ഇ​ത് കൊ​ല​പാ​ത​ക​ത്തി​ന്‍റെ​യ​ല്ല ജ​നാ​ധി​പ​ത്യ​ത്തി​ന്‍റെ കാ​ലം
Tuesday, April 18, 2023 1:10 AM IST
മു​ഖ്യ​മ​ന്ത്രി​യെ​ന്ന​ല്ല, ഇ​ന്ത്യ​യി​ൽ ഒ​രാ​ൾ​ക്കും നി​യ​മം കൈ​യി​ലെ​ടു​ക്കാ​നും ശി​ക്ഷ ​ന​ട​പ്പാ​ക്കാ​നു​മൊ​ന്നും അ​ധി​കാ​ര​മി​ല്ല. കു​റ്റ​വാ​ളി​ക​ൾ നി​യ​മം കൈ​യി​ലെ​ടു​ക്കു​ന്ന​തി​ലും ഭ​യാ​ന​ക​മാ​ണ് ഭ​ര​ണാ​ധി​കാ​രി​ക​ൾ അ​തു ചെ​യ്താ​ൽ.

ഉ​ത്ത​ർ​പ്ര​ദേ​ശി​ൽ അ​റ​സ്റ്റി​ലാ​യ ഗു​ണ്ടാ​ത്ത​ല​വ​നും മു​ൻ എം​പി​യു​മാ​യ ആ​തി​ഖ് അ​ഹ​മ്മ​ദും സ​ഹോ​ദ​ര​ൻ അ​ഷ്റ​ഫും പോ​ലീ​സ് ക​സ്റ്റ​ഡി​യി​ലി​രി​ക്കെ കൊ​ല്ല​പ്പെ​ട്ട​തി​ന്‍റെ ദു​രൂ​ഹ​ത എ​ന്നെ​ങ്കി​ലും പു​റ​ത്തു​വ​രു​മോ​യെ​ന്ന​റി​യി​ല്ല. കൊ​ല്ല​പ്പെ​ട്ട ര​ണ്ടു പേ​രു​ടെ​യും കു​റ്റ​കൃ​ത്യ​ങ്ങ​ളെ​ക്കു​റി​ച്ച് ആ​ർ​ക്കും​ത​ന്നെ വി​രു​ദ്ധാ​ഭി​പ്രാ​യ​മി​ല്ലെ​ങ്കി​ലും യോ​ഗി ആ​ദി​ത്യ​നാ​ഥി​ന്‍റെ ഭ​ര​ണ​കാ​ല​ത്ത് പോ​ലീ​സ് ക​സ്റ്റ​ഡി​യി​ൽ സം​ഭ​വി​ച്ചു​കൊ​ണ്ടി​രി​ക്കു​ന്ന ദു​രൂ​ഹ കൊ​ല​പാ​ത​ക​ങ്ങ​ളി​ലും ഏ​റ്റു​മു​ട്ട​ൽ കൊ​ല​പാ​ത​ക​ങ്ങ​ളി​ലും ര​ണ്ട​ഭി​പ്രാ​യ​മു​ണ്ട്; നിജസ്ഥിതിയിൽ സംശയവുമുണ്ട്. ഇ​ര​ക​ളാ​യി​ട്ടു​ള്ള​വ​രു​ടെ കു​ടും​ബാം​ഗ​ങ്ങ​ൾ ഇ​ത്ത​രം കൊ​ല​പാ​ത​ക​ങ്ങ​ളെ അ​നു​കൂ​ലി​ച്ചേക്കാം. സ​ർ​ക്കാ​ർ അ​നു​കൂ​ലി​ക​ളും കൈ​യ​ടി​ക്കും. പ​ക്ഷേ, എ​ത്ര വ​ലി​യ കു​റ്റ​വാ​ളി​ക​ളെ ആ​യാ​ലും ഭ​ര​ണാ​ധി​കാ​രി​യു​ടെ​യോ ഉ​ദ്യോ​ഗ​സ്ഥ​രു​ടെ​യോ താ​ത്പ​ര്യ​പ്ര​കാ​രം വി​ചാ​ര​ണ​യി​ല്ലാ​തെ കൊ​ന്നൊ​ടു​ക്കാ​മോ​യെ​ന്ന ചോ​ദ്യ​മാ​ണ് വി​യോ​ജി​ക്കു​ന്ന​വ​ർ ഉ​ന്ന​യി​ക്കു​ന്ന​ത്. അ​ത് ജ​നാ​ധി​പ​ത്യ​വു​മാ​യി അ​ഭേ​ദ്യ​മാ​യി ബ​ന്ധ​പ്പെ​ട്ട ചോ​ദ്യ​മാ​ണ്. യു​പി​യി​ൽ ന​ട​ക്കു​ന്ന​താ​ണു ശ​രി​യെ​ങ്കി​ൽ നി​യ​മ​വാ​ഴ്ച​യും ജ​നാ​ധി​പ​ത്യ​വും തെ​റ്റാ​കും. ഏ​താ​ണു ശ​രി?

ആ​തി​ഖി​നെ​യും അ​ഷ്റ​ഫി​നെ​യും പോ​ലീ​സ് വൈ​ദ്യ​പ​രി​ശോ​ധ​ന​യ്ക്കാ​യി കൊ​ണ്ടു​പോ​കു​ന്ന​തി​നി​ടെ​യാ​ണ് മാ​ധ്യ​മ​പ്ര​വ​ർ​ത്ത​ക​രു​ടെ വേ​ഷ​ത്തി​ലെ​ത്തി​യ അ​ക്ര​മി​ക​ൾ തൊ​ട്ട​ടു​ത്തു​നി​ന്നു വെ​ടി​വ​ച്ചു കൊ​ന്ന​ത്. ദി​വ​സ​ങ്ങ​ൾ​ക്കു​മു​ന്പ് അ​തി​ഖി​ന്‍റെ മ​ക​ൻ ആ​സാ​ദ് അ​ഹ​മ്മ​ദി​നെ​യും സു​ഹൃ​ത്തി​നെ​യും യു​പി​യി​ലെ ഝാ​ൻ​സി​ക്ക​ടു​ത്തു​വ​ച്ച് പ്ര​ത്യേ​ക ദൗ​ത്യ​സേ​ന ഏ​റ്റു​മു​ട്ട​ലി​ൽ വെ​ടി​വ​ച്ചു കൊ​ന്നി​രു​ന്നു. അ​തെ​ക്കു​റി​ച്ച് അ​ന്വേ​ഷ​ണം വേ​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കെ​യാ​ണ് ആ​തി​ഖി​നെ​യും അ​ഷ്റ​ഫി​നെ​യും വ​ധി​ച്ച​ത്. ബി​എ​സ്പി എം​എ​ൽ​എ രാ​ജു​പാ​ൽ വ​ധ​ക്കേ​സി​ലെ മു​ഖ്യ​സാ​ക്ഷി​യാ​യ ഉ​മേ​ഷ് പാ​ലി​നെ ക​ഴി​ഞ്ഞ ഫെ​ബ്രു​വ​രി​യി​ൽ കൊ​ന്ന കേ​സി​ലാ​ണ് ആ​തി​ഖും മ​ക​ൻ ആ​സാ​ദും അ​ഷ്റ​ഫും ഉ​ൾ​പ്പെ​ടെ അ​റ​സ്റ്റി​ലാ​യ​ത്. ര​ണ്ടു മാ​സം പോ​ലും തി​ക​യു​ന്ന​തി​നു​മു​ന്പ് കേ​സി​ലെ ആ​റു പ്ര​തി​ക​ളും നാ​ലു സം​ഭ​വ​ങ്ങ​ളി​ലാ​യി കൊ​ല്ല​പ്പെ​ട്ടു.

യോ​ഗി സ​ർ​ക്കാ​രി​ന്‍റെ ഭ​ര​ണ​ത്തി​ൽ ആ​റു വ​ർ​ഷ​ത്തി​നി​ടെ 183 പേ​ർ ഏ​റ്റു​മു​ട്ട​ലു​ക​ളി​ൽ കൊ​ല്ല​പ്പെ​ട്ടു. 10,900-ല​ധി​കം ഏ​റ്റു​മു​ട്ട​ലു​ക​ൾ ന​ട​ന്ന​താ​യി ക​ണ​ക്കു​ക​ൾ വ്യ​ക്ത​മാ​ക്കു​ന്നു. ഈ ​ഏ​റ്റു​മു​ട്ട​ലു​ക​ളി​ൽ 23,300 കു​റ്റ​വാ​ളി​ക​ളെ അ​റ​സ്റ്റ് ചെ​യ്യു​ക​യും 5,046 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.​മു​ഖ്യ​മ​ന്ത്രി​മാ​ർ സാ​ധാ​ര​ണ പ​റ​യാ​റു​ള്ള​ത് കു​റ്റ​വാ​ളി​ക​ളെ നി​യ​മ​ത്തി​നു മു​ന്നി​ലെ​ത്തി​ക്കും എ​ന്നാ​ണെ​ങ്കി​ലും ഉ​മേ​ഷ് പാ​ൽ കൊ​ല്ല​പ്പെ​ട്ട​തി​ന്‍റെ തൊ​ട്ട​ടു​ത്ത ദി​വ​സം ഈ ​മാ​ഫി​യ​യെ ത​വി​ടു​പൊ​ടി​യാ​ക്കും എ​ന്നാ​ണ് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ് പ​റ​ഞ്ഞ​ത്. ഏ​താ​യാ​ലും ആ ​കേ​സി​ലെ മി​ക്ക പ്ര​തി​ക​ളും ത​വി​ടു​പൊ​ടി​യാ​യി. മു​ഖ്യ​മ​ന്ത്രി​യെ​ന്ന​ല്ല, ഇ​ന്ത്യ​യി​ൽ ഒ​രാ​ൾ​ക്കും നി​യ​മം കൈ​യി​ലെ​ടു​ക്കാ​നും ശി​ക്ഷ ​ന​ട​പ്പാ​ക്കാ​നു​മൊ​ന്നും അ​ധി​കാ​ര​മി​ല്ല. കു​റ്റ​വാ​ളി​ക​ൾ നി​യ​മം കൈ​യി​ലെ​ടു​ക്കു​ന്ന​തി​ലും ഭ​യാ​ന​ക​മാ​ണ് ഭ​ര​ണാ​ധി​കാ​രി​ക​ൾ അ​തു ചെ​യ്താ​ൽ.

കു​റ്റ​വാ​ളി​ക​ളു​ടെ ക്രൂ​ര​കൃ​ത്യ​ങ്ങ​ൾ ചൂ​ണ്ടി​ക്കാ​ട്ടി ഏ​റ്റു​മു​ട്ട​ൽ കൊ​ല​പാ​ത​ക​ങ്ങ​ളെ ന്യാ​യീ​ക​രി​ക്കു​ന്ന​വ​ർ, സ്വ​ന്തം പാ​ർ​ട്ടി​യി​ലെ ക്രി​മി​ന​ലു​ക​ളെ​ക്കു​റി​ച്ച് ഒ​ര​ക്ഷ​രം ഉ​രി​യാ​ടി​ല്ല. യു​പി​യി​ൽ 2022 ലെ ​തെ​ര​ഞ്ഞെ​ടു​പ്പി​ൽ വി​ജ​യി​ച്ച 403 സ്ഥാ​നാ​ർ​ത്ഥി​ക​ളി​ൽ 51 ശ​ത​മാ​നം സ്ഥാ​നാ​ർ​ത്ഥി​ക​ളും ക്രി​മി​ന​ൽ കേ​സു​ക​ളു​ള്ള​വ​രാ​ണെ​ന്നും അ​വ​രി​ൽ 39 ശ​ത​മാ​നം പേ​ർ കൊ​ല​പാ​ത​കം, ക​ലാ​പം, സ്ത്രീ​ക​ളെ അ​പ​മാ​നി​ക്ക​ൽ തു​ട​ങ്ങി​യ ഗു​രു​ത​ര​മാ​യ ആ​രോ​പ​ണ​ങ്ങ​ൾ നേ​രി​ടു​ന്നു​ണ്ടെ​ന്നും അ​സോ​സി​യേ​ഷ​ൻ ഫോ​ർ ഡെ​മോ​ക്രാ​റ്റി​ക് റി​ഫോം​സ് (എ​ഡി​ആ​ർ) റി​പ്പോ​ർ​ട്ട് വ്യ​ക്ത​മാ​ക്കു​ന്നു. ക്രി​മി​ന​ൽ കേ​സു​ക​ളു​ണ്ടാ​യി​ട്ടും വി​ജ​യി​ച്ച 205 സ്ഥാ​നാ​ർ​ത്ഥി​ക​ളി​ൽ ഏ​റ്റ​വും കൂ​ടു​ത​ൽ ബി​ജെ​പി​ക്കാ​രാ​ണെ​ന്നും (54 ശ​ത​മാ​നം) റി​പ്പോ​ർ​ട്ടു​ക​ൾ പ​റ​യു​ന്നു. അ​താ​യ​ത്, സ്വ​ന്തം പാ​ർ​ട്ടി​ക്കാ​ര​ല്ലാ​ത്ത ഗു​ണ്ട​ക​ളു​ടെ​യും കു​റ്റ​വാ​ളി​ക​ളു​ടെ​യും കാ​ര്യ​ത്തി​ൽ മാ​ത്ര​മേ യോ​ഗി​ക്ക് ധാ​ർ​മി​ക​രോ​ഷ​മു​ള്ളു. കേ​ന്ദ്ര ഏ​ജ​ൻ​സി​ക​ളു​ടെ അ​ന്വേ​ഷ​ണ​ത്തി​നു വി​ധേ​യ​രാ​കു​ന്ന​ത് 95 ശ​ത​മാ​ന​വും പ്ര​തി​പ​ക്ഷ പാ​ർ​ട്ടി​ക​ളി​ലെ മാ​ത്രം അം​ഗ​ങ്ങ​ളാ​വു​ക​യും ബി​ജെ​പി​യി​ൽ ചേ​ർ​ന്നാ​ൽ അ​ന്വേ​ഷ​ണം നി​ല​യ്ക്കു​ക​യു​മൊ​ക്കെ ചെ​യ്യു​ന്ന​തു​പോ​ലെ​യു​ള്ള ഒ​രു ധ​ർ​മ​സം​സ്ഥാ​പ​നം.

ഇ​പ്പോ​ഴ​ത്തെ നീ​തി​ന്യാ​യ സം​വി​ധാ​ന​ങ്ങ​ൾ കു​റ്റ​വാ​ളി​ക​ൾ​ക്ക് അ​ർ​ഹി​ക്കു​ന്ന ശി​ക്ഷ ന​ൽ​കു​ന്നി​ല്ലെ​ന്ന വി​ധ​ത്തി​ൽ പൊ​തു​ബോ​ധ പ്ര​ക്ഷാ​ള​നം ന​ട​ത്താ​നും അ​തി​ലൂ​ടെ യോ​ഗി​യെ​പ്പോ​ലു​ള്ള​വ​ർ​ക്ക് വീ​ര​പ​രി​വേ​ഷം ന​ൽ​കാ​നും ജ​നാ​ധി​പ​ത്യ വി​രു​ദ്ധ രാ​ഷ്‌​ട്രീ​യ​ക്കാ​ർ​ക്കും സോ​ഷ്യ​ൽ മീ​ഡി​യ​യി​ൽ ഉ​ൾ​പ്പെ​ടെ​യു​ള്ള അ​വ​രു​ടെ ഭ​ക്ത​ർ​ക്കും കു​റെ​യൊ​ക്കെ ക​ഴി​യു​ന്നു​ണ്ട്. "ഏ​റ്റു​മു​ട്ട​ൽ കൊ​ല​യാ​ളി വീ​ര​ന്മാ​രെ' അ​വ​ത​രി​പ്പി​ച്ച് മ​ല​യാ​ള​ത്തി​ലു​ൾ​പ്പെ​ടെ​യു​ള്ള ചി​ല സി​നി​മ​ക​ളും ഈ ​പൊ​തു​ബോ​ധ​സൃ​ഷ്ടി​യി​ലും തൃ​പ്തി​പ്പെ​ടു​ത്ത​ലു​ക​ളി​ലും പ​ങ്കെ​ടു​ക്കു​ന്നു​ണ്ട്. ഏ​റ്റു​മു​ട്ട​ലു​ക​ളും കൊ​ള്ള​യും കൊ​ല​പാ​ത​ക​വു​മൊ​ക്കെ ശൂ​ര​ത്വ​മാ​യി കൊ​ണ്ടു​ന​ട​ന്നി​രു​ന്ന കാ​ട്ടു​നീ​തി​യു​ടെ നി​ര​വ​ധി നൂ​റ്റാ​ണ്ടു​ക​ൾ ക​ട​ന്നാ​ണ് പ​രി​ഷ്കൃ​ത മ​നു​ഷ്യ​ൻ ജ​നാ​ധി​പ​ത്യ​ത്തി​ന്‍റെ ലോ​കം കെ​ട്ടി​പ്പ​ടു​ത്ത​ത്. അ​തി​നെ പി​ന്നി​ലേ​ക്കു കൊ​ണ്ടു​പോ​കു​ന്ന രാ​ഷ്‌​ട്രീ​യ​ക്കാ​രെ​യും ഭ​ര​ണാ​ധി​കാ​രി​ക​ളെ​യും നി​ല​യ്ക്കു നി​ർ​ത്തേ​ണ്ട​ത് ജ​നാ​ധി​പ​ത്യം നി​ല​നി​ർ​ത്താ​ൻ ആ​വ​ശ്യ​മാ​ണ്. ഇ​തു യു​ദ്ധ​ത്തി​ന്‍റെ യു​ഗ​മ​ല്ലെ​ന്ന പ്ര​ധാ​ന​മ​ന്ത്രി മോ​ദി​യു​ടെ വാ​ക്കു​ക​ളെ യോ​ഗി​യും മ​റ​ക്ക​രു​ത്.
Copyright @ 2022 , Rashtra Deepika Ltd.