Kerala News
ഇടുക്കിയിലെ ജലനിരപ്പ് 2337.28 അടി
ഇടുക്കിയിലെ ജലനിരപ്പ് 2337.28 അടി
Friday, May 3, 2024 4:51 AM IST
ജെ​യി​സ് വാ​ട്ട​പ്പി​ള്ളി​ൽ

തൊ​ടു​പു​ഴ: ച​രി​ത്ര​ത്തി​ൽ ആ​ദ്യ​മാ​യി സം​സ്ഥാ​ന​ത്ത് ദി​വ​സ​ങ്ങ​ളാ​യി പ്ര​തി​ദി​ന വൈ​ദ്യു​തി ഉ​പ​ഭോ​ഗം പ​ത്തു​കോ​ടി യൂ​ണി​റ്റി​നു മു​ക​ളി​ൽ തു​ട​രു​ക​യും ഇ​ടു​ക്കി​ ഉ​ൾ​പ്പെ​ടെ​യു​ള്ള അ​ണ​ക്കെ​ട്ടു​ക​ളി​ലെ ജ​ല​നി​ര​പ്പ് അ​തി​വേ​ഗം താ​ഴു​ക​യും ചെ​യ്യു​ന്ന​ത് ആ​ശ​ങ്ക​ സൃ​ഷ്ടി​ക്കു​ന്നു. വേ​ന​ൽ​മ​ഴ​യി​ൽ ഇ​തു​വ​രെ 61 ശ​ത​മാ​നം കു​റ​വാ​ണ് രേ​ഖ​പ്പെ​ടു​ത്തി​യി​ട്ടു​ള്ള​ത്.

സം​സ്ഥാ​ന​ത്തെ എ​ല്ലാ അ​ണ​ക്കെ​ട്ടു​ക​ളി​ലു​മാ​യി നി​ല​വി​ൽ 34 ശ​ത​മാ​നം വെ​ള്ളം മാ​ത്ര​മാ​ണു​ള്ള​ത്. ഇ​ന്ന​ലെ രാ​വി​ലെ ഏ​ഴി​ന് ഇ​ടു​ക്കി​യി​ലെ ജ​ല​നി​ര​പ്പ് 2337.28 അ​ടി​യാ​ണ്. സം​ഭ​ര​ണശേ​ഷി​യു​ടെ 35 ശ​ത​മാ​ന​മാ​ണി​ത്. ക​ഴി​ഞ്ഞ വ​ർ​ഷം ഇ​തേ ദി​വ​സം 2332.08 അ​ടി​യാ​യി​രു​ന്നു (32 ശ​ത​മാ​നം). നി​ല​വി​ൽ 777.48 ദ​ശ​ല​ക്ഷം യൂ​ണി​റ്റ് വൈ​ദ്യു​തി ഉ​ത്പാ​ദി​പ്പി​ക്കാ​നു​ള്ള വെ​ള്ളം മാ​ത്ര​മാ​ണ് അ​വ​ശേ​ഷി​ക്കു​ന്ന​ത്.

ക​ഴി​ഞ്ഞ വ​ർ​ഷം മ​ണ്‍സൂ​ണ്‍ ശ​ക്ത​മാ​കാ​തി​രു​ന്ന​തി​നാ​ൽ ഇ​ടു​ക്കി​യി​ലെ ജ​ല​നി​ര​പ്പ് 70 ശ​ത​മാ​ന​ത്തി​ൽ താ​ഴെ​യാ​യി​രു​ന്നു. അ​തി​നാ​ൽ ഏ​റെ ക​രു​ത​ലോ​ടെ​യാ​ണ് മൂ​ല​മ​റ്റ​ത്ത് വൈ​ദ്യു​തോ​ത്പാ​ദ​നം ന​ട​ത്തി​വ​ന്ന​ത്.

വേ​ന​ലി​ൽ ഇ​വി​ടെ ശ​രാ​ശ​രി 10 മു​ത​ൽ 12 ദ​ശ​ല​ക്ഷം യൂ​ണി​റ്റ് വൈ​ദ്യു​തി വ​രെ ഉ​ത്പാ​ദി​പ്പി​ച്ചി​രു​ന്നെ​ങ്കി​ൽ ക​ഴി​ഞ്ഞ മാ​ർ​ച്ചി​ൽ മൂ​ന്നു​ ദ​ശ​ല​ക്ഷം യൂ​ണി​റ്റ് മാ​ത്ര​മാ​യി​രു​ന്നു ഉ​ത്പാ​ദ​നം.

ചൂ​ട് കൂ​ടു​ക​യും ഉ​പ​യോ​ഗം കു​ത്ത​നെ ഉ​യ​രു​ക​യും ചെ​യ്ത​തോ​ടെ ക​ഴി​ഞ്ഞ മാ​സം മു​ത​ൽ ഉ​ത്പാ​ദ​ന​ത്തി​ൽ വ​ർ​ധ​ന​വ​രു​ത്തി. മ​ഴ​ക്കാ​ലം ആ​രം​ഭി​ക്കാ​ൻ ഇ​നി​യും ഒ​രു​മാ​സം ശേ​ഷി​ക്കെ സം​സ്ഥാ​ന​ത്ത് വൈ​ദ്യു​തോ​ത്പാ​ദ​നം ക​ടു​ത്ത പ്ര​തി​സ​ന്ധി​യി​ലേ​ക്കാ​ണ് നീ​ങ്ങു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.