധ കലാപരിപാടികളും അരങ്ങേറി.

കാപ്പ നിയമം ലംഘിച്ച പ്രതിയെ പിടികൂടി

കാഞ്ഞങ്ങാട്: കാപ്പ ചുമത്തി നാടുകടത്തിയ പ്രതി അനുമതി കൂടാതെ ജില്ലയില്‍ പ്രവേശിച്ചതിനെ തുടര്‍ന്നു ഹൊസ്ദുര്‍ഗ് പോലീസ് അറസ്റ്റ് ചെയ്തു. കാസര്‍ഗോഡ് ജില്ലയിലേക്ക് പ്രവേശനത്തിന് നിയന്ത്രണം ഏര്‍പ്പെടുത്തിയ പ്രതി കല്യാണ്‍ റോഡ് മുത്തപ്പന്‍തറ സ്വദേശി പ്രവീണ്‍ (25) ഉത്തരവ് നിലനില്‍ക്കേ ആയത് ലംഘിച്ചു കൊണ്ട് കാഞ്ഞങ്ങാട് പുതിയ ബസ് സ്റ്റാന്‍ഡ് പരിസരത്തും മറ്റും കറങ്ങി നടക്കുന്നതായ വിവരം ലഭിച്ചതിനെ തുടര്‍ന്നു നടത്തിയ അന്വേഷണത്തിലാണ് പിടികൂടിയത്. ഇന്‍സ്‌പെക്ടര്‍ പി.അജിത്കുമാറിന്‍റെ നേതൃത്വത്തില്‍ എസ്‌ഐ പി.വി.വരുണ്‍, എസ്‌സിപിഒ സനീഷ് കുമാര്‍, സിപിഒ അനൂപ് മാണിയാട്ട്, പി.പി.രമിത്ത് എന്നിവര്‍ അടങ്ങിയ സംഘമാണ് സുധീഷിനെ പിടികൂടിയത്. ഹൊസ്ദുര്‍ഗ്, നീലേശ്വരം പോലീസ് സ്റ്റേഷനുകളിലായി അഞ്ചോളം ക്രിമിനല്‍ കേസുകളില്‍ പ്രതിയായ ഇയാളെ കഴിഞ്ഞ ഫെബ്രുവരി മാസമാണ് കണ്ണൂര്‍ റേഞ്ച് ഡിഐജി ആറു മാസക്കാലത്തേക്ക് കാപ്പ ചുമത്തി നാടുകടത്തിയത്.

പിഐടിഎന്‍ഡിപിഎസ് ആക്ട് പ്രകാരം ജയിലടച്ചു

മഞ്ചേശ്വരം:മയക്കുമരുന്ന് കേസിലെ പ്രതിയെ പിഐടിഎന്‍ഡിപിഎസ് ആക്ട് പ്രകാരം മഞ്ചേശ്വരം പോലീസ് അറസ്റ്റ് ചെയ്ത കരുതല്‍ തടങ്കലിലാക്കി. ജില്ലയിലെ രണ്ടാമത്തെ ആളാണ് ഇത്തരത്തില്‍ അറസ്റ്റിലാകുന്നത്. നിരവധി മയക്കുമരുന്നു കേസുകളില്‍ പ്രതിയായ മുളിഞ്ച പത്വാടി സ്വദേശി അസ്‌കര്‍ അലിയെയാണ് (27) പോലീസ് അറസ്റ്റ് ചെയ്തത്. മഞ്ചേശ്വരം പോലീസ് സ്റ്റേഷനില്‍ 3.407 കിലോ ഗ്രാം എംഡിഎംഎയും 642.65 ഗ്രാം കഞ്ചാവും, 96 .96 ഗ്രാം കൊക്കൈന്‍ പിടികൂടിയ കേസിലും മേല്പറമ്പ പോലീസ് സ്റ്റേഷനില്‍ 49 .30 ഗ്രാം എം ഡി എം എ പിടികൂടിയ കേസിലും പ്രധാന പ്രതിയാണ് ഇയാള്‍ . കേരളത്തിലും കര്‍ണാടക കേന്ദ്രികരിച്ച് മയക്കുമരുന്ന് ശൃഖലയിലെ പ്രധാന കണ്ണിയാണ് അറസ്റ്റിലായ അസ്‌കര്‍ അലി.കൂടാതെ പലതവണ മയക്കുമരുന്ന് കടത്തിക്കോണ്ടുവന്നതായി പൊലീസിന് സൂചന ലഭിച്ചിട്ടുള്ളതുമാണ്. മയക്കുമരുന്ന് സംഘത്തെ അമര്‍ച്ച ചെയ്യാന്‍ പിഐടിഎന്‍ഡിപിഎസ് ആക്ട് പ്രകാരം ഒരാഴ്ചക്കുള്ളില്‍ രണ്ടാമത്തെ ആളെയാണ് മഞ്ചേശ്വരം പോലീസ് അറസ്റ്റ് ചെയ്തത്.

വ്യാപാരിയെ ആക്രമിച്ച് പണവും മൊബൈല്‍ ഫോണും കവര്‍ന്ന കേസില്‍ പ്രതി പിടിയില്‍

കാസര്‍ഗോഡ്: വ്യാപാരിയെ ആക്രമിച്ച് പണവും മൊബൈല്‍ ഫോണും കവര്‍ന്ന കേസില്‍ പ്രതി പിടിയില്‍. വിദ്യാനഗറില്‍ ഷവര്‍മ കച്ചവടം നടത്തുന്ന മൊയ്ദീന്‍ റംഷീദിനെ ആക്രമിച്ച് മൊബൈല്‍ ഫോണും 16,000 രൂപയും കവര്‍ന്ന കേസില്‍ കുഡ്ലു ശാസ്താനഗറിലെ അമാന്‍ സജാദിനെയാണ് (22) കാസര്‍ഗോഡ് ടൗണ്‍ പോലീസ് തിരുവന്തപുരം തമ്പാനൂരില്‍ നിന്നും സാഹസികമായി പിടികൂടിയത്. ഏപ്രില്‍ 22നാണ് കേസിന് ആസ്പദമായ സംഭവം നടന്നത്. കൃത്യം നടത്തി ഒളിവില്‍ പോയ പ്രതിയെ പോലീസ് സമര്‍ഥമായി പിന്തുടര്‍ന്ന് പിടികൂടുകയായിരുന്നു. എസ്‌ഐ എന്‍.അന്‍സാര്‍, എസ്‌സിപിഒമാരായ കെ.എം.സുനില്‍കുമാര്‍, വേണുഗോപാല്‍ എന്നിവരാണ് പ്രതിയെ പിടികൂടിയത്.

എംഡിഎംഎയുമായി യുവാവ് അറസ്റ്റില്‍

കാസര്‍ഗോഡ്: വില്‍പനയ്ക്കായി കൈവശം വെച്ച 4.09 ഗ്രാം എംഡിഎംഎയുമായി യുവാവ് കാസര്‍ഗോഡ് ടൗണ്‍ പോലീസിന്‍റെ പിടിയിലായി. ചെറുവത്തൂര്‍ കൈതക്കാട് സ്വദേശി ഇല്യാസ് അബൂബക്കര്‍ (24) ആണ് അറസ്റ്റിലായത്. ബൈക്കില്‍ വിദ്യാനഗറില്‍ നിന്നും കാസര്‍ഗോഡേക്ക് വരുമ്പോഴാണ് ഇയാള്‍ അറസ്റ്റിലായത്. കാസര്‍ഗോഡ് ടൗണ്‍ എസ്‌ഐ രവീന്ദ്രന്‍, സിപിഒമാരായ സനല്‍, ഗുരുരാജ്, ഉണ്ണികൃഷ്ണന്‍ എന്നിവരും ഡിവൈഎസ്പിയുടെ സ്‌ക്വാഡ് അംഗങ്ങളായ എസ്‌ഐ നാരയണന്‍, എസ്‌സിപിഒ രാജേഷ്, ദീപക് സിപിഒ സജീഷ് എന്നിവര്‍ ചേര്‍ന്നാണ് പ്രതിയെ പിടികൂടിയത്.

ടോള്‍ഗേറ്റ് സ്ഥാപിക്കാനുള്ള നടപടികള്‍ നിര്‍ത്തിവയ്ക്കണം: ജില്ലാ വികസന സമിതി

കാസർഗോഡ്: ദേശീയപാതയുടെ ആദ്യ റീച്ച് പൂർത്തിയാകുമ്പോൾ തലപ്പാടിക്കൊപ്പം കുമ്പളയില്‍ കൂടി ടോള്‍ഗേറ്റ് സ്ഥാപിക്കാനുള്ള നീക്കം ഉപേക്ഷിക്കണമെന്ന് ജില്ലാ വികസന സമിതി യോഗം ആവശ്യപ്പെട്ടു. ഇതു സംബന്ധിച്ച് എ.കെ.എം. അഷ്റഫ് എംഎല്‍എ അവതരിപ്പിച്ച പ്രമേയത്തെ ജില്ലയിലെ മറ്റ് എംഎല്‍എമാരും പിന്തുണച്ചു. ഒരു ടോൾ ഗേറ്റിന്‍റെ 60 കിലോമീറ്റർ ദൂരത്തിനുള്ളില്‍ വീണ്ടും ടോള്‍ പിരിക്കില്ലെന്ന് കേന്ദ്ര ഗതാഗത മന്ത്രി പാര്‍ലമെന്‍റില്‍ പ്രഖ്യാപിച്ചതാണെന്നും ഇതിന് വിരുദ്ധമായാണ് ദേശീയപാത അഥോറിറ്റി തലപ്പാടിയിൽ നിന്ന് 20 കിലോമീറ്റർ മാത്രം അകലെയുള്ള കുമ്പളയിൽ ടോള്‍ പിരിക്കാനിറങ്ങുന്നതെന്നും യോഗം ചൂണ്ടിക്കാട്ടി. ജില്ലാ വികസനസമിതി യോഗം അംഗീകരിച്ച പ്രമേയം സംസ്ഥാന സര്‍ക്കാരിനും ദേശീയപാത അഥോറിറ്റിയ്ക്കും അയച്ചു കൊടുക്കുമെന്ന് യോഗത്തില്‍ അധ്യക്ഷത വഹിച്ച കളക്ടര്‍ കെ.ഇമ്പശേഖര്‍ അറിയിച്ചു. പുതിയ ദേശീയപാതയിൽ വിവിധ നിയോജക മണ്ഡലങ്ങളുടെ പരിധിയിൽ ആവശ്യമുള്ള ഫൂട്ട് ഓവര്‍ ബ്രിഡ്ജുകളുടെ പട്ടിക ജില്ലാ കളക്ടര്‍ മുഖേന ദേശീയപാത അഥോറിറ്റിയെ അറിയിക്കാനും തീരുമാനിച്ചു. പടന്നക്കാട് റെയില്‍വേ മേല്‍പാലത്തിന് മുകളില്‍ ആറ് മാസത്തിനകം റീ ടാറിംഗ് നടത്താനും ദേശീയപാത അഥോറിറ്റിക്ക് നിര്‍ദേശം നല്കി. ഡോക്ടർമാരുടെ കുറവ് പരിഹരിക്കണം ജില്ലയിലെ സർക്കാർ ആശുപത്രികളിലെ ഡോക്ടര്‍മാരുടെ കുറവ് പരിഹരിക്കണമെന്ന് എ.കെ.എം. അഷ്റഫ് എംഎല്‍എ യോഗത്തിൽ ആവശ്യപ്പെട്ടു. മംഗല്‍പാടി ഗവ.താലൂക്ക് ആശുപത്രിയില്‍ ജീവനക്കാരുടെ അഭാവം കാരണം രാത്രികാലസേവനം തടസപ്പെട്ടിരിക്കുകയാണെന്ന് അദ്ദേഹം ചൂണ്ടിക്കാട്ടി. ജില്ലയില്‍ ആകെ 324 ഡോക്ടര്‍മാരുടെ തസ്തികകളാണുള്ളതെന്നും ഇതില്‍ 88 എണ്ണം നിലവിൽ ഒഴിഞ്ഞുകിടക്കുകയാണെന്നും യോഗത്തിൽ പങ്കെടുത്ത ഡെപ്യൂട്ടി ഡിഎംഒ അറിയിച്ചു. അഡ്‌ഹോക് നിയമനങ്ങള്‍ ലഭിക്കുന്നവര്‍ വടക്കന്‍ മേഖലയിൽ ജോലി ചെയ്യാന്‍ തയ്യാറാകാത്തതാണ് പ്രശ്നമാകുന്നതെന്നും അദ്ദേഹം പറഞ്ഞു. മതിയായ യോഗ്യതയുള്ളവരെ ജില്ലയില്‍ നിന്നുതന്നെ കണ്ടെത്തുകയാണ് ഇതിന് പരിഹാരമെന്ന് യോഗം വിലയിരുത്തി. പുതിയ ബസ് റൂട്ടുകളും ഫെയര്‍ സ്റ്റേജുകളും ജില്ലയില്‍ പുതിയ ബസ് റൂട്ടുകളും ഫെയര്‍ സ്റ്റേജുകളും സംബന്ധിച്ച തീരുമാനം നടപ്പിലാക്കണമെന്ന് ഇ.ചന്ദ്രശേഖരന്‍ എംഎല്‍എ ആവശ്യപ്പെട്ടു. ആര്‍ടിഎ യോഗത്തില്‍ 54 ബസ്പെര്‍മിറ്റുകള്‍ക്കുള്ള അപേക്ഷകളും ജില്ലയിലെ ഫെയര്‍ സ്റ്റേജ് സംബന്ധിച്ച വിഷയങ്ങളും ചര്‍ച്ച ചെയ്തിരുന്നുവെന്നും ഇത് നടപ്പിലാക്കാന്‍ അടിയന്തിര ഇടപെടല്‍ ആവശ്യമാണെന്നും എംഎല്‍എ പറഞ്ഞു. ഗതാഗതമന്ത്രിയുടെ നിർദേശപ്രകാരം എല്ലാ മണ്ഡലങ്ങളിലും എംഎൽഎമാരുടെ അധ്യക്ഷതയിൽ പ്രത്യേക യോഗങ്ങൾ ചേർന്നിരുന്നു. അതുപ്രകാരമാണ് വിവിധ പ്രദേശങ്ങളിൽ ആവശ്യമുള്ള ബസ് പെർമിറ്റുകൾക്ക് സംബന്ധിച്ച നിർദേശങ്ങൾ നല്കിയത്. എന്നാൽ ഇത് ആർടിഎ യോഗം പരിഗണിച്ചിട്ടില്ലെന്നും എംഎൽഎ ചൂണ്ടിക്കാട്ടി. എൽപിഎസ്ടി, യുപിഎസ്ടി ഒഴിവുകളിൽ നിയമനം ജില്ലയിൽ എല്‍പിഎസ്ടി, യുപിഎസ്ടി, എല്‍ഡിസി തസ്തികളിലേക്കുള്ള പി എസ് സി ലിസ്റ്റുകളുടെ കാലാവധി അവസാനിക്കാനിരിക്കേ നിലവിൽ ഒഴിവുള്ള തസ്തികകളിൽ നിയമനം നടത്തുന്നതിന് അടിയന്തിര നടപടി സ്വീകരിക്കണമെന്ന് ഇ.ചന്ദ്രശേഖരന്‍ എംഎല്‍എ ആവശ്യപ്പെട്ടു. ബേഡഡുക്ക ആട് ഫാം അടുത്ത മാസം ഉദ്ഘാടനം ബേഡഡുക്കയിലെ നിർദിഷ്ട ആട് ഫാം അടുത്ത മാസം ഉദ്ഘാടനം ചെയ്യുമെന്നും അതിന് മുന്നോടിയായി അനുബന്ധ പ്രവൃത്തികൾ ത്വരിതപ്പെടുത്തണമെന്നും സി.എച്ച്. കുഞ്ഞമ്പു എംഎല്‍എ ജില്ലാ വികസനസമിതി യോഗത്തിൽ പറഞ്ഞു. ആട് ഫാമിന്‍റെ നിർമാണ്രവൃത്തികൾ പൂര്‍ത്തീകരിച്ചതായും അതിന്‍റെ തുക അനുവദിക്കുന്നതിനുള്ള നടപടികള്‍ സ്വീകരിച്ചുവരുന്നതായും കാസര്‍ഗോഡ് വികസന പാക്കേജ് സ്‌പെഷ്യല്‍ ഓഫീസര്‍ അറിയിച്ചു. ആവശ്യമായ ജീവനക്കാരെ നിയമിക്കല്‍, വാഹനം ലഭ്യമാക്കല്‍, ഫാം ഓഫീസിലേക്ക് ഫര്‍ണിച്ചറുകളും കമ്പ്യൂട്ടറുകളും ലഭ്യമാക്കല്‍ എന്നിവയ്ക്കായി ഡയറക്ടറേറ്റിലേക്ക് പ്രപ്പോസല്‍ നല്കിയിട്ടുണ്ടെന്ന് ജില്ലാ മൃഗസംരക്ഷണ ഓഫീസര്‍ അറിയിച്ചു. ഫാമിലേക്ക് കാഷ്വല്‍ തൊഴിലാളികളെ നിയമിക്കുന്നതിനായി ലഭിച്ച അന്‍പതോളം അപേക്ഷകള്‍ തുടര്‍നടപടികള്‍ക്കായി ബന്ധപ്പെട്ടവർക്ക് അയച്ചുകൊടുത്തതായും അദ്ദേഹം അറിയിച്ചു. ദേശീയപാതകൾ തമ്മില്‍ ബന്ധിപ്പിക്കും ചെറുവത്തൂർ മട്ടലായിക്കുന്നില്‍ പഴയ ദേശീയപാതയും പുതിയതും തമ്മിൽ ബന്ധിപ്പിക്കുന്ന പ്രവൃത്തി ഈ മാസം 31 നകം പൂര്‍ത്തീകരിക്കുമെന്ന് നിര്‍മാണ കരാർ കമ്പനിയായ മേഘ എൻജിനീയറിംഗിന്‍റെ പ്രതിനിധികൾ ജില്ലാ വികസന സമിതി യോഗത്തില്‍ ഉറപ്പുനല്കി. ജനങ്ങള്‍ക്ക് ബുദ്ധിമുട്ടുണ്ടാക്കാത്ത വിധത്തിൽ മഴക്കാലത്തിനു മുമ്പ് പ്രവൃത്തി പൂര്‍ത്തിയാക്കാന്‍ സാധിക്കണമെന്ന് എം.രാജഗോപാലന്‍ എംഎല്‍എ നിർദേശിച്ചു. ഉപ്പുവെള്ളം കയറുന്നത് തടയാൻ കരിങ്കൽഭിത്തി നീലേശ്വരം നഗരസഭയിലെ തൈക്കടപ്പുറം, അഴിത്തല പ്രദേശങ്ങളിൽ ഉപ്പുവെള്ളം കയറുന്നത് തടയാൻ 2.20 കോടി രൂപ ചെലവിൽ കരിങ്കല്‍ ഭിത്തി നിര്‍മിക്കാൻ നിർദേശം സമർപ്പിച്ചിട്ടുണ്ടെന്ന് ജലവിഭവ വകുപ്പ് എക്‌സിക്യൂട്ടീവ് എൻജിനീയര്‍ യോഗത്തിൽ അറിയിച്ചു.

സാമൂഹ്യശാസ്ത്ര അധ്യാപകർക്ക് യാത്രയയപ്പ് നൽകി

കാഞ്ഞങ്ങാട്: ജില്ലയിലെ സാമൂഹ്യശാസ്ത്ര അധ്യാപകരുടെ കൂട്ടായ്മയായ ഗാലക്‌സിയുടെ നേതൃത്വത്തില്‍ വിരമിക്കുന്ന അംഗങ്ങളായ അധ്യാപകര്‍ക്ക് യാത്രയയപ്പ് നല്‍കി. രാജ് റസിഡന്‍സിയില്‍ നടന്ന പരിപാടി ജില്ലവിദ്യാഭ്യാസ ഡെപ്യൂട്ടി ഡയറക്ടര്‍ ഓഫീസര്‍ ടി.വി.മധുസൂദനന്‍ ഉദ്ഘാടനം ചെയ്തു. നഗരസഭ ചെയര്‍പേഴ്‌സണ്‍ കെ.വി.സുജാത അധ്യക്ഷത വഹിച്ചു. സാഹിത്യകാരന്‍ പി.വി.ഷാജികുമാര്‍ വിശിഷ്ടാതിഥിയായി. ഡിഇഒ വി.ദിനേശ മുഖ്യാതിഥിയായി. എച്ച്.സരസ്വതി, എം.സതി, പി.ദിനേശന്‍, കെ.പത്മിനി, സി. അനിത, തോമസ് മാത്യു, എസ്.ഗണേഷ് കുമാര് എന്നിവര്‍ക്കാണ് യാത്രയയപ്പ് നല്‍കിയത്. ഹെഡ്മാസ്റ്റര്‍ ഫോറം കണ്‍വീനര്‍ അബ്ദുള്‍ ബഷീര്‍, കെ.മനീഷ് ബാബു, എം.ദേവദാസ്, ഷില്‍സി ചന്ദ്രന്‍ എന്നിവര്‍ സംസാരിച്ചു.

മലബാര്‍ മാംഗോ ഫെസ്റ്റ് സമാപിച്ചു

പടന്നക്കാട്: കാര്‍ഷിക കോളജില്‍ നടന്ന മലബാര്‍ മാംഗോ ഫെസ്റ്റ് സമാപിച്ചു. മാമ്പഴ വിപണനത്തോടൊപ്പം തൈവില്പനയും നല്ല രീതിയില്‍ നടന്നു. 26 ഇനങ്ങളില്‍ ഉള്ള മാമ്പഴങ്ങളാണ് വില്‍പ്പനയ്ക്കായി ഒരുക്കിയത്. ഏകദേശം എട്ടു ടണ്ണോളം മാമ്പഴമാണ് നാലു ദിവസം കൊണ്ട് വിറ്റു പോയത്. ബംഗനപള്ളി, സിന്ദൂരം, മൂവാണ്ടന്‍, കേസര്‍, നീലം മുതലായവയ്ക്ക് മേളയില്‍ ആവശ്യക്കാര്‍ ഏറെയായിരുന്നു. വിത്തിനങ്ങളില്‍ കോളജിന്‍റെ തനതായ വെറൈറ്റി ഫിറാംഗിക്കും എക്‌സോട്ടിക് വെറൈറ്റി ആയ അഭിയുവും മേളയില്‍ താരമായി മാറി. കേരള കാര്‍ഷിക സര്‍വകലാശാല വൈസ് ചാന്‍സിലര്‍ ഡോ.ബി.അശോക് ഫെസ്റ്റ് സന്ദര്‍ശിച്ചു. ഫെസ്റ്റിനെ ആദ്യം യൂണിവേഴ്‌സിറ്റി തലത്തിലേക്കും പിന്നീട് ദക്ഷിണേന്ത്യയെ മുഴുവനായി ആകര്‍ഷിക്കുന്ന മാംഗോ ആന്‍ഡ് എക്‌സോട്ടിക് ഫ്രൂട്ട് ഫെസ്റ്റായും വളര്‍ത്താനുള്ള സാധ്യതകളെപ്പറ്റി ആലോചിക്കുന്നുണ്ടെന്ന് ഡോ.ബി.അശോക് പറഞ്ഞു. ലോക ബാങ്കിന്‍റെയും മറ്റു വിപണന സാധ്യതകളിലൂടെയുള്ള ഫണ്ടിംഗിലൂടെയും മാംഗോ ഫെസ്റ്റിനെ ഒരു നാഷണല്‍ അഗ്രികള്‍ച്ചര്‍ ഇവന്‍റ് എന്ന രീതിയില്‍ വളര്‍ത്തിയെടുക്കുന്നതിനുള്ള സാധ്യതകള്‍ തിരയുകയാണെന്നും അദ്ദേഹം പറഞ്ഞു. ഡല്‍ഹിയില്‍ വര്‍ഷങ്ങളായി നടന്നുവരുന്ന നാഷണല്‍ മാംഗോ ഫെസ്റ്റിവല്‍ മോഡലിലേക്ക് ഫെസ്റ്റിനെ ഘട്ടംഘട്ടമായി ഉയര്‍ത്തി കൊണ്ടുവരാമെന്നും അതിനുള്ള നടപടികള്‍ പുരോഗമിച്ചു കൊണ്ടിരിക്കുകയാണെന്നും വൈസ് ചാന്‍സിലര്‍ അറിയിച്ചു. മൂന്നുമണിക്കൂറോളം കോളജില്‍ ചെലവഴിച്ച അദ്ദേഹം മാമ്പഴ രുചി ഭേദങ്ങള്‍ ആസ്വദിച്ച ശേഷമാണ് അദ്ദേഹം മടങ്ങിയത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]