ഇന്ത്യ ന്യൂസിലൻഡ് ഒന്നാം ടെസ്റ്റിൽ നിന്ന്.
വെല്ലിംഗ്ടൺ: ഇന്ത്യയ്ക്കെതിരായ ഒന്നാം ടെസ്റ്റിൽ ന്യൂസിലൻഡിന് ഭേദപ്പെട്ട സ്കോർ. ഇന്ത്യൻ പേസർമാരുടെ തീപാറും ബൗളിങ്ങിൽ തുടക്കത്തിൽ തകർന്നടിഞ്ഞ ന്യൂസിലൻഡ് മധ്യനിരയുടെ കരുത്തിൽ ശക്തമായ തിരിച്ചുവരവ് നടത്തി. ആദ്യ ദിനം കളി നിർത്തുമ്പോൾ അഞ്ച് വിക്കറ്റ് നഷ്ടത്തിൽ 243 റൺസെന്ന മികച്ച നിലയിലാണ് ആതിഥേയർ.
ടോസ് നേടിയ ഇന്ത്യൻ ക്യാപ്റ്റൻ ശുഭ്മാൻ ഗിൽ ന്യൂസിലൻഡിനെ ബാറ്റിംഗിന് അയക്കുകയായിരുന്നു. പേസർമാരുടെ കൃത്യതയാർന്ന പന്തുകൾക്ക് മുന്നിൽ തകർന്ന കിവീസിന്റെ അഞ്ച് മുൻനിര വിക്കറ്റുകൾ വെറും 70 റൺസിനിടെയാണ് നഷ്ടമായത്. ക്യാപ്റ്റൻ ടോം ലാതം (0), ഡെവൻ കോൺവെ (നാല്), രചിൻ രവീന്ദ്ര (15), ഡാരിൽ മിച്ചൽ (ഒന്ന് ), ടോം ബ്ലണ്ടൽ (അഞ്ച്) എന്നിവർ വേഗത്തിൽ മടങ്ങി.
എന്നാൽ അഞ്ചിന് 70 എന്ന നിലയിൽ തകർന്ന ന്യൂസിലൻഡിന് തുണയായത് ഹെൻറി നിക്കോൾസും ഗ്ലെൻ ഫിലിപ്സുമാണ്. ആറാം വിക്കറ്റിൽ ഒത്തുചേർന്ന ഇരുവരും ഇന്ത്യൻ ബൗളർമാരുടെ പ്രതീക്ഷകൾ തകർത്തു. ഹെൻറി നിക്കോൾസ് 113 റൺസുമായും ഗ്ലെൻ ഫിലിപ്സ് 94 റൺസുമായും ക്രീസിലുണ്ട്. ഇന്ത്യയ്ക്കായി ജസ്പ്രീത് ബുംറ മൂന്ന് വിക്കറ്റുകൾ വീഴ്ത്തി. അൻഷുൽ കംബോജും ആകാശ് ദീപും ഓരോ വിക്കറ്റ് വീതവും സ്വന്തമാക്കി.
Tags : TestCricket NewZealand India Cricket HenryNicholls GlennPhillips Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash