ത​ളി​പ്പ​റ​ന്പി​ൽ വീ​ണ്ടും തെ​രു​വുനാ​യ ശ​ല്യം
Friday, July 25, 2025 1:48 AM IST
ത​ളി​പ്പ​റ​മ്പ്: ന​ഗ​ര​ത്തി​ൽ വീ​ണ്ടും തെ​രു​വു​നാ​യ്ക്ക​ളു​ടെ ശ​ല്യം രൂ​ക്ഷ​മാ​കു​ന്നു. ന​ഗ​ര​സ​ഭ​യി​ലെ വി​വി​ധ വാ​ർ​ഡു​ക​ളി​ൽ നി​ന്ന് ഒ​രാ​ഴ്ച​യാ​യി കൂ​ട്ട​ത്തോ​ടെ നാ​യ​ക​ൾ ന​ഗ​രഹൃ​ദ​യം ഭ​രി​ക്കു​ക​യാ​ണ്. തെ​രു​വു​നാ​യ​ക​ൾ ബ​സ്‌സ്റ്റാ​ൻ​ഡ്, മാ​ർ​ക്ക​റ്റ്, കോ​ട​തി, താ​ലൂ​ക്ക് ഓ​ഫീ​സ് കോ​മ്പൗ​ണ്ട് എ​ന്നി​വി​ട​ങ്ങ​ളി​ൽ തെ​രു​വു​നാ​യ​ക​ളു​ടെ പ​ട​യെ ആ​ണ് കാ​ണാ​ൻ ക​ഴി​യു​ന്ന​ത്. ബ​സ്‌സ്റ്റാ​ൻ​ഡി​ൽ പ​ല​യി​ട​ത്തും ഇ​വ​യു​ടെ ക​ടി ഭ​യ​ന്ന് യാ​ത്ര​ക്കാ​ർ ഭീ​തി​യോ​ടെ​യാ​ണ് ന​ട​ന്നു​പോ​കുന്ന​ത്.

മുന്പ് ത​ളി​പ്പ​റ​മ്പ് ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ അ​ല​ഞ്ഞു തി​രി​യു​ന്ന ക​ന്നു​കാ​ലി​ക​ളെ പി​ടി​കൂ​ടി ലേ​ല​ത്തി​ൽ വി​ല്പ​ന ന​ട​ത്തി​യ​ത് കാ​ര​ണം പ​ശു​ക്ക​ളു​ടെ ശ​ല്യം ഇ​പ്പോ​ൾ ബാ​ധി​ക്കാ​റെ​യി​ല്ല. തൃ​ച്ചം​ബ​രം പൂ​ക്കോ​ത്തു​ന​ട, കോ​ർ​ട്ട് റോ​ഡ്, ലൂ​ർ​ദ് ആ​ശു​പ​ത്രി പ​രി​സ​രം എ​ന്നി​വി​ട​ങ്ങ​ളി​ലും തെ​രു​വു​നാ​യ കൂ​ട്ടം ത​മ്പ​ടി​ക്കു​ന്നു​ണ്ട്.

മു​മ്പ് ക​ന്നു​കാ​ലി​ക​ൾ കാ​ര​ണം അ​പ​ക​ടമ​ര​ണം വ​രെ ന​ട​ന്നി​ട്ടു​ണ്ടെ​ന്ന് വ്യാ​പാ​രി​ക​ൾ പ​റ​യു​ന്നു. ഇ​നി ആ​ർ​ക്കെ​ങ്കി​ലും തെ​രു​വു​നാ​യ​യു​ടെ ക​ടി​യേ​റ്റാ​ൽ മാ​ത്ര​മേ ന​ട​പ​ടി ഉ​ണ്ടാ​കൂ​ എന്നാ​ണ് ബ​സ് ജീ​വ​ന​ക്കാ​ർ പ​റ​യു​ന്ന​ത്.
Copyright @ 2018 , Rashtra Deepika Ltd.