ജീപ്പ് മറിഞ്ഞ് റിട്ട.അധ്യാപിക മരിച്ചു : Deepika.com Kerala News |

Click here for detailed news of all items

ജീപ്പ് മറിഞ്ഞ് റിട്ട.അധ്യാപിക മരിച്ചു

Thursday, May 16, 2024 12:37 AM IST

കോലഞ്ചേരി: കൊച്ചി-ധനുഷ്കോടി ദേശീയപാതയിൽ ശാസ്താമുകളിനടുത്ത് പാലച്ചുവടിൽ നിയന്ത്രണം വിട്ട ജീപ്പ് കുഴിയിലേക്കു മറിഞ്ഞ് റിട്ട.അധ്യാപിക മരിച്ചു. മൂന്നു പേർക്ക് പരിക്കേറ്റു.

മാമല സ്വദേശിനിയായ ബീന (61) യാണു മരിച്ചത്. ഭർത്താവ് സാജു ഏബ്രഹാം (62), സാജുവിന്‍റെ പിതൃ സഹോദരപുത്രൻ തുരുത്തിയിൽ ബിജു (58), ഭാര്യ സൂസൻ (54) എന്നിവർക്കാണു പരിക്കേറ്റത്.

ഇവരെ എറണാകുളം മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ചു. യുവനടൻ മാത്യുവിന്‍റെ മാതാപിതാക്കളാണ് ബിജുവും സൂസനും. മാത്യുവിന്‍റെ ജ്യേഷ്ഠനാണ് വാഹനം ഓടിച്ചിരുന്നത്. ഇന്നലെ പുലർച്ചെ 12.30 ഓടെ മാമല കേരള റബർ കന്പനിക്ക് എതിർവശത്തായിരുന്നു അപകടം.

വേങ്ങൂരിൽ അടുത്ത ബന്ധുവിന്‍റെ മരണവീട് സന്ദർശിച്ച് മൂവാറ്റുപുഴ ഭാഗത്തുനിന്നും തിരികെ വന്ന അഞ്ചംഗ സംഘം സഞ്ചരിച്ചിരുന്ന ജീപ്പാണ് അപകടത്തിൽപ്പെട്ടത്.

ബീനയുടെ സംസ്കാരം ഇന്ന് 2.30 ന് കടുങ്ങമംഗലം സെന്‍റ് പീറ്റേഴ്സ് ആൻഡ് സെന്‍റ് പോൾസ് യാക്കോബായ പള്ളിയിൽ. പള്ളുരുത്തി എസ്ഡിപിവൈ ഹയർ സെക്കൻഡറി സ്കൂളിൽ അധ്യാപികയായിരുന്നു.

ഭർത്താവ് സാജു ഖാദി ബോർഡ് റിട്ട.ഉദ്യോഗസ്ഥനാണ്. മക്കൾ: ശിൽപ, ഡോ. ആഷിഖ്. മരുമകൻ: ജോണ്‍ തോമസ് (മാനേജർ, എസ്ബിഐ കാഞ്ഞിരമറ്റം).

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.