വെ​ഞ്ഞാ​റ​മൂ​ട്: വെ​ഞ്ഞാ​റ​മൂ​ട്ടി​ല്‍ വ​ന്‍ ക​വ​ര്‍​ച്ച. കോൺഗ്രസ് നേ താവിന്‍റെ വീ​ട്ടി​ല്‍ നി​ന്നും 40 പ​വ​ന്‍ സ്വ​ര്‍​ണാ​ഭ​ര​ണ​ങ്ങ​ളും 5,000 രൂ​പ​യും ന​ഷ്ട​മാ​യി. കോ​ണ്‍​ഗ്ര​സ് നേ​താ​വും നെ​ല്ല​നാ​ട് പ​ഞ്ചാ​യ​ത്ത് മു​ന്‍ വൈ​സ് പ്ര​സി​ഡന്‍റുമാ​യ വ​ലി​യ​ക​ട്ട​യ് ക്കാ​ല്‍ പാ​ല​ത്ത​റ സു​രേ​ഷ് ഭ​വ​നി​ല്‍ ആ​ര്‍.​ അ​പ്പു​ക്കു​ട്ട​ന്‍ പി​ള്ള​യു​ടെ വീ​ട്ടി​ലാ​ണ് മോ​ഷ​ണം ന​ട​ന്ന​ത്.

വീ​ടി​ന്‍റെ പി​ന്‍​വ​ശ​ത്തു​ള്ള വാ​തി​ല്‍ ക​മ്പി​പ്പാ​ര ഉ​പ​യോ​ഗി​ച്ച് കു​ത്തി​പ്പൊ​ളി​ച്ച് അ​ക​ത്തു ക​ട​ന്ന മോ​ഷ്്്ടാ​വ് ഒ​ന്നാം നി​ല​യി​ലെ​ത്തി അ​പ്പു​ക്കു​ട്ട​ന്‍ പി​ള്ള​യു​ടെ കൊ​ച്ചു​മ​ക്ക​ള്‍ ഉ​റ​ങ്ങു​ക​യാ​യി​രു​ന്നമു​റി​യി​ല്‍ നി​ന്നും അ​ല​മാ​ര​യി​ല്‍ സൂ​ക്ഷി​ച്ചി​രു​ന്ന സ്വ​ര്‍​ണ​വും പ​ണ​വും അ​പ​ഹ​രി​ക്കു​ക​യാ​യി​രു​ന്നു.

അ​പ്പു​ക്കു​ട്ട​ന്‍ പി​ള്ള​യു​ടെ മ​രു​മ​ക​ളു​ടേ​താ​യി​രു​ന്നു ആ​ഭ​ര​ണ​ങ്ങ​ള്‍. അ​ധ്യാ​പി​ക​യാ​യ ഇ​വ​ര്‍ പു​ല​ര്‍​ച്ചെ അ​ഞ്ചു മ​ണി​യോ​ടെ ഉ​ണ​ര്‍​ന്നെ​ണീ​റ്റു വ​ന്ന​പ്പോ​ള്‍ മു​റി​ക്ക് പു​റ​ത്ത് ഒ​രാ​ള്‍ നി​ല്‍​ക്കു​ന്ന​ത് ക​ണ്ടു നി​ല​വി​ളി​ച്ചു. ഇ​തോ​ടെ വീ​ട്ടി​ലെ മ​റ്റം​ഗ​ങ്ങ​ള്‍ എ​ത്തി​യ​പ്പോ​ഴേക്കും മോ​ഷ്ടാ​വ് പു​റ​ത്തേ​ക്കോ​ടി ര​ക്ഷ​പ്പെ​ട്ടു.

തു​ട​ര്‍​ന്നു ന​ട​ന്ന പ​രി​ശോ​ധ​ന​യി​ല്‍ മ​റ്റൊ​രു മു​റി​യി​ല്‍ ആ​ഭ​ര​ണ​ങ്ങ​ള്‍ വെ​യ്ക്കാ​ന്‍ ഉ​പ​യോ​ഗി​ച്ചി​രു​ന്ന ചെ​റി​യ പെ​ട്ടി​ക​ളി​ള്‍നി​ന്നും അ​വ​യെ​ല്ലാം എ​ടു​ത്തശേ​ഷം ഉ​പേ​ക്ഷി​ച്ച നി​ല​യി​ലും വീ​ടി​ന്‍റെ പി​ന്‍​വ​ശ​ത്തെ​യും അ​ക​ത്തേ​ക്കു​മു​ള്ള വാ​തി​ലു​ക​ള്‍ പൊ​ളി​ച്ച നി​ല​യി​ലും ക​ണ്ടെ ത്തുകയായിരുന്നു.

രാ​വി​ലെ ന​ട​ന്ന പ​രി​ശോ​ധ​ന​യി​ല്‍ മ​റ്റു ചി​ല ആ​ഭ​ര​ണ​ങ്ങ​ള്‍ സൂ​ക്ഷി​ച്ചി​രു​ന്ന പെ​ട്ടി​ക​ളും ബാ​ഗും വാ​തി​ല്‍ കു​ത്തി​പ്പൊ​ളി​ക്കാ​ന്‍ ഉ​പ​യോ​ഗി​ച്ച ക​മ്പി​പ്പാ​ര​യും പു​ര​യി​ട​ത്തി​ല്‍ ഉ​പേ​ക്ഷി​ച്ചി​രി​ക്കു​ന്ന നി​ല​യി​ലും ക​ണ്ടെ​ത്തു​ക​യു​ണ്ടാ​യി.

തു​ട​ര്‍​ന്ന് വെ​ഞ്ഞാ​റ​മൂ​ട് പോ​ലീ​സി​ല്‍ വി​വ​രം അ​റി​യി​ക്കു​ക​യും വെ​ഞ്ഞാ​റ​മൂ​ട് എ​സ്എ​ച്ച്​ഒ അ​നൂ​പ് കൃ​ഷ്ണ, എ​സ്ഐ സ​ജി​ത് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മെ​ത്തി പ​രി​ശോ​ധ​ന ന​ട​ത്തു​ക​യും ചെ​യ്തു. പി​ന്നീ​ട് ആ​റ്റി​ങ്ങ​ൽ‍ ഡി​വൈ​എ​സ്പി മ​ഞ്ജു​ലാ​ല്‍, വി​ര​ല​ട​യാ​ള വി​ദ​ഗ്ദ​ര്‍, ഡോ​ഗ് സ്‌​ക്വാ​ഡ് എ​ന്നി​വ​രു​ം സ്ഥലത്തെത്തി പരിശോധനകൾ നടത്തി.