നീ​ലേ​ശ്വ​രം: കാ​ർ​ഷി​ക സ​ർ​വ​ക​ലാ​ശാ​ല​യ്ക്കു കീ​ഴി​ൽ നീ​ലേ​ശ്വ​രം ക​രു​വാ​ച്ചേ​രി​യി​ലു​ള്ള തോ​ട്ട​ത്തി​ന്‍റെ ഒ​രു​ഭാ​ഗം ദേ​ശീ​യ​പാ​ത വി​ക​സ​ന​ത്തി​നാ​യി വി​ട്ടു​കൊ​ടു​ക്കേ​ണ്ടി​വ​ന്ന​പ്പോ​ൾ മു​റി​ച്ചു​മാ​റ്റേ​ണ്ടി​വ​ന്ന​ത് നാ​ട​നും അ​പൂ​ർ​വ ഇ​ന​ങ്ങ​ളു​മ​ട​ക്ക​മു​ള്ള മാ​വു​ക​ളാ​ണ്.

പ​ക്ഷേ ആ ​ന​ഷ്ട​ത്തെ ഇ​പ്പോ​ൾ കാ​ർ​ഷി​ക സാ​ങ്കേ​തി​ക​വി​ദ്യ​യി​ലൂ​ടെ നി​ക​ത്താ​നൊ​രു​ങ്ങു​ക​യാ​ണ് ഉ​ത്ത​ര​മേ​ഖ​ലാ കാ​ർ​ഷി​ക ഗ​വേ​ഷ​ണ​കേ​ന്ദ്രം. മു​റി​ച്ചു​മാ​റ്റേ​ണ്ടി​വ​ന്ന എ​ല്ലാ മാ​വു​ക​ളു​ടെ​യും ഗ്രാ​ഫ്റ്റ് ചെ​യ്തെ​ടു​ത്ത തൈ​ക​ളാ​ണ് തോ​ട്ട​ത്തി​ൽ വീ​ണ്ടും വ​ള​ർ​ത്തി​യെ​ടു​ക്കു​ന്ന​ത്.

ത​ന​ത് ഇ​ന​ങ്ങ​ളാ​യി ഇ​വി​ടെ സം​ര​ക്ഷി​ക്കു​ന്ന​തി​നൊ​പ്പം ക​ർ​ഷ​ക​ർ​ക്ക് വി​ല്പ​ന ന​ട​ത്താ​നാ​യും തൈ​ക​ൾ ഒ​രു​ക്കി​യി​ട്ടു​ണ്ട്. വി​വി​ധ ഇ​ന​ങ്ങ​ളി​ൽ പെ​ട്ട മു​പ്പ​തി​ല​ധി​കം പു​തി​യ മാ​വു​ക​ളാ​ണ് തോ​ട്ട​ത്തി​ൽ വ​ള​ർ​ന്നു​വ​രു​ന്ന​ത്. കേ​സ​രി, വെ​ള്ള​രി കു​ളു​മ്പ​ൻ, ച​ന്ദ്ര​ക്കാ​ര​ൻ, മ​ൽ​ഗോ​വ, മെ​ർ​ക്കു​റി, സു​വ​ർ​ണ​രേ​ഖ, കാ​ലാ​പാ​ടി, ഫി​റ​ങ്കി​ല​ഡു​വ, പ​ന​ക്കാ​ൽ, ക​ർ​പ്പൂ​രം, നീ​ലം, ബം​ഗ​ളൂ​രു, കു​റ്റ്യാ​ട്ടൂ​ർ എ​ന്നി​വ​യെ​ല്ലാം ഇ​ക്കൂ​ട്ട​ത്തി​ലു​ണ്ട്.

ഞെ​ട്ടി​ന​ടു​ത്ത് അ​ല്പം കു​ഴി​ഞ്ഞ് കാ​ണ​പ്പെ​ടു​ന്ന വ​ലി​പ്പ​മേ​റി​യ നാ​ട്ടു​മാ​ങ്ങ, നീ​ലം, അ​ൽ​ഫോ​ൻ​സ, ബം​ഗ​ന​പ്പ​ള്ളി തു​ട​ങ്ങി​യ ജ​ന​പ്രി​യ ഇ​ന​ങ്ങ​ൾ വ​ള​ർ​ച്ച​യും പ്ര​തി​രോ​ധ​ശേ​ഷി​യും കൂ​ടി​യ നാ​ട​ൻ ഇ​ന​ങ്ങ​ളി​ൽ ഗ്രാ​ഫ്റ്റ് ചെ​യ്ത് വ​ള​ർ​ത്തി​യെ​ടു​ക്കു​ന്ന മാ​വു​ക​ൾ തു​ട​ങ്ങി​യ​വ ശ്ര​ദ്ധേ​യ​മാ​ണ്.

ഇ​തോ​ടൊ​പ്പം അ​ന്യം​നി​ന്നു​പോ​കു​ന്ന പ​ര​മ്പ​രാ​ഗ​ത നാ​ട്ടു​മാ​വി​ന​ങ്ങ​ൾ​ക്കും ഇ​ട​മൊ​രു​ക്കി​യി​ട്ടു​ണ്ട്.