നൂ​റ്റാ​ണ്ടു​ക​ളാ​യി ഈ ​ലോ​ക​ത്തി​നു പ​രി​ചി​ത​മാ​യ ഒ​രു ജീ​വി​ത​ച​ര്യ​യാ​ണു സ​ന്യാ​സം. ക്രൈ​സ്ത​വ​സ​ന്യാ​സം മാ​ത്ര​മ​ല്ല, ഹൈ​ന്ദ​വ​സ​ന്യാ​സ​വും ബു​ദ്ധ, ജൈ​ന മ​ത​ങ്ങ​ളി​ലെ സ​ന്യാ​സ​ജീ​വി​ത​വു​മെ​ല്ലാം കാ​ല​ങ്ങ​ളാ​യി ന​മു​ക്കു​ മു​ന്നി​ലു​ണ്ട്.

സു​ഖ​ഭോ​ഗ​ങ്ങ​ൾ പ​രി​ത്യ​ജി​ച്ച് സ്വ​ന്തം ജീ​വി​തം സ​മൂ​ഹ​ത്തി​നു​വേ​ണ്ടി മാ​റ്റി​വ​യ്ക്കു​ന്ന​തി​ന്‍റെ സൂ​ച​ന​യാ​ണ് ഒ​രു സ​ന്യാ​സി​യു​ടെ/ സ​ന്യാ​സി​നി​യു​ടെ സ​ന്യാ​സ​വ​സ്ത്രം. സ​ന്യാ​സ​വും സ​ന്യാ​സ​വ​സ്ത്ര​വും ആ​രും ഒ​രാ​ളെ അ​ടി​ച്ചേ​ൽ​പ്പി​ക്കു​ന്ന​ത​ല്ല, പൂ​ർ​ണ​മാ​യ ബോ​ധ്യ​ത്തോ​ടെ ജീ​വി​താ​വ​സാ​നം വ​രെ സ്വീ​ക​രി​ക്കു​ന്ന​താ​ണ്. കേ​ര​ള​ത്തി​ന്‍റെ സാം​സ്‌​കാ​രി​ക പ​രി​ണാ​മ​ത്തി​ലും വി​ദ്യാ​ഭ്യാ​സ​മേ​ഖ​ല​യു​ടെ വ​ള​ർ​ച്ച​യി​ലും നി​ർ​ണാ​യ​ക​മാ​യ പ​ങ്ക് വ​ഹി​ച്ചി​ട്ടു​ള്ള വി​ഭാ​ഗ​മാ​ണു ക്രൈ​സ്ത​വ സ​ന്യ​സ്ത​ർ.
ഇ​ക്കാ​ല​ഘ​ട്ട​ത്തി​ലും ക്രൈ​സ്ത​വ ക​ത്തോ​ലി​ക്കാ സ​ന്യാ​സ​സ​മൂ​ഹ​ങ്ങ​ൾ കേ​ര​ള​ത്തി​ന്‍റെ വി​ദ്യാ​ഭ്യാ​സ​രം​ഗ​ത്തു ന​ൽ​കി​ക്കൊ​ണ്ടി​രി​ക്കു​ന്ന സേ​വ​ന​ങ്ങ​ൾ അ​തു​ല്യ​മാ​ണ്.

പ​തി​റ്റാ​ണ്ടു​ക​ളാ​യി കേ​ര​ള​ത്തി​ൽ പ്ര​വ​ർ​ത്തി​ച്ചു​വ​രു​ന്ന സെ​ന്‍റ് റീ​ത്താ​സ് പ​ബ്ലി​ക് സ്‌​കൂ​ൾ ഉ​ൾ​പ്പെ​ടെ ഇ​ന്നു സ​മാ​ന​മാ​യ രീ​തി​യി​ൽ മ​ത​ജാ​തി ഭേ​ദ​മി​ല്ലാ​തെ ല​ക്ഷ​ക്ക​ണ​ക്കി​നു വി​ദ്യാ​ർ​ഥി​ക​ൾ​ക്ക് മൂ​ല്യാ​ധി​ഷ്ഠി​ത വി​ദ്യാ​ഭ്യാ​സം പ​ക​ർ​ന്നു​ന​ൽ​കി​ക്കൊ​ണ്ടി​രി​ക്കു​ന്ന നൂ​റു​ക​ണ​ക്കി​ന് സ്‌​കൂ​ളു​ക​ളെ സം​ബ​ന്ധി​ച്ച് വ്യ​ക്ത​മാ​യ ന​യ​ങ്ങ​ളും നി​യ​മ​ങ്ങ​ളും ഭ​ര​ണ​ഘ​ട​നാ​നു​സൃ​ത​മാ​യി നി​ല​വി​ലു​ണ്ട്.

മു​സ്‌​ലിം പെ​ൺ​കു​ട്ടി​ക​ൾ​ക്കു ഹി​ജാ​ബ് ധ​രി​ക്കാ​ൻ അ​നു​മ​തി ന​ൽ​കി​യി​ട്ടു​ള്ള ഒ​ട്ടേ​റെ സ്‌​കൂ​ളു​ക​ൾ അ​ക്കൂ​ട്ട​ത്തി​ലു​ണ്ട്. എ​ന്നാ​ൽ, ഒ​രു സ്‌​കൂ​ളി​ൽ നി​ല​വി​ലു​ള്ള നി​യ​മ​ങ്ങ​ൾ വി​ദ്യാ​ർ​ഥി​ക​ൾ പാ​ലി​ക്കേ​ണ്ട​തു​ത​ന്നെ​യാ​ണ്. പെ​ട്ടെ​ന്നൊ​രു ദി​വ​സം അ​പ്ര​തീ​ക്ഷി​ത​മാ​യി സ്‌​കൂ​ളി​ന്‍റെ യൂ​ണി​ഫോം കോ​ഡ് ലം​ഘി​ച്ചു സ്‌​കൂ​ളി​ലെ​ത്തി​യ ഒ​രു വി​ദ്യാ​ർ​ഥി​നി​യു​ടെ പ്ര​വൃ​ത്തി ഇ​പ്ര​കാ​ര​മൊ​രു വ​ലി​യ വി​വാ​ദ​ത്തി​ലേ​ക്ക് എ​ത്തി​ച്ചേ​ർ​ന്ന​ത് തി​ക​ച്ചും ദൗ​ർ​ഭാ​ഗ്യ​ക​ര​മാ​ണ്.

സ​ന്യാ​സ​ജീ​വി​തം തെ​ര​ഞ്ഞെ​ടു​ത്ത പ്രി​ൻ​സി​പ്പ​ലും സ​ഹ​സ​ന്യാ​സി​നി​ക​ളും സ​ന്യാ​സ​വ​സ്ത്ര​ത്തി​ന്‍റെ ഭാ​ഗ​മാ​യ ത​ല​മു​ണ്ട് ധ​രി​ച്ചി​രി​ക്കു​ന്ന​തി​നാ​ൽ വി​ദ്യാ​ർ​ഥി​നി​യു​ടെ നി​യ​മ​ലം​ഘ​നം ചോ​ദ്യം ചെ​യ്യാ​ൻ പാ​ടി​ല്ല എ​ന്ന വാ​ദം തി​ക​ച്ചും ബാ​ലി​ശ​മാ​ണ്. വി​ദ്യാ​ഭ്യാ​സ​മ​ന്ത്രി ഉ​ൾ​പ്പെ​ടെ​യു​ള്ള​വ​ർ ഇ​ത്ത​രം വാ​ദ​ങ്ങ​ൾ ഉ​ന്ന​യി​ക്കു​ന്ന​ത് അ​പ​ല​പ​നീ​യ​മാ​ണ്.

സ്വ​ന്തം കു​ട്ടി​ക്ക് ഒ​രു പ്ര​ത്യേ​ക ദി​വ​സം മു​ത​ൽ ഹി​ജാ​ബ് ധ​രി​ച്ചു സ്‌​കൂ​ളി​ൽ എ​ത്ത​ണ​മെ​ന്ന ചി​ന്ത മാ​താ​പി​താ​ക്ക​ൾ​ക്കോ വി​ദ്യാ​ർ​ഥി​നി​ക്കോ ഉ​ട​ലെ​ടു​ത്ത പ​ക്ഷം, സ്‌​കൂ​ൾ മാ​നേ​ജ്‌​മെ​ന്‍റി​നോ​ട് അ​ക്കാ​ര്യം സം​സാ​രി​ക്കാ​ൻ മു​തി​രാ​ത്ത​തും തീ​വ്ര​സ്വ​ഭാ​വ​മു​ള്ള ചി​ല സം​ഘ​ട​ന​ക​ളു​ടെ ഇ​ട​പെ​ട​ലു​ക​ളും സം​ശ​യാ​സ്പ​ദ​മാ​ണ്. ഇ​ക്കാ​ര്യ​ത്തി​ൽ വാ​സ്ത​വ​വി​രു​ദ്ധ​മാ​യ റി​പ്പോ​ർ​ട്ട് വി​ദ്യാ​ഭ്യാ​സ​മ​ന്ത്രി​ക്കു ന​ൽ​കി തെ​റ്റി​ദ്ധാ​ര​ണ സൃ​ഷ്‌​ടി​ക്കു​ക​യും വി​ഷ​യം കൂ​ടു​ത​ൽ വ​ഷ​ളാ​ക്കു​ക​യും ചെ​യ്ത ഉ​ദ്യോ​ഗ​സ്ഥ​രും കോ​ട​തി ഉ​ത്ത​ര​വി​നെ​പ്പോ​ലും ദു​ർ​വ്യാ​ഖ്യാ​നം ചെ​യ്ത് പൊ​തു​സ​മൂ​ഹ​ത്തി​ൽ കൂ​ടു​ത​ൽ ആ​ശ​യ​ക്കു​ഴ​പ്പ​ങ്ങ​ൾ സൃ​ഷ്‌​ടി​ച്ച ചി​ല മാ​ധ്യ​മ​ങ്ങ​ളും ഇ​പ്പോ​ഴ​ത്തെ അ​വ​സ്ഥ​യ്ക്ക് ഉ​ത്ത​ര​വാ​ദി​ക​ളാ​ണ്.

ഹി​ജാ​ബ് ധാ​ര​ണം ത​ങ്ങ​ളു​ടെ അ​വ​കാ​ശ​മാ​ണെ​ന്ന, സ​മീ​പ​കാ​ല​ത്ത് ഉ​ട​ലെ​ടു​ത്ത ഒ​രു വി​ഭാ​ഗ​ത്തി​ന്‍റെ നി​ല​പാ​ട് പ​ല​പ്പോ​ഴും കോ​ട​തി ക​യ​റി പ​രാ​ജ​യ​പ്പെ​ട്ടി​ട്ടു​ള്ള​താ​ണ്. 2022ൽ ​ക​ർ​ണാ​ട​ക​യി​ൽ സ​മാ​ന​മാ​യ രീ​തി​യി​ൽ ഉ​ട​ലെ​ടു​ത്ത വി​വാ​ദ​ങ്ങ​ളെ​ത്തു​ട​ർ​ന്ന് മാ​ന​ന്ത​വാ​ടി, കാ​സ​ർ​ഗോ​ഡ് ജി​ല്ല​യി​ലെ പ​ള്ളി​ക്ക​ര, കോ​ഴി​ക്കോ​ട്, ആ​ലു​വ തു​ട​ങ്ങി​യ വി​വി​ധ​യി​ട​ങ്ങ​ളി​ലെ സ്‌​കൂ​ളു​ക​ളി​ൽ ഹി​ജാ​ബ് അ​വ​കാ​ശ​വാ​ദ​വും തു​ട​ർ​ന്നു​ണ്ടാ​യ വി​വാ​ദ​ങ്ങ​ളും കേ​ര​ളം ക​ണ്ട​താ​ണ്.

മ​ത​പ​ര​മാ​യി തീ​വ്ര നി​ല​പാ​ടു​ക​ൾ വ​ച്ചു​പു​ല​ർ​ത്തു​ന്ന ഒ​രു​കൂ​ട്ട​ർ ത​ങ്ങ​ളു​ടെ നി​ഗൂ​ഢ​മാ​യ അ​ജ​ൻ​ഡ സ്ഥാ​പി​ച്ചെ​ടു​ക്കാ​ൻ ന​ട​ത്തു​ന്ന ആ​സൂ​ത്രി​ത ശ്ര​മ​ങ്ങ​ളാ​ണോ ഇ​ത്ത​ര​ത്തി​ൽ ക​ണ്ടു​വ​രു​ന്ന​തെ​ന്ന് സം​ശ​യി​ക്കാ​വു​ന്ന​താ​ണ്. മ​ത​പ​ര​മാ​യി പ​ല​പ്പോ​ഴും അ​ടി​ച്ചേ​ൽ​പ്പി​ക്ക​പ്പെ​ടു​ന്ന​തും ഒ​ട്ടേ​റെ രാ​ജ്യ​ങ്ങ​ളി​ൽ ഇ​തേ സ​മു​ദാ​യം ഒ​ഴി​വാ​ക്കി​ക്കൊ​ണ്ടി​രി​ക്കു​ന്ന​തു​മാ​യ ഒ​രു വ​സ്ത്ര​ധാ​ര​ണ രീ​തി കേ​ര​ള​ത്തി​ൽ സ​മീ​പ​കാ​ല​ത്താ​യി അ​ടി​ച്ചേ​ൽ​പ്പി​ക്ക​പ്പെ​ടു​ന്ന​തും അ​ത്ത​രം അ​വ​കാ​ശ​വാ​ദ​ങ്ങ​ൾ വി​വാ​ദ​ങ്ങ​ൾ​ക്കും സം​ഘ​ർ​ഷ​ങ്ങ​ൾ​ക്കും കാ​ര​ണ​മാ​യി മാ​റു​ന്ന​തും ഗൗ​ര​വ​മാ​യി കാ​ണു​ക​യും പ​ഠ​ന​വി​ധേ​യ​മാ​ക്കു​ക​യും ചെ​യ്യേ​ണ്ട​താ​ണ്.

സ​ന്യാ​സീ​സ​ന്യാ​സി​നി​മാ​ർ ത​ങ്ങ​ൾ പ്ര​ത്യേ​ക​മാ​യി തെ​ര​ഞ്ഞെ​ടു​ത്ത ജീ​വി​താ​ന്ത​സി​ന്‍റെ ഭാ​ഗ​മാ​യി ലോ​ക​മെ​മ്പാ​ടും ധ​രി​ച്ചു​വ​രു​ന്ന വ​സ്ത്ര​ധാ​ര​ണ ശൈ​ലി​യെ ചോ​ദ്യം ചെ​യ്ത് ഇ​പ്ര​കാ​ര​മൊ​രു വി​ഷ​യ​ത്തെ ത​മ​സ്ക​രി​ക്കാ​നും ന്യാ​യീ​ക​രി​ക്കാ​നും ശ്ര​മി​ക്കു​ന്ന അ​ബ​ദ്ധ​ജ​ടി​ല​മാ​യ നീ​ക്ക​ങ്ങ​ൾ മ​തേ​ത​ര സ​മൂ​ഹ​ത്തി​നു യോ​ജി​ച്ച​ത​ല്ല. സ​ന്യാ​സ വ​സ്ത്ര​ത്തെ​യും മ​ത​പ​ര​മാ​യ​തും മ​ത​തീ​വ്ര​വാ​ദി​ക​ൾ സ​മീ​പ​കാ​ല​ത്താ​യി ക​ടും​പി​ടി​ത്തം പി​ടി​ക്കു​ന്ന​തു​മാ​യ വേ​ഷ​വി​ധാ​ന​ത്തെ​യും താ​ര​ത​മ്യം ചെ​യ്തു സ്വ​യം അ​പ​ഹാ​സ്യ​രാ​കാ​തി​രി​ക്കാ​ൻ മ​ന്ത്രി ഉ​ൾ​പ്പെ​ടെ​യു​ള്ള​വ​ർ ശ്ര​ദ്ധി​ക്ക​ണം. ഈ ​വി​വാ​ദ​വി​ഷ​യ​ത്തി​ൽ ഭ​ര​ണ​ഘ​ട​ന അ​നു​ശാ​സി​ക്കു​ന്ന അ​വ​കാ​ശ​ങ്ങ​ൾ​ക്കും കോ​ട​തി തീ​രു​മാ​ന​ങ്ങ​ൾ​ക്കും അ​നു​സൃ​ത​മാ​യി ഉ​ചി​ത​മാ​യ തീ​രു​മാ​ന​മെ​ടു​ക്കാ​നും ഇ​നി​യൊ​രു വി​ദ്യാ​ല​യ​ത്തി​ലും ഇ​പ്ര​കാ​ര​മു​ള്ള വി​വാ​ദ​ങ്ങ​ൾ സൃ​ഷ്‌​ടി​ക്ക​പ്പെ​ടു​ന്നി​ല്ലെ​ന്ന് ഉ​റ​പ്പു​വ​രു​ത്താ​നും സ​ർ​ക്കാ​ർ ത​യാ​റാ​ക​ണം.

വോ​യ്സ് ഓ​ഫ് ന​ൺ​സ്