ക​ലു​ങ്കി​ന്‍റെ സം​ര​ക്ഷ​ണ ഭി​ത്തി​യും കെ​ട്ടി​ട​മു​റ്റ​ത്തി​ന്‍റെ കെ​ട്ടും ഇ​ടി​ഞ്ഞ് താ​ണു
Friday, July 25, 2025 1:48 AM IST
ഇ​രി​ട്ടി: മാ​ട​ത്തി​ൽ-​കീ​ഴ്പ​ള്ളി റോ​ഡി​ൽ അ​ത്തി​ക്ക​ലി​ൽ ക​ലു​ങ്കി​ന്‍റെ സം​ര​ക്ഷ​ണ ഭി​ത്തി​യും സ​മീ​പ​ത്തെ കെ​ട്ടി​ട മു​റ്റ​ത്തി​ന്‍റെ കെ​ട്ടും ഇ​ടി​ഞ്ഞു താ​ണു. ഇ​ന്ന​ലെ വൈ​കു​ന്നേ​ര​മാ​യി​രു​ന്നു സം​ഭ​വം. വ​ർ​ഷ​ങ്ങ​ളാ​യി ബ​ല​ക്ഷ​യം ബാ​ധി​ച്ച ക​ലു​ങ്കി​ന്‍റെ സം​ര​ക്ഷ​ണ ഭി​ത്തി​യാ​ണ് ക​ന​ത്ത മ​ഴ​യി​ൽ ഇ​ടി​ഞ്ഞു വീ​ണ​ത്. നി​ര​വ​ധി വാ​ഹ​ന​ങ്ങ​ൾ ക​ട​ന്നു​പോ​കു​ന്ന മാ​ട​ത്തി​ൽ-​കീ​ഴ്പ​ള്ളി പ്ര​ധാ​ന റോ​ഡി​ലാ​ണ് അ​പ​ക​ടം. ക​ലു​ങ്കി​ന്‍റെ ഒ​രു​ഭാ​ഗ​വും കെ​ട്ടി​ട മു​റ്റ​ത്തി​ന്‍റെ കെ​ട്ടി​ന്‍റെ ഭാ​ഗ​വു​മാ​ണ് പൂ​ർ​ണ​മാ​യും ത​ക​ർ​ന്ന​ത്.

ഇ​തോ​ടെ ഇ​തു​വ​ഴി​യു​ള്ള ഗ​താ​ഗ​തം പോ​ലീ​സ് ഒ​റ്റ ലൈ​നാ​യി ക്ര​മീ​ക​രി​ച്ചി​രി​ക്കു​ക​യാ​ണ്. കെ​ട്ടി​ട​ത്തി​ലെ താ​മ​സ​ക്കാ​രാ​യ അ​ഞ്ചു​പേ​രെ റ​വ​ന്യൂ അ​ധി​കൃ​ത​ർ എ​ത്തി സു​ര​ക്ഷി​ത​മാ​യ സ്ഥ​ല​ത്തേ​ക്ക് മാ​റ്റി താ​മ​സി​പ്പി​ച്ചു. അ​പ​ക​ട​ത്തി​ലാ​യ ക​ലു​ങ്ക് പു​തു​ക്കി​പ്പ​ണി​യ​ണ​മെ​ന്ന് ആ​വ​ശ്യ​പ്പെ​ട്ട് ദീ​പി​ക ഉ​ൾ​പ്പെ​ടെ മാ​ധ്യ​മ​ങ്ങ​ൾ നി​ര​ന്ത​രം വാ​ർ​ത്ത ചെ​യ്തി​രു​ന്നെ​ങ്കി​ലും അ​ധി​കൃ​ത​ർ യാ​തൊ​രു ന​ട​പ​ടി​യും സ്വീ​ക​രി​ച്ചി​രു​ന്നി​ല്ല.

മ​ഴ തു​ട​ർ​ന്നാ​ൽ ക​ലു​ങ്ക് ഉ​ൾ​പ്പെ​ടെ പൂ​ർ​ണ​മാ​യും ഇ​ടി​ഞ്ഞു താ​ഴാ​നു​ള്ള സാ​ധ്യ​ത​യു​ണ്ട്. ക​ലു​ങ്ക് ത​ക​ർ​ന്നാ​ൽ കീ​ഴ്പ​ള്ളി മേ​ഖ​ല ഒ​റ്റ​പ്പെ​ടും. സം​ഭ​വ​സ്ഥ​ലം കെ​പി​സി​സി പ്ര​സി​ഡ​ന്‍റ് സ​ണ്ണി ജോ​സ​ഫ് എം​എ​ൽ​എ, പൊ​തു​മ​രാ​മ​ത്ത് അ​സി​സ്റ്റ​ന്‍റ് എ​ൻ​ജി​നി​യ​ർ, വി​ല്ലേ​ജ് ഓ​ഫീ​സ​ർ എ​ന്നി​വ​ർ സ്ഥ​ലം സ​ന്ദ​ർ​ശി​ച്ചു.
Copyright @ 2018 , Rashtra Deepika Ltd.