ചെമ്പേരി: ചെറുപുഷ്പ മിഷൻലീഗ് തലശേരി അതിരൂപത കലോത്സവത്തിൽ വായാട്ടുപറമ്പ് മേഖല ഒന്നാം സ്ഥാനം നേടി. ആലക്കോട്, തോമാപുരം മേഖലകൾക്കാണ് രണ്ടും മൂന്നും സ്ഥാനങ്ങൾ.
ചെമ്പേരി നിർമല ഹയർ സെക്കൻഡറി സ്കൂൾ ഓഡിറ്റോറിയത്തിൽ നടന്ന കലോത്സവം ഫൊറോന വികാരി റവ.ഡോ. ജോർജ് കാഞ്ഞിരക്കാട്ട് ഉദ്ഘാടനം ചെയ്തു. അതിരൂപത പ്രസിഡന്റ് സുനിൽ കല്ലിടുക്കിൽ അധ്യക്ഷത വഹിച്ചു.
അതിരൂപത ഡയറക്ടർ ഫാ. ജോസഫ് വടക്കേപ്പറമ്പിൽ, സംസ്ഥാന പ്രസിഡന്റ് ബേബി പ്ലാശേരിൽ, ജെയ്സൺ പുളിച്ചുമാക്കൽ, സുനിൽ ചെന്നിക്കര എന്നിവർ പ്രസംഗിച്ചു.
ബിജു കൊച്ചുപൂവക്കോട്ട്, സിസ്റ്റർ ട്രീസ എഫ്സിസി, സിസ്റ്റർ റോഷ്നി എഫ്സിസി, ജോബി പനച്ചിക്കൽകരോട്ട്, ഷിജോ സ്രായിൽ, ഷേർലി പാമ്പനാൽ, ഏലിക്കുട്ടി എടാട്ട്, ഷിജോ പുതുപ്പറമ്പിൽ, മിനി ആശാരിപ്പറമ്പിൽ, ഓമന കുര്യാലപ്പുഴ, സണ്ണി പടിഞ്ഞാറേചിറ്റേടത്ത്, ബെന്നി മാടപ്പാട്ട് എന്നിവർ നേതൃത്വം നൽകി.
അതിരൂപതയുടെ 17 മേഖലകളിൽ നടത്തിയ മത്സരത്തിൽ വിജയികളായവരാണ് അതിരൂപതതല മത്സരത്തിൽ പങ്കെടുത്തത്.