സ്‌പോട്ട് അഡ്മിഷന്‍ കൗണ്‍സലിംഗ്
Wednesday, July 16, 2025 1:32 AM IST
കൊച്ചി: മമ്മൂട്ടിയുടെ വിദ്യാമൃതം സൗജന്യ വിദ്യാഭ്യാസ പദ്ധതിയിലൂടെ എന്‍ജിനിയറിംഗ്, പോളിടെക്‌നിക്, ഫര്‍മസി കോഴ്‌സുകള്‍ പഠിക്കാനുള്ള സ്‌പോട്ട് അഡ്മിഷന്‍ കൗണ്‍സലിംഗ് വയനാട്, ബത്തേരി പിഡബ്ല്യുഡി റസ്റ്റ് ഹൗസ് ഹാളില്‍ നാളെ നടക്കും. താത്പര്യമുള്ള വിദ്യാര്‍ഥികള്‍ രാവിലെ 10.30ന് മുന്പ് അസല്‍ സര്‍ട്ടിഫിക്കറ്റുകളുമായി എത്തിച്ചേരേണ്ടതാണ്.
മമ്മൂട്ടി നേതൃത്വം നല്‍കുന്ന കെയര്‍ ആന്‍ഡ് ഷെയര്‍ ഇന്‍റര്‍നാഷണല്‍ ഫൗണ്ടേഷനും എംജിഎം ഗ്രൂപ്പും സംയുക്തമായി നടപ്പാക്കുന്ന വിദ്യാമൃതം സൗജന്യ വിദ്യാഭ്യാസ പദ്ധതിയിലൂടെ സാമ്പത്തികമായി പിന്നാക്കം നില്‍ക്കുന്ന മിടുക്കരായ വിദ്യാര്‍ഥികള്‍ക്ക് എന്‍ജിനിയറിംഗ്, പോളിടെക്‌നിക്, ഫാര്‍മസി കോഴ്‌സുകള്‍ പഠിക്കാനാണ് അവസരം ലഭിക്കുന്നത്.
എംജിഎം ഗ്രൂപ്പിന്‍റെ എറണാകുളം, വളാഞ്ചേരി എന്നിവിടങ്ങളിലെ എന്‍ജിനിയറിംഗ് കോളജുകളിലെ വിവിധ ബിടെക് കോഴ്‌സുകളിലേക്കും കിളിമാനൂര്‍, എറണാകുളം, കണ്ണൂര്‍, വളാഞ്ചേരി എന്നിവിടങ്ങളിലെ പോളിടെക്‌നിക് കോളജുകളിലെ വിവിധ ഡിപ്ലോമ കോഴ്‌സുകളിലേക്കും കിളിമാനൂര്‍, എറണാകുളം, കണ്ണൂര്‍, വളാഞ്ചേരി എന്നിവിടങ്ങളിലെ ഫാര്‍മസി കോളജുകളിലെ ഫര്‍മസി കോഴ്‌സുകളിലേക്കുമാണ് പ്രവേശനത്തിന് അവസരം.
എംജിഎം സില്‍വര്‍ ജൂബിലി സ്‌കോളര്‍ഷിപ് സ്‌കീമിലും പ്രവേശനം നേടാം. കൂടുതല്‍ വിവരങ്ങള്‍ക്ക് ഫോണ്‍: 99464 85111, 99464.