ചാത്തന്നൂർ : ഭാവി തലമുറയുടെ ആവശ്യങ്ങൾക്ക് മുൻഗണന നൽകി കൊണ്ട് സുസ്ഥിര വികസനത്തിന്റെ കേന്ദ്രമായി കൊല്ലത്തെ മാറ്റിയെടുക്കാൻ എൻ.കെ. പ്രേമചന്ദ്രന് കഴിഞ്ഞതായി ഐഎൻറ്റിയുസി ജില്ലാ പ്രസിഡന്റ് എ. കെ .ഹഫീസ് അഭിപ്രായപ്പെട്ടു.
യുഡിഎഫ് സ്ഥാനാർഥി എൻ.കെ പ്രേമചന്ദ്രന്റെ പരവൂർ ബ്ലോക്കിലെ സ്വീകരണം കല്ലുവാതുക്കൽ പാറയിൽ ജംഗ്ഷനിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
യുഡിഎഫ് കല്ലുവാതുക്കൽ മണ്ഡലം ചെയർമാൻ വട്ടക്കുഴി മുരളി അധ്യക്ഷത വഹിച്ചു. കെപിസിസി അംഗം നെടുങ്ങോലം രഘു , ആർഎസ്പി കേന്ദ്ര കമ്മിറ്റി അംഗം കെ.ജയകുമാർ, ഡിസിസി ജനറൽ സെക്രട്ടറിമാരായ എസ്.ശ്രീലാൽ, പി.പ്രദീഷ് കുമാർ, ആർഎസ്പി സംസ്ഥാന കമ്മിറ്റി അംഗം ബിന്നി നാവായ്കുളം, ഡോ.നടയ്ക്കൽ ശശി,ബ്ലോക്ക് കോൺഗ്രസ് കമ്മിറ്റി പ്രസിഡന്റു മാരായ അഡ്വ.ലത മോഹൻദാസ്, ബിജു വിശ്വരാജൻ, ജനറൽ കൺവീനർ ഷാലു.വി.ദാസ് സുൾഫിക്കർ,രാജൻ കുറുപ്പ്, വിഷ്ണു കല്ലുവാതുക്കൽ തുടങ്ങിയവർ പ്രസംഗിച്ചു
കല്ലുവാതുക്കൽ,പാരിപ്പളളി, പൂതക്കുളം നോർത്ത് , പൂതക്കുളം സൗത്ത് ,പരവൂർ ,പരവൂർ നോർത്ത് മണ്ഡലങ്ങളിലാണ് സ്വീകരണ പര്യടന പരിപാടികൾ സംഘടിപ്പിച്ചത്.തുറന്ന വാഹനത്തിൽ നൂറ് കണക്കിന് ഇരുചക്ര വാഹനങ്ങളുടെ അകമ്പടിയോടെ സ്ഥാനാർഥിയെ വരവേറ്റത്.അമ്പതിലേറെ സ്വീകരണ യോഗങ്ങളിൽ യുഡിഎഫ് നേതാക്കളായ എ.ഷുഹൈബ്,പരവൂർ സജീബ്,കെ.സുജയ്കുമാർ, വി.കെ.സുനിൽകുമാർ, റാം കുമാർരാമൻ,പാരിപ്പളളി വിനോദ് ,സുധീർ ചെല്ലപ്പൻ, തുടങ്ങിയവർ പ്രസംഗിച്ചു.