വീ​ര​മ​ല​ക്കു​ന്നി​ൽ വീ​ണ്ടും ഷി​രൂ​രി​ന്‍റെ പാ​ഠം
Thursday, July 24, 2025 12:51 AM IST
ചെ​റു​വ​ത്തൂ​ർ: ദേ​ശീ​യ​പാ​ത​യി​ൽ മ​ണ്ണി​ടി​ച്ചി​ലു​ക​ളു​ണ്ടാ​കു​മ്പോ​ഴെ​ല്ലാം മ​ല​യാ​ളി​ക​ളു​ടെ മ​ന​സി​ൽ ആ​ദ്യ​മെ​ത്തു​ന്ന​ത് ഒ​രു വ​ർ​ഷം മു​മ്പു ന​ട​ന്ന ഷി​രൂ​ർ ദു​ര​ന്ത​ത്തി​ന്‍റെ ഓ​ർ​മ​ക​ളാ​ണ്. മ​ല​ക​ളു​ടെ​യും മ​ണ്ണി​ന്‍റെ​യും ഘ​ട​ന​യി​ലും സ്വ​ഭാ​വ​ത്തി​ലും ഷി​രൂ​ര്‍ ഉ​ള്‍​പ്പെ​ടു​ന്ന ക​ർ​ണാ​ട​ക​യി​ലെ കൊ​ങ്ക​ണ്‍ മേ​ഖ​ല​യോ​ട് ചേ​ര്‍​ന്നു​നി​ല്‍​ക്കു​ന്ന​താ​ണ് വ​ട​ക്ക​ൻ കേ​ര​ളം.

അ​തു​കൊ​ണ്ടു​ത​ന്നെ ഷി​രൂ​രി​ൽ ന​ട​ന്ന​തു​പോ​ലെ ഏ​റെ​ക്കു​റെ കു​ത്ത​നെ മ​ല​യി​ടി​ച്ച് ന​ട​ത്തി​യ ദേ​ശീ​യ​പാ​ത​യു​ടെ നി​ര്‍​മാ​ണം അ​പ​ക​ട​ങ്ങ​ൾ ക്ഷ​ണി​ച്ചു​വ​രു​ത്തു​മെ​ന്ന ആ​ശ​ങ്ക ഭൗ​മ​ശാ​സ്ത്ര മേ​ഖ​ല​യി​ലെ വി​ദ​ഗ്ധ​രും നാ​ട്ടു​കാ​രു​മെ​ല്ലാം ഒ​രു​പോ​ലെ പ​ങ്കു​വ​യ്ക്കു​ന്ന​താ​ണ്. ഈ ​ആ​ശ​ങ്ക ശ​രി​വ​യ്ക്കു​ന്ന ത​ര​ത്തി​ലാ​ണ് ചെ​ര്‍​ക്ക​ള​യ്ക്കും ച​ട്ട​ഞ്ചാ​ലി​നും ഇ​ട​യി​ലും വീ​ര​മ​ല​ക്കു​ന്നി​ലും പ​ല​ത​വ​ണ​യാ​യി മ​ണ്ണി​ടി​ച്ചി​ലു​ക​ള്‍ ഉ​ണ്ടാ​കു​ന്ന​ത്.

മ​ല​ക​ൾ വെ​ട്ടി​പ്പി​ള​ർ​ന്ന് റോ​ഡ് നി​ർ​മി​ക്കു​മ്പോ​ൾ ഏ​റ്റ​വും സു​ര​ക്ഷി​ത​മാ​യ ച​രി​വ് 30 ഡി​ഗ്രി​യാ​ണെ​ന്നാ​ണ് ഭൗ​മ​ശാ​സ്ത്ര വി​ദ​ഗ്ധ​ർ പ​റ​യു​ന്ന​ത്. അ​ത്ര​യും വ​ലി​യ ച​രി​വു​ണ്ടാ​ക്ക​ണ​മെ​ങ്കി​ൽ റോ​ഡ് നി​ർ​മാ​ണ​ത്തി​ന് വ​ള​രെ​യ​ധി​കം സ്ഥ​ലം ഏ​റ്റെ​ടു​ക്കേ​ണ്ടി​വ​രും. ല​ഭ്യ​മാ​യ സ്ഥ​ലം വ​ച്ച് 60-70 ഡി​ഗ്രി വ​രെ ച​രി​വി​ൽ മ​ല​യി​ടി​ച്ചാ​ലും വ​ലി​യ പ്ര​ശ്ന​ങ്ങ​ളു​ണ്ടാ​കി​ല്ലെ​ന്നാ​ണ് വി​ല​യി​രു​ത്ത​ൽ. എ​ന്നാ​ൽ വീ​ര​മ​ല​ക്കു​ന്നി​ലും ച​ട്ട​ഞ്ചാ​ൽ തെ​ക്കി​ലി​ലും ബേ​വി​ഞ്ച​യി​ലു​മൊ​ക്കെ മ​ല​യി​ടി​ച്ചി​ട്ടു​ള്ള​ത് 80 മു​ത​ൽ 90 ഡി​ഗ്രി വ​രെ ച​രി​വി​ലാ​ണ്. ഷി​രൂ​രി​ലും ഏ​റെ​ക്കു​റെ അ​ങ്ങ​നെ ത​ന്നെ​യാ​യി​രു​ന്നു.

ദേ​ശീ​യ​പാ​ത നി​ർ​മാ​ണ​ത്തി​നാ​യി ക്ര​മാ​തീ​ത​മാ​യി മ​ണ്ണി​ടി​ച്ച​തി​നെ തു​ട​ർ​ന്ന് വീ​ര​മ​ല​ക്കു​ന്നി​ൽ വി​ള്ള​ലു​ക​ൾ രൂ​പ​പ്പെ​ട്ട​താ​യി നേ​ര​ത്തേ ക​ള​ക്ട​റു​ടെ നി​ർ​ദേ​ശ​പ്ര​കാ​രം ന​ട​ത്തി​യ ഡ്രോ​ൺ പ​രി​ശോ​ധ​ന​യി​ൽ ക​ണ്ടെ​ത്തി​യി​രു​ന്നു. ജി​ല്ല​യി​ലെ മ​റ്റ് ഇ​ട​നാ​ട​ൻ കു​ന്നു​ക​ളേ​ക്കാ​ള​ധി​കം വെ​ള്ളം സം​ഭ​രി​ക്ക​പ്പെ​ടു​ന്ന ഇ​ട​മാ​ണ് വീ​ര​മ​ല​ക്കു​ന്നെ​ന്ന കാ​ര്യം ജി​ല്ലാ ദു​ര​ന്ത നി​വാ​ര​ണ അ​ഥോ​റി​റ്റി​യു​ടെ നി​ർ​ദേ​ശ​പ്ര​കാ​രം ഇ​വി​ടെ പ​രി​ശോ​ധ​ന ന​ട​ത്തി​യ ജി​യോ​ള​ജി​സ്റ്റു​ക​ളു​ടെ സം​ഘ​വും റി​പ്പോ​ർ​ട്ട് ചെ​യ്തി​രു​ന്നു.

മ​ഴ​ക്കാ​ല​ത്ത് ഇ​വി​ടെ അ​മി​ത​മാ​യ അ​ള​വി​ൽ സം​ഭ​രി​ക്ക​പ്പെ​ടു​ന്ന വെ​ള്ള​ത്തി​ന് കൃ​ത്യ​മാ​യി ഒ​ഴു​കി​പ്പോ​കാ​ൻ ക​ഴി​ഞ്ഞി​ല്ലെ​ങ്കി​ൽ അ​ത് മ​ല​യി​ടി​ച്ചി​ലി​നോ ഉ​രു​ൾ​പൊ​ട്ട​ലി​നോ വ​ഴി​വ​ച്ചേ​ക്കാ​മെ​ന്നും ഭൗ​മ​ശാ​സ്ത്ര വി​ദ​ഗ്ധ​ർ റി​പ്പോ​ർ​ട്ട് ചെ​യ്തി​രു​ന്നു. എ​ന്നാ​ൽ സം​സ്ഥാ​ന​ത്തെ ദേ​ശീ​യ​പാ​ത നി​ർ​മാ​ണ​ത്തി​ലു​ണ്ടാ​യ അ​പാ​ക​ത​ക​ൾ പ​ഠി​ക്കു​ന്ന​തി​നാ​യി ക​ഴി​ഞ്ഞ മേ​യ് മാ​സ​ത്തി​ൽ ദേ​ശീ​യ​പാ​ത അ​ഥോ​റി​റ്റി നി​യോ​ഗി​ച്ച വി​ദ​ഗ്ധ സ​മി​തി ഇ​വി​ടെ പേ​രി​നൊ​രു സ​ന്ദ​ർ​ശ​നം ന​ട​ത്തി സ്ഥ​ലം​വി​ടു​ക​യാ​യി​രു​ന്നു.

ക​ട്ടി​യു​ള്ള ചെ​ങ്ക​ല്ലി​ന്‍റെ പു​റം​പാ​ളി​യും അ​ക​ത്ത് ഇ​ള​കി​യ മ​ണ്ണു​മ​ട​ങ്ങു​ന്ന​താ​ണ് വ​ട​ക്ക​ൻ കേ​ര​ള​ത്തി​ലെ ഇ​ട​നാ​ട​ൻ ചെ​ങ്ക​ൽ​ക്കു​ന്നു​കു​ടെ ഭൂ​പ്ര​കൃ​തി. കു​ന്നി​ടി​ക്കു​മ്പോ​ൾ ഈ ​ചെ​ങ്ക​ൽ​പ്പാ​ളി ത​ക​ർ​ക്ക​പ്പെ​ടു​ന്ന​തോ​ടെ അ​ക​ത്തു​ള്ള മ​ണ്ണ് എ​പ്പോ​ൾ വേ​ണ​മെ​ങ്കി​ലും ഇ​ടി​ഞ്ഞു​വീ​ഴാ​വു​ന്ന നി​ല​യാ​ണ്. ഇ​ടി​ച്ച ഭാ​ഗ​ങ്ങ​ളി​ൽ ഇ​രു​മ്പു​ക​മ്പി​ക​ൾ തു​ര​ന്നു​ക​യ​റ്റി അ​വ​യു​ടെ പു​റ​ത്തു​കാ​ണാ​വു​ന്ന അ​റ്റം ക​മ്പി​വ​ല കൊ​ണ്ട് ബ​ന്ധി​ച്ച് അ​തി​ൽ കോ​ൺ​ക്രീ​റ്റ് സ്പ്രേ ​ചെ​യ്ത് ഉ​റ​പ്പി​ക്കു​ന്ന സോ​യി​ൽ നെ​യി​ലിം​ഗ്, ഷോ​ട്ട്ക്രീ​റ്റ് സം​ര​ക്ഷ​ണ സം​വി​ധാ​ന​ങ്ങ​ൾ ഇ​വി​ടെ പ്രാ​യോ​ഗി​ക​മ​ല്ലെ​ന്ന് ഇ​തി​ന​കം ത​ന്നെ തെ​ളി​ഞ്ഞ​താ​ണ്.

വീ​ര​മ​ല​ക്കു​ന്നി​ൽ ക​ട്ടി​യു​ള്ള കോ​ൺ​ക്രീ​റ്റ് സം​ര​ക്ഷ​ണ​ഭി​ത്തി ത​ന്നെ നി​ർ​മി​ച്ചി​ട്ടും ഇ​ത്ത​വ​ണ അ​തി​നു മു​ക​ളി​ൽ നി​ന്ന് മ​ണ്ണി​ടി​ച്ചി​ലു​ണ്ടാ​വു​ക​യാ​യി​രു​ന്നു. കു​ന്നി​ടി​ച്ച​തി​ന്‍റെ ച​രി​വ് ഇ​നി​യും കൂ​ട്ടു​ക​യും വെ​ള്ള​ത്തി​ന് ഒ​ഴു​കി​പ്പോ​കാ​ൻ കൃ​ത്യ​മാ​യി വ​ഴി​യൊ​രു​ക്കു​ക​യും ചെ​യ്യു​ക​യെ​ന്ന വ​ഴി മാ​ത്ര​മാ​ണ് ഇ​നി അ​ധി​കൃ​ത​ർ​ക്ക് മു​ന്നി​ലു​ള്ള​ത്.

ദേ​ശീ​യ​പാ​ത​യി​ല്‍ ഗ​താ​ഗ​ത ​നി​യ​ന്ത്ര​ണം

ചെ​റു​വ​ത്തൂ​ര്‍: വീ​ര​മ​ല​ക്കു​ന്നി​ല്‍ ദേ​ശീ​യ​പാ​ത​യി​ലേ​ക്ക് മ​ണ്ണി​ടി​ഞ്ഞ​തി​നെ തു​ട​ര്‍​ന്ന് ഗ​താ​ഗ​ത​നി​യ​ന്ത്ര​ണം ഏ​ര്‍​പ്പെ​ടു​ത്തി​യ​താ​യി ജി​ല്ലാ ക​ള​ക്ട​ര്‍ അ​റി​യി​ച്ചു. കാ​ഞ്ഞ​ങ്ങാ​ട് ഭാ​ഗ​ത്തു​നി​ന്ന് ചെ​റു​വ​ത്തൂ​ര്‍ പ​യ്യ​ന്നൂ​ര്‍ ഭാ​ഗ​ത്തേ​ക്ക് പോ​കു​ന്ന വാ​ഹ​ന​ങ്ങ​ള്‍ നീ​ലേ​ശ്വ​രം ദേ​ശീ​യ​പാ​ത​യി​ല്‍ നി​ന്ന് കോ​ട്ട​പ്പു​റം -മ​ട​ക്ക​ര വ​ഴി ചെ​റു​വ​ത്തൂ​ര്‍ ദേ​ശി​യ​പാ​ത​യി​ലെ​ത്തി യാ​ത്ര ചെ​യ്യ​ണം. പ​യ്യ​ന്നൂ​ര്‍ ഭാ​ഗ​ത്തു​നി​ന്ന് നി​ലേ​ശ്വ​രം - കാ​ഞ്ഞ​ങ്ങാ​ട് ഭാ​ഗ​ത്തേ​ക്ക് വ​രു​ന്ന വാ​ഹ​ന​ങ്ങ​ള്‍ കോ​ത്താ​യി​മു​ക്ക് - കാ​ങ്കോ​ല്‍ -ചി​മേ​നി ക​യ്യൂ​ര്‍ -ചാ​യ്യോ​ത്ത് വ​ഴി നീ​ലേ​ശ്വ​രം ദേ​ശീ​യ​പാ​ത​യി​ല്‍ എ​ത്ത​ണം.

ഇ​തു​കൂ​ടാ​തെ ക​രി​വെ​ള്ളൂ​ര്‍ -പാ​ല​ക്കു​ന്ന് വെ​ള​ള​ച്ചാ​ല്‍ - ചെ​മ്പ്ര​കാ​നം -ക​യ്യൂ​ര്‍ - ചാ​യ്യോ​ത്ത് വ​ഴി​യും നി​ലേ​ശ്വ​ര​ത്ത് എ​ത്തി​ച്ചേ​ര​ണം. ഇ​ന്നു​മു​ത​ല്‍ ചെ​റു​വ​ത്തൂ​ര്‍ മ​യി​ച്ച ദേ​ശീ​യ​പാ​ത​യി​ലൂ​ടെ എ​ല്ലാ ഗ​താ​ഗ​ത​വും നി​ര്‍​ത്ത​ണം. ദേ​ശീ​യ​പാ​ത​യു​ടെ സു​ര​ക്ഷാ റി​പ്പോ​ര്‍​ട്ട് ല​ഭി​ക്കു​ന്ന​തു​വ​രെ ഗ​താ​ഗ​ത നി​യ​ന്ത്ര​ണം തു​ട​രും.
Copyright @ 2018 , Rashtra Deepika Ltd.