സ്പെയിൻ ഇൻ
സ്പെയിൻ ഇൻ
Saturday, July 3, 2021 1:28 AM IST
സെ​ന്‍റ് പീ​റ്റേ​ഴ്സ്ബ​ർ​ഗ്: യൂ​റോ 2020 ഫു​ട്ബോ​ൾ ആ​ദ്യ ക്വാ​ർ​ട്ട​ർ പോ​രാ​ട്ട​ത്തി​ൽ ഷൂ​ട്ടൗ​ട്ടി​ലൂ​ടെ 3-1ന് ​സ്വി​റ്റ്സ​ർ​ല​ൻ​ഡി​നെ കീ​ഴ​ട​ക്കി സ്പെ​യി​ൻ സെ​മി​യി​ൽ. നി​ശ്ചി​ത സ​മ​യ​ത്തും അ​ധി​ക സ​മ​യ​ത്തും 1-1 സ​മ​നി​ല​യി​ലാ​യ​തോ​ടെ​യാ​ണ് മ​ത്സ​രം ഷൂ​ട്ടൗ​ട്ടി​ലേ​ക്ക് നീ​ണ്ട​ത്. ഷൂ​ട്ടൗ​ട്ടി​ൽ സ്വി​റ്റ്സ​ർ​ല​ൻ​ഡി​ന്‍റെ ഷ്ഹാ​ർ, കാ​ൻ​ജി, വ​ർ​ഗ​സ് എ​ന്നി​വ​ർ കി​ക്ക് ന​ഷ്ട​പ്പെ​ടു​ത്തി. ബു​സ്ക്വെ​റ്റ്സ്, റോ​ഡ്രി എ​ന്നി​വ​രു​ടെ കി​ക്ക് ല​ക്ഷ്യം​ക​ണ്ടി​ല്ലെ​ങ്കി​ലും സ്പെ​യി​നി​നാ​യി ഓ​ൾ​മൊ, മൊ​റെ​നൊ, ഒ​യ​ർ​സ​ബ​ൽ എ​ന്നി​വ​ർ വ​ല​കു​ലു​ക്കി.

എ​ട്ടാം മി​നി​റ്റി​ൽ സ്പെ​യി​നി​ന്‍റെ ആ​ക്ര​മ​ണ​ത്തി​നു​ശേ​ഷം സ്വി​റ്റ്സ​ർ​ല​ൻ​ഡ് വ​ഴ​ങ്ങി​യ കോ​ർ​ണ​ർ​കി​ക്കി​ൽ​നി​ന്നാ​യി​രു​ന്നു ഗോ​ൾ പി​റ​ന്ന​ത്. കോ​ക്കെ​യു​ടെ കോ​ർ​ണ​റി​ന് ലാ​പോ​ർ​ട്ടെ ഹെ​ഡ്ചെ​യ്യാ​ൻ ശ്ര​മി​ച്ചെ​ങ്കി​ലും പ​ന്ത് ഏ​റെ ഉ​യ​ര​ത്തി​ലാ​യി​രു​ന്നു. പ​ന്ത് ക​റ​ങ്ങി​ത്തി​രി​ഞ്ഞെ​ത്തി​യ​ത് ആ​ൽ​ബ​യു​ടെ പാ​ക​ത്തി​ന്. ആ​ൽ​ബ​യു​ടെ പ​വ​ർ​ഷോ​ട്ട് ത​ട​യാ​ൻ സ്വി​സ് താ​രം സ​ക​റി​യ ശ്ര​മി​ച്ചെ​ങ്കി​ലും പ​ന്ത് അ​ദ്ദേ​ഹ​ത്തി​ന്‍റെ ബ്ലോ​ക്കി​ൽ ത​ട്ടി​ത്തെ​റി​ച്ച് വ​ല​യി​ൽ​ത​ന്നെ വി​ശ്ര​മി​ച്ചു.


1-0ന് ​സ്പെ​യി​ൻ മു​ന്നി​ൽ. സ്വി​റ്റ്സ​ർ​ല​ൻ​ഡ് ക്യാ​പ്റ്റ​നാ​യ ഗ്ര​നി​ത് സാ​ക്ക സ​സ്പെ​ൻ​ഷ​നി​ലാ​യ​തോ​ടെ പ​ക​രം പ്ലേ​യിം​ഗ് ഇ​ല​വ​ണി​ലെ​ത്തി​യ​താ​യി​രു​ന്നു സ​ക്ക​റി​യ. ര​ണ്ടാം പ​കു​തി ആ​രം​ഭി​ച്ച​ത് സ്വി​സ് മു​ന്നേ​റ്റ​ത്തോ​ടെ​യാ​യി​രു​ന്നു. തു​ട​ർ​ന്ന് ലീ​ഡ് ഉ​യ​ർ​ത്താ​ൻ സ്പെ​യി​നും ഗോ​ൾ മ​ട​ക്കാ​ൻ സ്വി​റ്റ്സ​ർ​ല​ൻ​ഡും ഇ​ഞ്ചോ​ടി​ഞ്ച് പോ​രാ​ടി. 68-ാം മി​നി​റ്റി​ൽ സ്വി​സ് പോ​രാ​ട്ടം ഫ​ലം ക​ണ്ടു. ഫ്യൂ​ളെ​റി​ന്‍റെ പാ​സി​ൽ​നി​ന്ന് ഷ​ക്കീ​രി സ്പാ​നി​ഷ് വ​ല​കു​ലു​ക്കി.

ചു​വ​പ്പിൽ തളരാതെ സ്വിസ്

77-ാം മി​നി​റ്റി​ൽ റെ​മൊ ഫ്രൂ​ള​ർ നേ​രി​ട്ടു​ള്ള ചു​വ​പ്പ് കാ​ർ​ഡി​ലൂ​ടെ പു​റ​ത്താ​യ​ത് സ്വി​റ്റ്സ​ർ​ല​ൻ​ഡി​ന്‍റെ താ​ളം തെ​റ്റി​ച്ചു. സ്വി​സ് താ​രം മൊ​റെ​നൊ​യെ ഫൗ​ൾ ചെ​യ്ത​തി​നാ​യി​രു​ന്നു ചു​വ​പ്പ് കാ​ർ​ഡ്. എ​ന്നാ​ൽ, തു​ട​ർ​ന്ന് ശേ​ഷി​ച്ച നി​ശ്ചി​ത സ​മ​യ​ത്തും പി​ന്നാ​ലെ​യെ​ത്തി​യ അ​ധി​ക സ​മ​യ​ത്തും സ്വി​റ്റ്സ​ർ​ല​ൻ​ഡ് ഗോ​ൾ വ​ഴ​ങ്ങി​യി​ല്ല. അ​തോ​ടെ മ​ത്സ​രം ഷൂ​ട്ടൗ​ട്ടി​ലേ​ക്ക് നീ​ണ്ടു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.