വി​ദേ​ശ മ​ല​യാ​ളി​യു​ടെ 13 കി​ലോ വി​ല​പി​ടി​പ്പു​ള്ള സാ​ധ​ന​ങ്ങ​ൾ വിമാന അധികൃതർ നഷ്‌ടപ്പെടുത്തിയെന്ന് പരാതി
Wednesday, August 13, 2025 7:20 AM IST
കു​ണ്ട​റ : അ​യ​ർ​ല​ൻ​ഡി​ൽ നി​ന്നും നാ​ട്ടി​ലേ​ക്ക്‌ അ​വ​ധി​ക്കാ​ലം ചി​ല​വ​ഴി​ക്കാ​ൻ എ​ത്തി​യ മ​ല​യാ​ളി കു​ടും​ബ​ത്തി െ ന്‍റ വി​ല​പി​ടി​പ്പു​ള്ള സാ​ധ​ന​ങ്ങ​ൾ വി​മാ​നാ​ധി​കൃ​ത​ർ ന​ഷ്ട​പ്പെ​ടു​ത്തിയെന്ന് പ​രാ​തി. അ​യ​ർ​ല​ൻ​ഡി​ൽ നി​ന്നും നാ​ട്ടി​ലെ​ത്തി​യ മ​ല​യാ​ളി കു​ടും​ബ​ത്തി െ ന്‍റ വി​ല​പി​ടി​പ്പു​ള്ള സാ​ധ​ന​ങ്ങ​ൾ ആ​ണ് ന​ഷ്ട​പ്പെ​ട്ട​ത്.

28 കി​ലോ തൂ​ക്കം ഉ​ണ്ടാ​യി​രു​ന്ന പെ​ട്ടി കൈ​യി​ൽ കി​ട്ടു​മ്പോ​ൾ അ​വ​ശേ​ഷി​ച്ച​ത് 15 കി​ലോ മാ​ത്ര​ം. ഇ​ൻ​ഡി​ഗോ വി​മാ​ന​ത്തി​ലെ യാ​ത്ര​ക്കാ​രാ​യ അ​യ​ർ​ല​ൻ​ഡി​ലെ വാ​ട്ട​ർ​ഫോ​ഡി​ൽ താ​മ​സി​ക്കു​ന്ന കൊ​ല്ലം കു​ള​ക്ക​ട ചെ​റു​വ​ള്ളൂ​ർ ഹൗ​സി​ൽ ബി​ജോ​യ് കു​ള​ക്ക​ട, ഭാ​ര്യ ഷീ​ന മാ​ത്യൂ​സ്, മ​ക​ൻ ഡെ​റി​ക് ബി​ജോ കോ​ശി എ​ന്നി​വ​രു​ടെ മൊ​ബൈ​ലു​ക​ളും ലാ​പ്ടോ​പ്പു​മ​ട​ക്കം വി​ല​പി​ടി​പ്പു​ള്ള സാ​ധ​ന​ങ്ങ​ളാ​ണ് ന​ഷ്ട​മാ​യ​ത്.

ജൂ​ലൈ 23 നാ​ണ് ബി​ജോ​യ് കു​ടും​ബ​മാ​യി ഡ​ബ്ലി​നി​ൽ നി​ന്നും നാ​ട്ടി​ലേ​ക്ക് യാ​ത്ര തി​രി​ച്ച​ത്. മും​ബൈ വ​ഴി​യു​ള്ള കൊ​ച്ചി ഇ​ൻ​ഡി​ഗോ എ​യ​ർ​ലൈ​ൻ​സി​ലാ​യി​രു​ന്നു യാ​ത്ര.

ഡ​ബ്ലി​നി​ൽ നി​ന്നും നാ​ല് ബാ​ഗേ​ജു​ക​ളു​മാ​യി പു​റ​പ്പെ​ട്ട കു​ടും​ബ​ത്തി​ന് മും​ബൈ​യി​ൽ യാ​ത്ര അ​വ​സാ​നി​പ്പി​ച്ച​പ്പോ​ൾ തി​രി​കെ ല​ഭി​ച്ച​ത് മൂ​ന്നു ബാ​ഗേ​ജു​ക​ൾ മാ​ത്രം. മൊ​ബൈ​ലു​ക​ളും ലാ​പ്ടോ​പ്പും അ​ട​ങ്ങി​യ 28 കി​ലോ​യു​ടെ നാ​ലാ​മ​ത്തെ ബാ​ഗേ​ജ്‌ തി​രി​കെ ല​ഭി​ച്ചി​ല്ല. രേ​ഖ​ക​ള​ട​ക്കം നി​ര​ത്തി വി​മാ​ന അ​ധി​കൃ​ത​ർ​ക്ക് ബി​ജോ​യ് പ​രാ​തി ന​ൽ​കി. ഒ​ടു​വി​ൽ 30 ന് ​ഇ​ൻ​ഡി​ഗോ പ്ര​തി​നി​ധി​ക​ൾ നേ​രി​ട്ട് ബാ​ഗേ​ജ് എ​ത്തി​ക്കു​ക​യാ​യി​രു​ന്നു. 28 കി​ലോ തൂ​ക്കം ഉ​ണ്ടാ​യി​രു​ന്ന പെ​ട്ടി​യി​ൽ അ​വ​ശേ​ഷി​ച്ച​ത് 15 കി​ലോ മാ​ത്രം.

ബാ​ഗി​ലു​ണ്ടാ​യി​രു​ന്ന വി​ല​പി​ടി​പ്പു​ള്ള പ​ല​തും ന​ഷ്ട​മാ​യി. ഡ​ബ്ലി​നി​ൽ നി​ന്നും പു​റ​പ്പെ​ട്ട​പ്പോ​ൾ ഉ​ണ്ടാ​യി​രു​ന്ന തൂ​ക്കം നാ​ട്ടി​ലെ​ത്തി​യ​പ്പോ​ൾ 15 കി​ലോ​യാ​യി എ​ന്ന് ചു​രു​ക്കം. അ​ന്വേ​ഷ​ണം ന​ട​ക്കു​ക​യാ​ണ് എ​ന്നാ​ണ് വി​മാ​ന ക​മ്പ​നി അ​ധി​കൃ​ത​രു​ടെ മ​റു​പ​ടി. സം​ഭ​വം ചൂ​ണ്ടി​ക്കാ​ട്ടി കേ​ര​ള പോലീ​സി​നും ബി​ജോ​യ് പ​രാ​തി ന​ൽ​കി. കൊ​ല്ലം ജി​ല്ല​യി​ലെ പു​ത്തൂ​ർ പോലീ​സാ​ണ് കേ​സ് അ​ന്വേ​ഷി​ക്കു​ന്ന​ത്. 2020 ൽ ​അ​യ​ർ​ല​ൻ​ഡി​ൽ എ​ത്തി​യ ശേ​ഷം നി​ര​വ​ധി ത​വ​ണ കേ​ര​ള​ത്തി​ലേ​ക്ക് വി​മാ​ന​ത്തി​ൽ യാ​ത്ര ചെ​യ്തി​ട്ടു​ണ്ടെ​ങ്കി​ലും ഇ​ത്ത​രം ഒ​രു അ​നു​ഭ​വം ആ​ദ്യ​മാ​യി​ട്ടാ​ണെ​ന്ന് ബി​ജോ​യ് കു​ള​ക്ക​ട പ​റ​ഞ്ഞു. ഏ​ക​ദേ​ശം ര​ണ്ട് ല​ക്ഷം രൂ​പ​യു​ടെ സാ​ധ​ന​ങ്ങ​ളാ​ണ് ന​ഷ്‌ടമാ​യ​ത്.

ഓ​ഗ​സ്റ്റ് 19ന് ​തി​രി​കെ അ​യ​ർ​ല​ൻ​ഡി​ലേ​ക്ക് എ​ത്തു​വാ​നാണ് ടി​ക്ക​റ്റ് എ​ടു​ത്തി​ട്ടു​ള്ള​ത്. അ​തി​ന് മു​ൻ​പ് ന​ഷ്ട​മാ​യ സാ​ധ​ന​ങ്ങ​ൾ തി​രി​കെ ല​ഭി​ക്കു​മെ​ന്നാ​ണ് പ്ര​തീ​ക്ഷ​യെ​ന്നും നാ​ട്ടി​ലേ​ക്ക് പോ​രു​മ്പോ​ൾ ത​ന്നെ തി​രി​കെ പോ​കാ​നു​ള്ള ടി​ക്ക​റ്റും എ​ടു​ത്തി​ട്ടു​ള്ള​തി​നാ​ൽ ഇ​ൻ​ഡി​ഗോ വി​മാ​ന​ത്തി​ൽ ത​ന്നെ ആ​യി​രി​ക്കും യാ​ത്ര​യെ​ന്നും ബി​ജോ​യ്‌ പ​റ​ഞ്ഞു.
Copyright @ 2018 , Rashtra Deepika Ltd.