പി​തൃ​സ്മ​ര​ണ​യി​ൽ ത​ർ​പ്പ​ണം ന​ട​ത്തി പ​തി​നാ​യി​ര​ങ്ങ​ൾ
Friday, July 25, 2025 1:48 AM IST
ക​ണ്ണൂ​ർ: പൂ​ർ​വി​ക​രു​ടെ സ്മ​ര​ണ​യി​ൽ അ​ന്ന​വും എ​ള്ളും ദ​ർ​ഭ​യും നാ​ക്കി​ല​യി​ൽ സ​മ​ർ​പ്പി​ച്ച് പി​തൃ​ക്ക​ൾ​ക്ക് വാ​വൂ​ട്ട് ന​ട​ത്തി പ​തി​നാ​യി​ര​ങ്ങ​ൾ. ക​ർ​ക്ക​ട​ക വാ​വ് ദി​ന​ത്തി​ൽ പൂ​ർ​വി​ക​ർ​ക്ക് ത​ർ​പ്പ​ണം ചെ​യ്യു​ന്ന​തി​ലൂ​ടെ പ​രേ​താ​ത്മാ​ക്ക​ൾ​ക്ക് മോ​ക്ഷ​പ്രാ​പ്തി ല​ഭി​ക്കു​മെ​ന്നാ​ണ് വി​ശ്വാ​സം. ക​ർ​ക്ക​ട​ക വാ​വു​ദി​ന​മാ​യ ഇ​ന്ന​ലെ ക്ഷേ​ത്ര​ങ്ങ​ളി​ലും ക​ട​ൽ​ത്തീ​ര​ങ്ങ​ളി​ലു​മാ​യി ബ​ലി​ത​ർ​പ്പ​ണ​ത്തി​നാ​യി പ്ര​ത്യേ​ക സൗ​ക​ര്യ​ങ്ങ​ൾ ഒ​രു​ക്കി​യി​രു​ന്നു. പ​യ്യാ​ന്പ​ലം ക​ട​ൽ​ത്തീ​രം, ത​ളാ​പ്പ് സു​ന്ദ​രേ​ശ്വ​ര ക്ഷേ​ത്രം, ത​ല​ശേ​രി ജ​ഗ​ന്നാ​ഥ ക്ഷേ​ത്രം, തൃ​ക്കൈ ശി​വ​ക്ഷേ​ത്രം, ത​ലാ​യി ക​ട​പ്പു​റം, ത​ളി​പ്പ​റ​ന്പ് തൃ​ച്ചം​ബ​രം ക്ഷേ​ത്രം, മ​ല​യോ​ര​ങ്ങ​ളി​ലെ വി​വി​ധ ക്ഷേ​ത്ര​ങ്ങ​ൾ, പു​ഴ​യോ​ര​ങ്ങ​ൾ എ​ന്നി​വി​ട​ങ്ങ​ളി​ൽ ബ​ലി ത​ർ​പ്പ​ണ​ത്തി​നാ​യു​ള്ള സൗ​ക​ര്യ​ങ്ങ​ൾ ഒ​രു​ക്കി​യി​രു​ന്നു.

ഇ​രി​ട്ടി: കീ​ഴൂ​ർ മ​ഹാ​ദേ​വ, മ​ഹാ​വി​ഷ്ണു ക്ഷേ​ത്രം സ​ങ്കേ​ത​ത്തി​ൽ നി​ര​വ​ധിപേ​ർ പി​തൃ​സ്മ​ര​ണ​യി​ൽ ബ​ലി​ത​ർ​പ്പ​ണം ന​ട​ത്തി.‌ ഇ​രു ക്ഷേ​ത്ര ക​മ്മി​റ്റി​ക​ളും ചേ​ർ​ന്നാ​ണ് ബ​ലി​ത​ർ​പ്പ​ണ​ത്തി​നു​ള്ള സൗ​ക​ര്യ​ങ്ങ​ൾ ഒ​രു​ക്കി​യ​ത്.​ ല​ഘു ഭ​ക്ഷ​ണ സൗ​ക​ര്യ​വും ഒ​രു​ക്കി​യി​രു​ന്നു.​ പി.​എം. നീ​ല​ക​ണ്ഠ​ൻ ന​മ്പീ​ശ​ൻ, ത​മ്പാ​ൻ ന​മ്പീ​ശ​ൻ എ​ന്നി​വ​ർ ത​ർ​പ്പ​ണ ച​ട​ങ്ങു​ക​ൾ​ക്ക് കാ​ർ​മി​ക​ത്വം വ​ഹി​ച്ചു. ക്ഷേ​ത്ര​ങ്ങ​ളു​ടെ ഭാ​ര​വാ​ഹി​ക​ളും മെംബർ​മാ​രു​ം മാ​തൃ സ​മി​തി​ക​ളും നേ​തൃ​ത്വം ന​ൽ​കി. 

ക​ല്ലു​മു​ട്ടി ശ്രീ​നാ​രാ​യ​ണ ഗു​രു മ​ന്ദി​രം, ത​ന്തോ​ട് ചോം​കു​ന്ന് ശി​വ​ക്ഷേ​ത്രം, കീ​ഴ്പള്ളി പാ​ല​രി​ഞ്ഞാ​ൽ മ​ഹാ​ദേ​വ ക്ഷേ​ത്രം എ​ന്നി​വി​ട​ങ്ങ​ളി​ലും ബ​ലി​ത​ർ​പ്പ​ണ ച​ട​ങ്ങു​ക​ൾ ന​ട​ന്നു. ഉ​ളി​ക്ക​ൽ വ​യ​ത്തൂ​ർ ക​ട​വി​ലും നി​ര​വ​ധിപേ​ർ പി​തൃ​ത​ർ​പ്പ​ണം ന​ട​ത്തി. കാ​ല​വ​ർ​ഷം ക​ന​ത്ത​തി​നാ​ൽ പു​ഴ​ക​ളി​ൽ ബ​ലി​ത​ർ​പ്പ​ണം ന​ട​ത്തു​ന്ന​തി​നാ​യി അ​ഗ്നി​ര​ക്ഷാ സേ​ന​യു​ടെ നേ​തൃ​ത്വ​ത്തി​ൽ സു​ര​ക്ഷാ ക്ര​മീ​ക​ര​ണ​ങ്ങ​ളും ഒ​രു​ക്കി​യി​രു​ന്നു.

അ​പ​ക​ട സാ​ഹ​ച​ര്യ​ങ്ങ​ൾ കൂ​ടു​ത​ലു​ള്ള വ​യ​ത്തൂ​ർക​ട​വ്, പ​യ്യാ​വൂ​ർ മൂ​ർ​ത്തി​ക്ക​ട​വ് എ​ന്നി​വി​ട​ങ്ങ​ളി​ൽ അ​ഗ്നി​ശ​മ​സേ​നാം​ഗ​ങ്ങ​ളെ​യും സി​വി​ൽ ഡി​ഫ​ൻ​സ് സേ​നാം​ഗ​ങ്ങ​ളെ​യും വി​ന്യ​സി​ച്ചി​രു​ന്നു.
Copyright @ 2018 , Rashtra Deepika Ltd.