ദേ​ശീ​യ​പാ​ത നി​ർ​മാ​ണ​ത്തി​ന് തോ​ട് നി​ക​ത്തി; വെ​ള്ള​ക്കെ​ട്ടി​ൽ വീ​ടു​ക​ൾ ത​ക​ർ​ച്ചാ ഭീ​ഷ​ണി​യി​ൽ
Thursday, July 24, 2025 12:51 AM IST
പ​യ്യ​ന്നൂ​ര്‍: ദേ​ശീ​യ​പാ​ത നി​ർ​മാ​ണ​വു​മാ​യി ബ​ന്ധ​പ്പെ​ട്ട് വെ​ള്ള​മൊ​ഴു​കി​യി​രു​ന്ന തോ​ട് നി​ക​ത്തി​യ​തി​നെ തു​ട​ർ​ന്ന് കോ​റോം റോ​ഡി​ൽ വീ​ടു​ക​ൾ ത​ക​ർ​ച്ച​യി​ൽ. ക​ണ്ണൂ​ക്കാ​ര​ത്തി സൗ​ദ, മു​ത്ത​ലി​ബ്, ജ​സീ​റ എ​ന്നി​വ​രു​ടെ വീ​ടു​ക​ളാ​ണ് ത​ക​ർ​ച്ചാ ഭീ​ഷ​ണി നേ​രി​ടു​ന്ന​ത്. സൗ​ദ​യു​ടെ വീ​ടി​ന്‍റെ മ​തി​ലു​ൾ​പ്പ​ടെ ര​ണ്ടു വീ​ടു​ക​ളു​ടെ മ​തി​ലു​ക​ൾ വെ​ള്ള​ക്കെ​ട്ട് കാ​ര​ണം ത​ക​ർ​ന്നു വീ​ണു.

ത​റ​യോ​ടുചേ​ർ​ന്ന ഭാ​ഗ​ത്തെ മ​ണ്ണ​ട​ക്കം ഒ​ലി​ച്ചു പോ​യ നി​ല​യി​ലാ​ണ്. മു​ത്ത​ലി​ബി​ന്‍റെ വീ​ടി​ന്‍റെ ഒ​രു​ഭാ​ഗ​ത്ത് വി​ള്ള​ൽ വീ​ണി​ട്ടു​ണ്ട്. വെ​ള്ള​ക്കെ​ട്ട് കാ​ര​ണം ഇ​വി​ടു​ത്തെ പ​ത്തു വീ​ട്ടു​കാ​ർ പു​റ​ത്തി​റ​ങ്ങാ​ൻ പോ​ലും ക​ഴി​യാ​ത്ത അ​വ​സ്ഥ​യി​ലാ​ണ്്. ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യ മ​ഴ​യെ തു​ട​ർ​ന്ന് രൂ​പ​പ്പെ​ട്ട വെ​ള്ള​ക്കെ​ട്ട് കാ​ര​ണം വീ​ട്ടു​കാ​രെ അ​ധി​കൃ​ത​ർ മാ​റ്റി​ത്താ​മ​സി​പ്പി​ച്ചി​രു​ന്നു. വെ​ള്ളം അ​ൽ​പം ഇ​റ​ങ്ങി​യ​പ്പോ​ൾ ഇ​വ​ർ തി​രി​ച്ചു വ​രി​ക​യാ​യി​രു​ന്നു. വെ​ള്ള​ക്കെ​ട്ടി​ന് പ​രി​ഹാ​ര​മു​ണ്ടാ​ക്കി ജീ​വ​നും വീ​ടു​ക​ൾ​ക്കും സു​ര​ക്ഷി​ത​മൊ​രു​ക്കാ​ൻ ബ​ന്ധ​പ്പെ​ട്ട​വ​ർ ത​യ​റാ​ക​ണ​മെ​ന്നാ​ണ് കു​ടും​ബ​ങ്ങ​ൾ ആ​വ​ശ്യ​പ്പെ​ടു​ന്ന​ത്.
Copyright @ 2018 , Rashtra Deepika Ltd.