ഇന്ത്യൻ ക്രിസ്ത്യൻ എക്യൂമെനിക്കൽ കമ്യൂണിറ്റി ഓഫ് ഹൂസ്റ്റൺ വൈദികർക്ക് യാത്രയയപ്പ് നൽകി
ജീമോൻ റാന്നി
Tuesday, July 15, 2025 5:03 PM IST
ഹൂസ്റ്റൺ: ഇന്ത്യൻ ക്രിസ്ത്യൻ എക്യൂമെനിക്കൽ കമ്യൂണിറ്റി ഓഫ് ഹൂസ്റ്റണിന്റെ ആഭിമുഖ്യത്തിൽ ഹൂസ്റ്റണിൽ നിന്നും സ്ഥലം മാറിപ്പോയ വൈദികർക്ക് യാത്രയയപ്പ് നൽകി.
ഹൂസ്റ്റൺ സെന്റ് ജോസഫ് സീറോമലബാർ കത്തോലിക്ക പള്ളിയിൽ നടത്തിയ യാത്രയയപ്പ് സമ്മേളനത്തിൽ വികാരി റവ.ഫാ. ജോണികുട്ടി ജോർജ് പുലിശേരിക്കു ഐസിഇസിഎച്ച് പ്രസിഡന്റ് റവ.ഫാ.ഡോ. ഐസക് ബി. പ്രകാശ് ഉപഹാരം നൽകി.


ഹുസ്റ്റണിലെ വിവിധ ദേവാലയങ്ങളിൽ നടന്ന യാത്രയയപ്പിൽ റവ. സാം കെ. ഈശോ (വികാരി, ട്രിനിറ്റി മാർത്തോമ്മാ ചർച്ച്), റവ. സന്തോഷ് തോമസ് (അസി. വികാരി ഇമ്മാനുവേൽ മാർത്തോമ്മാ ചർച്ച്), റവ. ബെന്നി തോമസ് (വികാരി സെന്റ് തോമസ് സിഎസ്ഐ ചർച്ച്) എന്നിവർക്ക് ഐസിഇസിഎച്ചിന്റെ ഉപഹാരം നൽകി.

വിവിധ ഇടവകകളിൽ നടത്തിയ യാത്രയയപ്പ് യോഗങ്ങളിൽ ഐസിഇസിഎച്ച് പ്രസിഡന്റ് റവ. ഫാ. ഡോ. ഐസക് ബി. പ്രകാശ്, റവ.ഡോ. ജോബി മാത്യു, റവ. ജീവൻ ജോൺ, സെക്രട്ടറി ഷാജൻ ജോർജ്, ട്രഷറർ രാജൻ അങ്ങാടിയിൽ, പിആർഒ ജോൺസൻ ഉമ്മൻ, ഫാൻസി മോൾ പള്ളത്തുമഠം, നൈനാൻ വീട്ടീനാൽ, ബിജു ചാലക്കൽ, ഡോ. അന്ന കോശി, എന്നിവർ പങ്കെടുത്തു.