ഓ​ഞ്ഞി​ത്തോ​ട് റീ​സ​ർ​വേ : ത​ർ​ക്ക പ്ര​ദേ​ശ​ങ്ങ​ളി​ൽ നാ​ളെ പോ​ലീ​സ് സം​ര​ക്ഷ​ണ​യി​ൽ ക​ല്ലി​ട​ൽ
Wednesday, June 18, 2025 3:47 AM IST
ആ​ലു​വ: മൂ​ന്ന് വ​ർ​ഷ​ത്തി​ന് ശേ​ഷം റീ​സ​ർ​വേ പൂ​ർ​ത്തി​യാ​യ ഓ​ഞ്ഞി​ത്തോ​ടി​ൽ നാ​ളെ പോ​ലീ​സ് സ​ഹാ​യ​ത്തോ​ടെ അ​തി​ർ​ത്തി ക​ല്ലു​ക​ളി​ടും. പ്ര​ശ്ന​ബാ​ധി​ത മേ​ഖ​ല​യാ​യ ഏ​ലൂ​ക്ക​ര​യി​ലെ 37 അ​ട​ക്കം 213 അ​തി​ർ​ത്തി​ക​ല്ലു​ക​ളാ​ണ് തോ​ട് ക​ട​ന്നു പോ​കു​ന്ന മേ​ഖ​ല​ക​ളി​ൽ ഇ​നി​യും സ്ഥാ​പി​ക്കേ​ണ്ട​ത്. മൂ​ന്ന് വ​ർ​ഷം നീ​ണ്ട സ​ർവേ​യി​ൽ 300 ഓ​ളം ക​ല്ലു​ക​ൾ സ്ഥാ​പി​ച്ചി​രു​ന്നു.

ക​ടു​ങ്ങ​ല്ലൂ​ർ പ​ഞ്ചാ​യ​ത്തി​ൽ 404, ആ​ല​ങ്ങാ​ട് പ​ഞ്ചാ​യ​ത്തി​ൽ 183 ഉ​ൾ​പ്പെ​ടെ ആ​കെ 587 ക​ല്ലു​ക​ളാ​ണ് ആ​കെ ഉ​ള്ള​ത്. ഇ​നി ഇ​ടേ​ണ്ട 213 ൽ 132, 81 ​ക​ല്ലു​ക​ളാ​ണ് യ​ഥാ​ക്ര​മം ക​ടു​ങ്ങ​ല്ലൂ​ർ, ആ​ല​ങ്ങാ​ട് പ​ഞ്ചാ​യ​ത്തു​ക​ളി​ലാ​യി സ്ഥാ​പി​ക്കേ​ണ്ട​ത്. ഏ​റ്റ​വും കൂ​ടു​ത​ൽ ത​ർ​ക്കം ഉ​ള്ള​ത് ഇ​ല​ഞ്ഞി ചു​വ​ടി​ലാ​ണ്.

ര​ണ്ട് പ​ഞ്ചാ​യ​ത്തു​ക​ളി​ലാ​യി ഓ​ഞ്ഞി​ത്തോ​ടി​ന്‍റെ 64 കൈ​യേ​റ്റ​ങ്ങ​ളാ​ണ് മൂ​ന്ന് ഘ​ട്ട​ങ്ങ​ളാ​യി ന​ട​ത്തി​യ റീ​സ​ർ​വ്വെ​യി​ൽ ക​ണ്ടെ​ത്തി​യ​ത്. 2022 ൽ ​പു​ഴ​യു​ടെ അ​തി​ർ​ത്തി നി​ർ​ണ​യം ന​ട​ത്തി​യെ​ങ്കി​ലും അ​തി​ർ​ത്തി ക​ല്ലു​ക​ൾ മു​ഴു​വ​നാ​യി സ്ഥാ​പി​ക്കു​ന്ന​തി​ൽ ക​ടു​ങ്ങ​ല്ലൂ​ർ ആ​ല​ങ്ങാ​ട് പ​ഞ്ചാ​യ​ത്തു​ക​ൾ, സ​ർ​ക്കാ​ർ വ​കു​പ്പു​ക​ളും താ​ത്പ​ര്യം എ​ടു​ത്തി​ല്ലെ​ന്നാ​ണ് ഓ​ത്തി​ത്തോ​ട് സം​ര​ക്ഷ​ണ സ​മി​തി​യു​ടെ പ​രാ​തി.

ഓ​ഞ്ഞി​ത്തോ​ട് സം​ര​ക്ഷ​ണ ജ​ന​കീ​യ സ​മി​തി​യു​ടെ നേ​തൃ​ത്വ​ത്തി​ൽ ഹൈ​ക്കോ​ട​തി​യെ വീ​ണ്ടും സ​മീ​പി​ച്ച​തോ​ടെ​യാ​ണ് മു​ട​ങ്ങി​ക്കി​ട​ന്ന സ​ർ​വേ ന​ട​പ​ടി​ക​ൾ പു​ന:​രാ​രം​ഭി​ച്ച​ത്.

ക​ടു​ങ്ങ​ല്ലൂ​ർ ഗ്രാ​മ​പ​ഞ്ചാ​യ​ത്തി​ലെ വി​വി​ധ പ്ര​ദേ​ശ​ങ്ങ​ളി​ൽ മ​ഴ​ക്കാ​ല​ത്ത് അ​നു​ഭ​വ​പ്പെ​ടു​ന്ന വെ​ള്ള​ക്കെ​ട്ടി​ന് പ​രി​ഹാ​ര​മാ​യി ഓ​ഞ്ഞി​ത്തോ​ട് വൃ​ത്തി​യാ​ക്കു​ന്ന പ​ദ്ധ​തി ന​ട​പ്പി​ലാ​ക്കു​മെ​ന്ന് മ​ന്ത്രി പി. ​രാ​ജീ​വ് പ​റ​ഞ്ഞു. ഓ​പ്പ​റേ​ഷ​ൻ വാ​ഹി​നി​യി​ൽ പെ​ടു​ത്തി​യാ​ണ് ശു​ചീ​ക​ര​ണം ന​ട​പ്പി​ലാ​ക്കു​ക.
Copyright @ 2018 , Rashtra Deepika Ltd.