വൈത്തിരി: പോലീസ്, മോട്ടോർ വാഹനം, എക്സൈസ്, തദ്ദേശ സ്വയംഭരണം, വിദ്യാഭ്യാസം തുടങ്ങിയ വകുപ്പുകളുമായി സഹകരിച്ച് സ്കൂൾ, കോളജ് തലങ്ങളിൽ റോഡ് സുരക്ഷയ്ക്കും ലഹരി വ്യാപനം തടയുന്നതിനും ബോധവത്കരണവും ബസ്‌സ്റ്റാൻഡുകൾ കേന്ദ്രീകരിച്ച് ജനസദസുകളും സംഘടിപ്പിക്കുന്നതു തുടരാൻ റോഡ് ആക്സിഡന്‍റ് ആക്ഷൻ ഫോറം(റാഫ്) ജില്ലാ കണ്‍വൻഷൻ തീരുമാനിച്ചു.
സംസ്ഥാന പ്രസിഡന്‍റ് ഡോ.കെ.എം. അബ്ദു ഉദ്ഘാടനം ചെയ്തു. കൽപ്പറ്റ മുൻസിപ്പൽ പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സണ്‍ പി. രാജാറാണി അധ്യക്ഷത വഹിച്ചു.
വിജയൻ കൊളത്തായി, അനീഷ് മലാപറന്പ്, എ.കെ. അഷറഫ്, ടി.പി.എ. മജീദ്, മൊയ്തു മുട്ടായി, ഹസൻ കച്ചേരി, മുഹമ്മദ് ഫാരിസ്, വൈത്തിരി പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സണ്‍ ഒ. ജിൻഷ, മെംബർമാരായ കെ.ആർ. ഹേമലത, വത്സല സദാനന്ദൻ,
മേരിക്കുട്ടി മൈക്കിൾ, ഡോളി ജോസ്, വി.എസ്. സുജിന, കെ. ഉഷ, റാഫ് നേതാക്കളായ ലൈജു റഹിം, സാബിറ ചേളാരി, സജി മണ്ഡലത്തിൽ, കെ.പി. സെയ്തലവി, കെ.ജെ. ജോണ്, പി. ശങ്കരനാരായണൻ, ടി. റഫീഖ്, നൗഫൽ മേപ്പാടി, പി.കെ. സുകുമാരൻ, ലൈജു റഹിം, പി.സി. അസൈനാർ എന്നിവർ പ്രസംഗിച്ചു.