ഹ​ത്രാ​സ് പീ​ഡ​നം; പെ​ൺ​കു​ട്ടി​യു​ടെ വീ​ട് സ​ന്ദ​ർ​ശി​ക്കാ​നെ​ത്തി​യ രാ​ഹു​ലി​നെ​യും പ്രി​യ​ങ്ക​യെ​യും പോ​ലീ​സ് ത​ട​ഞ്ഞു
Thursday, October 1, 2020 2:38 PM IST
ലക്നോ: ഹ​ത്രാ​സി​ല്‍ ക്രൂ​രപീഡനത്തിന് ഇ​ര​യാ​യി മ​രി​ച്ച പെ​ണ്‍​കു​ട്ടി​യു​ടെ വീ​ട് സ​ന്ദ​ര്‍​ശി​ക്കാ​നെ​ത്തി​യ കോ​ണ്‍​ഗ്ര​സ് നേ​താ​ക്ക​ളാ​യ രാ​ഹു​ല്‍ ഗാ​ന്ധി​യെ​യും പ്രി​യ​ങ്കാ ഗാ​ന്ധി​യെ​യും യു​പി പോ​ലീ​സ് ത​ട​ഞ്ഞു. ഡ​ല്‍​ഹി-​യു​പി അ​തി​ര്‍​ത്തി​യി​ല്‍ യ​മു​ന​എ​ക്‌​സ്പ്ര​സ് വേ​യി​ല്‍ വ​ച്ചാ​ണ് പോ​ലീ​സ് ഇ​വ​രെ ത​ട​ഞ്ഞ​ത്.

കൂ​ടാ​തെ, കൊ​ല്ല​പ്പെ​ട്ട പെ​ണ്‍​കു​ട്ടി​യു​ടെ വീ​ട്ടി​ലേ​ക്ക് മാ​ധ്യ​മ​പ്ര​വ​ർ​ത്ത​ക​രെ ക​ട​ത്തി​വി​ടാ​തെ പോ​ലീ​സ് വ​ഴി ത​ട​ഞ്ഞി​രി​ക്കു​ക​യാ​ണ്. വീ​ടി​ന് ഒ​ന്ന​ര​ക്കി​ലോ​മീ​റ്റ​ർ ചു​റ്റ​ള​വി​ലു​ള്ള എ​ല്ലാ റോ​ഡു​ക​ൾ പോ​ലീ​സ് അ​ട​ച്ചു. കു​ടും​ബാം​ഗ​ങ്ങ​ളു​ടെ മൊ​ഴി രേ​ഖ​പ്പെ​ടു​ത്തു​ന്ന​തി​നാ​ണ് ഇ​വി​ടേ​ക്ക് വി​ല ക്കേ​ർ​പ്പെ​ടു​ത്തി​യ​തെ​ന്നാ​ണ് വി​ശ​ദീ​ക​ര​ണം.

പാ​ർ​ട്ടി പ്ര​വ​ർ​ത്ത​ക​ർ​ക്കും ഇ​വി​ടേ​ക്ക് വി​ല​ക്കു​ണ്ട്. ഇ​തേ തു​ട​ർ​ന്ന് പ്ര​തി​ഷേ​ധ​വു​മാ​യി പ്ര​തി​പ​ക്ഷ പാ​ർ​ട്ടി​ക​ൾ രം​ഗ​ത്തെ​ത്തി. നി​ല​വി​ൽ ക്ര​മ​സ​മാ​ധാ​ന പ്ര​ശ്ന​ങ്ങ​ളി​ല്ലെ​ന്നും അ​ന്വേ​ഷ​ണ​സം​ഘം കു​ടും​ബാം​ഗ​ങ്ങ​ളു​ടെ മൊ​ഴി രേ​ഖ​പ്പെ​ടു​ത്തു​ന്ന​തി​നാ​ലാ​ണ് വി​ല​ക്ക് ഏ​ർ​പ്പെ​ടു​ത്തി​യ​തെ​ന്നും എ​ഡി​എം അ​റി​യി​ച്ചു.

അ​തേ​സ​മ​യം, തെ​ളി​വ് ന​ശി​പ്പി​ക്കാ​നാ​ണ് പോ​ലീ​സി​ന്‍റെ ശ്ര​മ​മെ​ന്നും മാ​ധ്യ​മ​ങ്ങ​ളി​ലൂ​ടെ വി​വ​ര​ങ്ങ​ൾ പു​റ​ത്ത​റി​യാ​തി​രി​ക്കാ​നാ​ണ് യോ​ഗി സ​ർ​ക്കാ​രി​ന്‍റെ ശ്ര​മ​മെ​ന്നും കോ​ൺ​ഗ്ര​സ് ഉ​ൾ​പ്പെ​ടെ​യു​ള്ള പ്ര​തി​പ​ക്ഷ പാ​ർ​ട്ടി​ക​ൾ ആ​രോ​പി​ച്ചു.

ഹ​ത്രാ​സി​ൽ ക്രൂ​ര പീ​ഡ​ന​ത്തി​ന് ഇ​ര​യാ​യി കൊ​ല്ല​പ്പെ​ട്ട പെ​ണ്‍​കു​ട്ടി​യു​ടെ മൃ​ത​ദേ​ഹം കു​ടും​ബാം​ഗ​ങ്ങ​ളെ വീ​ടി​നു​ള്ളി​ൽ പൂ​ട്ടി​യി​ട്ട് പോ​ലീ​സ് സം​സ്ക​രി​ക്കു​ക​യാ​യി​രു​ന്നു. സം​ഭ​വ​ത്തി​ൽ യോ​ഗി സ​ർ​ക്കാ​രി​നെ​തി​രേ രൂ​ക്ഷ പ്ര​തി​ക​ര​ണ​ങ്ങ​ളാ​ണ് ഉ​യ​രു​ന്ന​ത്. പെ​ൺ​കു​ട്ടി​യു​ടെ കു​ടും​ബ​ത്തി​ന് 25 ല​ക്ഷം രൂ​പ ന​ഷ്ട​പ​രി​ഹാ​ര​വും യോ​ഗി സ​ർ​ക്കാ​ർ പ്ര​ഖ്യാ​പി​ച്ചി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.